ਇਟਲੀ - ਸਾਹਿਤ ਸੁਰ ਸੰਗਮ ਸਭਾ ਇਟਲੀ ਵਲੋਂ ਸਭਿਆਚਾਰਕ ਪਰਿਵਾਰਕ ਮੇਲਾ ਕਰਵਾਇਆ ਗਿਆ, ਜਿਸ ਵਿੱਚ ਇਟਲੀ ਤੋਂ ਵੱਖ ਵੱਖ ਕਵੀਆਂ, ਲੇਖਕਾਂ, ਗਾਇਕਾਂ ਅਤੇ ਬੁੱਧੀਜੀਵੀਆਂ ਨੇ ਸਿ਼ਰਕਤ ਕੀਤੀ। ਸਭਾ ਦੇ ਮੰਚ ਸੰਚਾਲਕ ਸਾਬਰ ਅਲੀ ਨੇ ਸਭ ਤੋਂ ਪਹਿਲਾਂ ਸਭਾ ਦੇ ਸਰਪ੍ਰਸਤ ਰਵੇਲ ਸਿੰਘ ਨੂੰ ਸਟੇਜ 'ਤੇ ਆਉਣ ਦਾ ਸੱਦਾ ਦਿੱਤਾ ਜਿਨਾਂ ਨੇ ਸਾਹਿਤ ਸੁਰ ਸੰਗਮ ਸਭਾ ਵਲੋਂ ਛਾਪਿਆ ਗਿਆ ਕਾਵਿ ਸੰਗ੍ਰਹਿ “ਸਾਂਝ ਸੁਨੇਹੇ” ਬਾਰੇ ਜਾਣਕਾਰੀ ਦਿੱਤੀ। ਇਸ ਕਿਤਾਬ ਦੇ ਆਉਣ ਦੀ ਖੁਸ਼ੀ ਵਿੱਚ ਸਭਾ ਦੇ ਸਰਪ੍ਰਸਤ ਸ੍ਰ ਰਵੇਲ ਸਿੰਘ ਨੇ ਇੱਕ ਪਰਚਾ ਪੜਿਆ ਅਤੇ ਇੱਕ ਕਵਿਤਾ 'ਕਿਤਾਬ ਆਈ ਹੈ, ਲੈ ਕੇ ਪੰਜਾਬ ਆਈ ਹੈ' ਪੜੀ।

ਸੁਖਰਾਜ ਬਰਾੜ ਨੇ ਦੋ ਕਵਿਤਾਵਾਂ ਪੜੀਆਂ ਜਿਸ ਵਿੱਚ ਪੰਜਾਬੀ ਬੋਲੀ ਨਾਲ ਹੋ ਰਹੇ ਮਤਰੇਏ ਸਲੂਕ ਤੇ ਗੱਲ ਕੀਤੀ ਗਈ। ਇਸ ਤੋਂ ਬਾਅਦ ਸਭਾ ਦੇ ਸਲਾਹਕਾਰ ਐੱਸ ਸੁਰਿੰਦਰ ਨੇ ਪਹਿਲਾਂ ਕਵਿਤਾ ਤੇ ਗਜ਼ਲ ਲਿਖਣ ਤੇ ਚਰਚਾ ਕੀਤੀ ਅਤੇ ਇੱਕ ਗਜ਼ਲ ਵੀ ਦਰਸ਼ਕਾਂ ਨਾਲ ਸਾਂਝੀ ਕੀਤੀ। ਰੁਪਿੰਦਰ ਹੁੰਦਲ ਦੁਆਰਾ ਵੀ ਦੋ ਕਵਿਤਾਵਾਂ ਪੜੀਆਂ ਗਈਆਂ, ਜਿੰਨ੍ਹਾਂ ਵਿੱਚ ਅੱਜ ਪੰਜਾਬੀ ਬੋਲੀ ਨਾਲ ਹੋ ਰਹੇ ਵਿਤਕਰੇ 'ਤੇ ਚੋਟ ਸੀ। ਸਭਾ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਚਾਹਲ ਨੇ ਸਭਾ ਵਲੋਂ ਕੀਤੇ ਜਾ ਰਹੇ ਕੰਮਾਂ ਤੇ ਰੌਸ਼ਨੀ ਪਾਈ ਅਤੇ ਇੱਕ ਕਵਿਤਾ ਪੜੀ। ਇਸ ਸਮੇਂ ਮੀਡੀਆ ਪੰਜਾਬ ਦੇ ਮੁੱਖ ਸੰਪਾਦਕ ਸ੍ਰ ਬਲਦੇਵ ਸਿੰਘ ਬਾਜਵਾ ਵੀ ਹਾਜ਼ਰ ਸਨ ਜਿੰਨ੍ਹਾਂ ਨੇ ਸਾਹਿਤ ਸੁਰ ਸੰਗਮ ਸਭਾ ਦੇ ਪੰਜਾਬੀ ਬੋਲੀ ਲਈ ਕੀਤੇ ਗਏ ਉਪਰਾਲੇ ਦੀ ਸਰਾਹਨਾ ਕੀਤੀ ਅਤੇ ਸਾਹਿਤ ਸੁਰ ਸੰਗਮ ਸਭਾ ਨੂੰ ਸਾਂਝੇ ਕਾਵਿ ਸੰਗ੍ਰਹਿ “ਸਾਂਝ ਸੁਨੇਹੇ” ਦੀ ਵਧਾਈ ਦਿੱਤੀ। ਭਾਈ ਗੁਰਦਿਆਲ ਸਿੰਘ ਫਰਾਂਸ ਵੀ ਇਸ ਸਮੇਂ ਹਾਜ਼ਰ ਜਿੰਨ੍ਹਾਂ ਨੇ ਬੋਲਦੇ ਹੋਏ ਕਿਹਾ ਕਿ ਇੱਕ ਮਾਂ ਜਨਮ ਦੇਣ ਵਾਲੀ, ਦੂਸਰੀ ਮਾਂ ਧਰਤੀ ਅਤੇ ਤੀਸਰੀ ਸਾਡੀ ਮਾਂ ਬੋਲੀ ਹੈ। ਜਿਸ ਕਰਕੇ ਸਾਨੂੰ ਆਪਣੀ ਮਾਂ ਬੋਲੀ ਨੂੰ ਪੂਰਾ ਸਤਿਕਾਰ ਦੇਣਾ ਚਾਹੀਦਾ ਹੈ। ਸਾਹਿਤ ਸਦਨ ਨਾਲ ਜੁੜੇ ਹੋਏ ਅਸ਼ੋਕ ਪੁਰੀ ਜੀ ਜਿੰਨ੍ਹਾਂ ਨੇ ਇੰਡੀਆ ਤੋਂ ਸਿ਼ਰਕਤ ਕੀਤੀ। ਉਹਨਾਂ ਬੋਲਦੇ ਹੋਏ ਕਿਹਾ ਕਿ ਅੱਜ ਮਾਂ ਬੋਲੀ ਪ੍ਰਤੀ ਸੁਹਿਰਦ ਹੋਣ ਦੀ ਅਤੇ ਮਾਂ ਬੋਲੀ ਨੂੰ ਪਛਾਨਣ ਦੀ ਸਖਤ ਲੋੜ ਹੈ । ਅਸ਼ੋਕ ਪੁਰੀ ਨੇ ਕਿਹਾ ਕਿ ਜੇਕਰ ਸਾਹਿਤ ਅਤੇ ਸੁਰ ਬਚੇ ਰਹਿਣਗੇ ਤਾਂ ਹੀ ਬੋਲੀ ਬਚੀ ਰਹਿ ਸਕਦੀ ਹੈ। ਪੁਰੀ ਨੇ ਇਹ ਵੀ ਕਿਹਾ ਕਿ ਸਾਹਿਤ ਸੁਰ ਸੰਗਮ ਸਭਾ ਦਾ ਪੰਜਾਬੀ ਬੋਲੀ ਪ੍ਰਤੀ ਬਹੁਤ ਸਲਾਹੁਣ ਯੋਗ ਉਪਰਾਲਾ ਹੈ ਇਸ ਲਈ ਅਸੀਂ ਸਭਾ ਨੂੰ ਵਧਾਈ ਦਿੰਦੇ ਹਾਂ ਅਤੇ ਸਾਝ ਸੁਨੇਹੇ ਕਾਵਿ ਸੰਗ੍ਰਹਿ ਨੂੰ ਜੀ ਆਇਆਂ ਆਖਦੇ ਹਾਂ।

ਸਾਹਿਤ ਸੁਰ ਸੰਗਮ ਸਭਾ ਵਲੋਂ ਇਸ ਸਮੇਂ ਸਰਪ੍ਰਸਤ ਰਵੇਲ ਸਿੰਘ, ਪ੍ਰਧਾਨ ਬਲਵਿੰਦਰ ਸਿੰਘ ਚਾਹਲ, ਜਨਰਲ ਸਕੱਤਰ ਰਾਜੂ ਹਠੂਰੀਆ, ਉਪ ਪ੍ਰਧਾਨ ਰਾਣਾ ਅਠੌਲਾ, ਮੁੱਖ ਸਲਾਹਕਾਰ ਸਤਵਿੰਦਰ ਸਿੰਘ ਮਿਆਣੀ, ਖਜ਼ਾਨਚੀ ਮਨਜੀਤ ਨੱਥੂਚਾਹਲੀਆ, ਉਪ ਖਜ਼ਾਨਚੀ ਸੁਖਰਾਜ ਬਰਾੜ, ਉਪ ਸਲਾਹਕਾਰ ਐੱਸ ਸੁਰਿੰਦਰ, ਮੰਚ ਸੰਚਾਲਕ ਸਾਬਰ ਅਲੀ, ਸਕੱਤਰ ਰੁਪਿੰਦਰ ਹੁੰਦਲ, ਪ੍ਰੈਸ ਸਕੱਤਰ ਰਣਜੀਤ ਗਰੇਵਾਲ, ਸਵਰਨਜੀਤ ਘੋਤੜਾ, ਵਾਸਦੇਵ, ਬਿੰਦੂ ਹਠੂਰ, ਕਸ਼ਮੀਰ ਸਿੰਘ ਨਰ, ਅਮਨ ਸੋਹੀ, ਸੋਢੀ ਲਿੱਤਰਾਂ ਆਦਿ ਹਾਜ਼ਰ ਸਨ। ਇਸ ਤੋਂ ਇਲਾਵਾ ਇਸ ਸਮੇਂ ਅਨਿਲ ਕੁਮਾਰ ਸ਼ਰਮਾ, ਸੰਤੋਖ ਸਿੰਘ ਲਾਲੀ, ਗਾਇਕ ਕੁਲਵਿੰਦਰ ਸੁੰਨੜ, ਜਸਬੀਰ ਖਾਨ ਚੈੜੀਆਂ, ਭਾਈ ਸਤਨਾਮ ਸਿੰਘ ਮੋਧਨਾ, ਬਲਦੇਵ ਸਿੰਘ ਬੂਰੇਜੱਟਾਂ, ਪੰਕਜ ਕੁਮਾਰ, ਸੁਰਜੀਤ ਸਿੰਘ, ਗਾਇਕ ਕਾਲਾ ਪਨੇਸਰ, ਗਾਇਕ ਪੰਮਾ ਲਧਾਣਾ ਆਦਿ ਪਤਵੰਤੇ ਸੱਜਣ ਵੀ ਹਾਜ਼ਰ ਸਨ।

28/01/2014