ਓਸਲੋ- ਪੰਜਾਬੀ ਸਕੂਲ( ਓਸਲੋ ) ਨਾਰਵੇ ਵੱਲੋ ਸਵ ਸ੍ਰ ਅਵਤਾਰ ਸਿੰਘ, ਬੀਬੀ ਬਲਵਿੰਦਰ ਕੋਰ, ਸ੍ਰ ਰਸ਼ਪਿੰਦਰ ਸਿੰਘ ਸੰਧੂ, ਮਾਸਟਰ ਮੁਖਤਿਆਰ ਸਿੰਘ ਆਦਿ ਦੀ ਅਣਥੱਕ ਮਹਿਨਤ ਸੱਦਕੇ ਨਾਰਵੇ ਦੇ ਪਹਿਲੇ ਪੰਜਾਬੀ ਸਕੂਲ ਨੂੰ ਖੁੱਲਿਆ ਪੂਰੇ 17 ਸਾਲ ਹੋ ਗਏ ਹਨ। ਸਕੂਲ ਦੇ ਪ੍ਰੰਬੱਧਕਾ ਵੱਲੋ ਹਰ ਸਾਲ ਸ਼ਾਨਦਾਰ ਸਭਿਆਚਾਰਿਕ ਪ੍ਰੋਗਰਾਮ ਕਰਵਾਇਆ ਜਾਦਾ ਹੈ। ਪਿੱਛਲੇ ਦਿਨੀ ਇਹ ਪ੍ਰੋਗਰਾਮ ਬੜੀ ਧੁਮ ਧਾਮ ਨਾਲ ੳਸਲੋ ਚ ਹੋ ਨਿਬੜਿਆ।

ਪ੍ਰੋਗਰਾਮ ਦੀ ਸ਼ੁਰੂਆਤ ਚ ਸਕੂਲ ਪ੍ਰੰਬੱਧਕਾ ਵੱਲੋ ਹਰ ਇੱਕ ਨੂੰ ਜੀ ਆਇਆ ਕਿਹਾ ਗਿਆ।ਮਾਸਟਰ ਮੁਖਤਿਆਰ ਸਿੰਘ ਹੋਣਾ ਨੇ ਸਟੇਜ ਸੈਕਟਰੀ ਦੀ ਸੇਵਾ ਬੇਖੂਬੀ ਨਾਲ ਨਿਭਾਈ ਸਕੂਲ ਦੇ ਬੱਚੇ ਬੱਚੀਆ ਨੇ ਸ਼ਬਦ ਪੜ ਪ੍ਰੋਗਰਾਮ ਦੀ ਸ਼ੁਰੂਆਤ ਕੀਤੀ ਅਤੇ ਸਕੂਲੀ ਵਿਦਿਆਰਥੀਆ ਵੱਲੋ ਸਿੱਖ ਧਰਮ ਦੇ ਇਤਿਹਾਸ, ਵਿਸਾਖੀ ਦੀ ਮਹਾਨਤਾ ਆਦਿ ਬਾਰੇ ਵਿਸਥਾਰ ਨਾਲ ਦਸਿਆ, ਇਸ ਉਪਰੰਤ ਪੰਜਾਬੀ ਪਹਿਰਾਵੇ ਚ ਸੱਜੇ ਬੱਚੇ ਬੱਚੀਆ ਨੇ ਗਿੱਧਾ ਭੰਗੜਾ ਪਾ ਆਪਣੇ ਮਾਪਿਆ ਅਤੇ ਆਏ ਹੋਏ ਦਰਸ਼ਕਾ ਨੂੰ ਵੀ ਥਿਰਕਣ ਲਾ ਦਿੱਤਾ। ਇਸ ਤੋ ਇਲਾਵਾ ਸਕੂ਼ਲ ਦੇ ਬੱਚਿਆ ਨੇ ਕਵਿਤਾਵਾ,ਹੱਸ ਰਾਸ, ਸੱਕਿਟ, ਮਨੋ ਅਕੈਟਿੰਗ ਆਦਿ ਪੇਸ਼ ਕਰ ਹਰ ਇੱਕ ਦਾ ਮਨ ਮੋਹ ਲਿਆ। ਸਿੱਖੀ ਸਰੂਪ ਚ ਵਿਸਰ ਰਹੇ ਬੱਚਿਆ ਲਈ ਦਸਤਾਰ ਮੁਕਾਬਲੇ ਵੀ ਕਰਵਾਏ ਗਏ।ਸਕੂਲ ਕਮੇਟੀ ਵੱਲੋ ਪ੍ਰੋਗਰਾਮ ਚ ਆਏ ਹੋਏ ਹਰ ਇੱਕ ਲਈ ਚਾਹ ਪਾਰਟੀ ਅਤੇ ਖਾਣੇ ਦਾ ਵੀ ਵਧੀਆ ਪ੍ਰੰਬੱਧ ਕੀਤਾ ਗਿਆ। ਪੰਜਾਬੀ ਸਕੂਲ ਨਾਰਵੇ ਵੱਲੋ ਪਿੱਛਲੇ ਕੁ ਸਾਲ ਤੋ ਸਵਰਗੀ ਸਰਦਾਰ ਅਵਤਾਰ ਸਿੰਘ ਸ਼ਰੋਮਣੀ ਐਵਾਰਡ ਸ਼ੁਰੂ ਕੀਤਾ ਗਿਆ ਹੈ ਅਤੇ ਇਹ ਐਵਾਰਡ ਹਰ ਸਾਲ ਨਾਰਵੇ ਚ ਇੰਡੀਅਨ ਭਾਈਚਾਰੇ ਅੰਦਰ ਚ ਸਮਾਜਿਕ, ਧਾਰਮਿਕ ਜਾ ਵਿਦਿਆ ਖੇਤਰ ਚ ਉੱਚ ਡਿਗਰੀ ਅਤੇ ਭਾਰਤੀ ਸਮਾਜ ਲਈ ਵਧੀਆ ਕੰਮ ਕਰਨ ਵਾਲੇ ਨੂੰ ਦਿੱਤਾ ਜਾਦਾ ਹੈ, ਪਰ ਇਸ ਸਾਲ ਇਸ ਐਵਾਰਡ ਦਾ ਘੇਰਾ ਵਿਸ਼ਾਲ ਕਰ ਦਿੱਤਾ ਅਤੇ ਹੁਣ ਇਹ ਐਵਾਰਡ ਦੁਨੀਆ ਭਰ ਚ ਪੰਜਾਬੀਅਤ ਦੀ ਖਿਦਮਤ ਨਾਮ ਰੋਸ਼ਨ ਕਰਨ ਵਾਲੀ ਸ਼ਖਸੀਅਤ ਨੂੰ ਦਿੱਤਾ ਜਾਇਆ ਕਰੇਗਾ ਅਤੇ ਇਸ ਸਾਲ ਇਹ ਐਵਾਰਡ ਦੁਨੀਆ ਭਰ ਚ ਸਿੱਖਾ ਅਤੇ ਪੰਜਾਬੀਅਤ ਦਾ ਨਾਮ ਉੱਚਾ ਕਰਨ ਵਾਲੇ 100 ਸਾਲ ਤੋ ਉੱਪਰ ਉਮਰ ਦੇ ਅੱਜ ਕੱਲ ਦੇ ਜੁਆਨਾ ਤੋ ਵੀ ਜੁਆਨ ਬਾਬਾ ਫੋਜਾ ਸਿੰਘ ਜੀ ਨੂੰ ਦਿੱਤਾ ਗਿਅ।

ਬਾਬਾ ਜੀ ਪ੍ਰੌਗਰਾਮ ਤੇ ਪੁਹੰਚ ਨਹੀ ਸਕੇ ਪਰ ਕੱਲ ਯਾਨੀ 1/6/13 ਦਿਨ ਸ਼ਨੀਵਾਰ ਨੂੰ ਪੰਜਾਬੀ ਸਕੂਲ ਨਾਰਵੇ ਵੱਲੋ ਇੱਕੀਆ ੳਸਲੋ ਦੀ ਗਰਾਊਡਾ ਚ ਕਰਵਾਏ ਜਾ ਰਹੇ ਸਾਲਾਨਾ ਖੇਡ ਮੇਲੇ ਤੇ ਪਹੁੰਚ ਰਹੇ ਹਨ। ਨਾਰਵੇ ਦੇ ਪੰਜਾਬੀਆ ਲਈ ਇਹ ਫਖਰ ਵਾਲੀ ਗੱਲ ਹੈ ਕਿ ਇਸ ਸਕੂਲ ਦੇ ਮਿਹਨਤੀ ਅਤੇ ਤਜਰਬੇਕਾਰ ਚੇਅਰਮੈਨ ਬੀਬੀ ਬਲਵਿੰਦਰ ਕੋਰ, ਸ੍ਰ ਰਸ਼ਪਿੰਦਰ ਸਿੰਘ, ਸ੍ਰ ਮੁਖਤਿਆਰ ਸਿੰਘ,  ਕਮਲਜੀਤ ਕੋਰ, ਸੁਖਚੈਨ ਸਿੰਘ, ਜਸਵੀਰ ਕੋਰ, ਵਰਿੰਦਰ ਕੋਰ,ਰਾਜਵਿੰਦਰ ਕੋਰ, ਗੁਰਪ੍ਰੀਤ ਕੋਰ, ਮਨਿੰਦਰ ਕੋਰ, ਜਸਵਿੰਦਰ ਕੋਰ ਤੇ ਸਕੂਲ ਸਟਾਫ ਬੀਬੀ ਬਲਵਿੰਦਰ ਕੋਰ, ਸ੍ਰ ਮੁਖਤਿਆਰ ਸਿੰਘ, ਰਾਜਵਿੰਦਰ ਕੋਰ, ਗੁਰਪ੍ਰੀਤ ਕੋਰ, ਮਨਿੰਦਰ ਕੋਰ, ਜਸਵਿੰਦਰ ਕੋਰ, ਕੁਲਦੀਪ ਕੋਰ, ਕਿਰਨਦੀਪ ਕੋਰ, ਸੁਖਜਿੰਦਰ ਕੋਰ, ਰਮਨਦੀਪ ਕੋਰ, ਕੁਲਵਿੰਦਰ ਕੋਰ, ਰਾਜਵੰਤਜੀਤ ਕੋਰ ਬੈਸ, ਹਰਵਲੀਨ ਕੋਰ, ਹਰਪ੍ਰੀਤ ਕੋਰ ਅਤੇ ਬਲਦੇਵ ਸਿੰਘ, ਆਦਿ ਸਟਾਫ ਦੀ ਮਿਹਨਤ ਅਤੇ ਸਹਿਯੋਗ ਸੱਦਕੇ ਜਿੱਥੇ ਨਾਰਵੇ ਵਿੱਚ ਜੰਮੇ ਪੱਲੇ ਬੱਚੇ ਪੂਰੀ ਤਰਾ ਆਪਣੇ ਧਰਮ, ਸਭਿਆਚਾਰ, ਮਾਂ ਬੋਲੀ ਪੰਜਾਬੀ ਅਤੇ ਵਿਰਸਾ ਨਾਲ ਜੁੜੇ ਹੋਏ ਹਨ ,ਉੱਥੇ ਹੀ ਇਸ ਸਕੂਲ ਚੋ ਇਹ ਗੁਣ ਲੈ ਕੇ ਗਏ ਬੱਚੇ ਅੱਜ ਨਾਰਵੇ ਚ ਉੱਚ ਪੱਧਰੀ ਨੋਕਰੀਆ ਤੇ ਬਿਰਾਜਮਾਨ ਹੋ ਆਪਣੀ ਕੋਮ ਅਤੇ ਨਾਰਵੇ ਦੀ ਤੱਰਕੀ ਵਿੱਚ ਪੂਰਾ ਯੋਗਦਾਨ ਪਾ ਰਹੇ ਹਨ।

ਚਾਰ ਕੁ ਘੰਟੇ ਚੱਲੇ ਇਸ ਸਕੂਲੀ ਸਭਿਆਚਾਰਿਕ ਪ੍ਰੋਗਰਾਮ ਦਾ ਆਨੰਦ ਬੱਚੇ, ਬੱਚੀਆ , ਮਾਪਿਆ, ਅਤੇ ਦਰਸ਼ਕਾ ਨੇ ਖੂਬ ਮਾਣਿਆ।ਆਖਿਰ ਚ ਸਕੂਲ ਦੀ ਪ੍ਰੰਬੱਧਕ ਕਮੇਟੀ ਵੱਲੋ ਹਰ ਇੱਕ ਦਾ ਤਹਿ ਦਿੱਲੋ ਧੰਨਵਾਦ ਕੀਤਾ ਗਿਆ।