ਜਨਮੇਜਾ ਜੌਹਲ ਦੀਆਂ ਚਾਰ ਬਾਲ ਕਿਤਾਬਾਂ ਜਾਰੀ

ਲੁਧਿਆਣਾ, 18 ਜੁਲਾਈ -ਫੋਟੋ ਕਲਾਕਾਰ ਤੇ ਲੇਖਕ ਜਨਮੇਜਾ ਸਿੰਘ ਜੌਹਲ ਦੀਆਂ ਚਾਰ ਬਾਲ ਕਿਤਾਬਾਂ ਪੰਜਾਬੀ ਭਵਨ ਵਿਖੇ ਜਾਰੀ ਕੀਤੀਆਂ ਗਈਆਂ। ਦਿਲਚਸਪ ਤੱਥ ਇਹ ਸੀ ਕਿ ਇਹ ਕਿਤਾਬਾਂ ਜਾਰੀ ਕਰਨ ਲਈ ਵੱਖ-ਵੱਖ ਸਕੂਲਾਂ ਦੇ ਬੱਚਿਆਂ ਨੂੰ ਹੀ ਬੁਲਾਇਆ ਗਿਆ ਸੀ।

ਕੰਪਿਊਟਰ ਤੇ ਪੰਜਾਬੀ ਮਾਂ ਬੋਲੀ ਦੀ ਸੇਵਾ ਲਈ ਨਿੱਤ ਨਵੀਆਂ ਲੱਭਤਾਂ ਲੱਭਣ ਵਾਲੇ ਜੌਹਲ ਦੀਆਂ ਇਨ੍ਹਾਂ ਕਿਤਾਬਾਂ ਵਿੱਚ ‘ਟਾਈ ਵਾਲਾ ਬਾਂਦਰ’, ‘ਕੀੜੀ ਤੇ ਫੁੱਲ’, ‘ਨੇਕ ਸਲਾਹ’ ਤਾਂ ਕਹਾਣੀਆਂ ਦੀਆਂ ਕਿਤਾਬਾਂ ਹਨ ਜਦਕਿ ਚੌਥੀ ‘ਰੰਗਲੀ ਲਿਖਾਈ’ ਲਿਖਣ ਦੇ ਅਭਿਆਸ ਬਾਰੇ ਸੀ। ਇਸ ਮੌਕੇ ਗੁਲਜ਼ਾਰ ਪੰਧੇਰ, ਸਰੂਪ ਸਿੰਘ ਅਲੱਗ, ਮੋਤਾ ਸਿੰਘ ਸਰਾਏ, ਨਿਰਮਲ ਸਿੰਘ, ਕਰਮਜੀਤ ਸਿੰਘ ਸਮੇਤ ਬਹੁਤ ਸਾਰੇ ਸਾਹਿਤਕਾਰ ਵੀ ਮੌਜੂਦ ਸਨ।