ਸ਼੍ਰੀ ਸੁਨੀਲ ਬਵੇਜਾ

ਫ਼ਿੰਨਲੈਂਡ 19 ਜੂਨ (ਵਿੱਕੀ ਮੋਗਾ) ਫ਼ਿੰਨਲੈਂਡ ਦੀ ਰਾਜਧਾਨੀ ਹੇਲਸਿੰਕੀ ਅਤੇ ਇਸਤੋਨੀਆ ਵਿੱਚ 21 ਜੂਨ ਨੂੰ ਵਿਸ਼ਵ ਯੋਗ ਦਿਵਸ ਵੱਡੇ ਪੱਧਰ ਤੇ ਮਨਾਉਣ ਲਈ ਭਾਰਤੀ ਦੂਤਘਰ ਵਲੋਂ ਸਾਰੇ ਪ੍ਰਬੰਧ ਮਕੁੰਮਲ ਕਰ ਲਏ ਗਏ ਹਨ। ਹੇਲਸਿੰਕੀ ਵਿੱਚ ਸਥਿਤ ਭਾਰਤੀ ਦੂਤਘਰ ਵਿੱਚ ਚਾਂਸਲਰੀ ਦੇ ਮੁੱਖੀ ਸ਼੍ਰੀ ਸੁਨੀਲ ਬਵੇਜਾ ਨੇ ਕੀਤੀ ਗੱਲਬਾਤ ਦੌਰਾਨ ਦੱਸਿਆ ਕਿ ਹੇਲਸਿੰਕੀ ਅਤੇ ਇਸਤੋਨੀਆ ਦੋਨੋਂ ਜਗ੍ਹਾ ਤੇ ਵਿਸ਼ਵ ਯੋਗ ਦਿਵਸ ਮਨਾਉਣ ਵਾਸਤੇ ਸਾਰੀਆਂ ਤਿਆਰੀਆਂ ਪੂਰੀਆਂ ਕਰ ਲਈਆਂ ਹਨ। ਉਨ੍ਹਾਂ ਦੱਸਿਆ ਕੇ ਹੇਲਸਿੰਕੀ ਵਿੱਚ 5 ਹਜ਼ਾਰ ਦੇ ਕਰੀਬ ਲੋਕ ਹਿੱਸਾ ਲੈਣ ਜਾ ਰਹੇ ਹਨ ਅਤੇ ਭਾਰਤੀ ਸਫ਼ਾਰਤਖਾਨੇ ਦੇ ਰਾਜਦੂਤ ਸ਼੍ਰੀ ਅਸ਼ੋਕ ਕੁਮਾਰ ਸ਼ਰਮਾ ਸਵੇਰ 10 ਵਜੇ ਇਸਤੋਨੀਆ ਅਤੇ ਬਾਅਦ ਦੁਪਹਿਰ 4 ਵਜੇ ਹੇਲਸਿੰਕੀ ਵਿੱਚ ਵਿਸ਼ਵ ਯੋਗ ਦਿਵਸ ਦਾ ਉਧਘਾਟਨ ਕਰਨਗੇ ਜਿਥੇ ਉਨ੍ਹਾਂ ਦੇ ਨਾਲ ਸ਼੍ਰੀਮਤੀ ਹਰਸ਼ ਬਵੇਜਾ ਵੀ ਸ਼ਾਮਿਲ ਹੋਣਗੇ। ਵਿਸ਼ਵ ਯੋਗ ਦਿਵਸ ਵਿੱਚ ਕਈ ਯੋਗ ਸਕੂਲ ਵੀ ਭਾਗ ਲੈ ਰਹੇ ਹਨ ਜੋ ਇਸ ਦੌਰਾਨ ਯੋਗ ਸਿਖਾਉਣਗੇ। ਸ਼੍ਰੀ ਬਵੇਜਾ ਨੇ ਕਿਹਾ ਕਿ ਯੋਗ ਜ਼ਿੰਦਗੀ ਲਈ ਬਹੁਤ ਫਾਇਦੇਮੰਦ ਹੈ ਅਤੇ ਸ਼ਰੀਰ ਨੂੰ ਚੁੱਸਤ ਅਤੇ ਦਰੁੱਸਤ ਰੱਖਣ ਵਿੱਚ ਯੋਗ ਬਹੁਤ ਜ਼ਰੂਰੀ ਹੈ। ਯੋਗ ਕਰਣ ਨਾਲ ਸ਼ਰੀਰ ਹਰ ਪਖੋਂ ਮਜ਼ਬੂਤ ਬਣਦਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਉਹ ਚਾਹੁੰਦੇ ਹਨ ਇਸ ਵਿਸ਼ਵ ਯੋਗ ਦਿਵਸ ਤੇ ਹਰ ਵਿਅਕਤੀ ਯੋਗ ਦਿਵਸ ਦਾ ਹਿੱਸਾ ਬਣੇ ਅਤੇ ਆਪਣੇ ਜੀਵਨ ਨੂੰ ਤੰਦਰੁਸਤ ਰੱਖਣ ਲਈ ਹਰਰੋਜ਼ ਯੋਗਾ ਕਰੇ। ਸ਼੍ਰੀ ਬਵੇਜਾ ਨੇ ਦੱਸਿਆ ਕੇ ਹੇਲਸਿੰਕੀ ਵਿੱਚ ਭਾਰਤੀ ਦੂਤਘਰ ਵਲੋਂ ਮਨਾਏ ਜਾ ਰਹੇ ਯੋਗ ਦਿਵਸ ਦਾ ਯੂ -ਟਿਊਬ ਤੇ ਸਿੱਧਾ ਪ੍ਰਸਾਰਣ ਵੀ ਕੀਤਾ ਜਾਵੇਗਾ।

Bikramjit Singh (vicky moga)
vickymoga@hotmail.com
+358 503065677
Finland.

1906/2015