ਲੀਅਰ - ਪਹਿਲੀ ਪਾਤਸ਼ਾਹੀ ਧੰਨ ਧੰਨ ਗੁਰੁ ਨਾਨਕ ਦੇਵ ਦੀ ਪਵਿੱਤਰ ਨਾਮ ਹੇਠ ਲੀਅਰ ਗੁਰੁ ਘਰ ਦੇ ਪੰਜਵੇ ਸਥਾਪਨਾ ਦਿਵਸ ਦੋਰਾਨ ਭਾਰੀ ਸੰਖਿਆ ਚ ਹਾਜਿ਼ਰ ਹੋ ਗੁਰੁ ਘਰ ਦੀਆ ਖੁਸ਼ੀਆ ਪਾਪ੍ਰਤ ਕੀਤੀਆ। ਇਸ ਮੌਕੇ ਪ੍ਰਸਿੱਧ ਕਥਾਵਾਚਕ ਭਾਈ ਹਰਜਿੰਦਰ ਸਿੰਘ ਸਭਰਾ ਨੇ ਸੰਗਤਾ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੋ ਸੇਧ ਲੈ ਗੁਰਬਾਣੀ ਅਨੁਸਾਰ ਜੀਵਨ ਵਿਚਰਨ ਲਈ ਪ੍ਰੇਰਿਆ, ਭਾਈ ਸਾਹਿਬ ਨੇ ਸਮਾਜ ਚ ਵਧ ਰਹੇ ਡੇਰਾਵਾਦ ਪਾਖੰਡਵਾਦ ਅਤੇ ਕਰਮ ਕਾਡਾਂ ਤੋ ਦੂਰ ਹੱਟ ਗੁਰੂ ਦੀ ਬਾਣੀ ਤੇ ਅਮਲ ਕਰਨ ਦਾ ਜੋਰ ਦਿੱਤਾ।

ਭਾਈ ਸਾਹਿਬ ਨੇ ਪਹਿਲੀ ਪਾਤਸ਼ਾਹੀ ਦੇ ਜੀਵਨ ਕਾਲ ਨਾਲ ਜੁੜੀਆ ਇਤਿਹਾਸਿਕ ਘਟਨਾਵਾ ਅਤੇ ਗੋਸ਼ਟੀਆ ਤੇ ਵੀ ਚਾਨਣਾ ਪਾਇਆ।ਪਾਠ ਦੇ ਭੋਗ ਉਪਰੰਤ ਗੁਰੂ ਕਾ ਲੰਗਰ ਅਟੁੱਟ ਵਰਤਿਆ ਤੇ ਇਸ ਵਾਰ ਲੰਗਰ ਸੇਵਾ ਦਰਾਮਨ ਇਲਾਕੇ ਦੀ ਬੱਸ ਕੰਪਨੀ ਨੈਟ ਬੱਸ ਚ ਕੰਮ ਕਰਦੇ ਗੁਰੂ ਦੇ ਸਿੱਖਾ ਵੱਲੋ ਕੀਤੀ ਗਈ।ਜਿਕਰਯੋਗ ਗੱਲ ਹੈ ਕਿ ਭਾਈ ਸਭਰਾ 27 ਅਪ੍ਰੈਲ ਤੱਕ ਲੀਅਰ ਗੁਰੂ ਘਰ ਰਹਿ ਸ਼ਾਮ ਦੇ ਦੀਵਾਨ ਸਜਾਉਣ ਗਏ ਤੇ ਸੰਗਤਾ ਨੂੰ ਬਨੇਤੀ ਹੈ ਕਿ ਆਪਣੇ ਸਮੇ ਚੋ ਸਮਾ ਕੱਢਦੇ ਹੋਏ ਸ਼ਾਮ ਦੇ ਦੀਵਾਨਾ ਚ ਹਾਜਿਰੀ ਲਵਾਉਣ। ਪ੍ਰੋਗਰਾਮ ਦੀ ਸਮਾਪਤੀ ਦੋਰਾਨ ਗੁਰੂ ਘਰ ਦੇ ਸਕੈਟਰੀ ਭਾਈ ਹਰਵਿੰਦਰ ਸਿੰਘ ਅਗਲੇ ਹਫਤਿਆ ਸੰਬਧੀ ਜਾਣਕਾਰੀ ਸੰਗਤ ਨਾਲ ਸਾਝੀ ਕੀਤੀ ਤੇ ਮੁੱਖ ਸੇਵਾਦਾਰ ਭਾਈ ਮਨਜੋਰ ਸਿੰਘ ਨੇ ਆਈ ਹੋਈ ਦਾ ਧੰਨਵਾਦ ਕੀਤਾ।