ਓਸਲ - ਜੰਲਧਰ ਹੁਸਿਆਰਪੁਰ ਰੋਡ ਦੇ ਕਸਬਾ ਜੰਡੂਸਿੰਘਾ ਨਾਲ ਜੁੜਿਆ ਮਸਹੂਰ ਪਿੰਡ ਕੂਪਰ ਦਾ ਜੰਮਪਲ ਸ੍ਰ ਸੁਖਦੇਵ ਸਿੰਘ ਸੰਘਾ ਜੋ ਇਹਨੇ ਦਿਨੀ ਸਵੀਡਨ ਦਾ ਵਸਨੀਕ ਹੈ ਅਤੇ ਜਿਸ ਦੀ ਮਿਹਨਤ ਸਦਕੇ ਸਵੀਡਨ ਦੀ ਕੱਬਡੀ ਟੀਮ ਨੂੰ ਇਸ ਸਾਲ ਖੈਡੇ ਗਏ ਵੱਰਲਡ ਕੱਬਡੀ ਕੱਪ ਚ ਪਹਿਲੀ ਵਾਰ ਖੇਡਣ ਦਾ ਮੋਕਾ ਮਿਲਿਆ ਨੂੰ ਗੁਰਦੁਆਰਾ ਸਾਹਿਬ ਜੋਤੇਬਰਗ ਵਿਖੇ ਗੁਰੂ ਘਰ ਦੇ ਮੁੱਖ ਸੇਵਾਦਾਰ ਭਾਈ ਅਮਰੀਕ ਸਿੰਘ, ਸਕੈਟਰੀ ਭਾਈ ਕੁਲਦੀਪ ਸਿੰਘ, ਸੁਰਜੀਤ ਸਿੰਘ ਆਹਲੂਵਾਲੀਆ ਵੱਲੋ ਮਾਂ ਖੇਡ ਕੱਬਡੀ ਪ੍ਰਤੀ ਮੋਹ ਅਤੇ ਸੇਵਾਵਾ ਬਦਲੇ ਸਿਰੋਪਾ ਦੇ ਸਨਮਾਨਿਤ ਕੀਤਾ ਗਿਆ।

ਕੱਬਡੀ ਖਿਡਾਰੀ ਸੰਘਾ ਨੇ ਪ੍ਰੈਸ ਨੂੰ ਦੱਸਿਆ ਕਿ ਕੱਬਡੀ ਖੇਡ ਪ੍ਰਤੀ ਉਹਨਾ ਦਾ ਮੋਹ ਹਮੇਸ਼ਾ ਰਿਹਾ ਹੈ ਅਤੇ ਸਵੀਡਨ ਆ ਉਹਨਾ ਦੀ ਰੂਹ ਇਸ ਖੇਡ ਨੂੰ ਖੇਡਣ ਲਈ ਤਰਸਦੀ ਰਹੀ ਅਤੇ ਫਿਰ ਉਹਨਾ ਨੇ ਕੁੱਝ ਮਿਹਨਤ ਕਰ ਸਵੀਡਨ ਵੱਸਦੇ ਕੁੱਝ ਹੋਰ ਕੱਬਡੀ ਨਾਲ ਮੋਹ ਰੱਖਣ ਵਾਲੇ ਖਿਡਾਰੀਆ ਅਤੇ ਸਵੀਡਨ ਵਿੱਚ ਜੰਮੇ ਪਲੇ ਭਾਰਤੀ ਮੂਲ ਦੇ ਨੋਜਵਾਨਾ ਨੂੰ ਨਾਲ ਲੈ ਕੱਬਡੀ ਟੀਮ ਦਾ ਗਠਨ ਕੀਤਾ ਅਤੇ ਆਪਣੇ ਉਸਤਾਦਾ ਵੱਲੋ ਸਿੱਖੇ ਕੱਬਡੀ ਦੇ ਦਾਅ ਪੈਚ ਅਤੇ ਸਾਫ ਸੁਥਰੀ ਖੇਡ ਖੇਡਣ ਦੀ ਸਿਖਲਾਈ ਸਾਂਝੀ ਕੀਤੀ। ਸੰਘਾ ਵੱਲੋ ਗੁਰੂ ਘਰ ਦੀ ਕਮੇਟੀ ਅਤੇ ਸੰਗਤ ਦਾ ਅਤਿ ਧੰਨਵਾਦ ਕੀਤਾ ਜਿੰਨਾ ਕਰਕੇ ਉਸ ਨੂੰ ਇਸ ਸਿਰੋਪਾ ਦਾ ਸਤਿਕਾਰ ਮਿਲਿਆ ਅਤੇ ਇਹੀ ਵਾਅਦਾ ਕੀਤਾ ਕਿ ਅਗਲੀ ਵਾਰ ਸਵੀਡਨ ਦੀ ਟੀਮ ਇਸ ਵਰੇ ਦੇ ਕੀਤੇ ਚੰਗੇ ਪ੍ਰਦਰਸਨ ਤੋ ਵੀ ਹੋਰ ਉੱਚ ਮਿਆਰੀ ਖੇਡ ਦਾ ਪ੍ਰਦਰਸ਼ਨ ਕਰੇਗੀ।