ਸ਼ਹੀਦ ਬੀਬੀ ਸੁੰਦਰੀ ਦੀ ਪੁਸਤਕ ਰੀਲੀਜ਼

ਕਾਹਨੂੰਵਾਨ ਛੰਭ ਦੇ ਗੁਰਦੁਆਰਾ ਛੋਟਾ ਘਲੂਘਾਰਾ ਦੇ ਨਜਦੀਕ ਗੁਰਦਵਾਰਾ ਸ਼ਹੀਦ ਬੀਬੀ ਸੁੰਦਰੀ ਵਿਖੇ ਮਿਤੀ 11 ਅਗਸਤ ਨੂੰ ਮਲਕੀਅਤ ਸਿੰਘ "ਸੁਹਲ" ਦੇ ਲਿਖੇ ਗੀਤਾਂ ਦੀ ਮਿੰਨੀ ਪੁਸਤਕ  'ਸ਼ਹੀਦ ਬੀਬੀ ਸੁੰਦਰੀ ' ਨੂੰ ਗੁਰਦੁਆਰਾ ਸਾਹਿਬ ਦੇ ਪਰਧਾਨ ਸੂਬੇਦਾਰ ਗੁਰਬਚਨ ਸਿੰਘ, ਸ੍ਰ ਰਵੇਲ ਸਿੰਘ ਭਠੇ ਵਾਲੇ ਤੇ ਉਘੇ ਸਮਾਜ ਸੇਵਕ ਅਤੇ ਭਾਈ ਬੂਟਾ ਸਿੰਘ ਜੀ ਪੁਲ ਤਿਬੱੜੀ ਵਾਲਿਆਂ ਨੇ ਸੰਗਤਾਂ ਦੇ ਭਰੇ ਪੰਡਾਲ ਵਿਚ ਰੀਲੀਜ਼ ਕੀਤਾ ।

ਦੂਰੋਂ ਦੂਰੋਂ ਆਈਆਂ ਸੰਗਤਾਂ ਨੇ ਇਸ ਪੁਸਤਕ ਦੀ ਪਰਭੂਰ ਸ਼ਲਾਘਾ ਕਰਦਿਆਂ ਪ੍ਰਬੰਧਕ ਕਮੇਟੀ ਅਤੇ ਲੇਖਕ ਮਲਕੀਅਤ ਸਿੰਘ "ਸੁਹਲ" ਦਾ ਵਿਸ਼ੇਸ਼ ਉਪਰਾਲਾ ਕਰਨ ਤੇ ਖ਼ੁਸ਼ੀ ਮਹਿਸੂਸ ਕੀਤੀ । ਅੰਤ ਵਿਚ ਕੀਰਤਨ ਦਰਬਾਰ ਦਾ ਸੰਗਤਾਂ ਆਨੰਦ ਮਾਣਿਆਂ ਅਤੇ ਗੁਰੂ ਕੇ ਅਤੁੱਟ ਲੰਗਰ ਵਰਤਾਏ ਗਏ । ਇਸ ਸਮਾਗਮ ਵਿਚ ਸਾਹਿਤਕ ਸਾਂਝ ਮੰਚ ਨਵਾਂ ਛਾਲ੍ਹਾ ਦੇ ਸਾਰੇ ਮੈਂਬਰਾਂ ਸਮੇਤ ਦੂਰੋਂ ਨੇੜਿਉਂ ਸੰਗਤਾਂ ਪਹੁੰਚੀਆਂ ਹੋਈਆਂ ਸਨ । ਇਸ ਇਕੱਠ ਵਿਚ ਸ੍ਰ. ਰਵੇਲ ਸਿੰਘ , ਗਿਆਨੀ ਬੂਟਾ ਸਿੰਘ ਜੀ ਅਤੇ ਮਲਕੀਅਤ ਸਿੰਘ "ਸੁਹਲ" ਜੀ ਨੂੰ ਗੁਰਦੁਆਰਾ ਕਮੇਟੀ ਵਲੋਂ ਸਿਰੋਪੇ ਅਤੇ ਬੀਬੀ ਸੁੰਦਰੀ ਜੀ ਦੀ ਯਾਦਗਾਰੀ  ਤਸਵੀਰ ਦੇ ਕੇ ਸਨਮਾਨਤ ਕੀਤਾ ਗਿਆ ।