ਪੰਜਾਬੀ ਸਾਹਿਤ ਕਲਾ ਕੇਂਦਰ ਯੂ ਕੇ ਦਾ ਸਾਲਾਨਾ ਸਮਾਗ਼ਮ ਸਾਹਿਤਕ ਸਰਗਰਮੀਆਂ ਦੇ ਇਤਿਹਾਸ ਵਿਚ ਇਕ ਮੀਲ ਪੱਥਰ ਸਿੱਧ ਹੋਇਆ ਹੈ। ਇਹ ਸਮਾਗ਼ਮ ਪੰਜਾਬੀਆਂ ਦੇ ਗੜ੍ਹ ਸਾਊਥਾਲ ਦੇ ਹੈਵਲੌਕ ਸੈਂਟਰ ਵਿਚ ਇਕ ਜੂਨ 2013 ਵਾਲ਼ੇ ਦਿਨ ਹੋਇਆ। ਮਨਪ੍ਰੀਤ ਸਿੰਘ ਬੱਧਨੀਕਲਾਂ ਨੇ ਪ੍ਰੋਗਰਾਮ ਦੀ ਰੂਪ ਰੇਖ਼ਾ ਕਰਨ ਉਪਰੰਤ ਪਹਿਲੇ ਸੈਸ਼ਨ ਦੀ ਜ਼ਿੰਮੇਵਾਰੀ ਬੀਬੀ ਕੁਲਵੰਤ ਕੌਰ ਢਿੱਲੋਂ ਦੇ ਸਪੁਰਦ ਕੀਤੀ। ਪ੍ਰਧਾਨਗੀ ਮੰਡਲ ਵਿਚ ਸੰਤੋਖ਼ ਧਾਲੀਵਾਲ, ਅਵਤਾਰ ਉੱਪਲ, ਡਾਕਟਰ ਮੰਗਤ ਰਾਏ ਭਰਦਵਾਜ, ਡਾਕਟਰ ਬਲਦੇਵ ਸਿੰਘ ਕੰਦੋਲਾ ਅਤੇ ਕੈਨੇਡਾ ਤੋਂ ਆਏ ਮਹਿਮਾਨ ਅਜਮੇਰ ਰੋਡੇ ਸਸ਼ੋਭਤ ਸਨ। ਸਭਾ ਦੇ ਪ੍ਰਧਾਨ ਡਾਕਟਰ ਸਾਥੀ ਲੁਧਿਆਣਵੀ ਨੇ "ਪੰਜਾਬੀ ਪੋਇਟਰੀ ਵਿਚ ਨੌਸਟਾਲਜੀਆ ਭਾਵ ਹੇਰਵਾ" ਦੇ ਵਿਸ਼ੇ ਉੱਤੇ ਆਪਣਾ ਵਿਸਤੀਰਤ ਅਤੇ ਖ਼ੋਜ ਭਰਪੂਰ ਪੇਪਰ ਪੜ੍ਹਿਆ। ਜਿਸ ਉੱਤੇ ਗੰਭੀਰ ਬਹਿਸ ਵਿਚ ਹੋਰਨਾਂ ਤੋਂ ਇਲਾਵਾ 5 ਏ ਬੀ ਆਈ ਡੌਟ ਕੌਮ ਦੇ ਸੰਪਾਦਕ ਡਾ. ਬਲਦੇਵ ਸਿੰਘ ਕੰਦੋਲਾ, ਭਾਸ਼ਾ ਸ਼ਾਸਤਰੀ ਡਾ.ਮੰਗਤ ਰਾਏ ਭਰਦਵਾਜ, ਸਾਬਕਾ ਕਮਿਉਨਿਟੀ ਰੀਲੇਸ਼ਨਜ਼ ਅਫ਼ਸਰ ਇੰਦਰ ਸਿੰਘ ਉੱਪਲ, ਕਾਮਰੇਡ ਅਵਤਾਰ ਉੱਪਲ, ਕਵਿੱਤਰੀ ਦਲਵੀਰ ਕੌਰ, ਕੈਨੇਡਾ ਤੋਂ ਆਏ ਸ਼ਾਇਰ ਅਜਮੇਰ ਰੋਡੇ, ਨਾਵਲਕਾਰ ਤੇ ਕਵੀ ਸੰਤੋਖ਼ ਧਾਲੀਵਾਲ, ਪੱਤਰਕਾਰ ਮਨਪ੍ਰੀਤ ਬੱਧਨੀ ਕਲਾਂ, ਸ਼ਾਇਰ ਅਜ਼ੀਮ ਸ਼ੇਖ਼ਰ, ਕਹਾਣੀਕਾਰ ਸ਼ਿਵਚਰਨ ਗਿੱਲ, ਗੁਰਨਾਮ ਗਰੇਵਾਲ, ਅਜੀਤ ਰਾਹੀ ਆਸਟਰੇਲੀਆ, ਨਾਵਲਕਾਰ ਮੋਹਿੰਦਰਪਾਲ ਧਾਲੀਵਾਲ, ਸ਼ਾਇਰ ਵੀਰੇਂਦਰ ਪਰਿਹਾਰ, ਕੌਂਸਲਰ ਮੋਤਾ ਸਿੰਘ, ਉਂਕਾਰ ਸਿੰਘ, ਸੁਖ਼ਦੇਵ ਸਿੰਘ ਬਾਂਸਲ, ਸਤਪਾਲ ਡੁੱਲ੍ਹਕੂ, ਦੇਵਿੰਦਰ ਨੌਰਾ, ਸ੍ਰੀ ਰਾਮ ਸ਼ਰਮਾ ਮੀਤ ਅਤੇ ਰਾਜਿੰਦਰਜੀਤ ਨੇ ਹਿੱਸਾ ਲਿਆ।

ਦੂਜੇ ਸੈਸ਼ਨ ਦੀ ਪ੍ਰਧਾਨਗੀ ਸਭਾ ਦੇ ਪ੍ਰਧਾਨ ਡਾਕਟਰ ਸਾਥੀ ਲੁਧਿਆਣਵੀ, ਵੀਰੇਂਦਰ ਪਰਿਹਾਰ, ਕੌਂਸਲਰ ਮੋਤਾ ਸਿੰਘ, ਦਲਵੀਰ ਕੌਰ, ਰਾਮ ਸਰੂਪ ਸ਼ਰਮਾ ਅਤੇ ਮੋਹਿੰਦਰਪਾਲ ਧਾਲੀਵਾਲ ਨੇ ਕੀਤੀ। ਇਸ ਕਵੀ ਦਰਬਾਰ ਦਾ ਸੰਚਾਲਨ ਸਭਾ ਦੇ ਜਨਰਲ ਸਕੱਤਰ ਅਜ਼ੀਮ ਸ਼ੇਖ਼ਰ ਨੇ ਕੀਤਾ। ਪਰੰਤੂ ਸਭ ਤੋਂ ਪਹਿਲਾਂ ਸ਼ਾਇਰ ਅਤੇ "ਹੁਣ" ਦੇ ਸੰਪਾਦਕ ਅਵਤਾਰ ਜੰਡਿਆਲਵੀ ਨੂੰ ਇਕ ਮਿੰਟ ਦੇ ਮੋਨਵਰਤ ਨਾਲ਼ ਸ਼ਰਧਾਜਲੀ ਪੇਸ਼ ਕੀਤੀ ਗਈ। ਸਾਥੀ ਲੁਧਿਆਣਵੀ ਨੇ ਉਸ ਨਾਲ਼ ਪਈਆਂ ਪੁਰਾਣੀਆਂ ਸਾਂਝਾਂ ਦਾ ਜ਼ਿਕਰ ਕੀਤਾ ਤੇ ਉਸ ਦੇ ਵਿਛੋੜੇ ਨੂੰ ਸ਼ਿੱਦਤ ਨਾਲ਼ ਬਿਆਨ ਕੀਤਾ।ਫ਼ਿਰ ਅਵਤਾਰ ਜੰਡਿਆਲਵੀ ਦੀ ਬੀਵੀ ਸਵਰਨਜੀਤ ਕੌਰ ਜੌਹਲ ਨੇ ਵੀ ਭਾਵਪੂਰਤ ਸ਼ਬਦ ਕਹੇ ਤੇ ਸਭਾ ਦਾ ਧੰਨਵਾਦ ਵੀ ਕੀਤਾ ਤੇ ਆਏ ਲੋਕਾਂ ਤੋਂ ਮੰਗ ਕੀਤੀ ਕਿ "ਹੁਣ" ਨੂੰ ਚਲਦਿਆਂ ਰੱਖ਼ਣ ਲਈ ਵੱਧ ਤੋਂ ਵੱਧ ਸਹਿਯੋਗ ਦੇਣ। ਕਵੀ ਦਰਬਾਰ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਸਾਥੀ ਲੁਧਿਆਣਵੀ ਦੀ ਨਵੀਂ ਸੋਸ਼ੀਓ ਪੁਲੀਟੀਕਲ ਲੇਖ਼ਾਂ ਦੀ ਪੁਸਤਕ "ਇਤਿਹਾਸ ਟੁਰਦਾ ਹੈ" ਦੀ ਘੁੰਡ ਚੁਕਾਈ ਮੈਂਬਰ ਪਾਰਲੀਮੈਂਟ ਵੀਰੇਂਦਰ ਸ਼ਰਮਾ ਵਲੋਂ ਕੀਤੀ ਗਈ। ਕੁਲਵੰਤ ਢਿੱਲੋਂ ਦੇ ਸ਼ਾਇਰ ਭਰਾ ਸੁਰਿੰਦਰ ਸਿੰਘ ਭੱਠਲ ਦੀ ਕਾਵਿ ਪੁਸਤਕ "ਅੱਖਾਂ ਵਿਚ ਸਮੁੰਦਰ" ਉਂਕਾਰਜੀਤ ਸਿੰਘ ਅਤੇ ਵੀਰੇਂਦਰ ਸ਼ਰਮਾ ਨੇ ਰੀਲੀਜ਼ ਕੀਤੀ। ਅਜ਼ੀਮ ਸ਼ੇਖ਼ਰ ਦੀਆਂ ਗ਼ਜ਼ਲਾਂ ਦੀ ਸੀ ਡੀ "ਬਿਰਹਣ ਪੌਣਾਂ" ਦੀਦਾਰ ਸਿੰਘ ਪਰਦੇਸੀ ਅਤੇ ਚਮਨ ਲਾਲ ਚਮਨ ਨੇ ਰੀਲੀਜ਼ ਕੀਤੀ। ਰਾਮ ਸਰੂਪ ਸ਼ਰਮਾ ਦਾ ਕਾਵਿ ਸੰਗ੍ਰਹਿ "ਲਰਜ਼ਦੇ ਬੋਲ", ਦੇਵਿਦਰ ਸਿੰਘ ਨੌਰਾ ਦੀ ਪੁਸਤਕ "ਯੂ ਕੇ ਨੂੰ ਬਿਆਸੀ ਖ਼ਤ", ਪ੍ਰੇਮ ਸਾਹਿਲ ਦੀ ਕਿਤਾਬ "ਹਰ ਸਿਮਤ ਬਿਖ਼ਰ ਜਾਓ" ਅਤੇ ਗੁਰਪ੍ਰੀਤ ਸਿੰਘ ਤੂਰ ਦੀ ਪਸੁਤਕ "ਜੀਵੇ ਜਵਾਨੀ" ਵੀ ਰੀਲੀਜ਼ ਕੀਤੀਆਂ ਗਈਆਂ। ਭਰਪੂਰ ਕਵੀ ਦਰਬਾਰ ਵਿਚ ਰਾਜਿੰਦਰਜੀਤ, ਸਿਕੰਦਰ ਬਰਾੜ, ਸੁਖ਼ਬੀਰ ਸੋਢੀ, ਦਲਵੀਰ ਕੌਰ, ਗੁਰਬਚਨ ਆਜ਼ਾਦ, ਕਸ਼ਮੀਰ ਕੌਰ, ਮਹਿੰਦਰ ਕੌਰ ਪੱਢਾ, ਮਨਪ੍ਰੀਤ ਬੱਧਨੀਕਲਾਂ, ਮਨਜੀਤ ਕੌਰ ਪੱਢਾ, ਅਜੀਤ ਰਾਹੀ, ਪਰਮਜੀਤ ਸਿੰਘ, ਕਿਰਪਾਲ ਪੂਨੀ, ਮੋਤਾ ਸਿੰਘ, ਸੁਰਿੰਦਰ ਗਾਖ਼ਲ, ਸੰਤੋਖ਼ ਧਾਲੀਵਾਲ, ਕੁਲਦੀਪ ਬਾਂਸਲ, ਵੀਰੇਂਦਰ ਪਰਿਹਾਰ, ਅਜਮੇਰ ਰੋਡੇ, ਦੇਵਿੰਦਰ ਨੌਰਾ, ਕੁਲਵੰਤ ਕੌਰ ਢਿੱਲੋਂ, ਸਾਥੀ ਲੁਧਿਆਣਵੀ, ਅਜ਼ੀਮ ਸ਼ੇਖ਼ਰ, ਉਂਕਾਰ ਸਿੰਘ, ਗੁਰਨਾਮ ਗਰੇਵਾਲ, ਸ੍ਰੀ ਰਾਮ ਸ਼ਰਮਾ ਮੀਤ, ਡਾਕਟਰ ਜਸਮਿੰਦਰ ਕੌਰ ਅਤੇ ਕੁਮਾਰੀ ਗਗਨ ਕੁੱਸਾ ਨੇ ਹਿੱਸਾ ਲਿਆ।

ਅੰਤ ਵਿਚ ਸਭਾ ਦੇ ਪ੍ਰਧਾਨ ਡਾਕਟਰ ਸਾਥੀ ਲੁਧਿਆਣਵੀ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਵੀ ਕੀਤਾ ਤੇ ਇਹ ਵੀ ਕਿਹਾ ਕਿ ਇਹ ਸੰਸਥਾ ਸ਼ੀਘਰ ਹੀ "ਨੌਸਟਾਲਜੀਆ ਇਨ ਪੰਜਾਬੀ ਪੋਇਟਰੀ" ਉੱਤੇ ਲਿਖ਼ੀਆਂ ਹੋਈਆ ਬਾਹਰਲੇ ਦੇਸਾਂ ਵਿਚ ਵਸਦੇ ਕਵੀਆਂ ਦੀਆਂ ਕਵਿਤਾਵਾਂ ਦਾ ਇਕ ਸੰਗ੍ਰਹਿ ਪ੍ਰਕਾਸ਼ਤ ਕਰੇਗੀ। ਸਾਰਾ ਪ੍ਰੋਗਰਾਮ ਰੇਡੀਓ ਪੰਜਾਬ ਅਤੇ ਸਾਊਥਾਲ ਟੈਲੀਵੀਯਨ 'ਤੇ ਪਰਸਾਰਤ ਕੀਤਾ ਗਿਆ। ਖ਼ਾਣ ਪੀਣ ਉਪਰੰਤ ਇਸ ਇਤਿਹਾਸਕ ਪ੍ਰੋਗਰਾਮ ਦੀ ਸਮਾਪਤੀ ਹੋਈ।