ਦਰਾਮਨ - ਦਸਮੇਸ਼ ਪਿਤਾ ਜੀ ਦੇ ਸਾਹਿਬਜਾਦਿਆ ਦੀ ਛੋਟੀ ਉਮਰਾ ਕੁਰਬਾਨੀਆ ਤੇ ਆਧਾਰਿਤ ਫਿਲਮ ਚਾਰ ਸਾਹਿਬਜਾਦਿਆ ਨੂੰ ਨਾਰਵੇ ਦੇ ਸ਼ਹਿਰਾ ੳਸਲੋ ਦਰਾਮਨ ਦੇ ਸਿਨੇਮੇ ਘਰਾਂ ਚ ਸੰਗਤ ਵੱਲੋ ਬੜੇ ਉਤਸ਼ਾਹ ਨਾਲ ਵੇਖਿਆ ਗਿਆ। ਦਰਾਮਨ ਸ਼ਹਿਰ ਦੇ ਮੁੱਖ ਸਿਨੇਮਾ ਘਰ ਚ ਦੋ ਦਿਨ ਇਸ ਫਿਲਮ ਦੇ ਚਾਰ ਸ਼ੋਅ ਚਲਾਏ ਗਏ ਤੇ ਇਹਨਾ ਚਾਰਾ ਸ਼ੋਆ ਦੋਰਾਨ ਇੱਕਾ ਦੁੱਕਾ ਸੀਟ ਹੀ ਖਾਲੀ ਨਜ਼ਰ ਆਈ,ਛੋਟੀ ਉਮਰ ਦੇ ਬੱਚੇ ਬੱਚੀਆ ਸਿੱਖ ਇਤਿਹਾਸ ਦੇ ਇਹਨਾ ਪੰਨਿਆ ਤੋ ਬਹੁਤ ਪ੍ਰਭਾਵਿਤ ਹੋਏ।ਫਿਲਮ

ਸਮਾਪਤੀ ਉਪਰੰਤ ਛੋਟੇ ਬੱਚੇ ਬੱਚੀਆ ਦੇ ਅੱਖਾ ਚ ਹੰਝੂ ਆਮ ਨਜ਼ਰ ਆਏ। ਕੁੱਝ ਦਰਸ਼ਕਾ ਨੇ ਮੀਡੀਆ ਨਾਲ ਗੱਲ ਕਰਦੇ ਦੱਸਿਆ ਕਿ ਸਿੱਖ ਇਤਿਹਾਸ ਤੇ ਇਸ ਤਰਾ ਦੀਆਂ ਫਿਲਮਾ ਕਦੇ ਨਹੀ ਬਣੀਆ। ਅਸੀ ਧੰਨਵਾਦੀ ਹਾਂ ਹੈਰੀ ਬਵੇਜਾ ਜੀ ਦਾ ਜਿਹਨਾ ਨੇ ਇਹ ਉਪਰਾਲਾ ਕਰ ਇਤਿਹਾਸ ਨੂੰ ਸੱਚਾਈ ਵਾਂਗ ਫਿਲਮੀ ਪਰਦੇ ਤੇ ਪੇਸ਼ ਕੀਤਾ। ਸਿੱਖ ਇਤਿਹਾਸ ਕੁਰਬਾਨੀਆ ਨਾਲ ਭਰਿਆ ਪਿਆ ਹੈ ਉਮੀਦ ਕਰਦੇ ਹਾਂ ਕਿ ਹੈਰੀ ਬਵੇਜਾ ਜੀ ਭਵਿੱਖ ਵਿੱਚ ਸਿੱਖ ਇਤਿਹਾਸ ਨਾਲ ਸੰਬੱਿਧਤ ਮਹਨਾ ਯੋਧਿਆ ਦੀ ਹੋਰ ਫਿਲਮਾ ਵੀ ਸੰਗਤਾ ਨਾਲ ਸਾਂਝੀਆ ਕਰਨਗੇ।