ਇੱਕੀਵੀ ਸਦੀ ਦੇ ਸੰਗੀਤਕ ਸਾਜ, ਰਵਾਇਤੀ ਡਫਲੀ, ਰਾਝੇਂ ਦੀ ਵੰਜਲੀ ਵਰਗੀ ਸੁਰ, ਬੁਲੇਸ਼ਾਹ ਦੀ ਸ਼ਾਇਰੀ ਵਰਗੀ ਰਵਾਨਗੀ, ਸ਼ਬਦਾ ਅਤੇ ਗੀਤਾ ਦੀਆ ਪੰਕਤੀਆਂ ਨੂੰ ਆਪਣੀ ਅਦਾਕਾਰੀ ਨਾਲ ਮੰਚ ਤੇ ਹੂਬਹੂ ਸਾਕਾਰ ਕਰਨ ਵਾਲੀ, ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨੂੰ ਆਪਣੇ ਗੀਤਾ ਰਾਹੀ ਹੱਦਾ ਸਰਹੱਦਾ ਦੇ ਆਰ ਪਾਰ ਜਲਵਾਗਰ ਕਰਨ ਵਾਲੀ ਸ਼ਖਸ਼ੀਅਤ ਹੈ ਗੁਰਦਾਸ ਮਾਨ, ਤੀਹਾ ਵਰਿਆ ਤੋ ਡਟਿਆ ਗਾਇਕੀ ਦੇ ਪਿੜ ਵਿਚ ਅਜਕਲ ਲੰਦਨ ਆਇਆ ਹੋਇਆ ਸ਼ੋ ਕਰਨ ਲਈ। ਯੂ ਕੇ ਬਾਕਸ ਆਫਿਸ ਵਲੋ ਇਸ਼ਕ ਦਾ ਗਿੱਧਾ ਯੂ ਕੇ ਟੂਰ ਨੂੰ ਪਰਮੋਟ ਕਰਨ ਲਈ ਇਕ ਪਰੈੱਸ ਮਿਲਣੀ 21 ਮਾਰਚ ਨੂੰ ਬਰਮਿੰਘਮ ਵਿੱਚ ਰੱਖੀ ਗਈ ਸੀ

ਪੰਜਾਬ ਦੇ ਰਵਾਇਤੀ ਵਿਰਸੇ ਨੂੰ ਰੂਪਮਾਨ ਕਰਦੀਆ ਅਲੋਪ ਹੋ ਰਹੀਆ ਵਸਤਾ ਦੀ ਨੁਮਾਇਸ਼ ਰਾਹੀ ਦਰਸਾਇਆ ਗਿਆ ਸੀ ਮਾਨ ਦੇ ਤੀਹ ਵਰਿਆ ਦੇ ਸੰਗੀਤਕ ਸਫਰ ਨੂੰ ਤੇ ਤਵੀ ਤੇ ਮੱਕੀ ਦੀਆਂ ਰੋਟੀਆ ਲਾਹੁੰਦੀਆਂ ਸੁਨੱਖੀਆ ਮੁਟਿਆਰਾ ਦੇ ਰਹੀਆ ਸੀ ਸੁਨੇਹਾ ਗੁਰਦਾਸ ਦੀ ਆ ਰਹੀ ਨਵੀ ਐਲਬਮ ‘ਰੋਟੀ’ ਦਾ ਛੈਲਛਬੀਲੇ ਗੱਭਰੂ ਢੋਲ ਅਤੇ ਭੰਗੜੇ ਦੀ ਛਹਿਬਰ ਦੇ ਹੇਠਾ ਲੈਕੇ ਆਏ ਗੁਰਦਾਸ ਮਾਨ ਨੂੰ ਮੰਚ ਤੇ  ਫਿਰ ਨੀਲੂ ਕਲਸੀ ਨੇ ਸ਼ੁਰੂ ਕੀਤਾ ਸਵਾਲਾ ਦਾ ਸਿਲਸਲਾ। ਗੁਰਦਾਸ ਮਾਨ ਨੇ ਦੱਸਿਆ ਕਿ ਉਸਦਾ ਸੁਪਨਾ ਸੀ ਕਿ ਸਾਡੀ ਮਾ ਬੋਲੀ ਪੰਜਾਬੀ ਪੂਰੀ ਦੁਨੀਆ ਤਕ ਪਹੁੰਚੇ, ਤੇ ਆਪਣੇ ਸੰਗੀਤ ਦੀ ਇਸ ਪ੍ਰਾਪਤੀ ਤੇ ਉਹ ਬਹੁਤ ਖੁਸ਼ ਹੈ।

ਲੋਕ ਗੀਤਾ ਵਰਗੀਆ ਪੰਕਤੀਆ ਦੇ ਆਲੇ ਦੁਆਲੇ ਸ਼ਬਦਾ ਦਾ ਤਾਣਾ ਬਾਣਾ ਬੁਣਕੇ ਗੀਤ ਰਚਣ ਵਾਲਾ ਮਾਨ ਕਹਿੰਦਾ ਕਿ ਉਹ ਆਪਣੀਆ ਪ੍ਰਾਪਤੀਆ ਅਤੇ ਉਮਰਾ ਦੇ ਹਿਸਾਬ ਕਿਤਾਬ ਵਿਚ ਨਹੀ ਪੈਂਦਾ। ਪੰਜਾਬੀ ਕਦਰਾ ਕੀਮਤਾ ਨੂੰ ਦਰਸਾਉਂਦੇ ਗੀਤਾ ਦਾ ਰਚੇਤਾ ਮਾਨ ਇਥੋ ਦੇ ਗਾਇਕਾ ਦੇ ਰੀਮਿਕਸ ਸੰਗੀਤ ਦੀ ਪ੍ਰਸੰਸਾ ਕਰਕੇ ਨਵੀ ਪੀੜੀ ਨੂੰ ਸਕਾਰਤਮਿਕ ਰੂਪ ਵਿਚ ਪੰਜਾਬੀਅਤ ਦੀਆ ਜੜਾ ਨਾਲ ਜੋੜਨ ਦੀ ਕੋਸਿ਼ਸ਼ ਕਰ ਰਿਹਾ ਸੀ।