ੳਸਲੋ - ਅੱਜ ਦੇ ਦੋਰ ਚ ਭਾਰਤੀ ਫਿਲਮਾ ਦੀ ਦੀਵਾਨਗੀ ਹਰ ਮੁੱਲਕਾ ਦੀ ਹੱਦਾ ਟੱਪ ਚੁੱਕੀ ਹੈ। ਯੂਰਪ ਦੇ ਖੂਬਸੁਰਤ ਦੇਸ਼ ਨਾਰਵੇ ਚ ਹਰ ਸਾਲ ਬਾਲੀਵੂਡ ਫੈਸਟੀਵਲ ਨਸਰੂਲਾ ਕੂਰੇਸ਼ੀ ਜੀ ਦੇ ਸਹਿਯੋਗ ਨਾਲ ਬੜੀ ਧੂਮ ਧਾਮ ਨਾਲ ਮਨਾਇਆ ਜਾਦਾ ਹੈ ਜਿਸ ਵਿੱਚ ਹਰ ਸਾਲ ਬਾਲੀਵੂਡ ਸਕਰੀਨ ਦੇ ਮਹਾਨ ਸਿਤਾਰੇ ਇਸ ਫੈਸਟੀਵਲ ਦੀ ਰੋਣਕ ਆਣ ਕੇ ਵਧਾਉਦੇ ਹਨ।

ਬੀਤੇ ਦਿਨੀ ਇਹ ਫੈਸਟੀਵਲ ਬੜੇ ਧੁਮ ਧੜਾਕੇ ਨਾਲ ਹੋ ਨਿਬੜਿਆ ਅਤੇ ਨਾਰਵੇ ਦੀ ਪ੍ਰਧਾਨ ਮੰਤਰੀ ਏਰਨਾ ਸੂਲਬਰਗ ਨੇ ਇਸ ਦੀ ਰਿਬਨ ਕੱਟ ਸੁਰੂਆਤ ਕੀਤੀ। ਇਸ ਦੋਰਾਨ ਬਾਲੀਵੂਡ ਐਕਟਰ ਗੁਲਸ਼ਨ ਗਰੋਵਰ, ਗ੍ਰੈਸੀ ਸਿੰਘ ਆਦਿ ਤੇ ਕਈ ਜਾਣੀਆ ਮਾਣੀਆ ਭਾਰਤ ਤੋ ਆਈਆ ਹਸਤੀਆ ਅਤੇ ਨਾਰਵੇ ਤੋ ਪਤਵੰਤੇ ਸੱਜਣ ਹਾਜਿ਼ਰ ਸਨ। ਇਸ ਮੋਕੇ ਦੇਸੀ ਅਤੇ ਵਿਦੇਸ਼ੀ ਮੂਲ ਦੇ ਕਲਾਕਾਰ ਨੇ ਬਾਲੀਵੂਡ ਸੰਗੀਤ ਤੇ ਨ੍ਰਿਤ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਪੋਲੈਡ ਦੇ ਡਾਂਸ ਕਲਾਕਾਰਾ ਨੇ ਤਾ ਕਮਾਲ ਦਾ ਭਾਰਤੀ ਸੰਗੀਤ ਦੇ ਸਹੋਣੇ ਨ੍ਰਿਤ ਦਾ ਪ੍ਰਦਰਸ਼ਨ ਕੀਤਾ, ਪੰਜਾਬੀ ਗਭਰੂਆ ਨੇ ਵੀ ਭੰਗੜਾ ਪਾ ਖੁਬ ਰੰਗ ਬਣੇ।

ਸਾਰਾ ਹਫਤਾ ਚੱਲਣ ਵਾਲੇ ਇਸ ਫਿਲਮੀ ਫੈਸਟੀਵਲ ਚ ਬਾਲੀਵੂਡ ਦੀਆ ਫਿਲਮਾ ਤੋ ਇਲਾਵਾ ਬਾਲੀਵੂਡ ਨਗਰੀ ਦੇ ਪ੍ਰਸਿੱਧ ਕਲਾਕਾਰ ਦਰਸ਼ਕਾ ਦੇ ਰੂ ਬਰੂ ਹੋਣਗੇ। ਇਸ ਪ੍ਰੋਗਰਾਮ ਅਧੀਨ ਹੀ ਪ੍ਰਸਿੱਧ ਬਾਲੀਵੂਡ ਗਾਈਕ ਜਸਬੀਰ ਜੱਸੀ (ਦਿਲ ਲੈ ਗਈ ਕੁੜੀ ਗੁਜਰਾਤ ਦੀ ਫੇਮ) ਸਟਰੀਊ ਨੇਸ਼ਨ (ਯੂ ਕੇ) ਆਦਿ ਨੇ ਦਰਸ਼ਕਾ ਦਾ ਆਪਣੇ ਸੂਰੀਲੇ ਗਾਣਿਆ ਨਾਲ ਖੁਬ ਮੰਨੋਰੰਜਨ ਕੀਤਾ। ਫਿਲਮ ਫੈਸਟੀਵਲ ਦੇ ਪ੍ਰੰਬੱਧਕਾ ਵੱਲੋ ਸਮਾਪਤੀ ਵਾਲੇ ਦਿਨ ਇਸ ਬਾਲੀਵੂਡ ਫੈਸਟੀਵਲ ਨੂੰ ਸਫਲ ਬਣਾਉਣ ਲਈ ਹਰ ਇੱਕ ਦਾ ਧੰਨਵਾਦ ਕੀਤਾ ਗਿਆ।