ਜਨਾਬ! ਦਿਨ-ਬ-ਦਿਨ ਖੁਰਦੀ ਜਾ ਰਹੀ ਵਿਰਾਸਤ, ਵਿਸਰਦਾ ਜਾ ਰਿਹਾ ਅਮੀਰ ਵਿਰਸਾ ਅਤੇ ਸਾਡਾ ਪੰਜਾਬੀ ਸਭਿਆਚਾਰ, ਆਪਸੀ ਭਾਈਚਾਰਕ ਸਾਂਝ-ਪਿਆਰ ਅਤੇ ਇਤਫਾਕ ਦੀਆਂ ਟੁੱਟਦੀਆਂ ਜਾ ਰਹੀਆਂ ਤੰਦਾਂ, ਸਾਡੇ ਮਨੁੱਖੀ ਜੀਵਨ ਦੇ ਪਤਨ ਲਈ ਜਿੰਮੇਵਾਰ ਬਣਦੀਆ ਜਾ ਰਹੀਆਂ ਹਨ। ਜੇਕਰ ਅਸੀ ਅੱਜ ਵੀ ਨਾ ਸੰਭਲੇ ਤਾਂ ਸਮੇਂ ਦੇ ਹਾਣੀ ਬਣਦੇ-ਬਣਦੇ, ਪੱਛਮੀ ਸਭਿਆਚਾਰ ਦੇ ਰੰਗਾਂ ਚ’ ਗੁਆਚੇ, ਆਪਣੇ ਵੱਡ-ਵਡੇਰਿਆਂ ਦੇ ਦੱਸੇ ਮਾਰਗ ਤੋਂ ਭਟਕ ਕੇ, ਆਉਣ ਵਾਲੀ ਪੀੜ੍ਹੀ ਦੇ ਪਤਨ ਦਾ ਕਾਰਨ ਬਣਕੇ ਰਹਿ ਜਾਵਾਂਗੇ।

ਸੋ ਅਲੋਪ ਹੁੰਦੇ ਜਾ ਰਹੇ ਵਿਰਸੇ ਤੇ ਸਭਿਆਚਾਰ ਦੀ ਹੋਂਦ ਨੂੰ ਯਕੀਨੀ ਬਣਾਉਣਾ, ਅਜੋਕੇ ਸਮੇਂ ਦੀ ਲੋੜ ਬਣ ਚੁੱਕਾ ਐ। ਜਿੱਥੇ ਅੱਜ ਲਾਲ ਖੂਨ ਪਾਣੀ ਦੀ ਤਰ੍ਹਾਂ ਪਤਲਾ ਤੇ ਦੁੱਧ ਵਾਂਗ ਸਫੈਦ ਹੋਈ ਜਾ ਰਿਹਾ ਹੈ, ਦੁਨੀਆਂ ਨਿਰਮੋਹੀ ਕਠੋਰ ਦਿਲ ਹੁੰਦੀ ਜਾ ਰਹੀ ਹੈ। ਜਨਾਬ! ਉੱਥੇ ਹੀ ਕੁਝ ਲੋਕ ਅਜਿਹੇ ਵੀ ਹਨ, ਜੋ ਆਪਣੇ ਅਮੀਰ ਵਿਰਸੇ ਤੇ ਸਭਿਆਚਾਰ ਨੂੰ ਪ੍ਰਮੋਟ ਕਰਨ ਲਈ ਆਪਣੀ ਬਣਦੀ ਜੁੰਮੇਵਾਰੀ ਪੂਰੀ ਤਨਦੇਹੀ ਨਾਲ ਨਿਭਾਅ ਰਹੇ ਹਨ। ਉਹ ਆਪਣੇ ਸ਼ੋਕ ਰਾਹੀਂ ਸਭਿਆਚਾਰ ਅਤੇ ਸਮਾਜ ਵਿੱਚ ਆਪਸੀ ਮਿਲਵਰਤਣ ਤੇ ਭਾਈਚਾਰਕ ਸਾਂਝ ਦੀਆਂ ਤੰਦਾਂ ਨੂੰ ਹੋਰ ਪੀਡੀਆਂ/ ਮਜਬੂਤ ਕਰਨ ਲਈ ਬੜਾ ਯੋਗਦਾਨ ਕਰ ਰਹੇ ਹਨ ਜਿੰਨ੍ਹਾਂ ਅੰਦਰ ਇੱਕ ਜਜਬਾ ਐ, ਗਰੀਬ ਲੋਕਾਂ ਦੇ ਕੰਮ ਆਉਣ ਦਾ, ਸ਼ੋਕ ਹੈ ਆਪਸੀ ਪਿਆਰ, ਇਤਫਾਕ ਤੇ ਭਾਈਚਾਰਕ ਸਾਂਝ ਦੇ ਪ੍ਰਤੀਕ ਸਭਿਆਚਾਰ ਨੂੰ ਹੋਰ ਪ੍ਰਮੋਟ ਕਰਨ ਦਾ। ਸੱਚਮੁੱਚ ਜ਼ਿੰਦਗੀ ਦਾ ਨਾਂ ਹੀ ਜ਼ਿੰਦਾਦਿਲੀ, ਮੰਨੋਰੰਜਨ ਅਤੇ ਸ਼ੋਕ ਦਾ ਹੈ। ਜੇਕਰ ਜ਼ਿੰਦਗੀ ਵਿੱਚ ਇਹ ਸਾਰੇ ਰੰਗ ਨਾ ਹੋਣ ਤਾਂ ਜ਼ਿੰਦਗੀ ਬੇਰੰਗ ਤੇ ਬੇ-ਰੌਣਕੀ ਹੋ ਜਾਵੇ। ਇਸੇ ਲਈ ਜਰੂਰੀ ਹੈ, ਅਸੀਂ ਜ਼ਿੰਦਗੀ ਦੇ ਸ਼ੋਕਾਂ ਨੂੰ ਉਸਾਰੂ ਤੇ ਲੋਕ ਸੇਵਾ ਦੇ ਕੰਮਾਂ ਰਾਹੀ ਮਾਣਦੇ ਰਹੀਏ। ਐਸੇ ਹੀ ਜ਼ਿੰਦਗੀ ਦੇ ਖੁਬਸੂਰਤ ਰੰਗਾਂ ਦੀ ਰੰਗਤ ‘ਚ ਰੰਗਿਆ ਨਾਂ, ਜੋ ਸੰਗੀਤਕ ਖੇਤਰ ਚ’ ਆਪਣੀ ਵੱਖਰੀ ਪਹਿਚਾਣ ਬਣਾ ਰਿਹਾ, ਤੇ ਉਹ ਹੈ, “ਮਣਕੂ ਏਟਰਟੇਨਮੈਂਟ” ਦਾ ਨਿਰਮਾਤਾ - ਜਸਵੀਰ ਮਣਕੂ।

ਜਸਵੀਰ ਮਣਕੂ ਉਸ ਸ਼ਖਸੀਅਤ ਦਾ ਨਾਂ ਹੈ, ਜਿਸ ਨੇ ਜ਼ਿੰਦਗੀ ਨੂੰ ਮਾਣਿਆ, ਆਪਣੇ ਜੱਦੀਂ ਪਿੰਡ ਪੰਜਗਰਾਈ ਕਲਾਂ ਦੀਆਂ ਗਲੀਆਂ ‘ਚ ਆਪਣਾ ਬਚਪਨ ਗੁਜਾਰਦਿਆ ਹੋਇਆ ਆਪਣੀ ਅੰਦਰਲੀ ਕਲਾ ਨੂੰ ਨਾਲ-ਨਾਲ ਪਾਲਿਆ, ਜੀ. ਐਨ. ਈ. ਕਾਲਜ ਡਿਪਲੋਮਾ ਕੀਤਾ। ਪਰ ਆਪਣਾ ਇਹ ਸ਼ੋਕ ਵੀ ਨਿਰੰਤਰ ਜਾਰੀ ਰੱਖਿਆ, ਤਾਂ ਹੀ ਤਾਂ ਪਿਤਾ ਸ. ਗੁਰਦੇਵ ਸਿੰਘ ਤੇ ਮਾਤਾ ਸਰਦਾਰਨੀ ਗੁਰਤੇਜ ਕੌਰ ਦੀਆਂ ਅੱਖੀਆਂ ਦਾ ਤਾਰਾ ਅੱਜ ਲੁਧਿਆਣੇ ਵਰਗੇ ਸ਼ਹਿਰ ਚ’ ਆਪਣੀ ਮਿਊਜ਼ਿਕ ਕੰਪਨੀ “ਮਣਕੂ ਏਟਰਟੇਨਮੈਂਟ” ਚਲਾ ਰਿਹਾ, ਜਿਸ ਲਈ ਉਹ ਦਿਨ-ਰਾਤ ਇੱਕ ਕਰ ਰਿਹੈ। ਗਾਇਕਾ ਹਰਸ਼ ਸ਼ਰਮਾਂ ਦਾ ਟਰੈਕ “ਉਡੀਕ”, ਜੇ ਅੱਜ ਹਰ ਇੱਕ ਸ਼ਖਸ ਦੀ ਜ਼ੁਬਾਨ ‘ਤੇ ਹੈ ਤਾਂ ਇਸ ਦੇ ਪਿੱਛੇ ਇੱਕੋ ਸ਼ਖਸੀਅਤ ਦਾ ਨਾਂ ਆਉਦਾ ਤੇ ਉਹ ਹੈ ਜਸਵੀਰ ਮਣਕੂ ਜਿਸ ਨੇ ਆਪਣੀ ਕੰਪਨੀ ਬਣਾਕੇ ਇਹ ਪਹਿਲਾ ਟਰੈਕ ਰਿਲੀਜ਼ ਕੀਤਾ। ਸੰਗੀਤਕਾਰ ਬੌਬੀ ਉੱਤਮ ਦੁਆਰਾ ਸੰਗੀਤ-ਬੱਧ ਕੀਤੇ ਇਸ ਗੀਤ ਦਾ ਫ਼ਿਲਮਾਂਕਣ ਬਾਵਾ ਫ਼ਿਲਮਜ਼ ਨੇ ਬੜੇ ਹੀ ਵਧੀਆ ਤੇ ਖੁਬਸੂਰਤ ਲੋਕੇਸ਼ਨਾਂ ਉੱਪਰ ਕੀਤਾ, ਜਿਸ ਨੂੰ ਬੜਾ ਭਰਵਾ ਹੁੰਗਾਰਾ ਮਿਲਿਆ। ਉਸ ਤੋ ਬਾਅਦ ਗਾਇਕ ਜੋੜੀ ਬਾਜ ਸਿੰਘ ਬਾਜ ਤੇ ਬੀਬਾ ਸੁਖਵਿੰਦਰ ਸੁੱਖੀ ਦਾ “ਮਸਤੀ ਭਰਿਆ ਅਖਾੜਾ”, “ਵੋਟਾਂ ਦੇ ਦਿਨ” (ਕੁਲਵੰਤ ਸੋਨੀ-ਰਾਜ ਰਿਆੜ), “ਘੈਂਟ ਬਠਿੰਡਾ” (ਰੁਪਿੰਦਰ ਕੋਟ ਫੱਤਾ), “”ਅੱਖਾਂ ਰਾਂਹੀ” (ਵਿਸ਼ਾਲ), “ਧੀ ਦੀ ਪੁਕਾਰ” (ਗੁਰਪ੍ਰੀਤ ਸਿੱਧੂ), “ਗੁੱਤ ਦੇ ਪਰਾਂਦੇ” (ਕੰਚਨ ਬਾਵਾ), “ਮਾਂ” (ਦਵਿੰਦਰ ਘੁਮਾਣ), “ਸਾਡੀ ਬੇਬੇ” (ਕੁਲਵੰਤ ਸੋਨੀ-ਰਾਜ ਰਿਆੜ), “ਬੁੱਲਾਂ ਉੱਤੇ ਹਾਸੇ” (ਸੁਨੀਤਾ ਖੁਰਾਣਾ), “ਕੁੜੀਆ ਦੇ ਦਿਲ” (ਸੰਨੀ ਗਿੱਲ), “ਰੋਂਦੇ ਨੇ ਨੈਣ” (ਸਾਗਰ ਅਰਮਾਨ), “ਸ਼ੌਂਕ ਬੱਲੀਏ” (ਰਪਿੰਦਰ ਕੋਟ ਫੱਤਾ), “ਐਂਡ ਯਾਰ” (ਕੇ. ਸੰਮੀ) ਅਤੇ “ਸਲੂਟ” (ਸੰਨੀ ਗਿੱਲ) ਆਦਿ ਟਰੈਕ ਮਾਰਕੀਟ ਦਿੱਤੇ, ਜਿੰਨ੍ਹਾਂ ਨੂੰ ਉਹਨਾਂ ਦੇ ਚਾਹੁੰਣ ਵਾਲਿਆ ਨੇ ਮਣਾਂ-ਮੂੰਹੀ ਪਿਆਰ/ ਸਤਿਕਾਰ ਨਾਲ ਨਿਵਾਜਿਆ।

ਅੱਜ ਕੱਲ੍ਹ “ਮਣਕੂ ਏਟਰਟੇਨਮੈਂਟ” ਅਧੀਨ ਵੱਖ-ਵੱਖ ਚੈਨਲਾਂ ਦਾ ਸਿੰਗਾਰ ਬਣਿਆ ਗਾਇਕ ਗੁਰਪ੍ਰੀਤ ਸਿੱਧੂ ਦਾ ਸਿੰਗਲ ਟਰੈਕ “ਯਾਰਾਂ ਨੂੰ ਯਾਰੀ” ਖੂਬ ਚੱਲ ਰਿਹਾ, ਗੁਰਪ੍ਰੀਤ ਸਿੱਧੂ ਦੁਆਰਾ ਆਪਣੇ ਹੀ ਇਸ ਗੀਤ ਨੂੰ ਬੜੀ ਹੀ ਰੂਹ ਨਾਲ ਗਾਇਆ ਅਤੇ ਸੰਗੀਤਕਾਰ ਬੌਬੀ ਉੱਤਮ ਦੇ ਸੰਗੀਤ ਕਰੇ, ਇਸ ਗੀਤ ਦਾ ਵੀਡੀਓ ਕੂਬਲੀ ਇਸਾਨ ਨੇ ਫੀਮੇਲ ਆਰਟਿਸਟ ਪ੍ਰਵੀਨ ਆਹਲੂਵਾਲੀਆ ਤੇ ਜਸਵੀਰ ਮਣਕੂ ਜੀ ਦੀ ਜੋੜੀ ਨੂੰ ਲੈ ਕੇ ਬਹੁਤ ਹੀ ਮਿਹਨਤ ਨਾਲ ਬਣਾਇਆ, ਜਿਸ ਨੂੰ ਹਰ ਵਰਗ ਤੋਂ ਭਰਪੂਰ ਹੁੰਗਾਰਾ ਮਿਲ ਰਿਹੈ। ਜਲਦੀ ਹੀ “ਮਣਕੂ ਏਟਰਟੇਨਮੈਂਟ” ਗਾਇਕ ਸਾਗਰ ਅਰਮਾਨ ਦਾ ਟਰੈਕ “ਹਿੱਕ ਨੂੰ”, ਅਤੇ 2-3 ਹੋਰ ਨਾਮੀ ਗਾਇਕਾ ਦੇ ਟਰੈਕ ਰਿਲੀਜ਼ ਕਰਨ ਦੀ ਤਿਆਰੀ ਵਿੱਚ ਲੱਗੇ ਹੋਏ ਹਨ।

ਜਸਵੀਰ ਮਣਕੂ ਦਾ ਸਿਰਫ ਇੱਕ ਹੀ ਸੁਪਨਾ ਹੈ ਆਪਣਾ, ਆਪਣੀ ਕੰਪਨੀ ਦਾ ਅਤੇ ਸ਼ੁਰੀਲੇ ਨੂੰ ਅੱਗੇ ਲਿਆਉਣਾ ਤੇ ਨਾਂ ਬਣਾਉਣਾ। “ਮਣਕੂ ਏਟਰਟੇਨਮੈਂਟ” ਕੰਪਨੀ ਚਲਾਉਣਾ ਕੋਈ ਉਹਨਾਂ ਲਈ ਨੋਟ ਕਮਾਉਣ ਦਾ ਜ਼ਰੀਆ ਨਹੀਂ, ਸਗੋਂ ਉਹਨਾਂ ਦਾ ਕਹਿਣਾ ਕਿ ਪੰਜਾਬੀ ਗੀਤ-ਸੰਗੀਤ ਨੂੰ ਖਤਮ ਕਰਨ ਵਾਲਾ ਕੋਈ ਨਹੀਂ ਹੈ, ਸਿਰਫ ਪੈਸੇ ਕਰਕੇ ਕਲਾਕਾਰ ਨਾ ਬਣੋ, ਸਗੋਂ ਕੋਈ ਸਮਾਜ ਨੂੰ ਦੇਣ ਦਿਓ, ਕਿਸੇ ਲੋੜਵੰਦ ਦੀ ਮੱਦਦ ਕਰਨ ਜਾਂ ਕਿਸੇ ਦੀ ਕਲਾ ਨੂੰ ਨਿਖਾਰਨਾ ਸਭ ਤੋਂ ਵੱਡੀ ਸੰਤੁਸ਼ਟੀ ਵਾਲੀ ਗੱਲ ਹੈ।
ਜਸਵੀਰ ਮਣਕੂ ਉਸ ਪਰਮ-ਪ੍ਰਮਾਤਮਾ ਦਾ ਬੜਾ ਸ਼ੁਕਰਗੁਜ਼ਾਰ ਐ, ਨਾਲ ਹੀ ਆਪਣੇ ਪੂਰੇ ਪਰਿਵਾਰ ਦਾ ਜਿੰਨ੍ਹਾਂ ਨੇ ਉਹਦਾ ਹਰ ਵਕਤ ਸਾਥ ਦਿੱਤਾ ਅਤੇ ਦੇ ਰਹੇ ਹਨ ਬਾਕੀ ਸੰਗੀਤਕਾਰ ਬੌਬੀ ਉੱਤਮ, ਗਾਇਕ ਤੇ ਸੰਗੀਤਕਾਰ ਵਿਕਟਰ ਕੰਬੋਜ ਅਤੇ ਪੇਸ਼ਕਾਰ/ ਗੀਤਕਾਰ ਦੇਵ ਹਿਮਾਂਯੂੰਪੁਰਾ ਵਰਗੇ ਸੱਜਨਾ/ ਮਿੱਤਰਾਂ ਦੀ ਹੱਲਾਸ਼ੇਰੀ ਬਹੁਤ ਹੈ।

-ਗੁਰਬਾਜ ਗਿੱਲ 98723-62507
(ਸੰਪਾਦਕ – ਜਸਟ ਪੰਜਾਬੀ)
ਨੇੜੇ ਬੱਸ ਸਟੈਂਡ, ਸਾਹਮਣੇ ਛੋਟਾ ਗੇਟ, ਬਠਿੰਡਾ (ਪੰਜਾਬ)-151001

Terms and Conditions
Privacy Policy
© 1999-2012, 5abi.com

www.5abi.com
[ ਸਾਡਾ ਮਨੋਰਥ ][ ਈਮੇਲ ][ ਹੋਰ ਸੰਪਰਕ ][ ਸਾਹਿਤ ][ ਮਾਨਵ ਚੇਤਨਾ ]
[ ਵਿਗਿਆਨ ][ ਕਲਾ/ਕਲਾਕਾਰ ][ ਫਿਲਮਾਂ ][ ਖੇਡਾਂ ][ ਪੁਸਤਕਾਂ ][ ਇਤਿਹਾਸ ][ ਜਾਣਕਾਰੀ ]

©1999-2012, 5abi.com