ਨਿਓਡਾ (ਯੂ. ਪੀ.) ਚ 5 ਤੋ 6 ਮਈ ਤੱਕ ਦੋ-ਦਿਨਾ '15-ਵੀ ਸਟੇਟ ਸ਼ਿਤੋ-ਰੇਯੂ ਇੰਟਰ ਸਕੂਲ ਕਰਾਟੇ ਚੈਪੀਅਨਸ਼ਿਪ' ਮੁਕਾਬਲੇ ਕਰਵਾਏ ਗਏ। ਇਨਾਂ ਮੁਕਾਬਲਿਆਂ ਵਿਚ ਐਨ. ਸੀ. ਆਰ. ਦੇ 20 ਸਕੂਲਾਂ ਤੋ 400 ਦੇ ਕਰੀਬ ਖਿਡਾਰੀਆਂ ਨੇ ਹਿੱਸਾ ਲਿਆ। ਇਸ ਵਿਚ 'ਗ੍ਰੇਟਰ ਨਿਊਡਾ ਵਲਡ ਸਕੂਲ' ਦੇ ਵਿਦਿਆਰਥੀਆਂ ਨੇ 11 ਗੋਲਡ, 10 ਸਿਲਵਰ ਅਤੇ 19 ਬਰਿੰਜ ਮੈਡਲ ਜਿੱਤਕੇ ਇਸ ਚੈਂਪੀਅਨਸ਼ਿਪ 'ਚੋ ਸੈਕਿੰਡ ਰੈਂਕ ਹਾਸਲ ਕੀਤਾ। 'ਗ੍ਰੇਟਰ ਨਿਊਡਾ ਵਲਡ ਸਕੂਲ' (ਨੇੜੇ ਦਿੱਲੀ) ਦੇ ਵਿਦਿਆਰਥੀ-ਖਿਡਾਰੀ ਗੁਰਿੰਦਰ ਸਿੰਘ (ਗੁੱਗੂ) ਨੇ ਇਹ ਖੁਸ਼ੀ ਆਪਣੇ ਚੰਡੀਗੜ ਸ਼ਹਿਰ ਆਣ ਕੇ ਪ੍ਰੈਸੱ ਨਾਲ ਸਾਂਝੀ ਕੀਤੀ। ਜਿਕਰ ਯੋਗ ਹੈ ਕਿ ਇਹ ਹੋਣਹਾਰ ਵਿਦਿਆਰਥੀ ਮੂਲ ਰੂਪ ਵਿਚ ਚੰਡੀਗੜ ਦੇ ਸੈਕਟਰ-55 ਦਾ ਵਸਨੀਕ ਹੈ ਅਤੇ ਇਸ ਵਕਤ 'ਗ੍ਰੇਟਰ ਨਿਊਡਾ ਵਲਡ ਸਕੂਲ' (ਨੇੜੇ ਦਿੱਲੀ) ਵਿਖੇ ਪੰਜਵੀ ਕਲਾਸ ਵਿਚ ਪੜ ਰਿਹਾ ਹੈ।
ਗੁਰਿੰਦਰ ਦੀ ਮੰਮੀ ਸੁਖਦੀਪ ਕੌਰ ਅਤੇ ਉਸਦੇ ਡੈਡੀ ਜਸਪਾਲ ਸਿੰਘ ਨੇ ਆਪਣੇ ਲਾਡਲੇ ਦੀਆਂ ਪ੍ਰਾਪਤੀਆਂ ਦਾ ਜਿਕਰ ਕਰਦਿਆਂ ਦੱਸਿਆ ਕਿ ਗੁਰਿੰਦਰ ਨਰਸਰੀ ਤੋ ਹੀ ਨਾ-ਸਿਰਫ ਪੜਾਈ ਵਿਚ ਹੀ, ਬਲਕਿ ਸੱਭਿਆਚਾਰਕ ਗਤੀ-ਵਿਧੀਆਂ ਵਿਚ ਵੀ ਅੱਵਲ ਆਉਂਦਾ ਰਿਹਾ ਹੈ। ਇੱਥੋ ਤੱਕ ਕਿ ਉਸ ਦੇ ਪਿਤਾ ਜਸਪਾਲ ਸਿੰਘ ਨੂੰ ਪਰਿਵਾਰ ਸਮੇਤ ਕੰਪਨੀ ਨੇ ਬਾਹਰ ਜਦ ਵਿਦੇਸ਼ ਭੇਜ ਦਿੱਤਾ ਸੀ ਤਾਂ ਗੁਰਿੰਦਰ ਨੇ ਦੋ ਸਾਲ ਦੌਰਾਨ ਵਿਦੇਸ਼ 'ਚ ਹੁੰਦੇ ਹੋਏ ਵੀ ਵਧੀਆ ਕਾਰ-ਗੁਜਾਰੀ ਦਿਖਾਈ। ਫਿਰ, ਦੋ ਸਾਲ ਬਾਅਦ ਇੱਥੇ, 'ਗਰੇਟਰ ਨਿਓਡਾ ਵਲਡ ਸਕੂਲ' (ਨੇੜੇ ਦਿੱਲੀ) ਵਿਚ ਗੁਰਿੰਦਰ ਨੂੰ ਦਾਖਲ ਕਰਵਾ ਦਿੱਤਾ। ਦਾਖਲੇ ਵਕਤ ਵਿਦਿਆਰਥੀਆਂ ਦਾ ਸਲੇਬਸ ਕਾਫੀ ਕਵਰ ਹੋ ਚੁੱਕਾ ਸੀ। ਪਰ ਇਸ ਦੇ ਬਾਵਜੂਦ ਸਲਾਨਾ ਸਮਾਗਮ ਦੌਰਾਨ ਅਧਿਆਪਕ ਸਪੈਸ਼ਲ ਮੁਬਾਰਕਾਂ ਦਿੰਦਿਆਂ ਗੁਰਿੰਦਰ ਦੇ ਮੰਮੀ ਸੁਖਦੀਪ ਕੌਰ ਅਤੇ ਉਸਦੇ ਡੈਡੀ ਨੂੰ ਮਾਣ ਨਾਲ ਕਹਿ ਰਹੇ ਸਨ, 'ਜੇਕਰ ਇਹ ਬੱਚਾ ਸਾਡੇ ਸਕੂਲ ਨੂੰ ਨਾ ਮਿਲਦਾ ਤਾਂ ਸਾਨੂੰ ਬਹੁਤ ਵੱਡਾ ਘਾਟਾ ਪੈਣਾ ਸੀ। ਸਾਡੀ ਖੁਸ਼-ਕਿਸਮਤੀ ਕਿ ਗੁਰਿੰਦਰ ਸਾਡੇ ਸਕੂਲ ਨੂੰ ਮਿਲਿਆ।'

ਉਸ ਤੋਂ ਬਾਅਦ ਗੁਰਿੰਦਰ ਇਸ ਸਕੂਲ ਵਿਚ ਲਗਾਤਾਰ ਹਰ ਨਿੱਕੇ ਤੋਂ ਵੱਡੇ ਕੰਪੀਟੀਸ਼ਨਾਂ ਵਿਚ ਹਮੇਸ਼ਾਂ ਮੂਹਰਲੀਆਂ ਸਫਾਂ ਵਿਚ ਹੀ ਰਿਹਾ। ਚੌਥੀ ਕਲਾਸ ਵਿਚੋਂ ਉਸ ਨੇ ਤਿੰਨ ਸਰਟੀਫਿਕੇਟ ਅਤੇ ਨੈਸ਼ਨਲ ਲੈਵਲ ਦਾ ਸਿਲਵਰ ਮੈਡਲ ਜਿੱਤ ਕੇ ਆਪਣੇ ਸਖਤ ਮਿਹਨਤੀ ਹੋਣ ਦਾ ਸਬੂਤ ਛੱਡਿਆ।

ਗੁਰਿੰਦਰ ਦੇ ਡੈਡੀ ਇੰਜੀਨੀਅਰ ਹਨ, ਜਿਹੜੇ ਕਿ ਗਰੇਟਰ ਨਿਓਡਾ (ਨੇੜੇ ਦਿੱਲੀ) ਵਿਖੇ ਕਿਸੇ ਉਚ-ਮਿਆਰੀ ਕੰਪਨੀ ਵਿਚ ਸੀਨੀਅਰ ਮੈਨੇਜਰ ਦੇ ਮਾਣ-ਮੱਤੇ ਅਹੁੱਦੇ ਉਤੇ ਤਾਇਨਾਤ ਹਨ। ਉਸ ਦੀ ਮੰਮੀ ਸੁਖਦੀਪ ਕੌਰ ਐਮ. ਏ. ਪਾਸ ਹੈ। ਸੁਖਦੀਪ ਨੇ ਮੁਲਾਕਾਤ ਦੌਰਾਨ ਦੱਸਿਆ ਕਿ ਗੁਰਿੰਦਰ ਦਾ ਪੜਾਈ ਵਿਚ ਤਾਂ ਰੁਝਾਨ ਹੈ ਹੀ, ਪਰ, ਟੈਕਨੀਕਲ ਪੱਖੋਂ ਵੀ ਉਹ ਆਪਣੀ ਮਿਸਾਲ ਆਪ ਹੀ ਹੈ। ਨਿੱਕੇ -ਨਿੱਕੇ ਖਿਡਾਉਣਿਆਂ ਨੂੰ ਇੰਜੀਨੀਅਰਾਂ ਦੀ ਤਰਾਂ ਜੋੜ-ਜੋੜ ਕੇ ਐਸੀ ਕਮਾਲ ਦੀ ਮਸ਼ੀਨਰੀ ਤਿਆਰ ਕਰ ਦਿੰਦਾ ਹੈ ਕਿ ਦੇਖਣ ਵਾਲਾ ਦੰਗ ਰਹਿ ਜਾਂਦਾ ਹੈ, ਉਸ ਦੀ ਕਾਰੀਗਰੀ ਤੋਂ। ਕੰਪਿਊਟਰ ਸਾਈਡ ਤੇ ਦੇਖੋ ਤਾਂ ਹੋਰ ਵੀ ਸਿਰਾ ਹੀ ਹੈ। ਫਿਰ, ਡਰਾਇੰਗ ਦੀ ਚਿੱਤਰਕਾਰੀ ਵਿਚ ਐਨੀ ਮੁਹਾਰਿਤ ਹਾਸਲ ਹੈ ਕਿ ਕੋਈ ਵੀ ਚਿੱਤਰ ਸਾਹਮਣੇ ਰੱਖ ਦਿਓ, ਮਿੰਟਾਂ-ਸਕਿੰਟਾਂ ਵਿਚ ਹੀ ਕਾਪੀ ਕਰ ਮਾਰਦਾ ਹੈ ਉਸ ਦੀ। ਹੁਣ ਪੰਜਵੀ ਜਮਾਤ ਵਿਚ ਪੜ•ਦੇ ਹੋਏ ਕਰਾਟੇ ਚੈਪੀਅਨਸ਼ਿਪ ਵਿਚ ਹੋਰ ਵੀ ਕਮਾਲਾਂ ਕਰ ਵਿਖਾਈਆਂ ਹਨ, ਉਸ ਨੇ ।

ਰੱਬ ਕਰੇ ! ਹਿੰਮਤੀ, ਮਿਹਨਤੀ, ਸਿਰੜੀ, ਵਫਾਦਾਰ ਅਤੇ ਹੋਣਹਾਰ ਵਿਦਿਆਰਥੀ, ਮਾਪਿਆਂ ਦਾ ਲਾਡਲਾ ਗੁਰਿੰਦਰ, ਮਾਤਾ ਪਿਤਾ ਅਤੇ ਆਪਣੇ ਚੰਡੀਗੜ ਸ਼ਹਿਰ ਦਾ ਨਾਂ ਉੱਚਾ ਕਰਦਾ, ਇਵੇਂ ਹੀ ਤੁਰਿਆ ਰਵੇ ! ਆਪਣੇ ਕੱਦ ਤੋ ਉਚੇਰੀਆਂ ਮੰਜਲਾਂ ਸਰ ਕਰਨ ਵਾਲੇ ਇਸ ਨੰਨੇ-ਮੁੰਨੇ ਦੇ ਕਦਮਾਂ 'ਚ, ਅੱਲਾ ਹੋਰ ਵੀ ਹਿੰਮਤ, ਹੌਸਲਾ ਅਤੇ ਤਾਕਤ ਬਖਸ਼ੇ ! ਆਮੀਨ !
-ਪ੍ਰੀਤਮ ਲੁਧਿਆਣਵੀ, ਚੰਡੀਗੜ (9876428641)
ਸੰਪਰਕ : ਗੁਰਿੰਦਰ ਸਿੰਘ (ਗੁੱਗੂ), ਗਰੇਟਰ ਨਿਓਡਾ (ਨੇੜੇ ਦਿੱਲੀ)

11/05/17