ਅੱਜ ਪੰਜਾਬੀ ਗੀਤ-ਸੰਗੀਤ ਕੋਮਾਂਤਰੀ ਪੱਧਰ ਤੇ ਜਿਸ ਮਾਣਮੱਤੇ ਮੁਕਾਮ ਉੱਤੇ ਪੁੱਜਾ ਹੈ, ਜਨਾਬ! ਉਹ ਕਿਤੇ ਸਹਿਜੇ ਹੀ ਨਹੀਂ ਹੋ ਗਿਆ, ਉਸ ਦੇ ਪਿੱਛੇ ਪੰਜਾਬੀ ਸੰਗੀਤ ਦਾ ਅਮੀਰ ਪਿਛੋਕੜ, ਜੋਸ਼ੀਲਾ ਤੇ ਰੂਹ ਨੂੰ ਸਕੂਨ ਦੇਣ ਵਾਲਾ ਅੰਦਾਜ਼ ਅਤੇ ਸੁਨਣ/ ਦੇਖਣ ਵਾਲਿਆਂ ਨੂੰ ਆਪਣੇ ਵੇਗ ਵਿੱਚ ਵਹਾ ਦੇਣ ਵਾਲਾ ਰੰਗ ਹੈ ਤੇ ਰੰਗ ਜਮਾਉਣਾ ਹਰ ਇੱਕ ਦੇ ਵੱਸ਼ ਦੀ ਗੱਲ ਨਹੀਂ… ਇਹ ਰੰਗ ਤਾਂ ਉਹੀ ਜਮਾਉਂਦੇ ਨੇ ਜਿਹੜੇ ਆਪਣੇ ਉਸਤਾਦ ਲੋਕਾਂ ਦੀਆਂ ਮਾਰਾਂ ਸਹਿੰਦੇ ਨੇ… ਖ਼ੈਰ ਅਜਿਹੀ ਹੀ ਬੁਲੰਦ ਅਵਾਜ਼, ਜੋ ਆਪਣੀ ਐਲਬੰਮ ਰਹਿਮਤ ਲੈ ਕੇ ਰੂ-ਬ-ਰੂ ਹੋਇਆ – ਦਵਿੰਦਰ ਬਰਾੜ।

ਦਵਿੰਦਰ ਬਰਾੜ ਦਾ ਜਨਮ ਉਹਦੇ ਨਾਨਕੇ ਪਿੰਡ ਪੂਹਲਾ (ਬਠਿੰਡਾ) ਵਿੱਚ ਹੋਇਆ, ਵੈਸੇ ਉਹਦਾ ਜੱਦੀਂ ਪਿੰਡ, ਜਿਲਾਂ ਬਠਿੰਡਾ ਦੇ ਨਜਦੀਕ ਕੈਲੇ ਵਾਂਦਰ (ਨਸੀਬਪੁਰਾ) ਹੈ। ਪਿਤਾ ਸ. ਮੇਜਰ ਸਿੰਘ ਅਤੇ ਮਾਤਾ ਸਰਦਾਰਨੀ ਪਰਮਜੀਤ ਕੌਰ ਦੀਆਂ ਅੱਖੀਆਂ ਦੇ ਤਾਰੇ ਦਵਿੰਦਰ ਨੇ ਕਦੇ ਸੁਪਨੇ ਚ‘ ਸੋਚਿਆ ਵੀ ਨਹੀਂ ਹੋਣਾ ਕਿ ਉਹ ਕਦੇ ਪੰਜਾਬੀ ਗਾਇਕੀ ਚ‘ ਦਵਿੰਦਰ ਬਰਾੜ ਬਣਕੇ ਬਹੁੜੇਗਾ। ਪੜਾਈ ਅਤੇ ਸੌਂਕ ਬਾਰੇ ਪੁੱਛਣ ਤੇ ਗਾਇਕ ਦਵਿੰਦਰ ਬਰਾੜ ਨੇ ਦੱਸਿਆ ਕਿ, ਗਰੈਜ਼ੂਏਸ਼ਨ ਮੈਂ ਮਿਊਜ਼ਿਕ ਵੋਕਲ, ਫ਼ਿਜੀਕਲ ਅਤੇ ਫੌਲਾਸ਼ਫੀ ਸਬਜੈਕਟਾਂ ਨਾਲ ਸਰਕਾਰੀ ਰਾਜਿੰਦਰਾ ਕਾਲਜ ਬਠਿੰਡਾ ਤੋਂ ਕਰਨ ਉਪਰੰਤ ਚੰਡੀਗੜ ਯੂਨੀਵਰਸਿਟੀ ਤੋਂ ਡੀ. ਪੀ. ਐਡ. ਕੀਤੀ, ਐਮ. ਪੀ. ਐਡ, ਐਮ. ਫਿਲ. ਅਤੇ ਮੇਰੇ ਸਹੁਰਾ ਸਾਹਿਬ ਸ. ਜਗਜੀਤ ਸਿੰਘ ਵਿਰਕ ਵਕੀਲ ਸਨ, ਜਿੰਨਾਂ ਤੋਂ ਪ੍ਰੇਰਿਤ ਹੋ ਕੇ, ਮੈਂ ਆਪਣੇ ਵਿਆਹ ਤੋਂ ਬਾਅਦ ਐਲ. ਐਲ. ਬੀ. ਸ੍ਰੀ ਗੁਰੁ ਨਾਨਕ ਕਾਲਜ ਗੰਗਾਨਗਰ ਤੋਂ ਕੀਤੀ ਅਤੇ ਮਾਨਯੋਗ ਬਾਰ ਐਸੋ. ਬਠਿੰਡਾ ਦਾ ਮੈਂਬਰ ਬਣਕੇ ਬਠਿੰਡਾ ਕੋਰਟ ਵਿਖੇ ਵਕੀਲੀ ਦਾ ਕੰਮ ਸੁਰੂ ਕੀਤਾ। ਬਾਕੀ ਜਿੱਥੋਂ ਤੱਕ ਮੇਰੇ ਸੌਂਕ ਦੀ ਗੱਲ ਹੈ ਤਾਂ ਬਚਪਨ ਤੋਂ ਸੌਂਕ ਮੇਰਾ ਖੇਡਣਾ ਤੇ ਗਾਉਣਾ ਸੀ, ਕਬੱਡੀ ਮੇਰੀ ਪਸੰਦੀਦਾ ਖੇਡ ਐ, ਜਿਸ ਨੂੰ ਮੈਂ ਬੜੀ ਸਿੱਦਤ ਨਾਲ ਖੇਡਿਆ ਅਤੇ ਸਟੇਟ ਪੱਧਰ ਤੇ ਪਹਿਲੀਆ ਪੁਜ਼ੀਸਨਾਂ ਹਾਸਿਲ ਕੀਤੀਆ।

ਰਾਜਿੰਦਰਾ ਕਾਲਜ ਗਾਉਣ ਦਾ ਸੌਂਕ ਮੇਰਾ ਕੁਝ ਦਾਇਰੇ ਤੱਕ ਹੀ ਸੀਮਿਤ ਰਿਹਾ, ਕਿਉਂਕਿ ਮੇਰਾ ਪਰਿਵਾਰ ਮੇਰੇ ਪਿਤਾ ਜੀ ਚਾਹੁੰਦੇ ਸਨ ਕਿ ਮੈਂ ਪ੍ਰੌਫੈਸਰ ਬਣਾ, ਮੈਂ ਉਹਨਾਂ ਦਾ ਸੁਪਨਾ ਤਾਂ ਪੂਰਾ ਕੀਤਾ, ਯੂਨੀਵਰਸਿਟੀ ਕਾਲਜ ਮੂਣਕ ਵਿਖੇ ਦੋ ਸਾਲ ਫਿਜੀਕਲ ਐਜੂਕੇਸ਼ਨ ਪ੍ਰੋਫੈਸਰ ਦੀਆਂ ਸੇਵਾਵਾਂ ਨਿਭਾਈਆ। ਪਰ ਮਨ ਮੇਰਾ ਵਕੀਲ ਬਨਣ ਦਾ ਸੀ ਤਾਂ ਮੈਂ ਫਾਇਨਲੀ ਆਪਣਾ ਪੇਸ਼ਾ ਵਕੀਲ ਵਜੋਂ ਹੀ ਚੁਣਿਆ। ਜਿੱਥੋ ਤੱਕ ਮੇਰੀ ਗਾਇਕੀ ਦੀ ਗੱਲ ਐ, ਤਾਂ ਮੈਂ ਗਾਇਕੀ ਸ਼ਬਦ ਦੇ ਤਾਂ ਨੇੜੇ-ਤੇੜੇ ਵੀ ਨਹੀਂ, ਜੇ ਆਪਣੇ ਸੌਂਕ ਪਗਾਉਣ ਦੀ ਗੱਲ ਕਰਾਂ ਤਾਂ ਇਹਦੇ ਲਈ ਹੌਸਲਾ ਮੈਨੂੰ ਮੇਰੇ ਯਾਰਾਂ/ ਮਿੱਤਰਾਂ ਨੇ ਦਿੱਤਾ, ਜਿਸ ਤੋਂ ਬਾਅਦ ਮੈਂ ਵੱਡੇ ਵੀਰ ਸੰਗੀਤਕਾਰ ਗਮਦੂਰ ਹਾਂਸ ਜੀ ਤੋਂ ਤਿਆਰੀ ਕਰਕੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਇੱਕ ਧਾਰਮਿਕ ਗੀਤ 'ਰਹਿਮਤ', ਅਨੰਦ ਮਿਊਜ਼ਿਕ ਕੰਪਨੀ ਰਾਂਹੀ ਲੈ ਕੇ ਲੋਕਾਂ ਦੀ ਕਚਹਿਰੀ ਵਿੱਚ ਹਾਜ਼ਿਰ ਹੋਇਆ, ਗਮਦੂਰ ਹਾਂਸ ਦੇ ਲਿਖੇ ਅਤੇ ਸੰਗੀਤਕਾਰ ਸਾਹਰੁਖ ਥਿੰਦ ਦੇ ਸੰਗੀਤ-ਬੱਧ ਕੀਤੇ, ਇਸ ਗੀਤ ਨੂੰ ਲੋਕਾਂ ਦਾ ਰਲਵਾਂ-ਮਿਲਵਾਂ ਹੁੰਗਾਰਾ ਮਿਲ ਰਿਹਾ, ਖਾਸ ਕਰਕੇ ਮੇਰੇ ਜਾਣ-ਪਛਾਣ ਵਾਲੇ ਬਹੁਤ ਪਿਆਰ ਦੇ ਰਹੇ ਹਨ। ਇਸ ਤੋਂ ਬਾਅਦ ਸੰਗੀਤਕਾਰ ਜੇ. ਬੀ. ਆਰ. ਦੇ ਸੰਗੀਤ ਵਿੱਚ ਮੇਰਾ ਸਿੰਗਲ ਟਰੈਕ ਠਰਿਕਾਰਡਠ ਵੀ ਬਿਲਕੁੱਲ ਤਿਆਰ ਹੈ, ਜਿਸ ਦਾ ਵੀਡੀਓ ਅਮਰਜੀਤ ਖੁਰਾਣਾ ਨੇ ਬਣਾਇਆ, ਜੋ ਜਲਦੀ ਹੀ ਵੱਖ-ਵੱਖ ਚੈਨਲਾਂ ਦਾ ਸ਼ਿੰਗਾਰ ਬਣੇਗਾ। ਅਨੰਦ ਮਿਊਜ਼ਿਕ ਦੇ ਪ੍ਰੋਡਿਊਸਰ ਮੁਕੇਸ਼ ਕੁਮਾਰ ਦੀ ਰਹਿਨੁਮਾਈ ਹੇਠ ਤਿਆਰ ਕੀਤੇ, ਇਸ ਪ੍ਰੋਜੈਕਟ ਤੋਂ ਬੜੀਆਂ ਆਸਾਂ ਉਮੀਦਾ ਹਨ। ਇੱਕ ਡਿਊਟ ਟਰੈਕ ਦੀ ਵੀ ਤਿਆਰੀ ਚੱਲ ਰਹੀ ਹੈ, ਜੋ ਕਿਸੇ ਨਾਮਵਰ ਗਾਇਕਾ ਨਾਲ ਲੈ ਕੇ ਜਲਦੀ ਹਾਜ਼ਰੀ ਲਵਾਵਾਂਗਾ।

ਕਲਾਕਾਰਾਂ ਦੇ ਸ਼ਹਿਰ ਬਠਿੰਡਾ ਵਿੱਚ ਪੱਕੇ ਤੌਰ ‘ਤੇ ਪਿਛਲੇ ਅੱਠ ਸਾਲਾਂ ਤੋਂ ਆਪਣੇ ਪਿਤਾ ਸ. ਮੇਜਰ ਸਿੰਘ, ਮਾਤਾ ਪਰਮਜੀਤ ਕੌਰ, ਪਤਨੀ ਹਰਜੋਤ ਕੌਰ, ਬੇਟੇ ਏਕਮਨੂਰ, ਛੋਟੇ ਭਰਾ ਯਾਦਵਿੰਦਰ ਸਿੰਘ (ਯਾਦੀ), ਉਹਦੀ ਪਤਨੀ ਅਤੇ ਆਪਣੇ ਭਤੀਜੇ ਉਦੇਰਣਵੀਰ ਨਾਲ ਰਹਿ ਰਿਹਾ, ਵਕੀਲ ਵਰਸਿਜ਼ ਗਾਇਕ ਦਵਿੰਦਰ ਬਰਾੜ ਆਪਣੇ ਪੂਰੇ ਪਰਿਵਾਰ ਅਤੇ ਆਪਣੇ ਯਾਰਾਂ/ ਮਿੱਤਰਾਂ ਦਾ ਅਤਿ ਧੰਨਵਾਦੀ ਹੈ, ਜਿੰਨਾਂ ਨੇ ਹਰ ਸਮੇਂ ਉਹਦਾ ਸਾਥ ਦਿੱਤਾ।

ਯਾਰਾਂ ਦਾ ਯਾਰ ਅਤੇ ਬੁਲੰਦ ਅਵਾਜ਼ ਦਾ ਧਨੀ ਗਾਇਕ ਦਵਿੰਦਰ ਬਰਾੜ, ਗਾਇਕੀ ਖੇਤਰ ਹਰ ਦਿਲ ਤੇ‘ ਰਾਜ਼ ਕਰੇ ਤੇ ਆਉਣ ਵਾਲੇ ਕੱਲ ‘ਚ, ਉਹਦੀ ਸੰਗੀਤਕ ਖੇਤਰ ਵਿੱਚ ਇੱਕ ਵੱਖਰੀ ਪਹਿਚਾਣ ਹੋਵੈ।

ਗੁਰਬਾਜ ਗਿੱਲ 98723-62507
{ਸੰਪਾਦਕ- ਜਸਟ ਪੰਜਾਬੀ}
ਨੇੜੇ ਬੱਸ ਸਟੈਂਡ, ਸਾਹਮਣੇ ਛੋਟਾ ਗੇਟ, ਬਠਿੰਡਾ (ਪੰਜਾਬ) -151001

Terms and Conditions
Privacy Policy
© 1999-2018 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2018, 5abi.com