ਕਾਮਯਾਬੀਆਂ ਦੀਆਂ ਮੰਜ਼ਿਲਾਂ ਦੇ ਰੱਥ ਦਾ ਸ਼ਾਹ-ਅਸਵਾਰ ਬਨਣਾ ਜਾਂ ਨਾ ਬਣਨਾ ਤਾਂ ਵਕਤ ਦੀ ਖੇਡ ਹੈ,ਪਰ ਕੁਝ ਲੋਕ ਮਿਹਨਤ ਦੇ ਬਲਬੂਤੇ ਪੱਥਰ ਤੇ ਲਕੀਰ ਵਾਂਗ ਐਨੇ ਦ੍ਰਿੜ ਇਰਾਦੇ ਵਾਲੇ ਹੁੰਦੇ ਹਨ ਕਿ ਹਨੇਰੀਆਂ/ ਝੱਖੜ ਝੋਲਿਆਂ ਦੀਆਂ ਗਰਦਸ਼ਾਂ ਵਿੱਚ ਵ ਿਹਿੰਮਤ ਹਾਰ ਕੇ ਨਹੀਂ ਬਹਿੰਦੇ,ਸਗੋਂ ਦਿਨ-ਬ-ਦਿਨ ਫੁੱਲਾਂ ਦੀ ਖੁਸ਼ਬੋਈ ਵਾਂਗ ਹਮੇਸਾਂ ਤਰੋ-ਤਾਜ਼ਾ ਮਨ ਲੈ ਕੇ ਆਪਣੇ ਮਿਥੇ ਹੋਏ ਟੀਚੇ ਵੱਲ ਆਪਣੀਆਂ ਨਜ਼ਰਾਂ ਟਿਕਾਈ ਰੱਖਦੇ ਹਨ।ਬਾਕੀ ਅਜੋਕੇ ਸਮੇਂ ਦੇ ਸੰਗੀਤਕਾਰੀ ਖੇਤਰ ਵੱਲੀ ਝਾਤ ਮਾਰੀਏ ਤਾਂ ਇਹਦੇ ਵਿੱਚ ਆਪਣਾ ਨਾਮ ਬਣਾਉਣਾ ਤੇ ਇੱਕ ਨਿਵੇਕਲੇ ਜਿਹੇ ਉੱਭਰ ਕੇ ਸਾਹਮਣੇ ਆਉਣਾ ਕਿਹੜਾ ਸੁਖਾਲਾ ਹੈ।ਇਹਦੇ ਲਈ ਅਟੁੱਟ ਆਤਮ-ਵਿਸ਼ਵਾਸ,ਬੁਲੰਦ ਹੌਸਲਾ,ਸੱਚੀ-ਸੁੱਚੀ ਸ਼ੁਰ-ਸਾਧਨਾ ਤੇ ਬੜੀ ਹੀ ਸਖਤ ਲਗਨ ਦੇ ਜਰੀਏ ਪੰਜਾਬੀ ਸੰਗੀਤਕਾਰੀ ਦੇ ਵਿਹੜੇ ਵਿੱਚ ਸੰਦਲੀ ਪੈੜਾਂ ਪਾਈਆਂ ਜਾ ਸਕਦੀਆਂ ਹਨ।ਜੋ ਵਕਤੀ ਕਰਵਟਾਂ ਦੇ ਹੁਨਰ ‘ਤੇ ਯਕੀਨ ਰੱਖਦੇ ਹਨ, ਉਹਨਾਂ ਲਈ ਹਰ ਹੀਲਾ-ਵਸੀਲਾ ਹਮੇਸ਼ਾ ਲਾਹੇਵੰਦ ਸਿੱਧ ਹੁੰਦਾ ਹੈ ਤੇ ਉਹ ਇੱਕ-ਨਾ-ਇੱਕ ਦਿਨ ਪ੍ਰਾਪਤੀਆਂ ਦੇ ਆਨੰਦਮਈ ਪਲਾਂ ਨੂੰ ਮਾਣਦੇ ਨੇ, ਜਨਾਬ! ਉਹਨਾਂ ਵਿੱਚੋਂ ਹੀ ਇੱਕ ਨਾਂ ਹੈ, ਜਿਹੜਾ ਅਜੋਕੇ ਸੰਗੀਤਕ ਖੇਤਰ ਦਾ ਸਮਰੱਥ ਸੰਗੀਤਕਾਰ - ਸ਼ਾਹਰੁਖ ਥਿੰਦ।

ਸੰਗੀਤਕਾਰ ਸ਼ਾਹਰੁਖ ਥਿੰਦ ਦਾ ਜਨਮ 30 ਕੁ ਵਰ੍ਹੇ ਪਹਿਲਾ ਜਿਲ੍ਹਾਂ ਫਿਰੋਜਪੁਰ ਦੇ ਪਿੰਡ ਚੱਕ ਮਹੰਤਾਂ ਵਾਲਾ (ਬੁੰਗਾ) ਵਿੱਚ ਪਿਤਾ ਸ੍ਰੀ ਵਿਸਾਵਾ ਰਾਮ ਸੇਵਕ ਜੀ (ਉੱਘੇ ਕਵੀਸ਼ਰ ਤੇ ਧਾਰਮਿਕ ਲੇਖਕ) ਦੇ ਘਰ ਮਾਤਾ ਸ੍ਰੀਮਤੀ ਸਵ. ਸ੍ਰੀਮਤੀ ਕੁਸੱਲਿਆਂ ਦੇਵੀ ਜੀ ਦੀ ਕੁੱਖੋਂ ਹੋਇਆ। ਵੱਡੇ ਵੀਰ ਡਾ. ਮਲਕੀਤ ਥਿੰਦ (ਸੀਨੀਅਰ ਲੀਡਰ ਆਪ,ਪੰਜਾਬ), ਦਿਲਖੁਸ਼ ਥਿੰਦ (ਗਾਇਕ/ ਸੰਗੀਤਕਾਰ) ਅਤੇ ਭੈਣ ਕੈਲਾਸ ਰਾਣੀ ਦਾ ਲਾਡਲਾ ਵੀਰ ਸ਼ਾਹਰੁਖ ਥਿੰਦ ਆਪਣੀ ਪੜ੍ਹਾਈ ਪੂਰੀ ਕਰਨ ਉਪਰੰਤ ਆਪਣੇ ਭਰਾ ਦਿਲਖੁਸ਼ ਨਾਲ ਆਪਣੇ ਉਸਤਾਦ ਜਨਾਬ ਨਿਰਮਲ ਸਿੱਧੂ ਜੀ ਦੇ ਜਾ ਚਰਨੀ ਲੱਗਿਆ,ਜਿੱਥੇ ਦੋਵਾਂ ਭਰਾਵਾਂ ਨੇ ਸੰਗੀਤ ਦੀਆ ਬਾਰੀਕੀਆਂ ਬਾਰੇ ਗੁਰੂ ਜੀ ਤੋਂ ਸਿੱਖਿਆ ਤੇ ਸੰਗੀਤਕ ਦੁਨੀਆ ਬਾਰੇ ਜਾਣਿਆ।ਗੁਰੂ ਜੀ ਦੀ ਸੰਗਤ ਕਰਨ ਤੋਂ ਬਾਦ ਉਹਨਾਂ ਨੇ ਕਈ ਹੋਰ ਸਟੂਡੀਓਜ਼ ਵਿੱਚ ਕੰਮ ਕਰਿਆ। ਜਦ ਮਨ ਨੂੰ ਪੂਰੀ ਸ਼ੰਤੁਸਟੀ ਨਾ ਮਿਲੀ ਤਾਂ ਫੇਰ ਦੋਨਾਂ ਭਰਾਵਾਂ ਨੇ ਚੰਡੀਗੜ੍ਹ ਵਿੱਚ ਆਪਣਾ ਸੁਰਮੰਦਰ ਸਟੂਡੀਓ ਕੀਤਾ। ਮਾਲਕ ਨੇ ਉਹਨਾਂ ਦੀ ਮਿਹਨਤ ਨੂੰ ਖੂਬ ਫ਼ਲ/ ਫੁੱਲ ਲਾਇਆ ਤਾਂ ਸੰਗੀਤਕਾਰ ਜੋੜੀ ਵਜੋਂ ਦਿਲਖੁਸ਼ ਬ੍ਰਦਰਜ ਦਾ ਨਾਂ ਨਾਮੀ ਸੰਗੀਤਕਾਰਾਂ ਦੀ ਕਤਾਰ ਵਿੱਚ ਸ਼ਾਮਿਲ ਹੋ ਗਿਆ। ਵਿਨੋਦ ਸਹਿਗਲ, ਜਸਪਿੰਦਰ ਨਰੂਲਾ, ਸੁਰਿੰਦਰ ਛਿੰਦਾ, ਰਾਜ ਬਰਾੜ, ਕਰਤਾਰ ਰਮਲਾ, ਹਰਦੇਵ ਮਾਹੀਨੰਗਲ, ਹਰਿੰਦਰ ਸੰਧੂ, ਨਿਰਮਲ ਸਿੱਧੂ, ਗੁਰਵਿੰਦਰ ਬਰਾੜ, ਕੁਲਵਿੰਦਰ ਕੰਵਲ-ਸਪਨਾ ਕੰਵਲ, ਮਨਜੀਤ ਸੰਧੂ-ਕੁਲਵੰਤ ਕੌਰ, ਮਿਸ. ਪੂਜਾ, ਸ਼ੁਦੇਸ ਕੁਮਾਰੀ, ਪ੍ਰਵੀਨ ਭਾਰਟਾ, ਗੁਰਲੇਜ਼ ਅਖਤਰ, ਹਰਮਨਦੀਪ, ਅਨੀਤਾ ਸਮਾਣਾ, ਜਸਵਿੰਦਰ ਬਰਾੜ, ਹਰਪ੍ਰੀਤ ਢਿੱਲੋ, ਅੰਗਰੇਜ ਅਲੀ, ਕੇ. ਐਸ. ਮੱਖਣ, ਦਲਵਿੰਦਰ ਦਿਆਲਪੁਰੀ, ਭਿੰਦੇ ਸ਼ਾਹ ਰਾਜੋਵਾਲੀਆਂ-ਜਸਪ੍ਰੀਤ ਕੌਰ, ਬਲਵੀਰ ਚੋਟੀਆਂ-ਜੈਸਮੀਨ ਚੋਟੀਆਂ, ਯੁੱਧਵੀਰ ਮਾਣਕ, ਚਰਨਜੀਤ ਚੰਨੀ, ਜਸਵੰਤ ਪੱਪੂ-ਰਾਜਾ ਮੌੜ, ਹੁਸਨਦੀਪ-ਕੁਲਦੀਪ ਦੀਪੂ, ਸੁਮਨ ਭੱਟੀ, ਜੱਸੀ ਜਸਪਾਲ, ਬਲਜਿੰਦਰ ਰਿੰਪੀ, ਮਨਦੀਪ ਲੱਕੀ, ਸੁਨੀਤਾ ਰੱਤੂ, ਪਾਲੀ ਸਿੱਧੂ, ਕਮਲਜੋਤ, ਕਿਰਨ ਸ਼ਰਮਾਂ, ਨਿੰਮਾ ਰਾਜਸਥਾਨੀ, ਮੁਖਤਿਆਰ ਮਣਕਾ, ਨਵਦੀਪ ਸੰਧੂ, ਭਿੰਦਰ ਜੈਤੋ-ਬੀਬਾ ਸਾਬਰ, ਪੀ. ਟੀ. ਇਕਬਾਲ, ਬੂਟਾ ਭਾਈਰੂਪਾ, ਸੁਖਪਾਲ ਪਾਲੀ, ਲਵਜੀਤ, ਮੀਤ ਬਰਾੜ-ਹਰਮਨਦੀਪ, ਜੱਜ ਬਰਾੜ-ਕਿੱਟੂ ਬਾਦਸ਼ਾਹ, ਇੰਦਰਜੀਤ ਲੰਡਨ, ਅਮਰਜੀਤ ਨਗੀਨਾ ਅਤੇ ਬਰਿਜ ਸੁਖੀਆ ਆਦਿ ਗਾਇਕਾ-ਗਾਇਕਾਵਾਂ ਦੇ ਗੀਤਾਂ ਨੂੰ ਸੰਗੀਤਬੱਧ ਕੀਤਾ। ਅੱਜਕੱਲ੍ਹ ਚੰਡੀਗੜ੍ਹ ਵਾਲੇ ਸਟੂਡੀਓ ਨੂੰ ਦਿਲਖੁਸ਼ ਥਿੰਦ ਚਲਾ ਰਿਹਾ ਅਤੇ ਬਠਿੰਡਾ ਵਿਖੇ ਸਾਹਰੁਖ ਥਿੰਦ ਆਪਣਾ ਸੁਰਮੰਦਰ ਡਿਜੀਟਲ ਸਟੂਡੀਓ ਬਣਾਕੇ ਲਗਾਤਾਰ ਕੰਮ ਕਰ ਰਿਹਾ।

ਰਾਜਾ ਸਿੱਧੂ-ਰਾਜਵਿੰਦਰ ਕੌਰ ਦਾ ਟਰੈਕ “ਜਿਓਣਾ ਮੌੜ”, ਜਗਰੂਪ ਸਿੱਧੂ ਦਾ “ਬਲੈਕ ਮਨੀ”, ਜਸਵੰਤ ਪੱਪੂ-ਸਤਵਿੰਦਰ ਕੌਰ ਦਾ “500 ਦਾ ਨੋਟ” ਅਤੇ ਗਿੱਲ ਫ਼ਿਲਮਜ਼ ਦੀ ਕਾਮੇਡੀ ਫ਼ਿਲਮ “ਮੂਰਖ 420” ਆਦਿ ਪ੍ਰੋਜੈਕਟ ਸੰਗੀਤਕਾਰ ਸਾਹਰੁਖ ਥਿੰਦ ਦੇ ਸੰਗੀਤ ਵਿੱਚ ਇਸ ਵੇਲੇ ਚੈਨਲਾਂ ਦੀ ਸ਼ਾਨ ਬਣੇ ਹੋਏ, ਸਫਲਤਾ ਪੂਰਵਕ ਚੱਲ ਰਹੇ ਹਨ। ਜਲਦੀ ਹੀ ਸਾਹਰੁਖ ਥਿੰਦ ਡੇ ਸੰਗੀਤ ਵਿੱਚ ਬਲਵੀਰ ਚੌਟੀਆਂ-ਜੈਸਮੀਨ ਚੌਟੀਆਂ, ਸਿੰਦਾ ਸ਼ੋਕੀ-ਮਿਸ. ਰਿਮਜ, ਹੁਕਮ ਜਮਾਲਗੜ੍ਹੀ-ਕਮਲ ਸ਼ੇਰਗਿੱਲ, ਜੱਸੀ ਭੁੱਲਰ-ਮਿਸ. ਪੂਨਮ ਸਹੋਤਾ, ਗੁਰਪ੍ਰੀਤ ਧਾਲੀਵਾਲ, ਜੋਗਿੰਦਰ ਕਾਕਾ ਅਤੇ ਮਾਣਕਪ੍ਰੀਤ ਦੇ ਪ੍ਰੋਜੈਕਟ ਆ ਰਹੇ ਨੇ।

ਮਿਲਣਸਾਰ ਤੇ ਹੱਸਮੁੱਖ ਸੁਭਾਅ ਦਾ ਮਾਲਕ ਸੰਗੀਤਕਾਰ ਸ਼ਾਹਰੁਖ ਥਿੰਦ ਇਸ ਸਮੇਂ ਆਪਣੀ ਊਸਾ ਰਾਣੀ, ਬੇਟੀ ਸੁਖਮਨਦੀਪ ਅਤੇ ਬੇਟੇ ਅਲਾਪ ਨਾਲ ਬੀਬੀਵਾਲਾ ਰੋਡ, ਬਠਿੰਡਾ ਵਿੱਚ ਖੁਸ਼ਨੁਮਾ ਜ਼ਿੰਦਗੀ ਦੇ ਪਲ ਬਤੀਤ ਕਰ ਰਿਹਾ ਹੈ। ਪ੍ਰਮਾਤਮਾ ਸੰਗੀਤਕਾਰ ਸਾਹਰੁਖ ਥਿੰਦ ਦੀ ਮਿਹਨਤ ਤੇ ਲਗਨ ਨੂੰ ਖੂਬ ਤਰੱਕੀਆਂ ਬਖਸ਼ੇ ਅਤੇ ਸਾਰੀ ਦੁਨੀਆਂ ‘ਤੇ ਉਹਦਾ ਨਾਮ ਹੋਵੇ।

ਗੁਰਬਾਜ ਗਿੱਲ 98723-62507
{ਸੰਪਾਦਕ- ਜਸਟ ਪੰਜਾਬੀ}
ਨੇੜੇ ਬੱਸ ਸਟੈਂਡ, ਸਾਹਮਣੇ ਛੋਟਾ ਗੇਟ, ਬਠਿੰਡਾ (ਪੰਜਾਬ) -151001

Terms and Conditions
Privacy Policy
© 1999-2012, 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2012, 5abi.com