ੳਸਲੋ - ਬੀਤੇ ਦਿਨੀ ਡੈਨਮਾਰਕ ਦੀ ਰਾਜਧਾਨੀ ਕੋਪਨਹੈਗਨ ਵਿਖੇ ਆਜਾਦ ਸਪੋਰਟਸ ਕੱਲਬ ਡੈਨਮਾਰਕ ਵੱਲੋ ਕੱਲਬ ਦਾ ਦੂਸਰਾ ਸ਼ਾਨਦਾਰ ਟੂਰਨਾਮੈਟ ਕਰਵਾਇਆ ਗਿਆ। ਜਿਸ ਵਿੱਚ ਡੈਨਮਾਰਕ ਦੇ ਲੋਕਲ ਕੱਲਬਾ ਤੋ ਇਲਾਵਾ ਸਵੀਡਨ ਨਾਰਵੇ ਦੇ ਵਾਲੀਬਾਲ ਕੱਲਬਾ ,ਕੱਬਡੀ ਦੀਆ 2 ਟੀਮਾ ਤੋ ਇਲਾਵਾ ਬਹੁਤ ਸਾਰੇ ਦਰਸ਼ਕਾ ਨੇ ਸ਼ਾਮਿਲ ਹੋ ਆਨੰਦ ਮਾਣਿਆ। ਇਸ ਇੱਕ ਦਿਨ ਟੂਰਨਾਮੈਟ ਦੀ ਸੁਰੂਆਤ ਵਾਹਿਗੁਰੂ ਦਾ ਨਾਮ ਲੈ ਅਰਦਾਸ ਨਾਲ ਹੋਈ ਅਤੇ ਵਾਲੀਬਾਲ ਮੈਚਾ ਦਾ ਸੁੱਭ ਆਰੰਭ ਹੋਇਆ, ਚਾਹੇ ਪਹਿਲੇ ਘੰਟੇ ਮੌਸਮ ਦੀ ਖਰਾਬੀ ਰਹੀ ਪਰ ਖਿਡਾਰੀਆ ਅਤੇ ਦਰਸ਼ਕਾ ਦੇ ਉਤਸ਼ਾਹ ਚ ਕਿਸੇ ਤਰਾ ਦੀ ਕਮੀ ਨਹੀ ਆਈ। ਵਾਲੀਬਾਲ ਦੇ ਆਪਸੀ ਸੁਰੂਆਤੀ ਮੈਚਾ ਚੋ ਬਾਅਦ ਸਮੈਸਿੰਗ ਚ ਡੈਨਮਾਰਕ ਦੇ ਨੇਮਲੀ ਕੱਲਬ ਜੇਤੂ ਰਹੀ ਕਿ ਸੂਟਿੰਗ ਚ ਆਜਾਦ ਕੱਲਬ ਡੈਨਮਾਰਕ ਵਾਲੇ ਬਾਜੀ ਮਾਰ ਗਏ।

ਡੈਨਮਾਰਕ ਚ ਜੰਮੇ ਪੱਲੇ ਭਾਰਤੀ ਮੂਲ ਦੇ ਬੱਚਿਆ ਨੇ ਕੱਬਡੀ, ਰੱਸਾ ਕੱਸੀ ਚ ਖੁਬ ਜੋਰ ਵਿਖਾਏ ਅਤੇ ਸਾਬਿਤ ਕੀਤਾ ਕਿ ਉਹ ਭਵਿੱਖ ਵਿੱਚ ਪੰਜਾਬੀ ਮਾਂ ਖੇਡ ਕੱਬਡੀ ਨੂੰ ਜੀਵਿਤ ਰੱਖਣਗੇ, ਇਸ ਤੋ ਇਲਾਵਾ ਬੱਚੇ ਬੱਚੀਆ ਦੀਆ ਰੇਸਾ, ਰੁਮਾਲ ਚੁੱਕਣਾ, ਫੁੱਟਬਾਲ ਆਦਿ ਗੇਮਾ ਦਾ ਆਨੰਦ ਦਰਸ਼ਕਾ ਅਤੇ ਬੱਚਿਆ ਨੇ ਮਾਣਿਆ। ਔਰਤਾ ਮਰਦਾ ਲਈ ਵੱਖ ਵੱਖ ਰੱਸਾ ਕੱਸੀ ਅਤੇ ਰੇਸਾ ਕਰਵਾਈਆ ਗਈਆ। ਟੂਰਨਾਮੈਟ ਦੋਰਾਨ ਗੁਰੂ ਕਾ ਲੰਗਰ ਅਟੁੱਟ ਵਰਤਦਾ ਰਿਹਾ। ਕਬੱਡੀ 'ਚ ਡੈਨਮਾਰਕ ਤੋ ਆਜਾਦ ਸਪੋਰਟਸ ਕੱਲਬ ਦੀਆ ਟੀਮਾ, ਸਵੀਡਨ ਤੋ ਗੋਤੇਬਰਗ ਤੋ ਕੱਬਡੀ ਟੀਮ , ਨਾਰਵੇ ਤੋ ਸ਼ੇਰੇ ਪੰਜਾਬ ਅਤੇ ਸ਼ਹੀਦ ਬਾਬਾ ਦੀਪ ਸਿੰਘ ਕੱਬਡੀ ਕੱਲਬ ਨੇ ਹਿੱਸਾ ਲਿਆ ਅਤੇ ਫਾਈਨਲ ਮੁਕਾਬਲਾ ਸਵੀਡਨ ਅਤੇ ਨਾਰਵੇ ਤੋ ਸ਼ਹੀਦ ਬਾਬਾ ਦੀਪ ਸਿੰਘ ਕੱਲਬ ਵਿਚਕਾਰ ਹੋਇਆ ਕੱਬਡੀ ਦਾ ਜੇਤੂ ਕੱਪ ਸ਼ਹੀਦ ਬਾਬਾ ਦੀਪ ਸਿੰਘ ਨਾਰਵੇ ਵਾਲਿਆ ਨੇ ਜਿੱਤਿਆ। ਨਾਰਵੇ ਵੱਲੋ ਸਾਬੀ ਪੱਤੜ, ਜੱਸਾ ਭੰਡਾਲ, ਨਵੀ,ਪੰਮ ਗਰੇਵਾਲ, ਚੰਬਾ, ਸੁਖਜੀਤ ਅਰਮਿੰਤ ਆਦਿ ਖੇਡੇ ਜਦ ਕਿ ਸਵੀਡਨ ਵੱਲੋ ਸਾਬੀ ਸੰਘਾ, ਸੋਨੀ, ਰਿੰਕਾ, ਮਨਦੀਪ , ਸੋਨੀ ਬਰਾੜ,  ਸੁਰਿੰਦਰ ਗਿੱਲ, ਸੁਖਾ ਆਦਿ ਨੇ ਵੀ ਬਹੁਤ ਹੀ ਸਹੋਣੀ ਕੱਬਡੀ ਦਾ ਪ੍ਰਦਰਸ਼ਨ ਕੀਤਾ।

ਆਜਾਦ ਸਪੋਰਟਸ ਕੱਲਬ ਵੱਲੋ ਹਰ ਜੇਤੂ ਅਤੇ ਰਨਰ ਅੱਪ ਟੀਮਾ ਨੁੰ ਸਹੋਣੇ ਇਨਾਮ ਦੇ ਨਿਵਾਜਿਆ ਗਿਆ ਅਤੇ ਟੂਰਨਾਮੈਟ ਦੀ ਸਮਾਪਤੀ ਉਪਰੰਤ ਬਾਹਰੋ ਆਈਆ ਟੀਮਾ ਅਤੇ ਦਰਸ਼ਕਾ ਲਈ ਸ਼ਾਮ ਦੇ ਖਾਣੇ ਅਤੇ ਗੀਤ ਸੰਗੀਤ ਦਾ ਸੋਹਣਾ ਪ੍ਰੰਬੱਧ ਕੀਤਾ ਗਿਆ। ਇਸ ਸਫਲ ਟੂਰਨਾਮੈਟ ਕਰਵਾਉਣ ਦਾ ਸਿਹਰਾ ਕੱਲਬ ਦੇ ਪ੍ਰਧਾਨ ਹਰਤੀਰਥ ਸਿੰਘ ਥਿੰਦ (ਪਰਜੀਆ ਕਲਾ) ਮੀਤ ਪ੍ਰਧਾਨ ਲਾਭ ਸਿੰਘ (ਰਾਊਕੇ ਮੋਗਾ) ਜਨਰਲ ਸੱਕਤਰ ਨਿਸ਼ਾਨ ਸਿੰਘ ਹੁੰਦਲ, ਖਜਾਨਚੀ ਰਤਨ ਸਿੰਘ ਬੋਬੀ, ਸੱਕਤਰ ਕੁਲਵਿੰਦਰ ਸਿੰਘ ਪਿੰਦਾ (ਜਨੇਤਪੁਰਾ) ਸਲਾਹਕਾਰ ਧੰਨਰਾਜ ਸਿੰਘ, ਸਲਾਹਕਾਰ ਰਾਜਵਿੰਦਰ ਸਿੰਘ ਅਤੇ ਸਮੂਹ ਆਜਾਦ ਸਪੋਰਟਸ ਕੱਲਬ ਦੇ ਮੈਬਰਾ ਨੂੰ ਜਾਦਾ ਹੈ।