ਪੰਜਾਬੀ ਫਿਲਮਾਂ ਦੀ ਜਿੰਦ-ਜਾਨ ਅਤੇ ਇੱਕ ਸਫਲ ਕਮੇਡੀਅਨ ਕਰਮਜੀਤ ਅਨਮੋਲ ਉਹ ਨਾਮ ਹੈ ਜੋ ਕਿਸੇ ਜਾਣ-ਪਛਾਣ ਦਾ ਮੁਥਾਜ ਨਹੀਂ ਕਰਮਜੀਤ ਅਨਮੋਲ ਨੇ ਜਿਥੇ ਫਿਲਮ ਜਗਤ ਵਿੱਚ ਆਪਣੀ ਅਦਾਕਾਰੀ ਦਾ ਲੋਹਾ ਮਨਵਾਇਆ ਹੈ ਉਥੇ ਹੀ ਗਾਇਕੀ ਦੇ ਖੇਤਰ ਵਿੱਚ ਆਪਣੀ ਸੁਰੀਲੀ ਤੇ ਦਮਦਾਰ ਆਵਾਜ ਸਦਕਾ ਵਿਲੱਖਣ ਪਹਿਚਾਣ ਬਣਾਈ ਹੈ ਕਰਮਜੀਤ ਅਨਮੋਲ ਦੇ ਗਾਏ ਗੀਤਾਂ “ ਰੋ-ਰੋ ਨੈਣਾਂ ਨੇ ਲਾਈਆਂ ਝੜੀਆਂ ” ਅਤੇ “ ਯਾਰਾ ਵੇ ਯਾਰਾ ” ਸਣੇ ਗਾਏ ਅਨੇਕਾਂ ਹੀ ਸੁਰਹਿੱਟ ਗੀਤਾਂ ਨੂੰ ਸਰੋਤਿਆਂ ਨੇ ਭਰਪੂਰ ਪਿਆਰ ਦਿੱਤਾ।

 ਹਾਲ ਹੀ ਵਿੱਚ ਕਰਮਜੀਤ ਅਨਮੋਲ ਆਪਣੇ ਪਰਮ ਮਿੱਤਰ ਕਲਮ ਦੇ ਧੰਨੀ ਪੰਜਾਬੀ ਗੀਤਕਾਰੀ ਦੇ ਖੇਤਰ ਵਿੱਚ ਮੱਲਾਂ ਮਾਰਨ ਵਾਲੇ ਛੈਲ-ਛਬੀਲੇ ਗੱਭਰੂ ਗਾਇਕ ਗੁਰਬਿੰਦਰ ਮਾਨ ਨਾਲ ਸਿੰਗਲ ਟਰੈਕ “ਵੇਖੀਂ ਜਾਨੀ ਏ ” ਲ਼ੈ ਕੇ ਸਰੋਤਿਆਂ ਦੇ ਰੂਬਰੂ ਹੋਇਆ ਹੈ। ਗੁਰਬਿੰਦਰ ਮਾਨ ਉਹ ਗੀਤਕਾਰ ਹੈ ਜਿਸਦੀ ਕਲਮ ਨੇ ਅਨੇਕਾਂ ਹੀ ਹਿੱਟ ਗੀਤਾਂ ਨੂੰ ਜਨਮ ਦਿੱਤਾ ਜੋ ਕਾਫੀ ਮਕਬੂਲ ਹੋਏ ਗੁਰਬਿੰਦਰ ਦੇ ਲਿਖੇ ਗੀਤ “ ਝੂਠੀ ਏਂ ਤੂੰ ਝੂਠੀ ਸੱਚੀ ਨਈ ”, “ ਜਾਨ ਵੀ ਵਾਰ ਦਿਆਂ ” ਅਤੇ “ ਮੈਂ ਤੈਨੂੰ ਗਵਾ ਬੈਠਾ ” ਗੀਤਾਂ ਨੂੰ ਸੁਰਾਂ ਦੇ ਧੰਨੀ ਗਾਇਕ ਨਛੱਤਰ ਗਿੱਲ ਨੇ ਆਪਣੀ ਦਮਦਾਰ ਆਵਾਜ ਵਿੱਚ ਗਾਇਆ। ਇਸੇ ਤਰਾਂ ਗੁਰਬਿੰਦਰ ਦੀ ਕਲਮ ਤੋਂ ਉਕਰੇ ਗੀਤ “ ਵੇਖ ਕੇ ਹਸਦੀ ਐ ” ਨੂੰ ਗਾਇਕ ਐਮੀ ਵਿਰਕ ਨੇ ਮੰਜੇ ਬਿਸਤਰੇ ਫਿਲਮ ਦੇ ਵਿੱਚ ਗਾਇਆ। ਗੀਤਕਾਰੀ ਦੇ ਇਸ ਸਫਰ ਚ ਗੁਰਬਿੰਦਰ ਦੇ ਲਿਖੇ ਗੀਤਾਂ ਨੂੰ ਗਾਇਕ ਇੰਦਰਜੀਤ ਨਿੱਕੂ,ਗੀਤਾ ਜੈਲਦਾਰ,ਮਾਸਟਰ ਸਲੀਮ,ਹਰਦੇਵ ਮਾਹੀਨੰਗਲ ਸਣੇ ਅਨੇਕਾਂ ਹੀ ਸੁਪ੍ਰਸਿੱਧ ਗਾਇਕਾਂ ਨੇ ਗਾਇਆ।ਆਉਣ ਵਾਲੇ ਦਿਨਾਂ ਚ ਗੁਰਬਿੰਦਰ ਮਾਨ ਦਾ ਲ਼ਿਖਿਆ ਗੀਤ ਪ੍ਰਸਿੱਧ ਗਾਇਕ ਅਤੇ ਅਦਾਕਾਰ ਗਿੱਪੀ ਗਰੇਵਾਲ ਦੀ ਸੁਰੀਲੀ ਅਵਾਜ ਚ ਸਰੋਤਿਆਂ ਦੇ ਰੂਬਰੂ ਕੀਤਾ ਜਾਵੇਗਾ।ਜਿਥੇ ਗੀਤਕਾਰੀ ਦੇ ਖੇਤਰ ਚ ਗੁਰਬਿੰਦਰ ਨੇ ਚੰਗਾ ਨਾਮਣਾ ਖੱਟ ਚੁਫੇਰਿਉਂ ਵਾਹ-ਵਾਹ ਖੱਟੀ ਹੈ ਉਥੇ ਹੀ ਆਪਣੀ ਦਿੱਲਕਸ਼ ਆਵਾਜ ਰਾਹੀਂ ਗਾਇਕੀ ਦੇ ਖੇਤਰ ਵਿੱਚ ਵੀ ਗੁਰਬਿੰਦਰ ਮਾਨ ਪੂਰਾ ਬਰਾਬਰ ਨਿਵ ਰਿਹਾ ਹੈ।

ਸਰੋਤਿਆਂ ਵੱਲੋਂ ਮਿਲੇ ਭਰਵੇਂ ਹੁੰਗਾਰੇ ਤੇ ਪਿਆਰ ਨੂੰ ਬਰਕਰਾਰ ਰੱਖਦਿਆਂ ਬੱਲੂ-ਹਾੱਕ ਪ੍ਰੋਡਕਸ਼ਨ ਦੀ ਸੁੱਚਜੀ ਪੇਸ਼ਕਾਰੀ ਹੇਠ ਗਾਇਕ ਗੁਰਬਿੰਦਰ ਮਾਨ ਦੀ ਆਪਣੀ ਕਲਮ ਅਤੇ ਮਿਸਟਰ ਵਾੳ ਦੇ ਸੰਗੀਤ ਨਾਲ ਸ਼ਿੰਗਾਰਿਆ ਗੀਤ “ ਵੇਖੀਂ ਜਾਨੀ ਏ ” ਲੈ ਕੇ ਸਰੋਤਿਆਂ ਦੀ ਕਚਿਹਰੀ ਚ ਹਾਜ਼ਰ ਹੋਇਆ ਹੈ ਜੋ ਵੱਖ-ਵੱਖ ਚੈਨਲਾਂ ਦੇ ਨਾਲ ਨਾਲ ਸੋਸ਼ਲ ਸਾਇਟ ਯੂ-ਟਿਊਬ,ਵੱਟਸਐਪ,ਅਤੇ ਫੇਸਬੁੱਕ ਆਦਿ ਤੇ ਖੂਬ ਧਮਾਲਾਂ ਪਾ ਰਿਹਾ ਹੈ ਇਸ ਗੀਤ ਸਬੰਧੀ ਗਾਇਕ ਗੁਰਬਿੰਦਰ ਮਾਨ ਨੇ ਕਿਹਾ ਕਿ ਇਹ ਗੀਤ ਜੋ ਸਾਡੀ ਟੀਮ ਨੇ ਬਹੁਤ ਮਿਹਨਤ ਤੇ ਲਗਨ ਨਾਲ ਤਿਆਰ ਕੀਤਾ ਹੈ ਨੂੰ ਸਰੋਤਿਆਂ ਵੱਲੋਂ ਭਰਭੂਰ ਪਿਆਰ ਮਿਲ ਰਿਹਾ ਜਿਸਦਾ ਉਹ ਰਿਣੀ ਹੈ।ਇਸ ਮੋਕੇ ਉਨਾਂ ਇਸ ਗੀਤ ਲਈ ਉਹਨਾਂ ਦਾ ਭਰਭੂਰ ਸਹਿਯੋਗ ਦੇਣ ਲਈ ਆਪਣੀ ਸਮੁੱਚੀ ਟੀਮ ਅਤੇ ਸਰੋਤਿਆਂ ਦਾ ਵਿਸੇਸ਼ ਤੌਰ ਤੇ ਧੰਨਵਾਦ ਕੀਤਾ। (27/01/2018)
 ਗੁਰਪ੍ਰੀਤ ਬੱਲ,  ਰਾਜਪੁਰਾ 

Terms and Conditions
Privacy Policy
© 1999-2018 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2018, 5abi.com