ਪੰਜਾਬੀ ਦੇ ਪ੍ਰਸਿਧ ਲੇਖ਼ਕ, ਜਰਨਾਲਿਸਟ, ਟੈਲੀਵੀਯਨ ਅਤੇ ਰੇਡੀਓ ਬ੍ਰਾਡਕਾਸਟਰ ਡਾਕਟਰ ਸਾਥੀ ਲੁਧਿਆਣਵੀ ਨੂੰ ਯੂ ਕੇ ਦੇ ਬੁਹ ਚਰਚਿਤ ਅਦਾਰੇ ਪੰਜਾਬੀ ਸਰਕਲ ਇੰਟਰਨੈਸ਼ਨਲ ਵਲ੍ਹੋਂ ਰਿਵਰਸਾਈਡ ਬੇਂਕੁਇਟਿੰਗ, ਲੰਡਨ ਵਿਖ਼ੇ ਸਨਮਾਨਤ ਕੀਤਾ ਗਿਆ। ਇਹ ਸਨਮਾਨ ਉਨ੍ਹਾਂ ਦੀਆਂ ਪੰਜਾਬੀ ਸਾਹਿਤ, ਕਲਚਰ ਅਤੇ ਮਲਟੀ ਲਿੰਗੂਅਲ ਬ੍ਰਾਡਕਾਸਟਿੰਗ ਪ੍ਰਤੀ ਕੀਤੀਆਂ ਗਈਆਂ ਸੇਵਾਵਾਂ ਕਰਕੇ ਕੀਤਾ ਗਿਆ।

ਬਰਤਾਨੀਆਂ ਦੇ ਅਟੌਰਨੀ ਜਨਰਲ ਰਾਈਟ ਔਨਰੇਬਲ ਡੌਮਨਿਕ ਗ਼ਰੀਵ ਕਿਊ ਸੀ ਐਮ ਪੀ ਨੇ ਆਪ ਜੀ ਨੂੰ ਸ਼ੀਲਡ ਭੇਂਟ ਕੀਤੀ। ਉਨ੍ਹਾਂ ਨਾਲ ਸੀਮਾ ਮਲਹੋਤਰਾ ਮੈਂਬਰ ਪਾਰਲੀਮੈਂਟ ਅਤੇ ਪਾਲ ਰਾਇਤ ਪ੍ਰਧਾਨ ਪੰਜਾਬੀ ਸਰਕਲ ਇੰਟਰਨੈਸ਼ਨਲ ਵੀ ਖ਼ੜੋਤੇ ਸਨ। ਯਾਦ ਰਹੇ ਸਾਥੀ ਲੁਧਿਆਣਵੀ ਪਿਛਲੇ ਸੱਠਾਂ ਸਾਲਾਂ ਤੋਂ ਪੰਜਾਬੀ ਵਿਚ ਲਿਖ਼ ਰਹੇ ਹਨ। ਆਪ ਨੂੰ 1985 ਵਿਚ ਪੰਜਾਬ ਸਰਕਾਰ ਦੇ ਭਾਸ਼ਾ ਵਿਭਾਗ ਨੇ ਸ਼ਰੋਮਣੀ ਸਾਹਿਤਕਾਰ ਦਾ ਪੁਰਸਕਾਰ ਵੀ ਦਿੱਤਾ ਸੀ। 2009 ਵਿਚ ਆਪ ਨੂੰ ਯੁਨੀਵਰਸਿਟੀ ਔਫ਼ ਈਸਟ ਲੰਡਨ ਨੇ ਟੈਲੀਵੀਯਨ ਅਤੇ ਰੇਡੀਓ ਪ੍ਰਤੀ ਕੀਤੀਆਂ ਸੇਵਾਵਾਂ ਕਰਕੇ ਡੌਕਟਰ ਔਫ ਆਰਟਸ ਦੀ ਉਪਾਧੀ ਦਿੱਤੀ ਸੀ। ਦੇਸਾਂ ਵਿਦੇਸਾਂ ਦੀਆਂ ਅਨੇਕਾਂ ਸੰਸਥਾਵਾਂ ਨੇ ਆਪ ਦਾ ਹਮੇਸ਼ਾ ਇਹਤਰਾਮ ਕੀਤਾ ਹੈ ।