ਲੀਅਰ - ਖਾਲਸਾ ਪੰਥ ਦਾ ਸਾਜਨਾ ਦਿਵਸ ਦੁਨੀਆ ਭਰ ਵਿੱਚ ਅਪ੍ਰੈਲ ਮਹੀਨੇ ਖੁਸ਼ੀਆ ਨਾਲ ਮਨਾਇਆ ਜਾ ਰਿਹਾ ਹੈ। ਦੇਸ਼ ਵਿਦੇਸ਼ ਦੇ ਗੁਰੂ ਘਰਾ ਚ ਅਪ੍ਰੈਲ ਮਹੀਨੇ ਗੁਰੂ ਦੀ ਸੰਗਤਾ ਵੱਲੋ ਇਹ ਦਿਨ ਖੁਸ਼ੀਆ ਨਾਲ ਮਨਾਇਆ ਜਾਦਾ ਹੈ।

ਬੀਤੇ ਦਿਨੀ ਨਾਰਵੇ ਦੇ ਗੁਰੂ ਘਰ ਓਸਲੋ ਅਤੇ ਲੀਅਰ ਵਿਖੇ ਵੀ ਸੰਗਤਾ ਵੱਲੋ ਇਹ ਦਿਨ ਬੜੀ ਧੁਮ ਧਾਮ ਨਾਲ ਮਨਾਇਆ ਗਿਆ।ਭਾਰੀ ਸੰਖਿਆ ਵਿੱਚ ਗੁਰੂ ਘਰ ਦੇ ਸ਼ਰਧਾਲੂਆ ਨੇ ਹਾਜ਼ਰੀਆ ਲਿਵਾ ਗੁਰੂ ਘਰ ਦੀਆ ਖੁਸ਼ੀਆ ਪ੍ਰਾਪਤ ਕੀਤੀਆ, ਗੁਰੂਦੁਆਰਾ ਸਾਹਿਬ ਲੀਅਰ ਵਿਖੇ ਸ੍ਰੀ ਆਖੰਡ ਪਾਠ ਦੇ ਭੋਗ ਉਪਰੰਤ ਕੀਰਤਨੀਆ ਜੱਥੇ ਨੇ ਰੱਬੀ ਬਾਣੀ ਦਾ ਇਲਾਹੀ ਕੀਰਤਨ ਕਰ ਅਤੇ ਭਾਈ ਪੰਥਪ੍ਰੀਤ ਸਿੰਘ ਜੀ ਹੋਣਾ ਵੱਲੋ ਪ੍ਰਭਾਵਸ਼ਾਲੀ ਕਥਾ ਕਰ ਆਈਆ ਹੋਈਆ ਸੰਗਤਾ ਨੂੰ ਨਿਹਾਲ ਕੀਤਾ। ਭਾਈ ਪੰਥਪ੍ਰੀਤ ਸਿੰਘ ਜੀ ਨਾਰਵੇ ਫੇਰੀ ਦੋਰਾਨ ਹਰ ਸ਼ਾਮੀ ਮਿਤੀ 24,4 ਤੋ 29,4 ਸ਼ਾਮੀ 18,00 ਤੋ 19,15 ਤੱਕ ਸ਼ਾਮ ਦੇ ਦੀਵਾਨ ਗੁਰੂ ਘਰ ਲੀਅਰ ਵਿਖੇ ਲਾਇਆ ਕਰਨਗੇ,ਸੰਗਤਾ ਨੂੰ ਬੇਨਤੀ ਹੈ ਕਿ ਸ਼ਾਮ ਦੇ ਵੇਲੇ ਗੁਰੂਘਰ ਹਾਜ਼ਰੀਆ ਭਰ ਉਹਨਾ ਦੇ ਵਿਚਾਰ ਅਤੇ ਗੁਰਬਾਣੀ ਦਾ ਗਿਆਨ ਪ੍ਰਾਪਤ ਕਰਨ, 30 ਤਾਰੀਕ ਐਤਵਾਰ ਨੂੰ ਉਹਨਾ ਦਾ ਆਖਰੀ ਦੀਵਾਨ ਹੋਵੇਗਾ,ਕਈ ਜਾਣੀਆ ਮਾਣੀਆ ਸ਼ਖਸੀਅਤਾ ਨੇ ਸਿੱਖ ਇਤਿਹਾਸ ਅਤੇ ਵਿਸਾਖੀ ਦੀ ਮੱਹਤਵਤਾ,ਸਿੱਖ ਗੁਰੂਆ ਅਤੇ ਸ਼ਹੀਦਾ ਦੀ ਸਹਾਦਤਾ ਦਾ ਜਿਕਰ ਸੰਗਤਾ ਨਾਲ ਸਾਝਾ ਕੀਤਾ। ਲੰਗਰ ਦੀ ਸੇਵਾ ਸ਼ਹੀਦ ਊਧਮ ਸਿੰਘ ਸਪੋਰਟਸ ਕਲਬ ਵੱਲੋ ਲਈ ਗਈ।

ਪ੍ਰੋਗਰਾਮ ਦੇ ਆਖਿਰ ਵਿੱਚ ਗੁਰਦੁਆਰਾ ਪ੍ਰੰਬੱਧਕ ਕਮੇਟੀ ਲੀਅਰ ਦੇ ਮੁੱਖ ਸੇਵਾਦਾਰ ਭਾਈ ਮਨਜੋਰ ਸਿੰਘ ਸੋਹਲ,ਉੱਪ ਸੇਵਾਦਾਰ ਭਾਈ ਕੁਲਵੰਤ ਸਿੰਘ,ਭਾਈ ਚਰਨਜੀਤ ਸਿੰਘ ਸੈਕਟਰੀ,ਖਜਾਨਚੀ ਬੀਬੀ ਤਰਵਿੰਦਰ ਕੋਰ,ਭਾਈ ਤਗਿੰਦਰ ਸਿੰਘ ਫੋਰਸਤਾਨਦਰ, ਬੀਬੀ ਸੁਰਿੰਦਰ ਕੋਰ ਮੈਬਰ ਤੇ ਭਾਈ ਗਿਆਨ ਸਿੰਘ ਮੈਬਰ ਆਦਿ ਵੱਲੋ ਸੱਭ ਸੰਗਤ ਦਾ ਤਹਿ ਦਿੱਲੋ ਧੰਨਵਾਦ ਕੀਤਾ ਗਿਆ।

24/04/17