"ਦਿਸ਼ਾ" ਸੰਸਥਾ ਦੀਆਂ ਮੈਂਬਰਜ਼ ਨੇ ਪੰਜ ਦਸੰਬਰ 2015 ਨੂੰ ਆਪਣੇ ਪਰਿਵਾਰਾਂ, ਸਨੇਹੀਆਂ, ਸਹਿਯੋਗੀਆਂ ਸਮੇਤ ਰਾਤ ਦੇ ਡਿਨਰ ਉਪਰ ਰਲ ਮਿਲ ਬੈਠਣ ਦੀ ਖੁਸ਼ੀ ਪ੍ਰਾਪਤ ਕੀਤੀ। "ਦਿਸ਼ਾ" ਸਾਰਾ ਸਾਲ ਵਿਸ਼ੇਸ਼ ਦਿਨਾਂ ਉਪਰ ਔਰਤਾਂ ਅਤੇ ਕਮਿਉਨਿਟੀ ਵਿਚ ਜਾਗਰੂਕਤਾ ਪੈਦਾ ਕਰਨ ਲਈ ਪ੍ਰੌਗ੍ਰਾਮ ਆਯੋਜਿਤ ਕਰਦੀ ਹੈ । "ਦਿਸ਼ਾ" ਜੋ ਕੇਵਲ ਔਰਤਾਂ ਦੀ ਪ੍ਰਤੀਨਿਧਤਾ ਕਰਨ ਵਾਲੀ ਸੰਸਥਾ ਹੈ, ਇਹ ਸੋਚ ਰਖਦੀ ਹੈ ਕਿ ਔਰਤਾਂ ਦੇ ਪਰਿਵਾਰਕ, ਸਮਾਜਕ, ਸਭਿਆਚਾਰਕ ਅਤੇ ਪਰਵਾਸੀ ਮਸਲਿਆਂ ਬਾਰੇ ਸਮੁੱਚੀ ਕਮਿਉਨਿਟੀ ਨੂੰ ਰਲ ਮਿਲ ਬੈਠ ਕੇ ਸੋਚਣ, ਸਮਝਣ ਅਤੇ ਹੱਲ ਕਰਨ ਦੇ ਯਤਨ ਕਰਨੇ ਚਾਹੀਦੇ ਹਨ। ਦਿਸ਼ਾ ਇਕ ਸੋਚ ਨੂੰ ਪਰਨਾਈ ਹੋਈ ਹੈ ਜਿਹੜੀ ਔਰਤਾਂ ਦੇ ਬਰਾਬਰ ਦੇ ਸਮਾਜਕ ਅਤੇ ਸਭਿਆਚਾਰਕ ਰੁਤਬੇ ਲਈ ਯਤਨਸ਼ੀਲ ਹੈ। ਆਪਣੀਆਂ ਪ੍ਰਮੁੱਖ ਅਤੇ ਸਹਿਯੋਗੀ ਮੈਬਰਾਂ ਦੇ ਅਣਥੱਕ ਯਤਨਾਂ ਸਦਕਾ ਦਿਸ਼ਾ ਨੇ ਸਮੁੱਚੇ ਕੈਨੇਡਾ ਅਤੇ ਵਿਸ਼ੇਸ਼ ਕਰਕੇ ਓਨਟਾਰੀਓ ਸੂਬੇ ਵਿਚ ਥੋੜੇ ਜਿਹੇ ਸਮੇਂ ਵਿਚ ਹੀ ਆਪਣੇ ਕੰਮਾ ਅਤੇ ਕੁਮਿਟਮੈਂਟ ਕਰਕੇ ਵਿਸੇਸ ਪਛਾਣ ਬਣਾ ਲਈ ਹੈ।

5 ਦਸੰਬਰ 2015 ਨੂੰ ਦਿਸ਼ਾ ਵੱਲੋਂ ਆਯੋਜਿਤ ਸਭਿਆਚਾਰਕ ਅਤੇ ਡਿਨਰ ਪ੍ਰੌਗਰਾਮ ਵਿਚ ਕਮਿਉਨਿਟੀ ਦੀਆਂ ਔਰਤਾ ਆਪਣੇ ਪਰਿਵਾਰਾਂ ਸਮੇਤ ਸਾਮਿਲ ਹੋਈਆਂ । ਨਵੀਆਂ ਉਮੰਗਾਂ ਅਤੇ ਉਤਸ਼ਾਹ ਲੈ ਕੇ ਤੰਦਰੁਸਤ ਵਰਤਮਾਨ ਸਿਰਜਣ ਅਤੇ ਸੋਹਣੇ ਭਵਿਖ ਲਈ ਬਚਿੱਆਂ ਅਤੇ ਵੱਡਿਆਂ ਨੇ ਵੱਧ ਚੜ੍ਹਕੇ ਸ਼ਮੂਲੀਅਤ ਕੀਤੀ। ਇਸ ਪਰੋਗਰਾਮ ਦੀ ਸਟੇਜ ਦੀ ਕਾਰਵਾਈ ਦਿਸ਼ਾ ਦੀਆਂ ਮੈਂਬਰਜ਼ ਦੀਆਂ ਨੌਜਵਾਨ ਬੇਟੀਆਂ ਜੋਤ ਘੁੰਮਣ ਅਤੇ ਮਨਪ੍ਰੀਤ ਦਿਉਲ ਨੇ ਸੰਭਾਲੀ। ਸਵਾਗਤੀ ਡਾਂਸ ਨੇ ਸੁਖਮਨੀ ਅਤੇ ਜੋਬਨ ਨੇ ਕੀਤਾ। ਅਨੂਪ ਬੱਬਰਾ, ਮਨਪ੍ਰੀਤ ਸਿੰਘ, ਇਕਬਾਲ ਬਰਾੜ, ਰਵਿੰਦਰ ਭਾਟੀਆ, ਸਿਮਰਨ ਅਤੇ ਹੈਪੀ ਅਰਮਾਨ ਨੇ ਗੀਤ ਗਾ ਕੇ ਖੂਬ ਰੰਗ ਬੰਨਿਆ। ਵਿਨੀ ਹੁੰਦਲ ਪਾਬਲਾ ਨੇ ਵਣਜਾਰਣ ਕੁੜੀਏ ਤੇ ਡਾਂਸ ਕੀਤਾ। ਰਾਜ ਘੁੰਮਣ ਹੋਰਾਂ ਦੀ ਟੀਮ ਨੇ ਇਕ ਮਜੇਦਾਰ ਸਕਿਟ ਪੇਸ਼ ਕੀਤੀ। ਪਰਮਜੀਤ ਦਿਉਲ ਦੀ ਗਿੱਧਾ ਟੀਮ ਅਤੇ ਸੁੰਦਰਪਾਲ ਰਾਜਾ ਸਾਂਸੀ ਦੀ ਜਾਗੋ ਟੀਮ ਨੇ ਨੱਚ ਨੱਚ ਕੇ ਪਰੋਗਰਾਮ ਨੂੰ ਸਿਖਰ ‘ਤੇ ਪਹੁੰਚਾਇਆ।

ਇਹ ਪ੍ਰੋਗਰਾਮ ਜਿਨ੍ਹਾਂ ਸਪੌਂਸਰਾਂ ਕਰਕੇ ਨੇਪਰੇ ਚੜ੍ਹਿਆ, ਉਹ ਹਨ; ਟਾਈਲਲੈਂਡ ਡੀਪੋ, ਗੁਰਮੁਖ ਪਾਬਲਾ ਪੈਟਰੋ ਕੈਨੇਡਾ, ਕੁਲਜੀਤ ਸਿੰਘ ਅਕਾਲ ਮੌਰਟਗੇਜ, ਸੈਂਡੀ ਗਿਲ ਹੋਮ ਲਾਈਫ ਲਾਈਫ ਟਾਈਮ ਰਿਐਲਟੀ, ਨੱਤ ਐਂਡ ਸਨਜ਼, ਐਮ ਸੀ ਆਈ ਡਿਪੈਲਮੈਂਟ ਤੋਂ ਜੰਗ ਸਿੰਘ ਪਨਾਂਗ, ਜਸਪਾਲ ਸ਼ੇਤਰਾ ਪੰਜ ਪਾਣੀ , ਤੀਰਥ ਦਿੳਲ ਡੀ ਐਲ ਟੀ ਟਰੱਕਿੰਗ, ਨਵਜੀਵਨ ਸਿੰਘ, ਫੈਂਸੀ ਜਿਉਲਰ, ਰਾਣਾ ਜਿਉਲਰ, ਅਤੇ ਪਰਮਜੀਤ ਢਿੱਲੋਂ।

"ਦਿਸ਼ਾ" ਦੇ ਫਾਊਂਡਰ ਮੈਂਬਰ ਹਨ; ਕੰਵਲਜੀਤ ਕੌਰ ਢਿੱਲੋਂ, ਸੁਰਜੀਤ ਕੌਰ, ਰਾਜ ਘੁੰਮਣ, ਪਰਮਜੀਤ ਕੌਰ ਦਿੳਲ, ਕਮਲਜੀਤ ਨੱਤ, ਗੁਰਮੀਤ ਪਨਾਂਗ ਅਤੇ ਸਤਿੰਦਰ ਸੱਤੀ। ਦਿਸ਼ਾ ਦੀ ਚੇਅਰ ਪਰਸਨ ਕੰਵਲਜੀਤ ਨੇ ਚੰਡੀਗੜ੍ਹ ਤੋਂ ਪਰੋਗਰਾਮ ਦੀ ਸਫ਼ਲਤਾ ਲਈ ਆਪਣੀਆਂ ਸ਼ੁਭ ਇਛਾਵਾਂ ਭੇਜੀਆਂ ਅਤੇ ਬਾਕੀ ਮੈਂਬਰਾਂ ਨੇ ਰਲ ਮਿਲ ਕੇ ਇਸ ਪਰੋਗਰਾਮ ਨੂੰ ਅੱਗੇ ਵਧਾਇਆ। ਦਿਸ਼ਾ ਦੀਆਂ ਪਰਾਪਤੀਆਂ ਦੀ ਰਿਪੋਟ ਗੁਰਮੀਤ ਪਨਾਗ ਨੇ ਪੜੀ, ਸਪੌਂਸਰਾਂ ਦੀ ਜਾਣਪਛਾਣ ਪਰਮਜੀਤ ਦਿਅਲ ਨੇ ਕਰਵਾੲੲ, ਫਾਊਂਡਰ ਮੈਂਬਰਾਂ ਅਤੇ ਅਗਜੈਕਟਿਵ ਮੈਂਬਰਾਂ ਦੀ ਜਾਣ-ਪਛਾਣ ਅਤੇ ਧੰਨਵਾਦ ਸੁਰਜੀਤ ਕੌਰ ਨੇ ਕੀਤਾ। ਕਮਲ ਨੱਤ ਨੇ ਸਵਾਗਤ ਅਤੇ ਧੰਨਵਾਦ ਦੇ ਸ਼ਬਦ ਕਹੇ। ਜਾਣੇ ਪਛਾਣੇ ਕਹਾਣੀਕਾਰ ਕੁਲਜੀਤ ਮਾਨ ਨੇ ਦਿਸ਼ਾ ਬਾਰੇ ਖੂਬਸੂਰਤ ਗੱਲਾਂ ਕੀਤੀਆਂ। ਇਸ ਤਰ੍ਹਾਂ ਹੱਸਦਿਆਂ ਖੇਲਦਿਆਂ ਦਿਸ਼ਾ ਵਲੋਂ ਕੀਤਾ ਇਹ ਡਿਨਰ ਸੰਪੰਨ ਹੋਇਆ।