ਚੰਡੀਗੜ  17 ਨਵੰਬਰ, 17 : ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਸ਼ਹੀਦੀ ਦਿਹਾੜੇ ਤੇ ਰਾਮ ਸਿੰਘ ਦੱਤ ਮੈਮੋਰੀਅਲ ਹਾਲ ਗੁਰਦਾਸਪੁਰ ਵਿਚ ਨਟਾਲੀ ਰੰਗ ਮੰਚ ਰਜਿ ਗੁਰਦਾਸਪੁਰ ਵਲੋਂ ਸਾਹਿਤ ਸਭਾ ਗੁਰਦਾਸਪੁਰ ਰਜਿ ਅਤੇ ਤਰਕਸ਼ੀਲ ਸੁਸਾਇਟੀ ਗੁਰਦਾਸਪੁਰ ਦੇ ਸਹਿਯੋਗ ਨਾਲ ਸੱਭਿਆਚਾਰਕ ਨਾਟਕ ਮੇਲਾ ਕਰਵਾਇਆ ਗਿਆ ਜਿਸ ਵਿਚ ਡਾਕਟਰ ਪਵਨ ਸ਼ਹਿਰੀਆ ਦੀ ਨਿਰਦੇਸ਼ਨਾ ਹੇਠ ਰੰਗਯਾਨ ਥਿਏਟਰ ਗਰੁੱਪ ਪਠਾਨਕੋਟ ਵਲੋਂ ਡਾਕਟਰ ਸਾਹਿਬ ਸਿੰਘ ਦੇ ਲਿਖੇ ਨਾਟਕ ਪਰਮਵੀਰ ਚੱਕਰ ਅਤੇ ਪਰਿੰਦੇ ਜਾਣ ਹੁਣ ਕਿੱਥੇ ? ਦੀ ਸਫਲ ਪੇਸ਼ਕਾਰੀ ਨੇ ਦਰਸ਼ਕਾਂ ਨੂੰ ਬਹੁਤ ਭਾਵੁਕ ਕੀਤਾ ਤੇ ਸਭ ਦਾ ਮਨ ਮੋਹ ਲਿਆ। ਪਰਿੰਦੇ ਜਾਣ ਹੁਣ ਕਿੱਥੇ ਹਿੰਦ-ਪਾਕਿਸਤਾਨ ਦੇ ਬਟਵਾਰੇ ਤੋਂ ਬਾਅਦ ਦੇਸ਼ ਵਿਚ ਰਹਿ ਗਈਆਂ ਮੁਸਲਿਮ ਔਰਤਾਂ ਦੇ ਵਾਪਸ ਆਪਣੇ ਦੇਸ਼ ਜਾਣ ਲਈ ਸਰਕਾਰੀ ਫੁਰਮਾਨ ਤੇ ਸੱਚੀਆਂ ਘਟਨਾਵਾਂ ਤੇ ਅਧਾਰਿਤ ਸੀ। ਸ਼ਹੀਦ ਫੌਜੀ ਦੇ ਮਰਨ ਤੋਂ ਬਾਅਦ ਮਿਲੇ ਪਰਮਵੀਰ ਚੱਕਰ ਦਾ ਫੌਜੀ ਦੀ ਪਤਨੀ ਨੂੰ ਨੌਕਰੀ ਲੈਣ ਲਈ ਅਫਸਰਾਂ ਦੀ ਹਵਸ ਤੇ ਲਾਲਚ ਦੇ ਅੱਗੇ ਮਜਬੂਰ ਹੋਣ ਕਰਕੇ ਹੋਏ ਅਪਮਾਨ ਦਾ ਬਾਖੂਬੀ ਬਿਆਨ ਕੀਤਾ ਗਿਆ ।

ਅਜੋਕੇ ਰਾਜਨੀਤਕ ਲੀਡਰਾਂ ਵਲੋਂ ਝੂਠੇ ਸਨਮਾਨ ਦੇ ਵਿਰੁੱਧ ਬਗਾਵਤ ਦਾ ਸੰਦੇਸ਼ ਦਿੰਦਾ ਸੀ ਇਹ ਨਾਟਕ ਪਰਮਵੀਰ ਚੱਕਰ । ਬੇਅੰਤ ਕਾਲਜ ਆਫ ਇੰਜਨੀਅਰਿੰਗ ਐਂਡ ਟੈਕਨਾਲੋਜੀ ਗੁਰਦਾਸਪੁਰ ਦੇ ਵਿਦਿਆਰਥੀਆ ਵਲੋਂ ਸ਼ਹੀਦ ਭਗਤ ਸਿੰਘ ਦੇ ਆਜ਼ਾਦੀ ਦੇ ਨਾ ਪੂਰੇ ਹੋਏ ਸੁਪਨਿਆਂ ਨੂੰ ਬਿਆਨ ਕਰਦਾ ਨਾਟਕ ਅਧੂਰੀ ਆਜ਼ਾਦੀ ਪੇਸ਼ ਕੀਤਾ ਗਿਆ । ਰੌਕੀ ਸ਼ਹਿਰੀਆ ਦੀ ਨਿਰਦੇਸ਼ਨਾ ਹੇਠ ਗੁਰਸ਼ਰਨ ਸਿੰਘ ਦਾ ਲਿਖਿਆ ਨੌਵੀਂ ਪਾਤਸ਼ਾਹੀ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ ਸ਼ਹੀਦੀ ਨੂੰ ਬਿਆਨ ਕਰਦਾ ਨਾਟਕ ਨਿਉਟਿਆਂ ਦੀ ਓਟ ਸਫਲਤਾ ਪੂਰਵਕ ਖੇਡਿਆ ਗਿਆ । ਇਸ ਮੇਲੇ ਵਿੱਚ ਸ੍ਰੀ ਮਤੀ ਗੁਰਨਾਮ ਕੌਰ ਚੀਮਾਂ ਲੈਕਚਰਾਰ ਬਾਬਾ ਬਕਾਲਾ ਸਟੇਟ ਅਵਾਰਡੀ ਅਤੇ ਮੰਗਲਦੀਪ ਅਧਿਆਪਕ ਸਟੇਟ ਅਵਾਰਡੀ ਨੂੰ ਪੰਜਾਬੀ ਸਾਹਿਤ ਜਗਤ ਵਿਚ ਪਾਏ ਯੋਗਦਾਨ ਬਦਲੇ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ ।

ਇਸ ਮੇਲੇ ਦੌਰਾਨ ਮੁੱਖ ਮਹਿਮਾਨ ਡਾਕਟਰ ਸਿਆਮ ਸੁਦਰ ਦੀਪਤੀ ਨੇ ਕਿਹਾ ਕਿ ਸ਼ਹੀਦਾਂ ਨੂੰ ਸੱਚੀ ਸ਼ਰਧਾਂਜਲੀ ਇਹ ਹੋਵੇਗੀ ਕਿ ਅਸੀਂ ਧਰਮਾਂ ਜਾਤਾਂ ਤੋ ਉਪਰ ਉਠ ਕੇ ਮਨੁੱਖਤਾ ਦੇ ਭਲੇ ਲਈ ਕੰਮ ਕਰੀਏ, ਅੰਧ ਵਿਸ਼ਵਾਸ ਵਿੱਚੋਂ ਬਾਹਰ ਆਈਏ, ਤੰਦਰੁਸਤ ਰਹੀਏ ਤੇ ਵਾਤਾਵਰਣ ਨੂੰ ਸਾਫ ਸੁਥਰਾ ਰੱਖੀਏ । ਵਿਸ਼ੇਸ਼ ਮਹਿਮਾਨ ਗੁਰਮੀਤ ਸਿੰਘ ਪਾਹੜਾ, ਚੇਅਰਮੈਨ ਲੇਬਰ ਸੈਲ ਪੰਜਾਬ ਨੇ ਨਾਟਕਾਂ ਦਾ ਭਰਪੂਰ ਅਨੰਦ ਮਾਣਿਆ। ਉਨਾ ਵਾਅਦਾ ਕੀਤਾ ਕਿ ਜਲਦੀ ਹੀ ਸ਼ਹਿਰ ਅੰਦਰ ਨਾਟਕਾਂ ਦੀ ਪੇਸ਼ਕਾਰੀ ਲਈ ਅੱਤ ਅਧੁਨਿਕ ਸਹੂਲਤਾਂ ਵਾਲਾ ਇਕ ਵਿਸ਼ਾਲ ਆਡੀਟੋਰੀਅਮ ਉਸਾਰਿਆ ਜਾਵੇਗਾ ।

ਮੇਲੇ ਦਾ ਪ੍ਰਬੰਧ ਜੀ ਐਸ ਪਾਹੜਾ, ਪ੍ਰਧਾਨ, ਨਟਾਲੀ ਰੰਗ ਮੰਚ, ਜੇ ਪੀ ਖਰਲਾਂ ਵਾਲਾ, ਪ੍ਰਧਾਨ ਸਾਹਿਤ ਸਭਾ, ਟੀ ਐਸ ਲੱਖੋਵਾਲ, ਪ੍ਰਧਾਨ ਤਰਕਸ਼ੀਲ ਸੁਸਾਇਟੀ, ਰਛਪਾਲ ਸਿੰਘ ਘੁੰਮਣ, ਅਮਰੀਕ ਸਿੰਘ ਧੂਤ, ਵਰਿੰਦਰ ਸਿੰਘ ਸੈਣੀ, ਰਜਿੰਦਰ ਸਿੰਘ ਤੇ ਗੁਰਮੀਤ ਸਿੰਘ ਬਾਜਵਾ ਨੇ ਕੀਤਾ। ਇਸ ਵਿੱਚ ਵਕੀਲ ਰਣਜੀਤ ਸਿੰਘ ਗੁਰਾਇਆ, ਸੁਖਵਿੰਦਰ ਸਿੰਘ ਡੀ ਏ ਮਾਰਟ, ਵਿੱਕੀ ਚਾਹਲ, ਗੁਰਮੀਤ ਸਿੰਘ ਪਾਹੜਾ ਚੇਅਰਮੈਨ ਲੇਬਰ ਸੈਲ ਪੰਜਾਬ, ਬਲਦੇਵ ਸਿੰਘ ਆਸਟਰੇਲੀਅਨ ਗਰੁੱਪ, ਅਮਰਜੀਤ ਸਿੰਘ ਚਾਹਲ, ਹਰਜੰਤ ਸਿੰਘ ਬਾਵਾ, ਪ੍ਰੇਮ ਤੁਲੀ ਅਤੇ ਪ੍ਰਮਿੰਦਰ ਕੈਸ਼ ਨੇ ਮਾਲੀ ਸਹਾਇਤਾ ਕੀਤੀ। ਇਸ ਮੌਕੇ ਤੇ ਅਨੰਦ ਮੈਡੀਕੋਜ਼ ਵਲੋਂ ਕੰਟਰੋਲ ਡੀ ਮਸ਼ੀਨ ਨਾਲ ਫ੍ਰੀ ਸ਼ੂਗਰ ਚੈਕ ਅੱਪ ਕੀਤਾ ਗਿਆ । ਇਸ ਮੌਕੇ ਤੇ ਰਮੇਸ਼ ਮਹਾਜਨ, ਦਿਲਬਾਗ ਸਿੰਘ ਚੀਮਾ, ਮਲਕੀਤ ਸਿੰਘ ਸੁਹਲ, ਤੇਜਿੰਦਰ ਕੌਰ ਤੇ ਅਮਨਦੀਪ ਕੌਰ ਪ੍ਰਧਾਨ ਮਹਿਲਾ ਕਾਂਗਰਸ ਵਿੰਗ ਵੀ ਹਾਜਰ ਸਨ।