ਗੁਰਦਾਸਪੁਰ , 30 ਅਗਸਤ, 17 : ਨਟਾਲੀ ਰੰਗ ਮੰਚ (ਰਜਿ.) ਗੁਰਦਾਸਪੁਰ ਵਲੋਂ ਸਾਹਿਤ ਸਭਾ ਗੁਰਦਾਸਪੁਰ ਅਤੇ ਤਰਕਸ਼ੀਲ ਸੁਸਾਇਟੀ (ਰਜਿ.) ਗੁਰਦਾਸਪੁਰ ਦੇ ਸਹਿਯੋਗ ਨਾਲ, ਨਿਊ ਕੈਰੀਅਰ ਅਕੈਡਮੀ  ਪਾਹੜਾ ਵਿਖੇ, ਸਵ: ਮਾਸਟਰ ਕੁਲਵੰਤ ਸਿੰਘ ਪਾਹੜਾ ਦੀ ਤੇਰਵੀਂ ਬਰਸੀ ਬੜੇ ਉਤਸ਼ਾਹ ਨਾਲ ਮਨਾਈ ਗਈ । ਇਸ ਅਵਸਰ ਤੇ ਮੁੱਖ ਮਹਿਮਾਨ ਦੇ ਰੂਪ ਵਿੱਚ ਬਰਿੰਦਰਮੀਤ ਸਿੰਘ ਪਾਹੜਾ, ਹਲਕਾ ਵਿਧਾਇਕ ਗੁਰਦਾਸਪੁਰ ਅਤੇ ਵਿਸ਼ੇਸ਼ ਮਹਿਮਾਨ ਦੇ ਤੌਰ ਤੇ ਡਾ. ਸ਼ਿਆਮ ਸੁੰਦਰ ਦੀਪਤੀ, ਸੇਵਾ-ਮੁਕਤ ਪ੍ਰੋਫੈਸਰ, ਗੁਰੂ ਨਾਨਕ ਕਾਲਜ ਅੰਮ੍ਰਿਤਸਰ ਨੇ ਸ਼ਿਰਕਤ ਕੀਤੀ। ਮੰਚ ਵਲੋਂ ਮੁੱਖ ਮਹਿਮਾਨ ਕੋਲ, ਸਾਹਿਤਕਾਰਾਂ ਲਈ, ਲੇਖਕ ਭਵਨ (ਵਿਰਸਾ ਵਿਹਾਰ) ਤੇ ਸੱਭਿਆਚਾਰਕ ਪ੍ਰੋਗਰਾਮਾਂ ਵਾਸਤੇ ਵਿਸ਼ਾਲ ਆਡੀਟੋਰੀਅਮ ਉਸਾਰਨ ਦੀ ਮੰਗ ਰੱਖੀ ਗਈ। ਜਿਸ ਨੂੰ ਹਲਕਾ ਵਿਧਾਇਕ ਨੇ ਜਲਦੀ ਹੀ ਪੂਰਾ ਕਰਨ ਦਾ ਭਰੋਸਾ ਦਿਵਾਇਆ ਤੇ ਕਿਹਾ ਕਿ ਆਉਂਦੇ ਪੰਜ ਸਾਲਾਂ ਵਿੱਚ ਗੁਰਦਾਸਪੁਰ ਨੂੰ ਚੰਡੀਗੜ ਵਰਗਾ ਸ਼ਹਿਰ ਬਣਾ ਦਿੱਤਾ ਜਾਵੇਗਾ।

ਇਸ ਮੌਕੇ ਤੇ ਸ਼ਾਨਦਾਰ ਕਵੀ-ਦਰਬਾਰ ਵੀ ਚੱਲਿਆ, ਜਿਸ ਦੀ ਪ੍ਰਧਾਨਗੀ ਸ੍ਰੀ ਵਰਗਿਸ ਸਲਾਮਤ (ਮੀਤ ਪ੍ਰਧਾਨ, ਕੇਂਦਰੀ ਪੰਜਾਬੀ ਲੇਖਕ ਸਭਾ, ਪੰਜਾਬ), ਮਲਕੀਤ ਸਿੰਘ ਸੁਹਲ, ਤਰਲੋਚਨ ਸਿੰਘ ਲੱਖੋਵਾਲ, ਜੇ. ਪੀ. ਖਰਲਾਂਵਾਲਾ, ਗੁਰਮੀਤ ਸਿੰਘ ਪਾਹੜਾ, ਕੇ. ਪੀ. ਸਿੰਘ ਪਾਹੜਾ ਅਤੇ ਡਾ. ਲੋਕੇਸ਼ ਕੁਮਾਰ ਗੋਲਡੀ ਨੇ ਕੀਤੀ। ਕਵੀ-ਦਰਬਾਰ ਵਿਚ ਯਸ਼ਪਾਲ ਟੋਨੀ, ਉਮ ਪ੍ਰਕਾਸ਼ ਭਗਤ, ਸੁਲਤਾਨ ਭਾਰਤੀ, ਗੱਜਣ ਸਿੰਘ ਕਾਹਲੋਂ, ਰਮੇਸ਼ ਉਮਰਪੁਰੀਆ, ਡਾ: ਅਸ਼ੋਕ ਹਸਤੀਰ, ਸੁਰਜੀਤ ਸਿੰਘ ਬਾਬਾ, ਡਾ. ਸੋਮ ਰਾਜ ਬਾਬੋਵਾਲ, ਜਿੰਦਾ ਉੱਚੇਪਿੰਡੀਆ, ਸ਼ੁਭਪ੍ਰੀਤ ਕੌਰ, ਦਰਬਾਰਾ ਸਿੰਘ ਭੱਟੀ, ਸ਼ੁਭਾਸ਼ ਸ਼ੂਫੀ ਤੇ ਪ੍ਰੀਤ ਰਾਣਾ ਨੇ ਆਪੋ-ਆਪਣੀ ਕਵਿਤਾ, ਗ਼ਜ਼ਲ ਤੇ ਗੀਤ ਨਾਲ ਹਾਜ਼ਰੀ ਲਗਵਾਈ । ਆਪਣੇ ਵਿਚਾਰ ਪੇਸ਼ ਕਰਦਿਆਂ ਡਾ. ਦੀਪਤੀ ਨੇ ਜਿੱਥੇ ਮੰਚ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ, ਉਥੇ ਉਨਾਂ ਨੇ ਮਨੁੱਖੀ ਸਰੀਰ ਨੂੰ ਕੋਈ ਵੀ ਰੋਗ ਆਉਣ ਤੇ ਅੰਧ-ਵਿਸ਼ਵਾਸ ਵਿੱਚ ਪੈਣ ਦੀ ਬਜਾਏ ਡਾਕਟਰੀ ਇਲਾਜ ਕਰਵਾਉਣ ਤੇ ਜ਼ੋਰ ਦਿੱਤਾ। ਉਨਾ ਨੇ ਵਿਗਿਆਨਕ ਸੋਚ ਅਪਣਾਉਣ ਅਤੇ ਉਸਾਰੂ ਸਾਹਿਤ ਪੜਨ ਦਾ ਸੱਦਾ ਦਿੱਤਾ।

ਅੰਤ ਵਿਚ ਪ੍ਰਧਾਨਗੀ ਮੰਡਲ ਅਤੇ ਨਟਾਲੀ ਰੰਗ ਮੰਚ ਦੇ ਮੈਂਬਰਾਂ ਅਮਰੀਕ ਸਿੰਘ ਧੂਤ, ਰਛਪਾਲ ਸਿੰਘ ਘੁੰਮਣ, ਵਰਿੰਦਰ ਸਿੰਘ ਸੈਣੀ, ਬਲਜਿੰਦਰ ਸਿੰਘ ਅਤੇ ਜਨਕ ਰਾਜ ਰਾਠੌਰ ਵਲੋਂ ਮੁੱਖ ਮਹਿਮਾਨ ਅਤੇ ਵਿਸ਼ੇਸ਼ ਮਹਿਮਾਨ ਨੂੰ ਸਨਮਾਨਿਤ ਕੀਤਾ ਗਿਆ।

ਇਸ ਮੌਕੇ ਤੇ ਹੋਰਾਂ ਤੋਂ ਇਲਾਵਾ ਮਿਸਿਜ਼ ਡਾ. ਸ਼ਾਮ ਸੁੰਦਰ ਦੀਪਤੀ, ਗੁਰਸ਼ਰਨ ਸਿੰਘ ਮਠਾੜੂ, ਬੋਧ ਰਾਜ ਕੌਂਟਾ, ਮਾਸਟਰ ਹਰਭਜਨ ਸਿੰਘ, ਜੈ ਸਿੰਘ ਸੈਣੀ, ਰਾਜੂ ਝਾਖੋਲਾੜੀ, ਸੀਤਲ ਸਿੰਘ ਗੁਨੋਪੁਰੀ, ਮੱਖਣ ਕੋਹਾੜ, ਰਵੇਲ ਸਿੰਘ ਇਟਲੀ, ਮਨਜੀਤ ਸਿੰਘ, ਅਮਰਪਾਲ ਟਾਂਡਾ, ਮਾਸਟਰ ਕੁਲਦੀਪ ਸਿੰਘ, ਜਥੇਦਾਰ ਸਰੂਪ ਸਿੰਘ ਸਹੂਰ, ਇੰਜੀ. ਅਮਨਦੀਪ ਸਿੰਘ ਦਿਉਲ, ਰਮਣੀਕ ਸਿੰਘ ਹੁੰਦਲ, ਸੰਦੀਪ ਸਿੰਘ ਭੋਜਾ, ਸ੍ਰ ਭਾਨ ਸਿੰਘ, ਨਛੱਤਰ ਸਿੰਘ, ਨਿਰਮਲ ਸਿੰਘ, ਕਿਸ਼ੋਰੀ ਲਾਲ, ਪ੍ਰੀਤਮ ਸਿੰਘ ਲਾਲੀ, ਬਖਸ਼ਪ੍ਰੀਤ ਸਿੰਘ, ਗੁਰਮੀਤ ਸਿੰਘ ਤੇ ਅਰੁਨ ਕੁਮਾਰ ਸ਼ਰਮਾ ਵੀ ਸਮਾਗਮ ਦੀ ਸ਼ੋਭਾ ਵਧਾਉਣ ਲਈ ਹਾਜ਼ਰ ਸਨ।

30/08/17