ਚੰਡੀਗੜ - 24 ਮਈ, 17 : ਬੀਤੇ ਦਿਨੀ, ਸਾਹਿਤ ਸਭਾ ਗੁਰਦਾਸਪੁਰ ( ਰਜਿ: ) ਵਲੋਂ ਸਥਾਨਕ ਹਿਮਾਲੀਆ ਡਿਗਰੀ ਕਾਲਜ ਬਾਬੋਵਾਲ ਵਿੱਚ ਕੌਮਾਂਤਰੀ ਮਾਂ-ਦਿਵਸ ਉਪਰ ਵਿਸ਼ੇਸ਼ ਕਵੀ ਦਰਬਾਰ ਕਰਵਾਇਆ ਗਿਆ, ਜਿਸ ਵਿੱਚ ਡਾ: ਨੀਲਮ ਸੇਠੀ ਪ੍ਰਿੰਸੀਪਲ ਐੱਸ. ਡੀ. ਕਾਲਜ ਫਾਰ ਵੋਮੈਨ ਗੁਰਦਾਸਪੁਰ ਮੁੱਖ ਮਹਿਮਾਨ ਦੇ ਤੌਰ ਹਾਜਰ ਹੋਏ। ਪ੍ਰਧਾਨਗੀ ਮੰਡਲ ਵਿਚ ਸਰਵ ਸ੍ਰੀ ਜਸਵੰਤ ਹਾਂਸ, ਮੰਗਤ ਚੰਚਲ, ਸੁਲਤਾਨ ਭਾਰਤੀ, ਜੇ. ਪੀ. ਖਰਲਾਂਵਾਲਾ ਪ੍ਰਧਾਨ ਸਾਹਿਤ ਸਭਾ ਗੁਰਦਾਸਪੁਰ ਤੇ ਪ੍ਰਸ਼ੋਤਮ ਸਿੰਘ ਲੱਲੀ ਸੁਸ਼ੋਭਿਤ ਸਨ। ਸਟੇਜ ਸਕੱਤਰ ਦੇ ਫਰਜ਼ ਗੁਰਮੀਤ ਸਿੰਘ ਪਾਹੜਾ ਨੇ ਨਿਭਾਏ।

ਇਸ ਮੌਕੇ ਤੇ ਦੋ ਸ਼ੰਘਰਸ਼ ਸ਼ੀਲ ਔਰਤਾਂ ਬੀਬੀ ਭੋਲੀ ਅਤੇ ਬੀਬੀ ਸਤਪਾਲ ਕੌਰ ਸੱਤੀ ਨੂੰ ਸਨਮਾਨਤ ਚਿੰਨ ਦੇ ਨਾਲ ਵਿਸ਼ੇਸ਼ ਸਨਮਾਨ ਦਿੱਤਾ ਗਿਆ। ਮੁੱਖ ਮਹਿਮਾਨ ਨੇ ਕੌਮਾਂਤਰੀ ਮਾਂ-ਦਿਵਸ ਤੇ ਚਾਨਣਾ ਪਾਉਂਦਿਆਂ ਕਿਹਾ ਕਿ ਸਾਨੂੰ ਰੋਜ਼ਾਨਾ ਹੀ ਮਾਂਵਾਂ ਨੂੰ ਸਤਿਕਾਰ ਦੇ ਕੇ ਮਾਂ-ਦਿਵਸ ਮਨਾਉਣਾ ਚਾਹੀਦਾ ਹੈ। ਗੁਰਮੀਤ ਸਿੰਘ ਬਾਜਵਾ ਤੋ ਮੰਗਤ ਚੰਚਲ ਨੇ ਵੀ ਮਾਂ ਦੀ ਮਹੱਤਤਾ ਤੇ ਵਿਚਾਰ ਪ੍ਰਗਟ ਕੀਤੇ। ਕਵੀ ਦਰਬਾਰ ਵਿੱਚ ਜਨਕ ਰਾਜ ਰਾਠੌਰ, ਹਰਪਾਲ ਸਿੰਘ ਬੈਂਸ, ਈਸ਼ਵਰ ਸਿੰਘ ਸ਼ੇਰਾ, ਸੁਨੀਲ ਦੱਤ ਐਮ. ਸੀ. ਦੀਨਾਨਗਰ, ਸੁਖਜਿੰਦਰ ਸੋਖੀ ਤੇ ਰਸ਼ਪਾਲ ਸਿੰਘ ਘੁੰਮਣ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ ।

ਪ੍ਰਧਾਨਗੀ ਮੰਡਲ ਤੋਂ ਇਲਾਵਾ ਚੰਨਣ ਸਿੰਘ ਦੋਰਾਂਗਲਾ, ਮਲਕੀਤ ਸਿੰਘ ਸੋਹਲ, ਰਵੇਲ ਸਿੰਘ ਇਟਲੀ, ਜਸਵਿੰਦਰ ਸਿੰਘ ਅਨਮੋਲ, ਉਮਰ ਪ੍ਰਕਾਸ਼ ਭਗਤ, ਗੁਰਸ਼ਰਨ ਸਿੰਘ ਮਠਾੜੂ, ਦੀਪਕ ਕੁਮਾਰ ਰੈਡ ਆਰਟ ਮੋਗਾ ਮਨਪ੍ਰੀਤ ਕੌਰ ਦਲੋਤਰਾ, ਤਰਸੇਮ ਸਿੰਘ ਭੰਗੂ, ਰਮੇਸ਼ ਉਮਰਪੁਰੀਆ, ਵਿਜੇ ਬੱਧਣ, ਸੁਰਜੀਤ ਸਿੰਘ ਤੇ ਪ੍ਰੀਤ ਰਾਣਾ ਆਦਿ ਨੇ ਗਜ਼ਲ, ਕਵਿਤਾ ਤੇ ਗੀਤ ਰਾਂਹੀ ਆਪਣੀ ਹਾਜਰੀ ਲਗਵਾਈ । ਇਸ ਮੌਕੇ ਤੇ ਪਲਵਿੰਦਰਜੀਤ ਸਿੰਘ, ਗੁਰਮੀਤ ਸਿੰਘ, ਮਨਜੀਤ ਸਿੰਘ, ਤੇ ਮੁਕੇਸ਼ ਕੁਮਾਰ ਤੇ ਰਾਜ ਕੁਮਾਰ ਅਯੁਰਵੈਦ ਵਾਲੇ ਵੀ ਹਾਜਰ ਸਨ। ਕੁੱਲ ਮਿਲਾ ਕੇ ਖੂਬ ਸਫਲ ਰਿਹਾ, ਸਾਹਿਤ ਸਭਾ ਗੁਰਦਾਸਪੁਰ (ਰਜਿ.) ਦਾ ਮਾਂ-ਦਿਵਸ ਸਮਾਗਮ।

24/05/17