ਜਰਮਨੀ ਬਰੀਮਨ 20 ਸਤੰਬਰ 2014 - ਪੰਜਾਬੀ ਦੁਨੀਆ ਵਿੱਚ ਜਿੱਥੇ ਵੀ ਵੱਸਦੇ ਹਨ ਆਪਣੀ ਜ਼ਬਾਨ ਦੀ ਸਿੱਕ ਦਿਲ ਵਿੱਚ ਸਮੋਈ ਬੈਠੇ ਹਨ। ਪਰਦੇਸ ਵਿੱਚ ਆ ਕੇ ਨਵੀਂ ਪੀੜ੍ਹੀ ਨੂੰ ਆਪਣੇ ਵਿਰਸੇ ਨਾਲ ਜੋੜਨਾ, ਪੰਜਾਬੀ ਜ਼ੁਬਾਨ ਦੀ ਸ਼ਨਾਖਤ ਬਰਕਰਾਰ ਰੱਖਣੀ ਪੰਜਾਬੀ ਜ਼ੁਬਾਨ ਦੀ ਚੜਦੀ ਕਲਾ ਦੀ ਪ੍ਰਤੀਕ ਹੈ ।

ਪਿਛਲੇ ਦਿਨੀਂ ਪੰਜਾਬੀ ਸੱਥ, ਜਰਮਨੀ ਵਲੋਂ ਦੁਨੀਆ ਭਰ ਵਿੱਚ ਵੱਸਦੇ ਪੰਜਾਬੀ ਕਵੀਆਂ, ਸਾਹਿਤਕਾਰਾਂ, ਸਾਹਿਤ ਪ੍ਰੇਮੀਆਂ ਦਾ ਵਿਸ਼ਾਲ ਇੱਕਠ ਹੋਇਆ । ਪਰੋਗਰਾਮ ਦੀ ਸ਼ੁਰੂਆਤ ਮੇਜ਼ਬਾਨ ਦੋਸਤਾਂ ਸੁੱਚਾ ਸਿੰਘ ਬਾਜਵਾ ਤੇ ਅੰਜੂਜੀਤ ਸ਼ਰਮਾ ਨੇ ਕੀਤੀ । ਸੁੱਚਾ ਸਿੰਘ ਬਾਜਵਾ ਨੇ ਮੁੱਖ ਸ਼ਖਸ਼ੀਅਤਾਂ ਪੂਰਨ ਸਿੰਘ ਯੂ ਕੇ , ਪਾਕਿਸਤਾਨੀ ਨਾਮਵਰ ਸ਼ਾਇਰ ਮਸTਦ ਚੌਧਰੀ ਤੇ ਦੂਰੋਂ ਨੇੜਿਓ ਆਏ ਸੱਜਣਾ ਨੂੰ ਜੀ ਆਇਆ ਆਖਿਆ , ਸ਼ੁਰੂਆਤ ਪਵਨ ਪਰਵਾਸੀ ਨੇ ਇਨਕਲਾਬੀ ਗੀਤ , ਦਹਿਕਦੇਂ ਅੰਗਿਆਰਾਂ ਤੇ ਸੋਂਦੇ ਨੇ ਲੋਕ , ਨਾਲ ਕੀਤੀ । ਉਪਰੰਤ ਅੰਜੂਜੀਤ ਸ਼ਰਮਾ ਨੇ ਸੁਰਿੰਦਰ ਕੌਰ ਜੀ ਦਾ ਗੀਤ 'ਮੈਨੂੰ ਹੀਰੇ-ਹੀਰੇ ਆਖੇਂ ਹਾਏ ਨੀ ਮੁੰਡਾ ਲੰਬੜਾਂ ਦਾ' ਸੁਣਾ ਕੇ ਸਰੋਤਿਆਂ ਤੋਂ ਦਾਦ ਹਾਸਲ ਕੀਤੀ । ਮੋਹਤਰਿਮਾ ਤਾਹਿਰਾ ਰਬਾਬ ਨੇ ਪੰਜਾਬੀ ਤੋਂ ਇਲਾਵਾ ਉਰਦੂ ਗ਼ਜ਼ਲ, 'ਮੈਂ ਹਵਾਓ ਕੇ ਹਾਥ ਕਹਾਂ ਆਊਗੀਂ' ਪੇਸ਼ ਕਰ ਕੇ ਸਰੋਤਿਆਂ ਨੂੰ ਕੀਲ ਲਿਆ । ਮਸਊਦ ਚੌਧਰੀ ਨੇ ਖੂਬਸੂਰਤ ਅੰਦਾਜ਼ ਵਿੱਚ, ਦਿਲ ਅੱਕ ਗਿਆ ਮਲਹਾਰਾਂ ਤੋਂ ਮੇਰਾ ਦੀਪਕ ਗਾਉਣ ਨੂੰ ਜੀਅ ਕਰਦਾ ਤੇ ਹੋਰ ਦਿਲਕਸ਼ ਗ਼ਜ਼ਲਾਂ ਪੇਸ਼ ਕੀਤੀਆਂ । ਇੱਟਲੀ ਤੋਂ ਆਏ ਐੱਸ ਸੁਰਿੰਦਰ ਨੇ , ਪੱਤਣ ਉੱਤੇ ਵਹਿ ਚੁੱਕਾ ਹਾਂ, ਕੰਧੀਂ ਰੁੱਖੜਾਂ ਢਹਿ ਚੁੱਕਾ ਹਾਂ ਗ਼ਜ਼ਲ ਪੇਸ਼ ਕੀਤੀ । ਇੰਗਲੈਂਡ ਤੋਂ ਆਏ ਅਵਤਾਰ ਸਿੰਘ ਸੈਂਹਬੀ ਨੇ , ਮੈਂ ਮੰਗਦਾ ਹਾਂ ਪਿਆਰ ਤੇ ਬੋਹੜ ਦੀ ਠੰਡੀ ਛਾਂ, ਕਵਿਤਾ ਪੇਸ਼ ਕੀਤੀ । ਬਲਵਿੰਦਰ ਕੌਰ ਨੰਦਾ ਨੇ ਲੋਕ ਗੀਤ,ਜੁੱਤੀ ਕਸੂਰੀ ਆਵੇ ਨਾ ਪੂਰੀ ਪੇਸ਼ ਕੀਤਾ । ਜਰਮਨ ਵਿੱਚ ਵੱਸਦੇ ਭਾਰਤੀ ਅਦਾਕਾਰ ਪਰਸ਼ਾਤ ਜੈਸਵਾਲ ਨੇ ਅਲੱਗ-ਅਲੱਗ ਭਾਰਤੀ ਅਦਾਕਾਰਾਂ ਦੀ ਅਵਾਜ਼ ਵਿੱਚ ਡਾਇਲਾਗ ਸੁਣਾਏ ।

ਦਾਰਸ਼ਨਿਕ ਸੋਚ ਦੇ ਮਾਲਕ ਪੂਰਨ ਸਿੰਘ ਜੀ ਨੇ ਜ਼ਿੰਦਗੀ ਵਾਰੇ ਆਪਣੇ ਦਾਰਿਸ਼ਨਕ ਵਿਚਾਰ ਪੇਸ਼ ਕੀਤੇ । ਟੇਕ ਚੰਦ ਪੂੰਨੀ ਨੇ ਭਾਰਤ ਵਿੱਚ ਉਨ੍ਹਾਂ ਵਲੋਂ ਕੀਤੇ ਜਾਂਦੇ ਪਰਿਵਾਰ ਭਲਾਈ ਕੰਮਾਂ ਦਾ ਵਿਸਥਾਰ ਨਾਲ ਜਿ਼ਕਰ ਕੀਤਾ । ਸ਼ੁਭਾਸ਼ ਚੌਪੜਾ ਨੇ ਜਰਮਨੀ ਵਿੱਚ ਪੰਜਾਬੀ ਜ਼ੁਬਾਨ ਲਈ ਹੋ ਰਹੇ ਵਿਕਾਸ ਦਾ ਉਲੇਖ਼ ਕੀਤਾ । ਯੋਰੂਪ ਟਾਇਮਜ਼ ਦੇ ਸੰਪਾਦਕ ਸਤਵਿੰਦਰ ਸਿੰਘ ਮਿਆਣੀ ਨੇ ਮੀਡੀਆ ਦੀ ਮਹੱਤਤਾ ਵਾਰੇ ਭਾਵਪੂਰਵਕ ਜਿ਼ਕਰ ਕੀਤਾ । ਉਨ੍ਹਾਂ ਦੀ ਟੀਮ ਵਲੋਂ ਸਾਰੇ ਪਰੋਗਰਾਮ ਦੀ ਕਵਰਿੰਗ ਰਿਪੋਟਿੰਗ ਕੀਤੀ ਗਈ । ਹਰਮਿੰਦਰ ਸਿੰਘ ਨੇ ਪੰਜਾਬੀ ਵਿਰਸੇ ਦੀ ਬਾਤ ਪਾਈ । ਪਾਕਿਸਤਾਨ ਬੁਲਾਰੇ ਚਾਂਦ ਜੀ ਨੇ ਪੰਜਾਬੀ ਭਾਈਚਾਰਕ ਸਾਂਝ ਬਣਾਈ ਰੱਖਣ ਤੇ ਜ਼ੋਰ ਦਿੱਤਾ । ਡੈਨਮਾਰਕ ਤੋਂ ਆਏ ਕਿਸ਼ਨ ਕੁਮਾਰ ਜੀ ਨੇ ਫਿਰਕਾਪ੍ਰਸਤ ਤਾਕਤਾਂ ਤੇ ਕਰਾਰੀ ਚੋਟ ਕੀਤੀ । ਤ੍ਰਿਲੋਕ ਸਿੰਘ ਨੰਦਾ ਜੀ ਨੇ ਜ਼ਿੰਦਗੀ ਵਾਰੇ ਖ਼ੂਬਸੂਰਤ ਵਿਚਾਰ ਪੇਸ਼ ਕੀਤੇ । ਸੁਰਜੀਤ ਸਿੰਘ ਨੰਦਾ ਨੇ ਪੰਜਾਬੀ ਜ਼ੁਬਾਨ ਪ੍ਰਤੀ ਆਪਣਾ ਅਕੀਦਾ ਪੇਸ਼ ਕੀਤਾ ।

ਇੱਸ ਤੋਂ ਇਲਾਵਾ ਹੋਰ ਨਾਮਵਰ ਸ਼ਖਸ਼ੀਅਤਾਂ ਨੇ ਮੁਖ਼ਾਤਿਬ ਕੀਤਾ । ਬੱਚਿਆਂ ਨੇ ਮਾਡਲਿੰਗ ਪੇਸ਼ ਕੀਤੀ । ਸਹੇਲੀ ਗਰੁੱਪ ਜਰਮਨ ਵਲੋਂ ਸ਼ਾਨਦਾਰ ਡਾਂਸ ਪੇਸ਼ ਕੀਤਾ ਗਿਆ । ਪੰਜਾਬੀਆਂ ਦੀ ਜਿੰਦ ਜਾਨ ਗਿੱਧਾ ਅਤੇ ਭੰਗੜਾ ਪੇਸ਼ ਕੀਤਾ ਗਿਆ । ਕਿਰਨ ਮਟੈਨਿਕ ਨੇ ਭਾਰਤ ਨਾਟਿਯਮ ਪੇਸ਼ ਕੀਤਾ । ਆਇਰਲੈਂਡ ਤੋਂ ਧਰਮਿੰਦਰ ਸਿੰਘ ਕੰਗ ਨੇ ਸਾਰੇ ਪਰੋਗਰਾਮ ਦੀ ਵੀਡੀਉ ਕਵਰਿੰਗ ਕੀਤੀ । ਰੋਜ਼ਾਨਾ ਸਪੋਕਸਮੈਨ ਵਲੋਂ ਕਾਬਲ ਸਿੰਘ ਹਾਲੈਂਡ ਤੋਂ ਜੌਗਿੰਦਰ ਸਿੰਘ ਬਾਠ ਤੇ ਦੁਨੀਆ ਭਰ ਤੋਂ ਹੋਰ ਨਾਮਵਰ ਸ਼ਖਸ਼ੀਅਤਾਂ ਨੇ ਭਾਗ ਲਿਆ । ਪੰਜਾਬੀ ਦੀਆਂ ਸਾਹਿਤਕ ਕਿਤਾਬਾ ਮੁਫ਼ਤ ਵੰਡੀਆ ਗਈਆ । ਗੁਰਦਿੱਤਾ ਲਾਲ ਜੀ ਨੇ ਆਏ ਮਹਿਮਾਨਾ ਦੀ ਵੰਨ ਸੁਵੰਨੇ ਖਾਣਿਆਂ ਨਾਲ ਸੇਵਾ ਕੀਤੀ । ਭਾਰਤੀ ਅਤੇ ਪਾਕਿਸਤਾਨੀ ਪਰਿਵਾਰਾਂ ਦਾ ਬਹੁਤ ਵੱਡੀ ਗਿਣਤੀ ਵਿੱਚ ਸ਼ਾਮਲ ਹੋਣਾ ਇੱਸ ਪਰੋਗਰਾਮ ਦੀ ਸਫ਼ਲਤਾ ਹੈ । ਅੰਤ ਵਿੱਚ ਮਸਊਦ ਚੌਧਰੀ , ਪੂਰਨ ਸਿੰਘ ਯੂ ਕੇ ਨੂੰ ਪੰਜਾਬੀ ਸੱਥ ਜਰਮਨੀ ਵਲੋਂ ਸਨਮਾਨਿਤ ਕੀਤਾ ਗਿਆ । ਸੁੱਚਾ ਸਿੰਘ , ਅੰਜੂਜੀਤ ਸ਼ਰਮਾ ਨੇ ਆਏ ਪਰਾਉਣਿਆਂ ਦਾ ਧੰਨਵਾਦ ਕੀਤਾ ।

ਸਾਰੇ ਪਰੋਗਰਾਮ ਨੇਪੇਰੇ ਚਾਣਨ ਲਈ ਕਮਲਜੀਤ ਸ਼ਰਮਾ ਦੀ ਵੱਡਮੁੱਲੀ ਮਿਹਨਤ ਰਹੀ । ਅਗਲੇ ਸਾਲ ਫਿ਼ਰ ਮਿਲਣ ਦਾ ਇਕਰਾਰ ਕਰਕੇ ਪਰੋਗਰਾਮ ਦੀ ਸਮਾਪਤੀ ਹੋਈ ।