ਕੈਲਗਰੀ - ਪੰਜਬੀ ਲਿਖ਼ਾਰੀ ਸਭਾ ਦੀ ਅਕਤੂਬਰ ਮਹੀਨੇ ਦੀ ਮਾਸਿਕ ਇਕੱਤਰਤਾ 19 ਅਕਤੂਬਰ ਦਿਨ ਐਤਵਾਰ ਨੂੰ 2 ਵਜੇ ਕੋਸੋ ਹਾਲ ਵਿੱਚ ਹੋਈ, ਜਿਸ ਵਿੱਚ ਕੈਲਗਰੀ ਅਤੇ ਵੈਨਕੂਵਰ ਤੋਂ ਨਾਮਵਰ ਹਸਤੀਆਂ ਹਾਜਰ ਹੋਈਆਂ। ਸਭ ਤੋ ਪਹਿਲਾ ਸਭਾ ਦੇ ਸਕੱਤਰ ਸੁੱਖਪਾਲ ਪਰਮਾਰ ਨੇ ਹਾਜ਼ਰੀਨ ਦਾ ਧੰਨਵਾਦ ਕੀਤਾ ਅਤੇ ਸਭਾ ਦੇ ਮੀਤ ਪ੍ਰਧਾਨ ਤ੍ਰਲੋਚਨ ਸੈਂਭੀ, ਹਰਪ੍ਰਕਾਸ਼ ਜਨਾਗਲ, ਬਲਜਿੰਦਰ ਸੰਘਾ ਅਤੇ ਬੀਜਾ ਰਾਮ ਨੂੰ ਪ੍ਰਧਾਨਗੀ ਮੰਡਲ ਵਿੱਚ ਬੈਠਣ ਲਈ ਸੱਦਾ ਦਿੱਤਾ।

ਲੇਖਕ ‘ਅਫਰੋਜ ਅਮ੍ਰਿਤ’ ਅਤੇ ‘ਕਮਲਜੀਤ ਸਿੰਘ ਢੁੱਡੀਕੇ’ ਦੀ ਅਚਾਨਕ ਮੋਤ ਤੇ ਸ਼ੋਕ ਮਤਾ ਪੜ੍ਹਿਆ ਗਿਆ ਅਤੇ ਇੱਕ ਮਿੰਟ ਦਾ ਮੋਨ ਧਾਰਣ ਕੀਤਾ ਗਿਆ। ਸਾਹਿਤਕ ਰਚਨਾਵਾਂ ਦੇ ਦੌਰ ਵਿੱਚ ਜੱਸਵੰਤ ਸੇਖੋ ਨੇ ਕਵਿੱਸ਼ਰੀ,ਕਮਲਜੀਤ ਕੋਰ ਸੇ਼ਰਗਿੱਲ ਨੇ ਕਵਿਤਾ,ਗੁਰਬਚਨ ਬਰਾੜ ਨੇ ਖੁੱਲੀ ਕਵਿਤਾ ‘ਰਿਸ਼ਤੇ ਦਾ ਨਾ’,ਅਜਮੇਰ ਰੰਧਾਵਾ ਨੇ ਗੀਤ ‘ਮੱਤ ਹੋ ਜਾਵੇ ਨੀਂਵੀਂ ,ਗੁਰਮੀਤ ਸਰਪਾਲ ਨੇ ਗਜ਼ਲ,ਸੁਰਜੀਤ ਪੰਨੂ ਨੇ ਪਹਿਲਾਂ ਰੁਬਾਈ ਤੇ ਫਿਰ ਇੱਕ ਕਵਿਤਾ ਸੁਣਾਈ। ਪ੍ਰਸਿੱਧ ਚਿੱਤਰਕਾਰ ਹਰਪ੍ਰਕਾਸ਼ ਜਨਾਗਲ ਵਲੋ ਲੇਖਕ ਬਲਜਿੰਦਰ ਸੰਘਾ ਨੂੰ ਬਣਾਇਆਂ ਹੱਥ ਚਿੱਤਰ ਭੇਂਟ ਕੀਤਾ।ਬਲਜਿੰਦਰ ਸੰਘਾ ਨੇ ਹਰਪ੍ਰਕਾਸ਼ ਜਨਾਗਲ ਦਾ ਧੰਨਵਾਦ ਕੀਤਾ ਅਤੇ ਆਪਣੀ ਖੁਲ੍ਹੀ ਕਵਿਤਾ ‘ਮਜਦੂਰ’ਸੁਣਾਈ। ਬਲਵੀਰ ਗੋਰੇ ਨੇ ਅਪਣਾ ਗੀਤ ਗਾ ਕੇ ਹਾਜਰੀ ਲੁਆਈ,ਹਰਚਰਨ ਕੋਰ ਬਾਸੀ ਅਤੇ ਹਰਮਿੰਦਰ ਕੋਰ ਨੇ ਅਪਣੇ ਜਨਮ ਦਿਨ ਸੰਬੰਧੀ ਗੀਤ ਗਾਇਆ ਅਤੇ ਕੇਕ ਕੱਟਿਆ। ਸਭਾ ਦੇ ਦੁਸਰੇ ਭਾਗ ਵਿੱਚ ਨੌਜਵਾਨ ਗਾਇਕ ਯੁਵਰਾਜ ਸਿੰਘ ਨੇ ਮੰਗਲ ਚੱਠਾ ਦਾ ਲਿਖਿਆ ਗੀਤ ਗਾ ਕੇ ਵਾਹ-ਵਾਹ ਖੱਟੀ,ਜੋਗਿੰਦਰ ਸੰਘਾ ਨੇ ਸਮਾਜ ਵਿੱਚ ਅਜੋਕੇ ਨਸਿ਼ਆਂ ਬਾਰੇ ਜਾਣਕਾਰੀ ਭਰਪੂਰ ਲੇਖ ਸਰੋਤਿਆਂ ਨਾਲ ਸਾਂਝਾ ਕੀਤਾ,ਸੁਖਮਿੰਦਰ ਤੂਰ ਨੇ ਮੰਗਲ ਹਠੂਰ ਦਾ ਗੀਤ ‘ਭਾਰਤ ਦੇਸ਼ ਮਹਾਨ’ਗਾਇਆ, ਰਵੀ ਪ੍ਰਕਾਸ਼ ਜਨਾਗਲ ਨੇ ਗੀਤ, ਵੈਨਕੂੁਵਰ ਤਂੋ ਆਏ ‘ਚਰਨਪਾਲ ਗਿੱਲ’ ਨੇ ਸੀਨਅਰ ਕੇਅਰ ਹੋਮ ਬਾਰੇ ਵਿਚਾਰ ਪੇਸ਼ ਕੀਤੇ,ਤਰਲੋਚਨ ਸਂੈਭੀ ਨੇ ਗੀਤ ‘ਸੇਵਾ ਕਰ ਲਉ ਮਾਪਿਆਂ ਦੀ’ ਅਵਨਿੰਦਰ ਨੂਰ ਨੇ ਕਵਿਤਾ,ਨਛੱਤਰ ਪੁਰਬਾ ਨੇ ਅੰਗਰੇਜ਼ੀ ਅਤੇ ਪੰਜਾਬੀ ਵਿੱਚ ਦੋ ਕਵਿਤਾਵਾ ਸੁਣਾਈਆਂ,ਰਣਜੀਤ ਲਾਡੀ ਨੇ ਸਾਥੀ ਲੁਧਿਆਣਵੀ ਦੀ ਗਜ਼ਲ ,ਅਜਾਇਬ ਸਿੰਘ ਸੇਖੋ,ਮਾਸਟਰ ਅਜੀਤ ਸਿੰਘ,ਅਵਿਨਾਸ਼ ਅਵੀ ਅਤੇ ਜਰਨੈਲ ਤੱਗੜ ਨੇ ਕਵਿਤਾਵਾਂ ਸੁਣਾਈਆਂ।ਇਸ ਤਂੋ ਇਲਾਵਾ ਸਭਾ ਵਿੱਚ ਅਮਰਜੀਤ ਜਨਾਗਲ,ਸਿਮਰ ਚੀਮਾ,ਸੁਰਿੰਦਰ ਚੀਮਾ,ਰਿਸ਼ੀ ਨਾਗਰ,ਗੌਰਵ ਚੱਠਾ,ਸੋਨੂ ਚੱਠਾ, ਕੁੰਦਨ ਸੇ਼ਰਗਿੱਲ, ਗੁਰਦੀਪ ਸਿੰਘ,ਹਰਬੱਖਸ਼ ਸਰੋਆ, ਕੁਲਵੰਤ ਸਿੰਘ, ਨਰਿੰਦਰ ਸਰਾਂ,ਬਲਵੰਤ ਸਰਾਂ ਵੀ ਹਾਜਰ ਸਨ।

ਅਖੀਰ ਵਿੱਚ ਸਭਾ ਦੇ ਮੀਤ ਪ੍ਰਧਾਨ ਤਰਲੋਚਨ ਸੈਭੀਂ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ ਅਤੇ ਅਗਲੇ ਮਹੀਨੇ 16 ਤਰੀਕ ਨੂੰ ਫੇਰ ਮਿਲਣ ਦਾ ਸੱਦਾ ਦਿੱਤਾ। ਸਭਾ ਬਾਰੇ ਕੋਈ ਵੀ ਜਣਕਾਰੀ ਲੈਣੀ ਹੋਵੇ ਤਾਂ ਪ੍ਰਧਾਨ ਹਰੀਪਾਲ (403-714-4816) ਜਾਂ ਸਕੱਤਰ ਸੁੱਖਪਾਲ ਪਰਮਾਰ (403-830-2374) ਨਾਲ ਸੰਪਰਕ ਕੀਤਾ ਜਾ ਸਕਦਾ ਹੈ।