ਅਜੋਕੀ ਪੰਜਾਬੀ ਗਾਇਕੀ ਵਿੱਚ ਨਿੱਤ ਨਵੇਂ ਅਣਸਿੱਖੇ ਗਾਇਕ/ ਗਾਇਕਾਵਾਂ ਦੀ ਭਰਮਾਰ ਭਾਵੇ ਦਿਨ-ਬ-ਦਿਨ ਵੱਧ ਰਹੀ ਹੈ, ਪਰ ਇਹਨਾਂ ਵਿੱਚੋਂ ਕੁਝ ਕੁ ਤਾਂ ‘ਦੁਪਹਿਰ ਖਿੜੀ’ ਦੇ ਫੁੱਲਾਂ ਵਾਂਗ ਕੁਝ ਦੇਰ ਪਿੱਛੋਂ ਹੀ ਕੁਮਲਾਅ/ ਮੁਰਝਾਅ ਜਾਂਦੇ ਹਨ ਤੇ ਕੁਝ ਕੁ ਸਖਤ ਮਿਹਨਤ, ਦ੍ਰਿੜ ਇਰਾਦੇ, ਅਟੁੱਟ ਲਗਨ ਤੇ ਆਪਣੀ ਦਮਦਾਰ ਕਲਾ ਦੀ ਮਹਿਕ ਨੂੰ ਹਮੇਸਾ ਬਰਕਰਾਰ ਰੱਖਣ ਲਈ ਦਿਨ-ਰਾਤ ਇੱਕ ਕਰ ਦਿੰਦੇ ਨੇ, ਉਹਨਾਂ ਵਿੱਚੋਂ ਹੀ ਇੱਕ ਹੈ, ਜੋ ਸੰਗੀਤਕ ਖੇਤਰ ਚ’ ਆਪਣੀ ਵੱਖਰੀ ਪਹਿਚਾਣ ਬਣਾ ਰਹੀ ਐ –ਦਲਜੀਤ ਕੌਰ ਪਟਿਆਲਾ

ਹੱਸੂ-ਹੱਸੂ ਕਰਦੇ ਚਿਹਰੇ ਤੇ ਮਿਲਾਪੜੇ ਜਿਹੇ ਸੁਭਾਅ ਦੀ ਮਾਲਕ ਗਾਇਕਾ ਦਲਜੀਤ ਕੌਰ ਪਟਿਆਲਾ ਸੰਗੀਤਕ ਖੇਤਰ ਵਿੱਚ ਆਪਣੀ ਇੱਕ ਵੱਖਰੀ ਪਹਿਚਾਣ ਬਣਾਉਣ ਲਈ ਯਤਨਸੀਲ ਅਤੇ ਗਾਇਕੀ ਖੇਤਰ 'ਚ ਆਪਣੀ ਧਾਂਕ ਜਮਾਉਣ ਲਈ ਦਿਨ-ਰਾਤ ਇੱਕ ਕਰ ਰਹੀ ਹੈ। 8 ਜੁਲਾਈ 1981 ਨੂੰ ਸ਼ਹਿਰ ਪਟਿਆਲਾ ਵਿਖੇ ਪਿਤਾ ਸਵ. ਸ੍ਰੀ ਬਾਬੂ ਰਾਮ ਜੀ ਦੇ ਘਰ ਮਾਤਾ ਸਵ. ਸ੍ਰੀਮਤੀ ਤਰਨਜੀਤ ਕੌਰ ਦੀ ਕੁੱਖੋਂ ਜਨਮੀਂ ਦਲਜੀਤ ਕੌਰ ਦੀ ਸੰਗੀਤ ਪ੍ਰਤੀ ਬਚਪਨ ਤੋਂ ਹੀ ਜਿਆਦਾ ਰੁਚੀ ਸੀ, ਸਕੂਲੀ ਵਿੱਦਿਆ ਦੌਰਾਨ ਸੰਗੀਤਕ ਬਾਲ-ਸਭਾਵਾਂ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਲੈਣਾ, ਆਖਿਰ ਉਹਨੂੰ ਆਪਣੇ ਵੱਲ ਖਿੱਚ ਹੀ ਲੈ ਗਿਆ ਅਤੇ ਫੇਰ ਸੰਗੀਤ ਦੀ ਮੁੱਢਲੀ ਸਿੱਖਿਆ ਸਕੂਲ ਟਾਈਮ ਤੋਂ ਮਿਊਜ਼ਿਕ ਟੀਚਰ  ਬੀਨਾ ਸਾਗਰ ਜੀ ਤੋਂ ਲਈ। ਗਾਇਕੀ ਦੇ ਨਾਲ-ਨਾਲ ਥੀਏਟਰ ਨਾਲ ਵੀ ਅੰਤਾਂ ਦਾ ਮੋਹ ਸੀ, ਥੀਏਟਰ ਵੀ ਬਹੁਤ ਕੀਤਾ। ਉਹਦੇ ਥੀਏਟਰ ਦੇ ਗੁਰੂ ਪ੍ਰਾਣ ਸਭਰਵਾਲ ਤੇ ਮੈਡਮ ਸੁਨੀਤਾ ਸਭਰਵਾਲ ਹਨ ਜਿੰਨ੍ਹਾਂ ਤੋਂ ਉਹਨੇ ਬਹੁਤ ਕੁਝ ਸਿੱਖਿਆ। ਉਹਨਾਂ ਤੋਂ ਬਾਅਦ ਤਾਂ ਉਹਨੇ ਕਈ ਡਾਇਰੈਕਟਰਾਂ ਨਾਲ ਕੰਮ ਕੀਤਾ, ਜਿੰਨ੍ਹਾਂ ਵਿੱਚ ਰਾਜੇਸ ਸ਼ਰਮਾਂ ਜੀ, ਅਨੁਰਾਗ ਸ਼ਰਮਾਂ ਜੀ, ਵਿਨੋਦ ਕੋਸਲ ਜੀ ਅਤੇ ਸ਼ਕਤੀ ਰਾਜਪੂਤ ਜੀ, ਜਿੰਨ੍ਹਾਂ ਦੇ ਐਮ. ਐਚ ਵੰਨ ਚੈਨਲ ਦੇ ਸ਼ੀਰੀਅਲ “ਵਾਰਦਾਤ” ਵਿੱਚ ਵੀ ਕੰਮ ਕੀਤਾ।

ਗਾਇਕੀ ਦੀ ਸੁਰੂਆਤ ਗਾਇਕਾ ਦਲਜੀਤ ਕੌਰ ਪਟਿਆਲਾ ਨੇ ਗਾਇਕ ਅਮਰਦੀਪ ਅੰਬਰਾਂ ਨਾਲ ਡਿਊਟ ਐਲਬੰਮ “ਕੀ ਲੱਭਦਾ ਡਰਾਈਵਰਾਂ” ਨਾਲ ਕੀਤੀ ਜਿਸ ਦਾ ਸੰਗੀਤ ਅਲੀ ਅਕਬਰ ਜੀ ਨੇ ਕੀਤਾ ਸੀ। ਉਸ ਤੋਂ ਬਾਅਦ ਧਾਰਮਿਕ ਐਲਬੰਮ ਸੰਤ ਵਰਿਆਮ ਸਿੰਘ ਜੀ ਦੀ ਯਾਦ ਵਿੱਚ “ਤੇਰੀ ਯਾਦ ਸਤਾਵੇ ਸੰਗਤਾਂ ਨੂੰ” (ਮਲਟੀ) ਵਿੱਚ ਗਾਉਣ ਦਾ ਮੌਕਾ ਮਿਲਿਆ, ਜਿਸ ਨੂੰ ਉਸਦੇ ਚਾਹੁੰਣ ਵਾਲਿਆ ਨੇ ਬਥੇਰਾ ਪਿਆਰ/ ਸਤਿਕਾਰ ਦਿੱਤਾ। ਫੇਰ ਗੀਤਕਾਰ ਪਰਦੀਪ ਇਟਲੀ ਦਾ ਲਿਖਿਆ ਗੀਤ “ਇਟਲੀ” ਗਾਉਣ ਦਾ ਸਬੱਬ ਬਣਿਆ, ਜਿਸ ਨੂੰ ਸੰਗੀਤਕਾਰ ਸੰਗੂ ਪ੍ਰਿੰਸ ਜੀ ਨੇ ਸੰਗੀਤ ਦਿੱਤਾ ਸੀ, ਜਿਸ ਨਾਲ ਗਾਇਕਾ ਦਲਜੀਤ ਕੌਰ ਪਟਿਆਲਾ ਗਾਇਕੀ ਖੇਤਰ ਵਿੱਚ ਆਪਣੀ ਇੱਕ ਵੱਖਰੀ ਪਹਿਚਾਣ ਬਣਾਉਣ ਵਿੱਚ ਪੂਰੀ ਤਰ੍ਹਾਂ ਕਾਮਯਾਬ ਰਹੀ ਅਤੇ ਫੇਰ ਜਦੋਂ ਸੰਗੀਤਕਾਰ ਬੌਬੀ ਉੱਤਮ ਦੇ ਸੰਗੀਤ ਵਿੱਚ ਗੀਤਕਾਰ/ ਪੇਸ਼ਕਾਰ ਦਰਸ਼ੀ ਭੱਟੀਵਾਲ ਦਾ ਗੀਤ “ਚੂੜੇ ਵਾਲੀ” ਜਵੰਦਾ ਰਿਕਾਰਡਜ਼ ਰਾਂਹੀ ਮਾਰਕੀਟ ਆਇਆ ਤਾਂ ਹਰ ਪਾਸੇ ਬੱਲੇ-ਬੱਲੇ ਹੋ ਗਈ ਅਤੇ ਗਾਇਕਾ ਦਲਜੀਤ ਕੌਰ ਪਟਿਆਲਾ ਦਾ ਨਾਂ ਨਾਮਵਰ ਗਾਇਕਾ ਦੀ ਕਤਾਰ ਵਿੱਚ ਸ਼ਾਮਿਲ ਹੋ ਗਿਆ।

ਅਨੇਕਾਂ ਹੀ ਸਭਿਆਚਾਰਕ ਮੇਲਿਆਂ ਦੀ ਸ਼ਾਨ ਬਨਣ ਵਾਲੀ ਗਾਇਕਾ ਦਲਜੀਤ ਕੌਰ ਪਟਿਆਲਾ ਦਾ ਪ੍ਰੋਡਿਊਸਰ ਦਰਸ਼ੀ ਭੱਟੀਵਾਲ ਦੀ ਰਹਿਨੁਮਾਈ ਅਤੇ ਪੇਸ਼ਕਾਰ ਗੀਤਕਾਰ ਸ਼ੇਟੀ ਸਿੱਧੂ ਗੋਦਵਾਲ ਦੀ ਪੇਸ਼ਕਸ ਹੇਠ 'ਜਵੰਦਾ ਰਿਕਾਰਡਜ਼' ਵਿੱਚ ਰਿਲੀਜ਼ ਹੋਇਆ ਸਿੰਗਲ ਟਰੈਕ “ਅੱਤ ਦੀ ਸੌਕੀਨ” (ਜਿਸ ਦੀ ਰਿਲੀਜ਼ ਦੇ ਚਾਰ ਦਿਨ ਬਾਦ ਹੀ ਡਾਊਨਲੋਡ 20 ਲੱਖ ਤੋਂ ਉੱਪਰ ਹੋ ਗਈ ਸੀ )। ਗੀਤਕਾਰ ਸ਼ੈਟੀ ਸਿੱਧੂ ਗੋਦਵਾਲ ਦੇ ਲਿਖੇ ਇਸ ਗੀਤ ਦਾ ਸੰਗੀਤ ਸੰਗੀਤਕਾਰ ਦਵਿੰਦਰ ਕੈਂਥ ਜੀ ਨੇ ਤਿਆਰ ਕੀਤਾ ਹੈ। ਜਿਸ ਦਾ ਵੀਡੀਓ ਐਸ਼ ਵੇਲੇ ਵੱਖ-ਵੱਖ ਚੈਨਲਾਂ ਦੀ ਸ਼ਾਨ ਬਣਿਆ ਹੋਇਆ। ਜਿਹਨੂੰ ਉਹਦੇ ਚਾਹੁੰਣ ਵਾਲੇ ਬੇਹੱਦ ਪਿਆਰ/ ਸਤਿਕਾਰ ਦੇ ਰਹੇ ਹਨ।

ਆਪਣੇ ਬਹੁਤ ਹੀ ਸਹਿਯੋਗੀ ਸਰਪੰਚ ਸੰਸਾਰ ਸੰਧੂ ਜੀ, ਪੁਨੀਤ ਭੁੱਲਰ ਜੀ, ਸੈਪੂ ਜੋਗਾਂ ਜੀ, ਜਰਨੈਲ ਜੈਲੀ, ਬੱਬੂ ਪੰਜਗਰਾਈਆਂ, ਗੁਰੀ ਪੁੰਨਾਵਾਲ, ਅਵੀ ਦਿਓਲ ਬੇਨੜਾ, ਸੰਨੀ ਖੰਗੂੜਾ ਅਤੇ ਤਨੋਜ ਟਿੱਬਾ ਜੀ ਦੀ ਅਤਿ ਧੰਨਵਾਦੀ ਹੈ, ਜਿੰਨ੍ਹਾਂ ਨੇ ਉਹਦਾ ਹਰ ਸਮੇਂ ਸਾਥ ਦਿੱਤਾ ਅਤੇ ਦੇ ਰਹੇ ਹਨ। ਪਟਿਆਲਾ ਵਿਖੇ ਆਪਣੇ ਪੂਰੇ ਪਰਿਵਾਰ ਸਮੇਤ ਰਹਿ ਰਹੀ ਗਾਇਕਾ ਦਲਜੀਤ ਕੌਰ ਪਟਿਆਲਾ ਦੀ ਐਸ ਵੇਲੇ ਸੰਗੀਤ ਪ੍ਰਤੀ ਲਗਨ ਤੇ ਸਖਤ ਮਿਹਨਤ ਨੂੰ ਦੇਖਦਿਆਂ, ਇਹ ਅੰਦਾਜ਼ਾ ਸਹਿਜੇ ਹੀ ਲਾਇਆ ਜਾ ਸਕਦਾ ਹੈ ਕਿ ਆਉਣ ਵਾਲੇ ਸਮੇਂ ਚ’ ਉਹਦਾ ਸੰਗੀਤਕ ਖੇਤਰ ਵਿੱਚ ਇੱਕ ਵੱਖਰਾ ਮੁਕਾਮ ਹੋਵੇਗਾ। ਪੰਜਾਬੀ ਗਾਇਕੀ ਜਗਤ ਤੇ ਉਸਦੇ ਸਰੋਤਿਆਂ ਨੂੰ ਵੀ ਗਾਇਕਾ ਦਲਜੀਤ ਕੌਰ ਪਟਿਆਲਾ ਤੋਂ ਬਹੁਤ ਆਸ਼ਾਂ/ ਉਮੀਦਾ ਹਨ। ਸ਼ਾਲਾ! ਇਹ ਮਾਣਮੱਤੀ ਗਾਇਕਾ ਹਰ ਦਿਨ ਨਵੀਆਂ ਬੁਲੰਦੀਆਂ ਛੂਹੇ।

ਗੁਰਬਾਜ ਗਿੱਲ 98723-62507
{ਸੰਪਾਦਕ- ਜਸਟ ਪੰਜਾਬੀ}
ਨੇੜੇ ਬੱਸ ਸਟੈਂਡ, ਸਾਹਮਣੇ ਛੋਟਾ ਗੇਟ, ਬਠਿੰਡਾ (ਪੰਜਾਬ) -151001

Terms and Conditions
Privacy Policy
© 1999-2012, 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2012, 5abi.com