ਇਸ ਪੁਸਤਕ ਦਾ ਸੰਪਾਦਕ :

ਐੱਸ ਬਲਵੰਤ ਨੂੰ ਬਹੁਤ ਸਾਰੇ ਦੇਸ਼ਾਂ ਦੀਆਂ ਸਭਿਆਚਾਰਕ, ਸਾਹਿਤਿਕ ਤੇ ਪ੍ਰਕਾਸ਼ਨ ਨਾਲ ਸੰਬੰਧਤ ਪ੍ਰਤੀਨਿਧ ਸੰਸਥਾਵਾਂ ਵਲੋਂ ਵੀ ਸਨਮਾਨਿਤ ਕੀਤਾ ਗਿਆ। ਕੈਨੇਡਾ, ਇੰਗਲੈਂਡ ਤੇ ਹੋਰ ਯੂਰਪ ਦੀਆਂ ਸੰਸਥਾਵਾਂ ਤੋਂ ਬਿਨਾਂ, ਦਿੱਲੀ ਸਰਕਾਰ ਵਲੋਂ ਸਾਲ (1996-97) ਦਾ ਬੈਸਟ ਸਟੋਰੀ ਰਾਈਟਰ, ਦੀ ਫੈਡਰੇਸ਼ਨ ਆਫ ਇੰਡੀਅਨ ਪਬਲਿਸ਼ਰਜ਼ ਵਲੋਂ ਐਜ਼ ਬੈਸਟ ਪਬਲਿਸ਼ਰਜ਼ ਐਂਡ ਕੰਟਰੀਬਿਊਸ਼ਨਜ ਟੂਵਾਰਡਸ ਪ੍ਰੋਮੋਸ਼ਨਜ਼ ਆਫ ਰੀਡਿੰਗ ਹੈਬਿਟਜ (2001) ਦੇ ਸਨਮਾਨ ਨਾਲ ਸਨਮਾਨਿਤ ਕੀਤਾ ਗਿਆ । ਐੱਸ ਬਲਵੰਤ ਦੀ “ਪੰਜਾਬੀ ਟ੍ਰਿਬਿਊਨ” ਦੇ ਐਤਵਾਰ ਐਡੀਸ਼ਨ ‘ਚ ਲਗਾਤਾਰ ਕਈ ਸਾਲ ਪ੍ਰਕਾਸਿ਼ਤ ਹੁੰਦੀ “ਦਿੱਲੀ ਡਾਇਰੀ” ਹਮੇਸ਼ਾਂ ਚਰਚਾ ਦਾ ਵਿਸ਼ਾ ਹੋਣ ਦੇ ਨਾਲ ਨਾਲ ਉਸਦਾ “ਦੈਨਿਕ ਭਾਸਕਰ” ‘ਚ ਵਰਲਡ ਟੂਰਿਜ਼ਮ ਬਾਰੇ ਪ੍ਰਕਾਸਿ਼ਤ ਕਾਲਮ ਵੀ ਕਈ ਸਾਲ ਸਰਾਹਿਆ ਤਕ ਪਸੰਦ ਕੀਤਾ ਜਾਂਦਾ ਰਿਹਾ। ਉਹ ਪੰਜਾਬੀ ਅਕਾਦਮੀ ਦਿੱਲੀ ਦੀ ਗਵਰਨਿੰਗ ਕਾਊਂਸਿਲ ਦਾ ਕਾਫੀ ਸਾਲਾਂ ਤੀਕ ਮੈਂਬਰ ਰਿਹਾ।

ਐੱਸ ਬਲਵੰਤ ਦੁਆਰਾ ਲਿਖਤ ਯਾ ਸੰਪਾਦਤ ਪੁਸਤਕਾਂ ਦੀ ਇਕ ਲੰਬੀ ਸੂਚੀ ਹੈ ਪਰ ਉਨ੍ਹਾਂ ਵਿਚੋਂ ਕੁਝ ਕੁ ਅਹਿਮ ਦੇ ਨਾਂਅ ਲੈਣੇ ਹੋਣ ਤਾਂ :

ਅੰਗ੍ਰੇਜ਼ੀ :
“ਐਨ ਇਨਸਾਕਲੋਪੀਡੀਆ ਆਫ ਪੰਜਾਬੀ ਕਲਚਰ ਐਂਡ ਹਿਸਟਰੀ”, ਇਸ ਪੁਸਤਕ ਵਿਚ ਪੰਜਾਬੀ ਕਲਚਰ ਨਾਲ ਸੰਬੰਧਤ ਕਰੀਬ ਤਿੰਨ ਹਜ਼ਾਰ ਸ਼ਬਦਾਂ ਦੇ ਅਰਥਾਂ ਨੂੰ ਅੰਗ੍ਰੇਜ਼ੀ ਭਾਸ਼ਾ ਵਿਚ ਪ੍ਰਸਤੁਤ ਕੀਤਾ ਗਿਆ ਹੈ, ਇਸ ਦੇ ਨਾਲ ਹੀ ਪੰਜਾਬ ਥਰੂ ਦੀ ਏਜਜ਼, ਲੰਬੀ ਬਿਬਲਿਉਗਰਾਫੀ, ਅਹਿਮ ਡੇਟਸ ਆਫ ਈਵੈਂਟਸ, ਤੇ ਇੰਡੈਕਸ ਸ਼ਮਿਲ ਕੀਤਾ ਗਿਆ ਹੈ;

“ਇੰਗਲਿਸ਼-ਪੰਜਾਬੀ (ਰੋਮਨ ਸਕਰਿਪਟ)-ਗੁਰਮੁਖੀ-ਡਿਕਸ਼ਨਰੀ”, ਇਸ ਪੁਸਤਕ ਵਿਚ ਅੰਗ੍ਰੇਜੀ ਦੇ ਅਹਿਮ ਸ਼ਬਦਾਂ ਦੀ ਚੋਣ ਕਰਕੇ ਉਨ੍ਹਾਂ ਦੇ ਪੰਜਾਬੀ ਅਰਥਾਂ ਨੂੰ ਰੋਮਨ ਤੇ ਬਾਅਦ ‘ਚ ਗੁਰਮੁਖੀ ਲਿਪੀ ‘ਚ ਪ੍ਰਸਤੁਤ ਕੀਤਾ ਗਿਆ ਹੈ;
“ਲਵ-ਡਾਇਲਾਗ : ਸੀਲੈਕਸ਼ਨਜ਼ ਫਰੋਮ ਹੀਰ ਵਾਰਿਸ” ਇਸ ਪੁਸਤਕ ਵਿਚ ਐੱਸ ਬਲਵੰਤ ਨੇ ਹੀਰ ਵਾਰਿਸ ‘ਚੋਂ ਚੋਣਵਾਂ ਗੁਰਮੁਖੀ ਟੈਕਸਟ, ਤੇ ਉਸ ਨੂੰ ਦੇਵਨਾਗਰੀ ਤੇ ਰੋਮਨ ਸਕ੍ਰਿਪਟਾਂ ‘ਚ ਸ਼ਾਮਲ ਕੀਤਾ ਹੈ;

ਪੰਜਾਬੀ ਤੇ ਹਿੰਦੀ :
“ਮਹਾਨਗਰ”, ਤੇ“ਇਕ ਮਰੀਅਮ ਹੋਰ…!”, ਐਸ ਬਲਵੰਤ ਦੀਆਂ ਲਿਖੀਆਂ ਇਨ੍ਹਾਂ ਪੁਸਤਕਾਂ‘ਚ ਸ਼ਾਮਲ ਕਹਾਣੀਆਂ ਨੇ ਪੰਜਾਬੀ ਗਲਪ ‘ਚ ਵਿਸ਼ੇ ਦੀ ਚੋਣ ਤੇ ਉਸ ਦੀ ਪ੍ਰਸਤੁਤੀ ਬਾਰੇ ਇਕ ਅਹਿਮ ਬਹਿਸ ਛੇੜ ਕੇ ਪੰਜਾਬੀ ਕਹਾਣੀ ਦੇ ਇਕ ਪਰਦੇ ਪਿੱਛੇ ਛੁਪੇ ਸੱਚ ਨੂੰ ਮੁਹਰੇ ਲਿਆ ਕੇ ਨਵੀਂ ਬਿਰਤਾਂਤਕ ਰਵਾਇਤ ਨੂੰ ਅਗਲੀ ਪੌੜੀ ਚੜ੍ਹਨ ਲਈ ਰਾਹ ਖੋਲ੍ਹੇ । ਐੱਸ ਬਲਵੰਤ ਦੀਆਂ ਕਹਾਣੀਆਂ ਦੇ ਵਿਸਿ਼ਆਂ ਨੂੰ ਲੈ ਕੇ ਇਕ ਨਵੀਂ ਬਹਿਸ ਦਾ ਆਰੰਭ ਹੀ ਨਹੀਂ ਹੋਇਆ ਸਗੋਂ ਕਈ ਲੇਖਕਾਂ ਦੀਆਂ ਬਾਅਦ ਦੀਆਂ ਲਿਖਤਾਂ ‘ਚ ਅਜਿਹੀ ਝਲਕ ਦੇਖੀ ਜਾ ਸਕਦੀ ਹੈ;
“ਮਹਾਨਗਰ”, (ਹਿੰਦੀ) : ਡਾ: ਵਨੀਤਾ ਦਾ ਅਨੁਵਾਦ;
“ਚਲਤੇ ਚਲਤੇ…!” (ਹਿੰਦੀ) ਬੇਸ਼ੁਮਾਰ ਦੇਸ਼ਾ ਦਾ ਸਫਰਨਾਮਾ, ਜਿਸਦਾ ਪੰਜਾਬੀ ਅਨੁਵਾਦ ਵੀ ਪਰੈਸ ਵਿਚ ਹੈ;
ਅੰਗ੍ਰੇਜ਼ੀ ਪੁਸਤਕ “ ਡੇਅਰ ਟੂ ਪਬਲਿਸ਼” ਦਾ ਪੰਜਾਬੀ ਅਨੁਵਾਦ “ਮੇਰੀਆਂ ਅਣਭੁੱਲ ਯਾਦਾਂ : ਭਾਰਤ ‘ਚ ਪੇਪਰਬੈਕ ਰੈਵਿਊਲੂਸ਼ਨ ਦੇ ਮੋਢੀ ਦੀਨਾ ਨਾਥ ਮਲਹੋਤਰਾ ਦੀ ਸਵੈ-ਜੀਵਨੀ”,

“ਭਾਰਤੀ ਭਾਸ਼ਵਾਂ ‘ਚ ਕਹਾਣੀ” ਜਿਸ ਵਿਚ ਕਈ ਭਾਰਤੀ ਭਾਸ਼ਾਵਾਂ ‘ਚੋਂ ਚੋਣਵੀਆਂ ਕਹਾਣੀਆਂ ਦਾ ਐੱਸ ਬਲਵੰਤ ਨੇ ਅਨੁਵਾਦ ਕੀਤਾ ਹੈ। ਇਨ੍ਹਾਂ ਤੋਂ ਬਿਨਾਂ ਹੋਰ ਵੀ ਕਈ ਪੁਸਤਕਾਂ ਹਨ, ਜੋ ਜਾਂ ਤਾਂ ਉਪਲੱਬਧ ਨਹੀਂ ਜਾਂ ਪਰੈੱਸ ਵਿਚ ਛਪਣ ਅਧੀਨ ਹਨ।

“ਗੁਮਨਾਮ ਸਿਪਾਹੀ” ਦਾ ਪਹਿਲਾ ਸੰਸਕਰਣ 2014 ਪੰਨੇ 320 (ਮਾਸਟਰ ਜੀ ਦੇ ਚੋਣਵੇਂ ਲੇਖ, ਤਸਵੀਰਾਂ, ਸਨਮਾਨ ਪੱਤਰ, ਖ਼ਤ, ਇਤਿਹਾਸਕਾਰਾ ਵਲੋਂ ਲਿਖੀਆਂ ਪੁਸਤਕਾਂ ‘ਚ ਮਾਸਟਰ ਜੀ ਦੀਆਂ ਐਂਟਰੀਆਂ, ਮਾਸਟਰ ਜੀ ਦੀਆਂ ਬੇਟੀਆਂ, ਬੇਟੇ ਤੇ ਹੋਰ ਵਿਦਵਾਨਾਂ ਵਲੋਂ ਲਿਖੇ ਲੇਖ, 1948 ‘ਚ ਕੈਨੇਡਾ ਵਿਖੇ ਹੋਈ ਦੁਜੀ ਵਿਸ਼ਵ ਪੰਜਾਬੀ ਕਾਨਫਰੰਸ ਦੀ ਕਾਰਵਾਈ ਤੇ ਪਾਸ ਹੋਏ ਮਤਿਆਂ ਦੇ ਟੈਕਸਟ, ਸਾਧੂ ਸਿੰਘ ਹਮਦਰਦ ਦੀ ਲਿਖੀ ਸੰਪਾਦਕੀ, ਐਸ ਬਲਵੰਤ ਤੇ ਸਤਨਾਮ ਚਾਨਾ ਦੇ ਲਿਖੇ ਲੇਖ ਸਮੇਤ) ਕੀਮਤ £10 ਰੁਪੈ 400 ਫਰੀ ਹੋਮ ਡੀਲੀਵਰੀ ਭਾਰਤ ਤੇ ਇੰਗਲੈਡ, ਬਾਕੀ ਥਾਈਂ ਡਾਕ ਖਰਚ ਅਲਗ …!