ੳਸਲੋ (ਰੁਪਿੰਦਰ ਢਿੱਲੋ ਮੋਗਾ) ਸ੍ਰ ਬਲਦੇਵ ਸਿੰਘ ਬੁੱਧ ਸਿੰਘ ਵਾਲਾ ਜੋ ਵਰਤਮਾਨ ਸਮੇ ਹਾਂਗਕਾਂਗ ਦੇ ਨਿਵਾਸੀ ਹਨ, ਪਹਿਲਾ ਵੀ ਪਾਠਕਾ ਦੀ ਕਚਹਿਰੀ ਵਿੱਚ ਸਮਾਜ ਵਿੱਚ ਵਿਚਰਦੀਆ ਘਟਨਾਵਾ ਤੇ ਆਧਾਰਿਤ ਕਈ ਕਹਾਣੀਆ ਅਰਪਣ ਕਰ ਚੁੱਕੇ ਹਨ। ਪਿੱਛਲੇ ਸਾਲ ਇਹਨਾ ਦਾ ਨਾਵਲ ਪੂਰਨ ਦਾ ਬਾਗ ਬਹੁਤ ਹਰਮਨ ਪਿਆਰਾ ਰਿਹਾ, ਜੋ ਕਿ ਵਿਦੇਸ਼ਾ ਚ ਗੈਰ ਕਾਨੂੰਨੀ ਤੋਰ ਤੇ ਰਹਿ ਰਹੇ ਪੰਜਾਬੀਆ ਦੀ ਦਾਸਤਾਨ ਤੇ ਆਧਾਰਿਤ ਸੀ। ਨਾਵਲ ਨਹੀ ਲੱਭਣੇ ਲਾਲ ਗਵਾਚੇ ਸੰਨ 84 ਚ ਦਰਬਾਰ ਸਾਹਿਬ ਤੇ ਹੋਏ ਹਮਲੇ ਦੋਰਾਨ ਭਾਰਤੀ ਫੋਜ ਦੇ ਧਰਮੀ ਸਿੱਖ ਫੋਜੀ ਜਿੰਨਾ ਨੇ ਇਸ ਹਮਲੇ ਦੇ ਵਿਰੋਧ ਚ ਬਗਾਵਤ ਕਰ ਦਿੱਤੀ ਸੀ ਤੇ ਆਧਾਰਿਤ ਸੀ ਤੇ ਹੁਣ ਉਜੱੜੇ ਬਾਗਾਂ ਦਾ ਮਾਲੀ ਨਾਵਲ ਚ ਲੇਖਕ ਨੇ ਇਹਨਾ ਧਰਮੀ ਫੋਜੀਆ ਨਾਲ ਹੋਈਆ ਧੱਕੇਸ਼ਾਹੀਆ, ਤੱਸ਼ਦਦ ਤੋ ਇਲਾਵਾ ਗੁਰਬਤ ਭਰੀ ਜਿੰਦਗੀ , ਆਪਣੇ ਬੱਚਿਆ ਦਾ ਧੁੰਦਲਾ ਭੱਵਿਖ ਤੇ ਧਰਮੀ ਫੋਜੀਆ ਦੇ ਬੱਚਿਆ ਦੀ ਜਿੰਦਗੀ ਦੇ ਸਫਰ ਦੇ ਖੱਟੇ ਮਿੱਠੇ ਤਜਰਬੇ ਪਿੰਡ ਤੋ ਚੱਲ ਯੂ ਕੇ ਕੇਵਲ ਸਿੰਘ ਦੀ ਕਹਾਣੀ ਨੂੰ ਸੁੱਧ ਮਾਲਵਈ ਬੋਲੀ ਚ ਪਰੋ ਪਾਠਕਾ ਲਈ ਪੇਸ਼ ਕੀਤਾ ਹੈ।

ਸੰਗਮ ਪਬਲਿਸ਼ਰਸ ਸਮਾਣਾ ਵੱਲੋ ਪ੍ਰਕਾਸਿ਼ਤ ਇਸ ਨਾਵਲ ਦੀ ਘੁੰਢ ਚੁਕਾਈ ਨਾਰਵੇ ਤੇ ਕੀਤੀ ਗਈ।ਇਸ ਨਾਵਲ ਨੂੰ ਰਿਲੀਜ ਕਰਦੇ ਸਮੇ ਨਾਰਵੇ ਤੋ ਸ੍ਰ ਜਸਵਿੰਦਰ ਸਿੰਘ ਗਰੇਵਾਲ,ਪ੍ਰੀਤਪਾਲ ਸਿੰਘ ਮਾਨ, ਸ੍ਰ ਰਣਜੀਤ ਸਿੰਘ ਗਿੱਲ (ਡਾਲਾ) ਸ੍ਰ ਅਜਮੇਰ ਸਿੰਘ , ਸ੍ਰ ਬੱਲ, ਰੁਪਿੰਦਰ ਢਿੱਲੋ ਮੋਗਾ, ਰਣਜੀਤ ਸਿੰਘ ਗੁਰਦਾਸਪੁਰ,ਡਿੰਪਾ ਵਿਰਕ, ਸਵੀਡਨ ਤੋ ਸ੍ਰ ਕੁਲਦੀਪ ਸਿੰਘ , ਸੁਰਿੰਦਰ ਸਿੰਘ ਗਿੱਲ(ਡਾਲਾ) ਸ੍ਰ ਸੁਖਜਿੰਦਰ ਸਿੰਘ ਮੋਗਾ, ਡੈਨਮਾਰਕ ਤੋ ਸ੍ਰ ਮਨਜੀਤ ਸਿੰਘ(ਜੋਗੇਵਾਲਾ ਮੋਗਾ), ਮੇਜਰ ਸਿੰਘ ਗੁਰਦਾਸਪੁਰ ਆਦਿ ਹਾਜਿ਼ਰ ਸਨ।

25/04/15