ਟੋਰਾਂਟੋ - ਪੰਜਾਬ ਵਿੱਚ ਚਾਰ ਫ਼ਰਵਰੀ ਨੂੰ ਹੋ ਰਹੀਆਂ ਚੌਣਾ ਲਈ ਬਾਹਰਲੇ ਦੇਸ਼ਾਂ ਵਿੱਚ ਵੀ ਇਸ ਵਾਰ ਵੱਖਰਾ ਉਤਸਾਹ ਦੇਖਣ ਨੂੰ ਮਿਲ ਰਿਹਾ ਹੈ। ਵਿਦੇਸ਼ਾਂ ਵਿੱਚ ਵਸਦੇ ਭਾਰਤੀ ਮੂਲ ਦੇ ਲੋਕ ਆਪਣੀ ਜਨਮ ਭੂਮੀ ਨੂੰ ਵੀ ਹਰਿਆ ਭਰਿਆ ਤੇ ਖ਼ੁਸ਼ਹਾਲ ਦੇਖਣਾ ਚਾਹੁੰਦੇ ਹਨ । ਅੱਜ ਇਸੇ ਤਹਿਤ ਟੋਰਾਂਟੋ (ਕਨੇਡਾ) ਦੇ ਲੈਂਸਟਰ ਬੀ ਪੀਅਰਸਨ ਏਅਰਪੋਰਟ ਤੇ ਵੱਡੀ ਗਿਣਤੀ ਵਿੱਚ ਵਰਕਰ ਆਮ ਆਦਮੀ ਪਾਰਟੀ ਦੀ ਹਮਾਇਤ ਵਿੱਚ ਪੰਜਾਬ ਲਈ ਰਵਾਨਾ ਹੋਏ।

ਆਪ ਪਾਰਟੀ ਦੇ ਬੁਲਾਰੇ ਸੁਦੀਪ ਸਿੰਗਲਾਂ ਨੇ ਦੱਸਿਆ ਪੰਜਾਬ ਵਿੱਚ ਪਿਛਲੇ ਲੰਮੇ ਸਮੇਂ ਤੋਂ ਵਿਚਰ ਰਹੇ ਸ੍ਰੀ ਜੋਬਨ ਰੰਧਾਵਾ ਵੱਲੋਂ ਸਾਰੇ ਪ੍ਰਬੰਧ ਮੁਕੰਮਲ ਕਰ ਲਏ ਗਏ ਹਨ ਟਰਾਂਟੋ ਟੀਮ ਦੇ ਸੁਮੇਸ ਹਾਂਡਾ ,ਅਵਤਾਰ ਬਰਾੜ , ਪਾਲ ਬੜਵਾਲ ਦੀ ਸੁਚੱਜੇ ਪ੍ਰਬੰਧਾਂ ਹੇਠ ਉੱਨੀ ਤਰੀਕ ਸਵੇਰੇ ਦਿੱਲੀ ਫਲਾਈਟ ਪੁੱਜਣ ਤੇ ਦਿੱਲੀ ਦੇ ਉੱਪ ਮੁੱਖ ਮੰਤਰੀ ਸ੍ਰੀ ਮਨੀਸ਼ ਸ਼ਸੋਦੀਆ ਤੇ ਸ੍ਰੀ ਕੁਮਾਰ ਵਿਸਵਾਸ਼ ਦੀ ਅਗਵਾਈ ਵਿੱਚ ਵਿਸ਼ੇਸ਼ ਤੌਰ ਤੇ ਤਿਆਰ ਕਰਵਾਈ ਗਈ ਬੱਸ "ਚੱਲੋ ਪੰਜਾਂਬ "ਤੇ ਗੱਡੀਆਂ ਦੇ ਰਾਂਹੀ ਕਨੇਡਾ ਦੇ ਵਾਲੰਟੀਅਰ ਤੋਂ ਇਲਾਵਾ ਅਮਰੀਕਾ , ਆਸਟਰੇਲੀਆ , ਯੂਰਪ ਆਦਿ ਦੇਸ਼ਾਂ ਤੋ ਹਜ਼ਾਰਾਂ ਵਰਕਰ ਕਾਫ਼ਲੇ ਦੀ ਸ਼ਕਲ ਵਿੱਚ ਹਰਿਆਣਾ ਵਿੱਚ ਦੀ ਹੁੰਦੇ ਹੋਏ ਵੀਰਵਾਰ ਬਠਿੰਡਾ ਪੁੱਜਣਗੇ ।

ਜਿੱਥੇ ਇਹਨਾ ਵਰਕਰਾਂ ਦਾ "ਆਪ" ਦੇ ਕਨਵੀਨਰ ਸ੍ਰੀ ਅਰਵਿੰਦ ਕੇਜਰੀਵਾਲ ਤੇ ਟੀਮ ਵਲੋ ਸੁਆਗਤ ਕੀਤਾ ਜਾਵੇਗਾ । ਬਾਅਦ ਵਰਕਰ ਵਿੱਚ ਸਾਰੇ ਪੰਜਾਬ ਵਿੱਚ ਪ੍ਰਚਾਰ ਕਰਨਗੇ, ਵਰਨਣਯੋਗ ਹੈ ਇਸ ਵਾਰ ਕਨੇਡਾ ਵਿੱਚ ਵੀ ਪੰਜਾਬ ਚੋਣਾ ਲਈ ਭਾਰੀ ਉਤਸਾਹ ਹੈ । ਰੇਡੀਓ ਟੀਵੀ , ਸ਼ੋਸ਼ਲ ਮੀਡੀਏ , ਅਖ਼ਬਾਰਾਂ ਕੰਮਾਂ ਤੇ ਹਰ ਜਗਾ ਤੇ ਪੰਜਾਂਬ ਚੋਣਾ ਦੀ ਹੀ ਚਰਚਾ ਹੈ । ਸਿਆਸੀ ਪੰਡਿਤ ਪੰਜਾਬ ਚੋਣਾਂ ਦੀ ਹਰ ਇੱਕ ਸਿਆਸੀ ਸਰਗਰਮੀ ਤੇ ਨਿਗਾ ਰੱਖ ਰਹੇ ਹਨ ।