ਲੀਅਰ - ਨਾਰਵੇ ਦੁੱਨੀਆ ਦੇ ਉਹਨਾ ਮੁੱਲਕਾ ਚੋ ਇੱਕ ਹੈ ਜੋ ਦਿਨ-ਬ-ਦਿਨ ਤਰੱਕੀ ਦੀ ਰਾਹ ਵੱਲ ਵੱਧਦਾ ਜਾ ਰਿਹਾ ਹੈ। ਕੁੱਲ 52 ਲੱਖ ਦੀ ਆਬਾਦੀ ਵਾਲੇ ਮੁੱਲਕ ਵਿੱਚ ਹਰ ਇੱਕ ਦਾ ਰਹਿਣ ਸਹਿਣ ਅੱਤੇ ਜੀਵਨ ਪੱਧਰ ਉੱਚਾ ਹੈ। ਮੁਲਕ ਚਾਹੇ ਕਿੰਨੀ ਵੀ ਤਰੱਕੀ ਕਰ ਲਵੇ ਜਿਵੇ ਕਹਿੰਦੇ ਹਨ ਨਵੇ 100 ਦਿਨ ਅਤੇ ਪੁਰਾਣਾ ਇੱਕ ਦਿਨ ਵਾਲੀ ਕਹਾਵਤ ਕਦੇ ਝੂੱਠੀ ਨਹੀ ਹੋਈ, ਤਰੱਕੀ ਦੀਆ ਬੁਲੰਦੀਆ ਛੁਹੰਦੇ ਹੋਏ ਵੀ ਜਦ ਕਦੇ ਪੁਰਾਣੇ ਦਿਨਾ ਦੀ ਗੱਲ ਹੁੰਦੀ ਹੈ ਤਾ ਨਾਰਵੇਵਾਸੀ ਇਸ ਪੱਖੀ ਵਿਸ਼ੇਸ ਧਿਆਨ ਦਿੰਦੇ ਹਨ। ਪੰਜਾਬ ਦੇ ਪੇਂਡੂ ਮੇਲਿਆ ਅਤੇ ਪੰਜਾਬੀਆ ਦੇ ਉਤਸ਼ਾਹ ਵਾਂਗ ਨਾਰਵੇ ਦੇ ਲੋਕਾਂ ਵਿੱਚ ਵੀ ਇੱਥੋ ਦੀ ਸੰਸਕ੍ਰਿਤੀ, ਸਭਿਅਤਾ ਅਤੇ ਪੁਰਾਣੇ ਰੀਤੀ ਰਿਵਾਜਾ ਆਦਿ ਨਾਲ ਜੁੜੇ ਇਕੱਠ ਜਾਂ ਮੇਲਿਆ ਪ੍ਰਤੀ ਵਿਸ਼ੇਸ ਉਤਸ਼ਾਹ ਹੁੰਦਾ ਹੈ।

ਲੀਅਰ ਦਾ ਇਲਾਕਾ ਨਾਰਵੇ ਦੀ ਰਾਜਧਾਨੀ ਓਸਲੋ ਤੋ ਤਕਰੀਬਨ 40 ਕਿ. ਮਿ. ਦੂਰੀ ਤੇ ਇੱਕ ਖੇਤੀ ਪ੍ਰਧਾਨ ਇਲਾਕਾ ਹੈ। ਨਾਰਵੇ ਦੀ ਧਰਤੀ ਤੇ ਜਦ ਪੰਜਾਬੀਆ ਨੇ ਆਮਦ ਕੀਤੀ ਤਾ ਬਹੁਤਿਆਂ ਨੇ ਇਸ ਇਲਾਕੇ ਦੇ ਫਾਰਮਾ ਤੇ ਕੰਮ ਕਰ ਪ੍ਰਵਾਸੀ ਜਿੰਦਗੀ ਦੀ ਸ਼ੁਰੂਆਤ ਕੀਤੀ ਅਤੇ ਇਹੀ ਵਜਾਹ ਹੈ ਕਿ ਅੱਜ ਇਸ ਇਲਾਕੇ ਵਿਚ ਕਾਫੀ ਪੰਜਾਬੀ ਭਾਈਚਾਰੇ ਦੀ ਵੱਸੋਂ ਹੈ ਅਤੇ ਗੁਰੂਦੁਆਰਾ ਸਾਹਿਬ ਵੀ ਇਸ ਇਲਾਕੇ 'ਚ ਸਥਾਪਿਤ ਹੈ। 10-11 ਜੂਨ ਨੂੰ ਲੀਅਰ ਸ਼ਹਿਰ ਵਿੱਚ ਲੀਅਰ ਦਿਵਸ ਮਨਾਇਆ ਗਿਆ , ਜੋ ਕਿ ਪੰਜਾਬ ਦੇ ਮੇਲਿਆ ਵਾਂਗ ਹੀ ਮੇਲਾ ਸੀ। ਫਰਕ ਸਿਰਫ ਸੀ ਇੱਕ ਗੋਰੀ ਚਮੜੀ ਦਾ ਪਰ ਪੰਜਾਬ ਦੇ ਮੇਲਿਆ ਵਾਂਗ ਹੀ ਫੜੀਆ ਲੱਗੀਆ, ਪਕੌੜਿਆ ਦੀ ਥਾਂ ਇੱਥੋ ਦੇ ਖਾਣਿਆ ਦੀ ਖੁਸਬੂ ਮੱਲੋ ਮੱਲੀ ਆਪਣੇ ਵਾਲ ਖਿੱਚ ਰਹੀ ਸੀ। ਇੱਥੇ ਦੇ ਖਾਣੇ ਦੀਆ ਸਟਾਲਾ ਤੋ ਇਲਾਵਾ ਵਿਦੇਸ਼ੀ ਭਾਈਚਾਰੇ ਦੇ ਖਾਣੇ ਜਿੰਨਾ ਚੋ ਪ੍ਰਮੁੱਖ ਥਾਈ, ਵੀਤਨਾਮੀ ਅਤੇ ਭਾਰਤੀ ਪਕਵਾਨ ਨਾਰਵੇਵਾਸੀਆਂ ਨੂੰ ਆਪਣੇ ਵੱਲ ਖਿੱਚ ਰਹੇ ਸਨ। ਇਸ ਇਲਾਕੇ ਦੇ ਪੇਂਡੂ ਜੱਟ ਪੁਰਾਣੇ ਪਹਿਰਾਵੇ ਅਤੇ 60-70 ਸਾਲ ਪੁਰਾਣੀਆ ਪਰਿਵਾਰ ਵੱਲੋ ਸਾਂਭੀਆ ਕਾਰਾਂ ਅਤੇ ਘੋੜੇ ਬਾਘੀਆ ਨੂੰ ਕੱਢ ਅੱਜ ਦੇ ਪੰਜਾਬ ਦੇ ਗਭਰੂਆ ਦੇ ਬੂਲਟ ਦੇ ਝੂੱਟਿਆ ਵਾਂਗ ਭਲਵਾਨੀ ਗੇੜੇ ਦੇ ਰਹੇ ਸੀ। ਇਲਾਕੇ ਦੇ ਕਿਸਾਨ ਪਰਿਵਾਰ ਟਰੈਕਟਰ ਟਰਾਲੀਆ ਤੇ ਮੇਲੇ ਤੇ ਆਉਣ 'ਚ ਖੁਸ਼ੀ ਮਹਿਸੂਸ ਕਰਦੇ ਹਨ ਅਤੇ 70-80 ਨੂੰ ਪੁੱਜੇ ਕਈ ਪੇਂਡੂ ਬਜੁਰਗ ਪੰਜਾਬੀ ਪਹਿਰਾਵੇ ਕੁੜਤੇ ਪਜਾਮੇ ਨਾਲ ਮਿਲਦੇ ਜੁਲਦੇ ਪਹਿਰਾਵਾ ਪਾਈ ਅਤੇ ਕਈ ਔਰਤਾ ਘੱਗਰੇ ਵਰਗੇ ਪੁਰਾਤਨ ਪਹਿਰਾਵਾ ਪਾ ਮਾਣ ਅਤੇ ਕਈਆ ਹੋਰਾ ਤੋ ਵੱਖਰਾ ਮਹਿਸੂਸ ਕਰ ਰਹੀਆ ਸਨ।

ਮੇਲੇ ਦੇ ਪਹਿਲੇ ਦਿਨ ਪੰਜਾਬ ਵਾਂਗ ਹੀ ਸਿਆਸੀ ਤਕਰੀਰਾਂ ਕਰ ਸਿਆਸਤਦਾਨ ਲੋਕਾ ਨੂੰ ਸੰਬੋਧਨ ਹੋਏ ਅੱਤੇ ਇੱਥੋ ਦੇ ਲੋਕ ਨਾਚ ਅਤੇ ਸੰਗੀਤ ਨਾਲ ਜੁੜੀਆਂ ਮੰਡਲੀਆ ਨੇ ਆਪਣੇ ਆਪਣੇ ਫੰਨ ਦਾ ਪ੍ਰਦਰਸ਼ਨ ਕੀਤਾ ਅੱਤੇ ਸਕੂਲੀ ਬੱਚਿਆ ਵੱਲੋ ਵੀ ਪਰੇਡ ਆਦਿ ਕੀਤੀ ਗਈ। ਇਸ ਤੋਂ ਇਲਾਵਾ ਵੱਖ ਵੱਖ ਫਾਰਮਾਂ ਵਾਲੇ ਪਿਤਾ ਪੁਰਖੀ ਸਾਭੀਆ ਵਸਤਾ ਦੀ ਨੁਮਾਇਸ਼ ਲਾ ਪੁਰਾਣੇ ਦਿਨਾਂ ਦੀਆ ਯਾਦਾਂ ਅਤੇ ਵਸਤਾ ਨਵੀ ਪੀੜੀ ਨਾਲ ਸਾਂਝੀਆ ਕਰ ਰਹੇ ਸਨ।

ਮੌਸਮ ਦੀ ਕਰੋਪੀ ਯਾਨੀ ਬਾਰਿਸ਼ ਹੋਣ ਦੇ ਬਾਵਜੂਦ ਵੀ ਲੀਅਰ ਇਲਾਕੇ ਨਾਲ ਜੁੜੇ ਪਿੰਡਾ ਜਾ ਕਸਬੇ ਜਿੰਨਾ ਚੋਂ ਟਰਾਨਬੀ, ਰਾਈਸਤਾ, ਏਗੇ, ਲੀਅਰਸਕੂਗਨ, ਸੀਲਿੰਗ, ਸ਼ੋਸਤਾ ਅਤੇ ਨਾਲ ਲੱਗਦੇ ਸ਼ਹਿਰ ਦਰਾਮਨ ਦੇ ਲੋਕਾ ਨੇ ਇਸ ਪੇਂਡੂ ਮੇਲੇ ਦਾ ਖੁਬ ਆਨੰਦ ਮਾਣਿਆ।

13/06/17