ਬੂਟਾ ਸੋਨੀ

ਪੰਜਾਬੀ ਗਾਇਕੀ ਦਾ ਖੇਤਰ ਬਹੁਤ ਵਿਸ਼ਾਲ ਹੈ, ਇਸ ਵਿੱਚ ਹਰ ਰੋਜ਼ ਨਵੇਂ ਮੁਸਾਫਿਰ ਆਉਦੇ ਜਾਂਦੇ ਰਹਿੰਦੇ ਨੇ, ਕਿਉਂਕਿ ਉਹ ਲੋਕ ਬਿਨਾਂ ਮਿਹਨਤ ਕੀਤੇ ਪੈਸੇ ਦੇ ਸਿਰ ‘ਤੇ ਇਸ ਖੇਤਰ ਵਿੱਚ ਉੱਤਰਦੇ ਹਨ ਅਤੇ ਚੈਨਲਾਂ ਵਾਲਿਆਂ ਨੂੰ ਪੈਸੇ ਦੇ ਕੇ ਚਾਰ ਕੁ ਦਿਨ ਟੀ. ਵੀ. ਉੱਤੇ ਲਾਲਾ-ਲਾਲਾ ਕਰਵਾ ਛੱਡਦੇ ਨੇ… ਜਿੰਨਾਂ ਦਾ ਬਾਅਦ ਵਿੱਚ ਪਤਾ ਹੀ ਨਹੀਂ ਚੱਲਦਾ ਕਿ ਵਿਚਾਰੇ ਕਿਹੜੇ ਵਹਿਣਾ ਚ’ ਵਹਿ ਗਏ ਪਰ ਜੋ ਲੋਕ ਮਿਹਨਤ ਕਰਕੇ ਰਿਆਜ਼ ਕਰਕੇ ਇਸ ਖੇਤਰ ਵਿੱਚ ਆਉਦੇ ਨੇ ਜਿੱਦਾਂ ਕਿ, “ਦੋ ਪੈਰ ਘੱਟ ਤੁਰਨਾ, ਪਰ ਤੁਰਨਾ ਮੜਕ ਦੇ ਨਾਲ…” ਕਹਿਣ ਵਾਂਗੂੰ ਜਨਾਬ ਉਹੀ ਲੋਕ ਸਫਲਤਾ ਦੇ ਝੰਡੇ ਗੱਡਦੇ ਹਨ। ਅਜਿਹਾ ਹੀ ਇੱਕ ਕਲਾਕਾਰ ਹੈ ਜਿਸ ‘ਤੇ ਬੜੀਆਂ ਹਨੇਰੀਆਂ-ਝੱਖੜ ਬੁੱਲੇ ਵਗੇ ਪਰ ਉਹਨੇ ਟੱਸ ਤੋਂ ਮੱਸ ਨਹੀਂ ਕੀਤੀ। ਕਦੇ ਮਿਹਨਤ ਦਾ ਪੱਲਾ ਕਦੇ ਨਹੀਂ ਛੱਡਿਆ ਅਤੇ ਆਪਣੇ ਪੰਜਾਬੀ ਸੱਭਿਅਚਾਰ ਨਾਲ ਜੁੜਿਆ ਰਿਹਾ ਅਤੇ ਸਦਾ ਹੀ ਜੁੜਿਆ ਰਹੇਗਾ। ਉਹ ਹੈ ਸ਼ਹਿਦ ਨਾਲੋਂ ਮਿੱਠੀ ਅਵਾਜ਼ ਦੇ ਮਾਲਿਕ ਗਾਇਕ ਬੂਟਾ ਸੋਨੀ ਨਾਲ ਗੁਰਬਾਜ ਗਿੱਲ ਦੁਆਰਾ ਕੀਤੀ ਇੱਕ ਵਿਸ਼ੇਸ ਮੁਲਾਕਾਤ ਨੂੰ ਅਸੀਂ ਆਪਣੇ ਪਾਠਕਾਂ ਦੇ ਰੂ-ਬ-ਰੂ ਕਰਦੇ ਬੇਹੱਦ ਮਾਣ ਮਹਿਸੂਸ ਕਰ ਰਹੇ ਹਾਂ :

ਮੁਲਾਕਾਤ ਨੂੰ ਇੱਕ ਰਸਮੀ ਸੁਆਲ ਨਾਲ ਸੁਰੂ ਕਰਨ ਲੱਗੇ ਹਾਂ, ਤੁਹਾਡਾ ਜਨਮ ਕਦੋਂ ਤੇ ਕਿੱਥੇ ਹੋਇਆ ਅਤੇ ਗਾਇਕੀ ਦਾ ਸ਼ੌਂਕ ਕਿਵੇ ਪਿਆ?
ਸਭ ਤੋਂ ਪਹਿਲਾ ਤਾਂ ਜੀ ਪੰਜਾਬੀ ਜ਼ੁਬਾਨ ਦਾ ਅਦਬ ਕਰਨ ਵਾਲੇ ਦੇਸ਼-ਵਿਦੇਸ਼ ਵਿੱਚ ਵੱਸਦੇ ਸਮੂਹ ਸੱਜਣਾਂ ਨੂੰ ਪਿਆਰ ਭਰੀ ਸਤਿ ਸ੍ਰੀ ਅਕਾਲ ਪ੍ਰਵਾਨ ਕਰਨਾ ਜੀ। ਮੇਰਾ ਜਨਮ ਪਿੰਡ ਕੋਟ ਬਖਤੂ (ਬਠਿੰਡਾ) ਵਿਖੇ 25 ਮਈ 1975 ਨੂੰ ਪਿਤਾ ਸਵ. ਸ. ਬਿਹਾਰੀ ਸਿੰਘ ਦੇ ਘਰ ਹੋਇਆ। ਅਸੀ ਜੀ 4 ਭੈਣ ਭਾਈ ਹਾਂ, ਸਭ ਤੋਂ ਵੱਡਾ ਮੈਂ ਹਾਂ, ਦੋ ਭੈਣਾਂ ਅਤੇ ਇੱਕ ਬਹਾਦਰ ਸਿੰਘ ਸੋਨੀ, ਜੋ ਮੇਰੇ ਨਾਲ ਮੇਰੇ ਗਰੁੱਪ ਵਿੱਚ ਹੀ ਮੇਰੇ ਹਰ ਸਮੇਂ ਸਾਥ ਦੇ ਰਿਹਾ। ਗਾਇਕੀ ਤੇ ਲੇਖਣੀ ਦਾ ਸ਼ੌਂਕ ਮੈਨੂੰ ਸੁਰਤ ਸੰਭਾਲਦੇ ਸਕੂਲ ਟਾਇਮ ਤੋਂ ਹੀ ਮੇਰੇ ਨਾਲ-ਨਾਲ ਚੱਲਦਾ ਆ ਰਿਹਾ।

ਗਾਇਕੀ ਖੇਤਰ ਚ’ ਵਿਚਰਦਿਆਂ ਕੋਈ ਉਸਤਾਦ ਵੀ ਧਾਰਿਆ ਜਾਂ ਫਿਰ……?
ਬਿਲਕੁੱਲ ਜੀ “ਸਿਆਣੇ ਕਹਿੰਦੇ ਆਂ ਸ਼ਾਹ ਬਿਨਾਂ ਪਤ ਨਹੀਂ ਤੇ ਗੁਰੂ ਬਿਨਾਂ ਗਤ ਨਹੀਂ” ਮੈਂ ਬਕਾਇਦਾ ਰਸਮੀ ਤੌਰ ‘ਤੇ ਮੇਰੇ ਉਸਤਾਦ ਗੁਰੂ ਜੀ ਜਨਾਬ ਗਮਦੂਰ ਹਾਂਸ ਰਾਜੇਆਣਾ ਨਾਲ ਗੁਰੂ-ਸਿਸ਼ ਪ੍ਰੰਪਰਾ ਵੀ ਕੀਤੀ ਐ ਤੇ ਅੱਜ ਵੀ ਜਿੰਨਾਂ ਕੁ ਉਹਨਾਂ ਕੋਲ ਟਾਇਮ ਹੁੰਦਾ ਉਦੋ ਸਿੱਖਦਾ ਆ ਰਿਹਾ ਅਤੇ ਸਾਰੀ ਉਮਰ ਸਿੱਖਣ ਦੀ ਕੋਸਿਸ਼ ਆਂ, ਜੋ ਜਾਰੀ ਵੀ ਐਂ ਕਿਉਕਿ ਸੰਗੀਤ ਤਾਂ ਸਮੁੰਦਰ ਆਂ ਬਾਬਾ ਜੀ…ਇੱਕ ਗੱਲ ਹੋਰ ਜੋ ਮੈਂ ਤੁਹਾਡੇ ਨਾਲ ਕਰਨਾ ਜ਼ਰੂਰੀ ਸਮਝਦਾ ਕੇ ਮੇਰੇ ਆਦਰਸ਼ ਗੁਰੂ ਜੀ ਗੁਰਦਾਸ ਮਾਨ ਨੇ ਮੈਂ ਜਿਆਦਾ ਉਹਨਾਂ ਦੇ ਲਾਇਵ ਵੀਡੀਓ ਦੇਖਦਾ, ਲਾਇਵ ਸ਼ੌਅ ਦੇਖਦਾ ਜੋ ਮੇਰੇ ਜ਼ਿੰਦਗੀ ਦਾ ਇੱਕ ਅੰਗ ਵਾਂਗ ਹਨ। ਔਰ ਬਾਬਾ ਜੀ ਗੁਰਦਾਸ ਮਾਨ ਸਾਹਬ ਬਾਰੇ ਮੈਂ ਜਿੰਨਾਂ ਕੁ ਬੋਲਾਂ ਮੇਰੇ ਕੋਲ ਉਹਨਾਂ ਦੀ ਤਾਰੀਫ ਲਈ ਸ਼ਬਦ ਨਹੀਂ, ਉਹਨਾਂ ਦੀ ਤਾਰੀਫ ਕਰਨਾ ਸੂਰਜ ਨੂੰ ਦੀਵਾ ਦਿਖਉਣ ਵਾਲੀ ਗੱਲ ਐ।

ਸੰਗੀਤਕ ਖੇਤਰ ਚ’ ਵਿੱਚਰਦਿਆਂ ਕਿੰਨੀਆਂ ਕੁ ਤਕਲੀਫਾਂ ਦਾ ਸਾਹਮਣਾ ਕਰਨਾ ਪਿਆ?
(ਸੋਚਦੇ ਹੋਏ)…ਅੱਜ ਦੇ ਟਾਇਮ ’ਚ ਕੰਡਿਆਂ ਤੇ ਤੁਰਨਾ, ਘਰ ਫੂਕ ਕੇ ਤਮਾਸਾ ਵੇਖਣਾ ਇਸ ਤੋਂ ਵੀ ਅੱਗੇ ਕੀ ਆਖੀਏ ਬੱਸ ਜੀ ਤਕਲੀਫਾਂ ਦਾ ਸਾਹਮਣਾ ਕਰਨਾ ਪਿਆ… ਨਹੀਂ ਕਹਿ ਸਕਦੇ ਅੱਜ ਵੀ ਮੈਂ ਤਾਂ ਸੰਘਰਸ ਹੀ ਕਰ ਰਿਹਾ ਜੀ (ਹੱਸਦੇ ਹੋਏ) ਜ਼ਿੰਦਗੀ ਸੰਘਰਸ ਦਾ ਦੂਜਾ ਨਾਮ ਐ। ਸੋ ਮੇਰਾ ਅੱਜ ਵੀ ਸੰਘਰਸ ਜਾਰੀ ਆ ਜੀ।

ਮਾਰਕੀਟ ਚ’ ਪਹਿਲੀ ਵਾਰੀ ਕਦੋਂ ਤੇ ਕਿਵੇ ਹਾਜ਼ਰੀ ਲੱਗੀ, ਕੈਸਿਟ ਕਰਵਾਉਣ ਦਾ ਸਬੱਬ ਕਦੋਂ ਤੇ ਕਿਵੇ ਹੋਇਆ?
ਮੇਰੀ ਸ਼ੁਰੂਆਤ ਸਕੂਲ ਟਾਇਮ ਤੇ 15 ਅਗਸਤ 26 ਜਨਵਰੀ ਦੇ ਪ੍ਰੋਗਰਾਮਾਂ ਤੋਂ ਸ਼ੁਰੂ ਹੋਈ। ਹੋਲੀ-ਹੋਲੀ ਬਠਿੰਡਾ ਦੀ ਜੀ ਟੋਨ ਰਿਕਾਰਡਿੰਗ ਕੰਪਨੀ ਦੇ ਮਾਲਕ ਕਮਲ ਅਰੋੜਾ ਜੀ ਅਤੇ ਬਾਈ ਜਸਵੰਤ ਮਾਨ ਜੀ, ਬਾਈ ਗੁਰਜੀਤ ਸਿੰਘ ਅਰਪਨ ਡੀਜੀਟਲ ਰਿਕਾਰਡਿੰਗ ਸਟੂਡੀਓ ਵਾਲੇ ਵੀਰ ਦੀ ਬਦੌਲਤ ਪਲੇਠੀ ਧਾਰਮਿਕ ਡਿਊਟ ਕੈਸਿਟ “ਪੀਰ ਮੇਰਾ ਪੁੱਤਾਂ ਦੀਆਂ ਦੇਵੇ ਜੋੜੀਆਂ” ਤੋਂ ਸ਼ੁਰੂ ਹੋਈ। ਜੋ ਕਿ ਕਲੀਆਂ ਦੇ ਬਾਦਸ਼ਾਹ ਜਨਾਬ ਕੁਲਦੀਪ ਮਾਣਕ ਜੀ ਦੁਆਰਾ ਰਲੀਜ਼ ਕੀਤੀ ਗਈ ਜਿਸ ਨਾਲ ਮੇਰੀ ਸੰਗੀਤਕ ਖੇਤਰ ਚ’ ਸੁਰੂਆਤ ਹੋਈ ਫੇਰ ਮਲਟੀ ਨੰਬਰ ਚ’ ਮੇਰਾ ਇੱਕ ਬੀਟ ਸੌਂਗ ਸੀ ਜਿਸ ਨਾਲ ਇੱਕ ਵਾਰ ਫਿਰ ਚਰਚਾ ਚ’ ਆ ਗਿਆ ਬਾਕੀ ਬਾਈ ਗੇਜਾ ਸੰਧੂ ਗੀਤਕਾਰ, ਗੀਤਕਾਰ ਮੱਖਣ ਨਾਹਰ, ਗੀਤਕਾਰ ਭਿੰਦਰ ਆਜਮਵਾਲਾ, ਡਾ. ਕਾਕਾ ਆਜਮਵਾਲਾ, ਗੀਤਕਾਰ ਬੂਟਾ ਸ਼ੌਕੀ ਕੋਟ ਬਖਤੂ ਵਾਲਾ, ਗੀਤਕਾਰ ਕੀਮਾ ਭੁੱਲਰ, ਪ੍ਰਸਿੱਧ ਗੀਤਕਾਰ ਕ੍ਰਿਪਾਲ ਮਾਹਣਾ ਜੀ ਉਹਨਾਂ ਦਾ ਮੇਰੇ ਸਿਰ ‘ਤੇ ਹਮੇਸ਼ਾ ਮੇਹਰ ਦਾ ਹੱਥ ਰਿਹਾ। ਗਾਇਕ ਪਾਲੀ ਬਾਈ (ਸੁਖਪਾਲ ਪਾਲੀ) ਬਾਈ ਨਾਲ ਮੈਂ ਕੋਰਸ ਤੋਂ ਆਪਣਾ ਸਫਰ ਸੁਰੂ ਕਰਕੇ ਹੋਲੀ-ਹੋਲੀ ਪਿੰਡਾਂ ਚ’ ਲੱਗਣ ਵਾਲੇ ਸਭਿਆਚਾਰਕ ਮੇਲੇਆਂ ਤੇ ਜਾ-ਜਾ ਕੇ ਆਪਣੀ ਪਹਿਚਾਣ ਬਣਾਈ ਐ ਜੀ ਨਾ ਕਿ ਰਾਤੋਂ-ਰਾਤ ਉੱਠ ਕੇ ਸਿੱਧਾ ਚੈਨਲਾਂ ਤੇ ਇੰਟਰੀ ਮਾਰ ਦਿੱਤੀ। ਮੇਰੇ ਦਾਦਾ ਗੁਰੂ ਜੀ ਜਨਾਬ ਗੁਰਤੇਜ ਕਾਬਲ ਜੀ ਦਾ ਵੀ ਸਪੈਸ਼ਲ ਥੈਕਸ਼ ਕਰਦਾ ਜਿੰਨਾ ਏਸ ਨਿਮਾਣੇ ਨੂੰ ਆਪਣਾ ਬੱਚਾ ਸਮਝਕੇ ਹਮੇਸ਼ਾ ਆਪਣਾ ਹੱਥ ਮੇਰੇ ਸਿਰ ਤੇ ਰੱਖਿਆ ਮੇਲੇਆਂ ਤੇ ਮੈਨੁੰ ਨਾਲ ਲੈ ਕੇ ਜਾਣਾ, ਟਾਇਮ ਦੁਆਉਣਾ ਬਕਾਇਦਾ…ਮੈਨੂੰ ਉਹ ਦਿਨ ਕਦੇ ਵੀ ਨਹੀਂ ਭੁੱਲਣੇ…………

ਸੰਗੀਤਕ ਖੇਤਰ ਵਿੱਚ ਵਿਚਰਦਿਆਂ ਸ਼ੁਰੂ-ਸ਼ੁਰੂ ਚ’ ਕੋਈ ਦਿੱਕਤ ਤਾਂ ਨਹੀਂ ਆਈ?
(ਹੱਸਦੇ ਹੋਏ) ਬਾਬਾ ਜੀ ਮੇਰੇ ਘਰ ਮੇਰਾ ਰੱਜ ਕੇ ਵਿਰੋਧ ਕੀਤਾ ਗਿਆ। ਮੈਂ ਸੁਨਿਆਰ ਕਾਸਟ ਨੂੰ ਬਿਲੌਂਗ ਕਰਦਾ, ਮੇਰੀ ਮੇਰੇ ਪਿੰਡ ਜਵੈਲਰੀ ਦੀ ਦੁਕਾਨ ਸੀ ਤੇ ਘਰੋਂ ਮੇਰਾ ਧਿਆਨ ਦੁਕਾਨ ਤੇ ਨਾ ਰਹਿਣਾ, ਸਗੋਂ ਹਰ ਸਮੇਂ ਤਾਰ ਇੱਕੋ ਥਾਂ ਵੱਜੀ ਜਾਣੀ… ਘਰੋਂ ਫੈਸਲਾ ਹੋਇਆ ਕਿ ਜਾਂ ਤਾਂ ਦੁਕਾਨ ਖੁੱਲੇਗੀ, ਨਹੀਂ ਫਿਰ ਘਰ ਛੱਡਣਾ ਪਵੇਗਾ।

ਫੇਰ ਕੀ ਹੋਇਆ?
ਫੇਰ ਕੀ ਬਾਬਾ ਜੀ ਆਪਾਂ ਘਰ ਛੱਡ ਦਿੱਤਾ। ਡੋਰੀ ਰੱਬ ਤੇ ਛੱਡ ਕੇ ਕਈ ਮੁੰਡਿਆ ਰਲ ਕੇ ਇੱਕ ਚੁਬਾਰਾ ਕਿਰਾਏ ਤੇ ਲੈ ਲਿਆ ਉਹ ਦਿਨ ਯਾਦ ਆ ਮੈਨੂੰ ਉਸ ਟਾਇਮ ਸਭ ਤੋ ਵੱਧ ਸੰਭਾਲਿਆਂ ਬਾਈ ਬਿੰਦਰ ਨਿਮਾਣੇ ਨੇ……… ਤੇ ਮੇਰੇ ਲਈ ਰੱਬ ਬਣ ਬੋਹੜਿਆ… ਗੁਰੁ ਜੀ ਗਮਦੂਰ ਹਾਂਸ ਨੇ ਮੇਰੀ ਤਿਆਰੀ ਕਰਵਾਉਣੀ, ਬਾਈ ਚਮਨ ਗੋਨਿਆਣਾ ਐਕਟੋਪੈਡ ਮਾਸਟਰ ਨੇ ਮੇਰੀ ਪੂਰੀ-ਪੂਰੀ ਸਪੋਟ ਕੀਤੀ… ਬਾਈ ਜੈਲੀ ਜੇ ਜੇ ਪ੍ਰਸਿੱਧ ਢੋਲਕ ਮਾਸਟਰ, ਬਾਈ ਮੰਦਰੀ, ਡਾ. ਗੇਜਾ ਸੰਧੂ ਜੰਡਵਾਲੀਆਂ, ਡਾ. ਅਕਬਰ ਖਾਨ, ਜਨਾਬ ਐਲ ਸੀ ਲਾਲਾ, ਭੈਣ ਸੀਮਾ ਮੱਟੂ, ਮੱਖਣ ਨਾਹਰ ਤੇ ਪੇਸ਼ਕਾਰ ਤੇ ਗੀਤਕਾਰ ਬਾਈ ਸੁਖਚੈਨ ਢਾਣੀ ਰਾਮਪੁਰਾ, ਸੰਗੀਤਕਾਰ ਜੋੜੀ ਲਾਲ-ਕਮਲ ਜੀ, ਸੰਗੀਤਕਾਰ ਸਾਹਰੁਖ ਥਿੰਦ, ਬਾਈ ਐਸ ਪੀ ਮਾਨ, ਜਰਮਲਜੀਤ ਮਲੇਸ਼ੀਆ ਅਤੇ ਬਾਈ ਮਨਮੋਹਨ ਜੀ ਗੋਨਿਆਣਾ (ਲਵਲੀ ਸਟੂਡੀਓ) ਸਭ ਨੇ ਮੇਰਾ ਸਾਥ ਦਿੱਤਾ ਅਤੇ ਹੁਣ ਵੀ ਦੇ ਰਹੇ ਹਨ।

ਹੁਣ ਕੀ ਰਿਪੋਟ ਐ… ਘਰ ਦਾ ਕੀ ਮਾਹੌਲ ਚੱਲ ਰਿਹਾ?
ਲਗਭਗ 2-3 ਸਾਲ ਤਾਂ ਉਹਨਾਂ ਮੈਨੂੰ ਦੇਖਣਾ ਪਸੰਦ ਨਹੀਂ ਸੀ ਕੀਤਾ ਫੇਰ ਪ੍ਰਮਾਤਮਾ ਦੀ ਐਸੀ ਕਿਰਪਾ ਹੋਈ ਕਿ ਮੇਰੇ ਪਿੰਡ ਦਾ ਮੈਨੂੰ ਅਖਾੜਾ ਬੁੱਕ ਹੋ ਗਿਆ ਜਿੱਥੇ ਮੇਰੀ ਫੈਮਿਲੀ ਵੀ ਉਸ ਵਿਆਹ ਚ’ ਇਨਵਾਈਟ ਸੀ ਮੈਨੂੰ ਗਾਉਦਿਆਂ ਸੁਣਿਆ ਤਾਂ ਉਹਨਾਂ ਦੀਆਂ ਸਾਰੀਆ ਗਲਤ ਫਹਿਮੀਆਂ ਦੂਰ ਹੋ ਗਈਆਂ, ਜਿੱਥੇ ਮੇਰੇ ਮਾਤਾ ਜੀ ਨੇ ਮੈਨੂੰ ਬਹੁਤ ਪਿਆਰ ਦਿੱਤਾ ਤੇ ਮੁੜ ਘਰ ਬੁਲਾਲਿਆ।

ਕਿੱਦਾ ਦਾ ਗਾਉਣਾ ਪਸੰਦ ਕਰਦੇ ਓ?
ਬਿਲਕੁੱਲ ਠੀਕ ਕਿਹਾ ਜੀ ਮੈ ਫੋਕ ਕਲਾਕਾਰ ਹਾਂ ਬਾਬਾ ਜੀ ਗੁਰਦਾਸ ਮਾਨ ਸਾਹਬ ਨੂੰ ਸੁਨਣਾ ਪਸੰਦ ਕਰਦਾ… ਮੇਰੇ ਗੀਤਾਂ ਦੇ ਕੁਝ ਬੋਲ ਤੁਹਾਡੇ ਨਾਲ ਸਾਂਝੇ ਕਰ ਰਿਹਾ:

(1) ਇੱਕ ਭਲਿਆ ਦਾ ਸੰਗ, ਦੂਜਾ ਨਿਮਰਤਾ ਦਾ ਰੰਗ
ਭਾਈ ਹੁੰਦੇ ਸੱਜੇ ਅੰਗ, ਜੱਗੋ ਦੌਲਤ ਨਿਆਰੀ
ਮਾਪੇ ਹੁਸ਼ਨ ਜਵਾਨੀ ਮਿਲਦੇ ਨੇ ਇੱਕ ਵਾਰੀ………………

(2) ਮੰਦਰ ਮਸੀਤਾਂ ਵਿੱਚ ਲੱਭਨ ਨੂੰ ਰੱਬ ਮਾਂ
ਮਾਪਿਆਂ ਨੂੰ ਛੱਡ ਤੁਰ ਪੈਂਦਾ ਸਾਰਾ ਜੱਗ ਮਾਂ
ਤੇਰੇ ਕਦਮਾਂ ਦੇ ਵਿੱਚ ਜੰਨਤ ਮੈਂ ਵੇਖੀ
ਆਹ ਜੱਗ ਨਾਹੀਂ ਵਸੈ ਤੈਥੋ ਵੱਖ ਮੇਰੀ ਮਾਂ
ਪੁੱਛ ਲਿਆ ਜੇ ਮੈਥੋਂ ਕਿਸੇ ਰੱਬ ਕਿੱਥੇ ਰਹਿੰਦਾ
ਮੈਂ ਤਾਂ ਤੇਰੇ ਵੱਲ ਕਰ ਦੇਣਾ ਹੱਥ ਮੇਰੀ ਮਾਂ………………

(3) ਮੇਰੇ ਗੁੱਟ ਤੇ ਘੜੀ ਸਜਾਦੇ, ਗਲ ਨੂੰ ਰਾਣੀ ਹਾਰ ਕਰਾਦੇ
ਵੇ ਕਹਿੰਦੀ ਤੇਰੀ ਹੂਰ ਹਾਣੀਆਂ
ਚੰਡੀਗੜ੍ਹ ਕੋਠੀ ਪਾਦੇ ਏ ਸੀ ਲਾਦੇ ਪਿੰਡਾਂ ਵਿੱਚ ਉੱਡਦੀ ਧੂੜ ਹਾਣੀਆਂ………
ਤੇ ਬਾਈ ਗੁਰਵਿੰਦਰ ਬਰਾੜ ਦਾ ਆਹ ਗੀਤ:-
ਪਾਕੇ ਤੰਗ ਜਿਹੀ ਜੀਨ ਉੱਤੋ ਵਾਲ ਕਟਵਾਲੇ
ਸਾਰਾ ਮੁੱਕ ਗਿਆ ਯੱਬ ਪਰਾਂਦੀ ਦਾ
ਲੱਕ ਹਿੱਲੇ ਮਜਾਜਣ ਜਾਂਦੀ ਦਾ, ਵੇ ਲੱਕ ਹਿੱਲੇ ਮਜਾਜਣ ਜਾਂਦੀ ਦਾ………
ਏਦਾਂ ਦੇ ਗੀਤ ਗਾਉਣਾ ਜੀ ਜੋ ਪੂਰੇ ਪਰਿਵਾਰ ਚ’ ਬੈਠ ਕੇ ਸੁਣੇ ਜਾ ਸਕਣ।
ਆਪਣੀ ਗਾਇਕੀ ਦਾ ਰੰਗ ਕਿੱਥੇ-ਕਿੱਥੇ ਬਖੇਰਿਆ?
ਮੈਂ ਪੰਜਾਬ ਚ’ ਤਕਰੀਬਨ ਹਰ ਸੀਭਆਚਾਰਕ ਮੇਲੇ ਤੇ, ਹਰਿਆਣਾ, ਰਾਜਸਥਾਨ ਤੋ ਇਲਾਵਾ ਗੁਜਰਾਤ ਤੱਕ ਆਪਣੀ ਹਾਜ਼ਰੀ ਲੁਆਈ ਜੀ… ਅੱਗੇ ਗੁਰੂ ਨਾਨਕ ਪਾਤਸਾਹ ਕਿਰਪਾ ਕਰਨਗੇ। ਮੇਰੇ ਵੱਲੋਂ ਸੰਘਰਸ ਜਾਰੀ ਆਂ।

ਨਵਾਂ ਕੀ ਕਰ ਰਹੇ ਹੋ ਜੀ?
ਬਿਲਕੁੱਲ ਜੀ ਮੇਰੇ ਵੀਰ ਜਰਮਲਜੀਤ ਮਲੇਸ਼ੀਆ, ਗੀਤਕਾਰ ਤੇ ਪੇਸ਼ਕਾਰ ਸੁਖਚੈਨ ਸਿੱਧੂ ਬਰਾੜ ਢਾਣੀ ਰਾਮਪੁਰਾ ਦੀ ਪੇਸ਼ਕਸ਼ ਹੇਠ “ਖੜੂ ਕਿਹੜਾ ਮੂਹਰੇ ਜੱਟ ਦੇ…”, “ਗਰਾਰੀਬਾਜ…”, ਦੌਲਤ ਕਮਾਈ ਐ ਜਾਂ ਸੌਹਰਤ ਕਮਾਈ ਐ…(ਸਟੂਡੀਓ ਲਾਈਵ), “ਘੈਂਟ ਸਰਦਾਰ…” ਤੇ “ਪੰਜਾਂ ਚੀਜਾਂ ਦੀ ਬਦੌਲਤ ਲੜਾਈ ਜੱਟ ਦੀ… ਇਹ ਨਵੇਂ ਟਰੈਕ ਜੋ ਟਰਨ ਬਾਈ ਟਰਨ ਰਿਲੀਜ਼ ਕਰਾਗੇ।

ਇੱਥੋ ਤੱਕ ਪਹੁੰਚਣ ਲਈ ਕਿੰਨਾਂ ਸੱਜਣਾਂ ਦਾ ਸਹਿਯੋਗ ਰਿਹਾ, ਜਿਕਰ ਕਰੋਗੇ?
ਬਿਲਕੁੱਲ ਜੀ, ਸੰਗੀਤਕਾਰ ਰਵੀ ਸ਼ੰਕਰ ਵੀਰਾ, ਐਡੀਟਰ ਰਾਜ ਮਾਨ ਜੀ, ਬਾਈ ਪੱਤਰਕਾਰ ਸੁਖਵਿੰਦਰ ਸੁੱਖਾ ਹਰਰਾਏਪੁਰ, ਬਾਈ ਹਾਕਮ ਬਖਤੜੀ ਵਾਲਾ, ਬੂਟਾ ਸ਼ੌਂਕੀ, ਹਰਪਾਲ ਕੁਹਾੜਿਆਂ ਵਾਲਾ, ਬਿੰਦਰ ਨਿਮਾਣਾ ਜੀ, ਕੇਵਲ ਗੰਗਾ, ਓਕਾਰ ਸਿੱਧੂ, ਡਾ. ਕਾਕਾ ਆਜਮਵਾਲੀਆਂ, ਭਿੰਦਰ ਪੰਜਾਬੀ, ਗੇਜਾ ਸੰਧੂ ਜੰਡਵਾਲੀਆਂ, ਕਾਕਾ ਖੇਮੂਆਣੀਆਂ, ਗੀਤਕਾਰ ਮੱਖਣ ਨਾਹਰ, ਗੁਰਪ੍ਰੀਤ ਸਿੱਧੂ ਰਾਈਆਂਵਾਲਾ ਗੋਨਿਆਣਾ ਤੋ ਬਾਈ ਐਸ ਪੀ ਮਾਨ, ਬਾਈ ਲਵਲੀ ਫੋਟੋਗ੍ਰਾਫਰ ਗੋਨਿਆਣਾ, ਬਾਈ ਗੁਰਵਿੰਦਰ ਬਰਾੜ, ਬਾਈ ਸੁਖਪਾਲ ਪਾਲੀ, ਬੀਬਾ ਸਪਨਾ ਬਰਾੜ, ਗੁਰੂ ਜੀ ਗਮਦੂਰ ਹਾਂਸ, ਨਾਟੀ ਗੋਨਿਆਣਾ, ਹਰਿੰਦਰ ਸੰਧੂ ਬਾਈ ਜੀ ਅਤੇ ਪਿੰਡ ਕੋਟ ਬਖਤੂ ਦੇ ਸਮੂਹ ਪਿੰਡ ਵਾਸੀਆਂ ਦਾ ਧੰਨਵਾਦੀ ਹਾਂ, ਜਿੰਨਾਂ ਏਸ ਨਿਮਾਣੇ ਨੂੰ ਸਮੇਂ-ਸਮੇਂ ਤੇ ਪਿਆਰ ਸਤਿਕਾਰ ਤੇ ਮਾਣ ਬਖਸਿਆ ਤੇ ਸਿਰ ਤੇ ਹੱਥ ਰੱਖਿਆ।
 

ਗੁਰਬਾਜ ਗਿੱਲ 98723-62507
{ਸੰਪਾਦਕ- ਜਸਟ ਪੰਜਾਬੀ}
ਨੇੜੇ ਬੱਸ ਸਟੈਂਡ, ਸਾਹਮਣੇ ਛੋਟਾ ਗੇਟ, ਬਠਿੰਡਾ (ਪੰਜਾਬ) -151001

Terms and Conditions
Privacy Policy
© 1999-2012, 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2012, 5abi.com