ਫ਼ਿੰਨਲੈਂਡ 14 ਜੂਨ (ਵਿੱਕੀ ਮੋਗਾ) ਡੇਨ ਹਾਗ ਦੇ ਕੀਓਸੇਰਾ ਸਟੇਡੀਅਮ 'ਚ ਅੱਜ ਸਵੇਰੇ ਮਰਦਾਂ ਦੇ ਵਰਗ ਵਿੱਚ 9ਵੇਂ ਸਥਾਨ ਲਈ ਖੇਡੇ ਗਏ ਮੈਚ ਵਿੱਚ ਭਾਰਤ ਨੇ ਕੋਰੀਆ ਨੂੰ 3-0 ਨਾਲ ਹਰਾਕੇ ਵਿਸ਼ਵ ਕੱਪ 'ਚ ਨੌਵਾਂ ਸਥਾਨ ਹਾਸਿਲ ਕੀਤਾ। ਵਿਸ਼ਵ ਕੱਪ ਦੇ ਸ਼ੁਰੂਆਤੀ ਦੋ ਮੈਚਾਂ ਵਿੱਚ ਅਖ਼ੀਰਲੇ ਪਲਾਂ ਵਿੱਚ ਗੋਲ ਖਾਕੇ ਦੋਨੋਂ ਮੈਚ ਹਾਰਣ ਵਾਲੀ ਭਾਰਤੀ ਟੀਮ ਆਪਣੇ ਗਰੁੱਪ ਵਿੱਚ 5ਵੇਂ ਸਥਾਨ ਤੇ ਰਹੀ ਸੀ।

ਗਰੁੱਪ ਮੈਚਾਂ 'ਚ ਭਾਰਤ ਆਪਣੇ ਤੀਸਰੇ ਮੈਚ ਵਿੱਚ ਵੀ ਸਪੇਨ ਨਾਲ 1-1 ਨਾਲ ਬਰਾਬਰੀ ਤੇ ਰਿਹਾ ਸੀ। ਭਾਰਤ ਸਿਰਫ਼ ਮਲੇਸ਼ੀਆ ਤੋਂ ਹੀ ਆਪਣੇ ਗਰੁੱਪ ਦਾ ਮੈਚ ਜਿੱਤ ਸਕਿਆ ਸੀ। ਅੱਜ ਕੋਰੀਆ ਵਿਰੁੱਧ ਭਾਰਤ ਨੇ ਹਮਲਾਵਰ ਖੇਡ ਦਾ ਰੁੱਖ ਅਪਣਾਇਆ ਅਤੇ ਮੈਚ ਦੇ 6ਵੇਂ ਹੀ ਮਿੰਟ 'ਚ ਸੁਨੀਲ ਦੇ ਸ਼ਾਨਦਾਰ ਪਾਸ ਨੂੰ ਅਕਾਸ਼ਦੀਪ ਸਿੰਘ ਨੇ ਗੋਲ 'ਚ ਬਦਲਕੇ ਭਾਰਤ ਨੂੰ ਇੱਕ ਗੋਲ ਦੀ ਲੀਡ ਦਿਵਾ ਦਿੱਤੀ। ਭਾਰਤ ਵਲੋਂ ਦੂਸਰਾ ਗੋਲ ਮੈਚ ਦੇ 43ਵੇਂ ਮਿੰਟ 'ਚ ਰੁਪਿੰਦਰਪਾਲ ਸਿੰਘ ਨੇ ਪੇਨਲਟੀ ਸਟਰੋਕ ਰਾਹੀਂ ਕੀਤਾ ਜਦਕਿ ਤੀਸਰਾ ਗੋਲ ਆਕਾਸ਼ਦੀਪ ਸਿੰਘ ਨੇ 50ਵੇਂ ਮਿੰਟ ਵਿੱਚ ਕੀਤਾ। ਅਕਾਸ਼ਦੀਪ ਸਿੰਘ ਦਾ ਵਿਸ਼ਵ ਕੱਪ 'ਚ ਇਸ ਪੰਜਵਾਂ ਗੋਲ ਸੀ। ਭਾਰਤ ਭਾਵੇਂ ਇਸ ਟੂਰਨਾਂਮੈਂਟ 'ਚ ਨੌਵੇਂ ਸਥਾਨ ਤੇ ਰਿਹਾ ਹੈ, ਪਰ ਵਿਸ਼ਵ ਦੀਆਂ ਆਲਾ ਦਰਜ਼ੇ ਦੀਆਂ ਟੀਮਾਂ ਇੰਗਲੈਂਡ, ਬੈਲਜੀਅਮ ਅਤੇ ਸਪੇਨ ਨੂੰ ਕੜ੍ਹੀ ਚਨੌਤੀ ਦਿਤੀ।

ਵਿੱਕੀ ਮੋਗਾ (ਫ਼ਿੰਨਲੈਂਡ)
Bikramjit Singh (vicky moga)
vickymoga@hotmail.com

+358 503065677
Finland.

14/06/2014