ਬਰੈਂਪਟਨ – ਬੀਤੇ ਸ਼ਨੀਵਾਰ ਪੰਜਾਬੀ ਬਿਜ਼ਨਸ ਪ੍ਰੋਫ਼ੈਸ਼ਨਲ ਐਸੋਸ਼ੀਏਸ਼ਨ ਆਫ਼ ਕੈਨੇਡਾ ਵਲੋਂ ਹੋਟਲ ਡੇਅਜ਼ ਇੰਨ, 260 ਕੁਈਨ ਸਟਰੀਟ ਈਸਟ, ਬਰੈਂਪਟਨ ਵਿਖੇ ਟਰੱਕ, ਟਰੇਲਰ ਅਤੇ ਇਕੁਪਮੈਂਟ ਲੋਨਜ਼ ਬਾਰੇ ਇੱਕ ਵਿਸ਼ੇਸ਼ ਸੈਮੀਨਾਰ ਦਾ ਆਯੋਜ਼ਨ ਕੀਤਾ ਗਿਆ।

ਸੈਮੀਨਾਰ ਦੇ ਸ਼ੁਰੂ ਵਿੱਚ ਸਟੇਜ ਦੀ ਸੇਵਾ ਸੰਭਾਲਦਿਆਂ ਰਾਜਵੀਰ ਦੋਸਾਂਝ ਨੇ ਐਸੋਸ਼ੀਏਸ਼ਨ ਦੇ ਚੇਅਰਮੈਨ ਅਜੈਬ ਸਿੰਘ ਚੱਠਾ ਨੂੰ ਸਟੇਜ ਤੇ ਆਉਣ ਦਾ ਸੱਦਾ ਦਿੱਤਾ। ਐਡਵੋਕੇਟ ਚੱਠਾ ਨੇ ਆਪਣੇ ਸਵਾਗਤੀ ਭਾਸ਼ਨ ‘ਚ ਆਏ ਹੋਏ ਮਹਿਮਾਨਾਂ ਨੂੰ ਜੀ ਆਇਆਂ ਕਿਹਾ ਉਪਰੰਤ ਬਲਜੀਤ ਬਾਵਾ ਨੇ ਸਲਾਈਡ ਸ਼ੋਅ ਰਾਹੀਂ ਨੈੱਟਵਰਕਿੰਗ ਬਾਰੇ ਦੀਆਂ ਵਿਧੀਆਂ, ਤਰੀਕੇ ਅਤੇ ਇਸ ਦੇ ਲਾਭ ਬਾਰੇ ਖੁਲ੍ਹ ਕੇ ਗੱਲਬਾਤ ਕੀਤੀ ਜੋ ਹਾਜਿ਼ਰ ਸੱਜਣਾਂ ਨੇ ਕਾਫੀ ਪਸੰਦ ਕੀਤੀ। ਟਰੱਕਿੰਗ ਅਤੇ ਇਕੁਪਮੈਂਟ ਫਾਈਨੈਂਸ ਬਾਰੇ ਭਰਪੂਰ ਜਾਣਕਾਰੀ ਨਾਲ ਲਿਬਰੇਜ਼ ਇਸ ਸੈਮੀਨਾਰ ਨੂੰ ਮੈਰਿਟ ਕੈਪੀਟਲ ਦੇ ਵਾਈਸ ਪ੍ਰੈਜ਼ੀਡੈਂਟ ਮਾਈਕ ਵੈਲੇਸ ਵਲੋਂ ਪੇਸ਼ ਕੀਤਾ ਗਿਆ। ਅਕਾਲ ਮਾਰਗੇਜ਼ਜ਼, ਚੱਠਾ ਲਾਅ ਆਫਿ਼ਸ, ਰੋਡ ਨਿਊਜ਼ ਅਤੇ ਰੇਡੀਉ ਰੰਗੋਲੀ ਦੀ ਪੂਰੀ ਟੀਮ ਨੇ ਇਸ ਸੈਮੀਨਾਰ ਨੂੰ ਸਫਲ ਬਣਾਉਣ ਲਈ ਪੂਰੀ ਵਾਹ ਲਾਈ ਅਤੇ ਸੈਮੀਨਾਰ ‘ਚ ਸੱਤਰ-ਅੱਸੀ ਅਦਾਰਿਆਂ ਨਾਲ ਸਬੰਧਤ ਪ੍ਰੋਫ਼ੈਸ਼ਨਲਜ਼ ਦੀ ਹਾਜ਼ਰੀ ਨੂੰ ਯਕੀਨੀ ਬਣਾਇਆ।

ਐਸੋਸ਼ੀਏਸ਼ਨ ਦੇ ਪ੍ਰਬੰਧਕੀ ਬੋਰਡ ਵਲੋਂ ਬੁਲਾਰਿਆਂ ਬਲਜੀਤ ਬਾਵਾ, ਮਾਈਕ ਵੈਲੇਸ ਅਤੇ ਜਤਿੰਦਰ ਜਸਵਾਲ ਦਾ ਪਲੈਕ ਦੇ ਕੇ ਸਨਮਾਨ ਕੀਤਾ।
ਅੰਤ ਵਿੱਚ ਸੰਸਥਾ ਦੇ ਪ੍ਰਧਾਨ ਲਖਬੀਰ ਸਿੰਘ ਗਰੇਵਾਲ ਨੇ ਆਏ ਹੋਏ ਮਹਿਮਾਨਾਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਅਤੇ ਆਸ ਕੀਤੀ ਕਿ ਸਮੂਹ ਕਾਰੋਬਾਰਕ ਮੈਂਬਰਜ਼ ਅਤੇ ਪ੍ਰੋਫ਼ੈਸ਼ਨਲਜ਼, ਸੰਸਥਾ ਦੇ ਸੰਚਾਲਕਾਂ ਨੂੰ ਇਸੇ ਤਰ੍ਹਾਂ ਹੀ ਮਿਲਵਰਤਣ ਦੇ ਕੇ ਉਨ੍ਹਾਂ ਦੀ ਹੌਂਸਲਾ ਅਫ਼ਜ਼ਾਈ ਕਰਦੇ ਰਹਿਣਗੇ ਤਾਂ ਜੋ ਇਸ ਸੰਸਥਾ ਨੂੰ ਕਾਮਯਾਬੀ ਦੀਆਂ ਬੁਲੰਦੀਆਂ ਤੇ ਲਿਜਾਇਆ ਜਾ ਸਕੇ।