ਫ਼ਿੰਨਲੈਂਡ 15 ਜੂਨ (ਵਿੱਕੀ ਮੋਗਾ) ਡੇਨ ਹਾਗ ਦੇ ਕਿਓਸੇਰਾ ਸਟੇਡੀਅਮ 'ਚ ਐਤਵਾਰ ਨੂੰ ਖੇਡੇ ਗਏ ਹਾਕੀ ਵਿਸ਼ਵ ਕੱਪ 2014 ਦੇ ਫ਼ਾਈਨਲ ਮੈਚ ਵਿੱਚ ਮੇਜ਼ਬਾਨ ਨੀਦਰਲੈਂਡ ਨੂੰ 6-1 ਨਾਲ ਧੋ ਕੇ ਆਸਟ੍ਰੇਲੀਆ ਨੇ ਤੀਸਰੀ ਵਾਰ ਖਿਤਾਬ ਜਿੱਤ ਲਿਆ ਹੈ।

ਇਸਤੋਂ ਪਹਿਲਾ ਅਰਜਨਟੀਨਾ ਨੇ ਇੰਗਲੈਂਡ ਨੂੰ 2-0 ਨਾਲ ਹਰਾਕੇ ਪਹਿਲੀ ਵਾਰ ਵਿਸ਼ਵ ਕੱਪ 'ਚ ਕਾਂਸੀ ਦਾ ਤਮਗਾ ਜਿੱਤ ਲਿਆ। ਅੱਜ ਦੇ ਮੈਚ ਵਿੱਚ ਆਸਟ੍ਰੇਲੀਆ ਵਲੋਂ ਸਿਰੇਈਲੋ ਦੀ ਹੈਟ੍ਰਿਕ ਸਮੇਤ ਕਲੇਰਿਨ ਗੋਵਰਸ, ਗਲਿਨ ਟਰਨਰ ਅਤੇ ਜੇਮੀ ਡਵਾਇਰ ਨੇ ਇੱਕ-ਇੱਕ ਗੋਲ ਕੀਤਾ ਜਦਕਿ ਨੀਦਰਲੈਂਡ ਵਲੋਂ ਮੈਚ ਦਾ ਇਕਲੌਤਾ ਗੋਲ ਹਰਟਜ਼ਬਰਗਰ ਨੇ 14ਵੇਂ ਮਿੰਟ 'ਚ ਕੀਤਾ। ਆਸਟ੍ਰੇਲੀਆ ਦੇ ਮਾਰਕ ਨੋਵਲਸ ਨੂੰ ਟੂਰਨਾਂਮੈਂਟ ਦਾ ਸਰਵੋਤਮ ਖਿਡਾਰੀ ਐਲਾਨਿਆ ਗਿਆ। ਆਸਟ੍ਰੇਲੀਆ ਦੇ ਹੇਵਰਡਜ਼ ਨੂੰ ਹੀਰੋ ਜੂਨੀਅਰ ਸਰਵੋਤਮ ਖਿਡਾਰੀ ਅਤੇ ਨੀਦਰਲੈਂਡ ਦੇ ਜਾਪ ਸਟੋਕਮੈਨ ਨੂੰ ਵਧੀਆ ਗੋਲਕੀਪਰ ਅਤੇ ਅਰਜਨਟੀਨਾ ਦੇ ਪੇਈਲਾਤ ਗੋਂਜਾਲੋ ਨੂੰ ਸਭ ਤੋਂ ਵੱਧ ਗੋਲ ਕਰਨ ਅਤੇ ਬੈਲਜੀਅਮ ਦੇ ਸਾਬਾਸਟੀਏਨ ਡਾਕਇਏਰ ਨੂੰ ਟੂਰਨਾਂਮੈਂਟ ਦਾ ਵਧੀਆ ਗੋਲ ਕਰਨ ਦੇ ਐਵਾਰਡ ਨਾਲ ਸਨਮਾਨਿਆ ਗਿਆ।

ਵਿੱਕੀ ਮੋਗਾ (ਫ਼ਿੰਨਲੈਂਡ)
Bikramjit Singh (vicky moga)
vickymoga@hotmail.com

+358 503065677
Finland.

14/06/2014