ਸਵ. ਉਸਤਾਦ ਕੁਲਦੀਪ ਮਾਣਕ ਜੀ ਆਪਣੇ ਅਨੇਕਾਂ ਗੀਤਾਂ ਰਾਹੀ ਪੰਜਾਬੀਆਂ ਦੇ ਦਿਲਾਂ ਵਿੱਚ ਵੱਸਦੇ ਹਨ । ਕਈ ਕਲੀਆਂ, ਲੋਕ ਗਾਥਾਵਾਂ ਅਤੇ ਘਰਾਂ ਪਰਿਵਾਰਾਂ ਦੀ ਗੱਲ੍ਹ ਕਰਨ ਵਾਲੇ ਰਿਸ਼ਤਿਆਂ ਦੇ ਮੋਹ ਨੂੰ ਗੀਤਾਂ ਰਾਹੀ ਪੇਸ਼ ਕਰਨ ਵਾਲੇ ਸ਼੍ਰੀ ਮਾਣਕ ਜੀ ਨੂੰ ਪੰਜਾਬੀ ਜਗਤ ਵਿੱਚ ਅਕਸਰ 'ਕਲੀਆਂ ਦੇ ਬਾਦਸ਼ਾਹ' ਵੱਜੋ ਪੁਕਾਰਿਆ ਜਾਂਦਾ ਹੈ । ਪਰ ਜੇਕਰ ਇਸ ਸਬੰਧੀ ਗੱਲ ਸੈਂਕੜੇ ਪੰਜਾਬੀ ਗੀਤਾਂ, ਕਲੀਆਂ ਨੂੰ ਕਲਮ ਬੱਧ ਕਰਨ ਵਾਲੇ ਪੰਜਾਬੀ ਗੀਤਕਾਰੀ ਦੇ ਬਾਪੂ ਸ਼੍ਰੀ ਹਰਦੇਵ ਦਿਲਗੀਰ ਜੀ ਭਾਵ ਦੇਵ ਥਰੀਕੇ ਵਾਲਾ ਜੀ ਨਾਲ ਕੀਤੀ ਜਾਵੇ ਤਾਂ ਉਹ ਦੱਸਦੇ ਹਨ ਕਿ ਕਲੀ ਪੰਜਾਬੀ ਸਾਹਿਤ ਦਾ ਇੱਕ ਅਟੁੱਟ ਅੰਗ ਹਨ; ਜਿਸਦੀਆਂ ਬਹੁਤ ਸਾਰੀਆਂ ਕਿਸਮਾਂ ਹਨ ।

ਨਿਰਸੰਦੇਹ ਸਵ ਕੁਲਦੀਪ ਮਾਣਕ ਜੀ ਨੇ ਬਹੁਤ ਸਾਰੇ ਲੋਕ ਤੱਥਾਂ ਨਾਲ ਭਰਪੂਰ ਕਈ ਕਲੀਆਂ ਪੰਜਾਬੀ ਸੰਗੀਤ ਦੀ ਝੋਲੀ ਪਾਈਆਂ । ਪਰ ਫਿਰ ਵੀ ਕਲੀਆਂ ਦਾ ਸੰਸਾਰ ਬੇਹੱਦ ਵਿਸ਼ਾਲ ਹੈ ਅਤੇ ਉਸ ਸੰਸਾਰ ਵਿੱਚ ਕਿਸੇ ਨੂੰ ਵੀ ਬਾਦਸ਼ਾਹ ਦੀ ਉਪਾਧੀ ਦੇਣੀ ਜਲਦਬਾਜ਼ੀ ਹੋਏਗੀ । ਸਵ ਕੁਲਦੀਪ ਮਾਣਕ ਜੀ ਵੱਲੋ ਗਾਈਆਂ ਗਈਆਂ ਕਲੀਆਂ ਵਿੱਚ ਜਿਆਦਾਤਰ 'ਅੰਬਾ ਕਲੀ' ਦਾ ਹੀ ਰੂਪ ਹਨ । ਜਦਕਿ ਕੁੱਲ ਕਿਸਮਾਂ ਦੀ ਗਿਣਤੀ 40 ਤੋ ਵੀ ਉੱਪਰ ਹਨ। ਇਸਦੇ ਉਲਟ ਉਹ ਕਹਿੰਦੇ ਹਨ ਕਿ ਸਵ ਕੁਲਦੀਪ ਮਾਣਕ ਜੀ ਵੱਲ੍ਹੋ ਸਭ ਤੋ ਵੱਧ ਲੋਕ ਗਾਥਾਵਾਂ ਗਾਕੇ ਇੱਕ ਰਿਕਾੱਰਡ ਸਥਾਪਿਤ ਕੀਤਾ ਗਿਆ ਹੈ। ਲੋਕ ਗਾਥਾਵਾਂ ਦੇ ਵਿੱਚ ਉਹਨਾਂ ਨੇ ਇਸ਼ਕ ਦੇ ਕਿੱਸੇ ਵੀ ਗਾਏ, ਧਰਮਾਂ'ਤੇ ਇਤਿਹਾਸ ਦੀਆਂ ਵਾਰਾਂ ਵੀ ਗਾਈਆਂ, ਸਿੱਖਿਆ ਦੇਣ ਵਾਲੀਆਂ ਲੋਕ ਤੱਥਾਂ ਭਰਪੂਰ ਚੱਲੀਆਂ ਆ ਰਹੀਆਂ ਦੰਦ ਗਾਥਾਵਾਂ ਨੂੰ ਵੀ ਆਪਣੀ ਗਾਇਕੀ ਵਿੱਚ ਸ਼ਾਮਿਲ ਕੀਤਾ ।ਸਰਵਣ ਵਰਗੇ ਨੇਕ ਪੁੱਤ ਦੀ ਗਾਥਾ ਵੀ ਗਾਈ ਅਤੇ ਇਸ਼ਕ ਦੇ ਤੂਫਾਨ ਵਿੱਚ ਹੜੀ ਸਾਹਿਬਾ ਦਾ ਤਰਲਾ ਵੀ ਪੰਜਾਬੀਆਂ ਨੂੰ ਸੁਣਾਇਆ ।ਅਸੀ ਸਾਰੇ ਚੰਗੀ ਤਰ੍ਹਾਂ ਜਾਣਦੇ ਹਾਂ ਕਿ ਕੁਲਦੀਪ ਮਾਣਕ ਜੀ ਵੱਲੋ ਪੇਸ਼ ਕੀਤੇ ਗਏ ਗੀਤਾਂ, ਕਲੀਆਂ ਦਾ ਵੱਡਾ ਹਿੱਸਾ ਦੇਵ ਥਰੀਕਾ ਵਾਲਾ ਜੀ ਵੱਲੋ ਹੀ ਕਲਮਬੱਧ ਕੀਤਾ ਗਿਆ ਹੈ । ਇਸ ਲਈ, ਬਾਪੂ ਸ਼੍ਰੀ ਹਰਦੇਵ ਦਿਲਗੀਰ ਮੁਤਾਬਕ ਸਵ ਉਸਤਾਦ ਸ਼੍ਰੀ ਕੁਲਦੀਪ ਮਾਣਕ ਜੀ ਨੂੰ ਕਲੀਆਂ ਦੀ ਬਜਾਏ 'ਲੋਕ ਗਾਥਾਵਾਂ ਦਾ ਬਾਦਸ਼ਾਹ' ਕਹਿਣਾ ਜਿਆਦਾ ਸਹੀ ਹੈ ।

Jaspreet Singh
9988646091

Terms and Conditions
Privacy Policy
© 1999-2018 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2018, 5abi.com