ਆਸਟ੍ਰੇਲੀਆ ਨੇ ਦੋਵੇਂ ਹਾਫ ਵਿਚ 2-2 ਗੋਲ ਕਰਕੇ ਸੋਨ ਤਮਗਾ ਜਿੱਤ ਲਿਆ। ਭਾਰਤ ਨੇ ਆਪਣੇ ਆਖਰੀ ਲੀਗ ਮੈਚ ਵਿਚ ਦੱਖਣੀ ਅਫਰੀਕਾ ਨੂੰ 5-2 ਨਾਲ ਤੇ ਸੈਮੀਫਾਈਨਲ ਵਿਚ ਨਿਊਜ਼ੀਲੈਂਡ ਨੂੰ 3-2 ਨਾਲ ਹਰਾਇਆ ਸੀ ਜਿਸ ਨਾਲ ਉਮੀਦ ਬੱਝੀ ਸੀ ਕਿ ਭਾਰਤੀ ਟੀਮ ਫਾਈਨਲ ਵਿਚ ਆਸਟ੍ਰੇਲੀਆ ਨੂੰ ਸਖਤ ਚੁਣੌਤੀ ਦੇਵੇਗੀ। ਕਪਤਾਨ ਸਰਦਾਰ ਸਿੰਘ ਸੈਮੀਫਾਈਨਲ ਵਿਚ ਇਕ ਮੈਚ ਦੀ ਮੁਅੱਤਲੀ ਕਾਰਨ ਬਾਹਰ ਰਹਿਣ ਤੋਂ ਬਾਅਦ ਫਾਈਨਲ ਵਿਚ ਪਰਤਿਆ ਪਰ ਵਿਸ਼ਵ ਚੈਂਪੀਅਨ ਆਸਟ੍ਰੇਲੀਆ ਦੀ ਸ੍ਰੇਸ਼ਠਤਾ ਦਾ ਭਾਰਤ ਕੋਲ ਕੋਈ ਜਵਾਬ ਨਹੀਂ ਸੀ। ਆਸਟ੍ਰੇਲੀਆ ਦੇ ਪੈਨਲਟੀ ਕਾਰਨਰ ਮਾਹਿਰ ਕ੍ਰਿਸ ਸਿਰਿਏਲੋ ਨੇ 13ਵੇਂ, 29ਵੇਂ ਤੇ 48ਵੇਂ ਮਿੰਟ ਵਿਚ ਪੈਨਲਟੀ ਕਾਰਨਰ 'ਤੇ ਗੋਲ ਕਰੇਕ ਆਪਣੀ ਹੈਟ੍ਰਿਕ ਪੂਰੀ ਕੀਤੀ। ਐਡੀ ਓਕੇਨਡੇਨ ਨੇ 51ਵੇਂ ਮਿੰਟ ਵਿਚ ਮੈਦਾਨੀ ਗੋਲ ਕਰਕੇ ਆਸਟ੍ਰੇਲੀਆ ਨੂੰ 4-0 ਨਾਲ ਅੱਗੇ ਕਰ ਦਿੱਤਾ। ਭਾਰਤ ਦੀ ਟੀਮ ਨੇ ਵੀ ਆਸਟ੍ਰੇਲੀਆ ਦੇ ਗੋਲਾਂ ਤੇ ਕਾਫੀ ਹਮਲੇ ਕੀਤੇ ਪਰ ਮਜ਼ਬੂਤ ਰੱਖਿਆ ਪੰਕਤੀ ਨੇ ਭਾਰਤੀ ਫ਼ਾਰਵਰਡਾ ਦੀ ਇੱਕ ਨਹੀਂ ਚੱਲਣ ਦਿੱਤੀ। ਕਾਂਸੀ ਦੇ ਤਮਗੇ ਲਈ ਇੰਗਲੈਂਡ ਅਤੇ ਨਿਊਜ਼ੀਲੈਂਡ ਦਰਮਿਆਨ ਖੇਡੇ ਗਏ ਮੁਕਾਬਲੇ ਵਿੱਚ ਇੰਗਲੈਂਡ ਨੇ ਸ਼ੂਟ ਆਉਟ ਰਾਹੀਂ ਨਿਊਜ਼ੀਲੈਂਡ ਨੂੰ ਹਰਾਕੇ ਕਾਂਸੀ ਦਾ ਤਮਗਾ ਆਪਣੇ ਨਾਮ ਕੀਤਾ। (03/08/14)

ਫ਼ਿੰਨਲੈਂਡ 2 ਅਗਸਤ (ਵਿੱਕੀ ਮੋਗਾ) ਪੁਰਸ਼ ਹਾਕੀ ਵਰਗ ´ਚ ਭਾਰਤ ਨੇ ਜ਼ਬਰਦਸਤ ਵਾਪਸੀ ਕਰਦੇ ਹੋਏ ਨਿਊਜ਼ੀਲੈਂਡ ਨੂੰ ਰੋਮਾਂਚਕ ਤੇ ਸੰਘਰਸ਼ਪੂਰਨ ਮੁਕਾਬਲੇ ਵਿੱਚ 3-2 ਨਾਲ ਹਰਾ ਕੇ ਗਲਾਸਗੋ ਰਾਸ਼ਟਰਮੰਡਲ ਖੇਡਾਂ ਦੀ ਪੁਰਸ਼ ਹਾਕੀ ਪ੍ਰਤੀਯੋਗਿਤਾ ਦੇ ਫਾਈਨਲ ਵਿੱਚ ਸਥਾਨ ਪੱਕਾ ਕਰ ਲਿਆ ਹੈ। ਸੋਨ ਤਮਗੇ ਲਈ ਉਸਦਾ ਮੁਕਾਬਲਾ ਸਾਬਕਾ ਚੈਂਪੀਅਨ ਆਸਟ੍ਰੇਲੀਆ ਨਾਲ ਹੋਵੇਗਾ ਤੇ ਇਸ ਦੇ ਨਾਲ ਹੀ ਭਾਰਤ ਦਾ ਤਮਗਾ ਜਿੱਤਣਾ ਤੈਅ ਹੋ ਗਿਆ ਹੈ। ਭਾਰਤੀ ਟੀਮ ਨੇ ਪਹਿਲੇ ਹਾਫ ਵਿਚ 0-2 ਨਾਲ ਪਿਛੜਨ ਤੋਂ ਬਾਅਦ ਅੱਧੇ ਸਮੇਂ ਦੀ ਸਮਾਪਤੀ ਤੱਕ ਸਕੋਰ 1-2 ਕੀਤਾ ਤੇ ਫਿਰ ਦੂਜੇ ਹਾਫ ਵਿਚ ਦੋ ਗੋਲ ਕਰਕੇ ਸ਼ਾਨਦਾਰ ਜਿੱਤ ਆਪਣੇ ਨਾਂ ਕੀਤੀ।

ਭਾਰਤ ਵਲੋਂ ਰੁਪਿੰਦਰ ਸਿੰਘ ਨੇ 28ਵੇਂ, ਰਮਨਦੀਪ ਸਿੰਘ ਨੇ 42ਵੇਂ ਤੇ ਆਕਾਸ਼ਦੀਪ ਸਿੰਘ ਨੇ 47ਵੇਂ ਮਿੰਟ ਵਿਚ ਗੋਲ ਕੀਤੇ ਜਦਕਿ ਨਿਊਜ਼ਲੈਂਡ ਵਲੋਂ ਸਾਈਮਨ ਚਾਇਲਡ ਨੇ ਦੂਜੇ ਤੇ ਨਿਕ ਹੇਗ ਨੇ 18ਵੇਂ ਮਿੰਟ ਵਿਚ ਗੋਲ ਕੀਤੇ। ਭਾਰਤ ਸਾਹਮਣੇ ਹੁਣ ਫਾਈਨਲ ਵਿਚ ਵਿਸ਼ਵ ਚੈਂਪੀਅਨ ਆਸਟ੍ਰੇਲੀਆ ਦੀ ਚੁਣੌਤੀ ਹੋਵੇਗੀ ਜਿਸ ਨੇ ਇਕ ਹੋਰ ਸੈਮੀਫਾਈਨਲ ਵਿਚ ਇੰਗਲੈਂਡ ਨੂੰ 4-1 ਨਾਲ ਹਰਾਇਆ। ਭਾਰਤ ਤੇ ਆਸਟ੍ਰੇਲੀਆ ਚਾਰ ਸਾਲ ਪਹਿਲਾਂ ਦਿੱਲੀ ਰਾਸ਼ਟਰਮੰਡਲ ਖੇਡਾਂ ਵਿਚ ਭਿੜੇ ਸਨ ਜਿਥੇ ਆਸਟ੍ਰੇਲੀਆ ਨੇ 8-0 ਨਾਲ ਜਿੱਤ ਦਰਜ ਕਰਕੇ ਸੋਨ ਤਮਗਾ ਆਪਣੇ ਨਾਂ ਕੀਤਾ ਸੀ। ਕਪਤਾਨ ਤੇ ਸਟਾਰ ਮਿਡਫੀਲਡਰ ਸਰਦਾਰ ਸਿੰਘ ਦੀ ਗੈਰ-ਹਾਜ਼ਰੀ ਦੇ ਬਾਵਜੂਦ ਭਾਰਤੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਸਰਦਾਰ ਨੂੰ ਲੀਗ ਮੈਚਾਂ ਵਿਚ ਅਨੁਸ਼ਾਸਨਹੀਤਣਤਾ ਦੇ ਚਲਦੇ ਇਕ ਮੈਚ ਦੀ ਮੁਅੱਤਲ ਕਰ ਦਿੱਤਾ ਗਿਆ ਸੀ। ਫ਼ਾਈਨਲ ਮੈਚ 3 ਅਗਸਤ ਨੂੰ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 4.45 ਤੇ ਖੇਡਿਆ ਜਾਵੇਗਾ। (03/08/2014)

ਫ਼ਿੰਨਲੈਂਡ 31 ਜੁਲਾਈ (ਵਿੱਕੀ ਮੋਗਾ) ਗਲਾਸਗੋ ਕਾਮਨਵੈਲਥ ਖੇਡਾਂ ਦੇ ਪੁਰਸ਼ ਹਾਕੀ ਵਰਗ ਦੇ ਪਿਛਲੇ ਮੈਚ ´ਚ ਆਸਟ੍ਰੇਲੀਆ ਤੋਂ ਹਾਰਣ ਤੋਂ ਬਾਅਦ ਭਾਰਤ ਦਾ ਅੱਜ ਦੱਖਣੀ ਅਫਰੀਕਾ ਨਾਲ ਕਰੋ ਜਾ ਮਰੋ ਦਾ ਮੁਕਾਬਲਾ ਸੀ ਜੋਕਿ ਭਾਰਤ ਨੇ ਆਸਾਨੀ ਨਾਲ 5-2 ਨਾਲ ਜਿੱਤ ਕੇ ਸੈਂਮੀਫ਼ਾਈਨਲ ਵਿੱਚ ਸਥਾਨ ਪੱਕਾ ਕਰ ਲਿਆ। ਭਾਰਤ ਨੇ ਮੈਚ ਦੇ ਸ਼ੁਰੂਆਤ ਵਿੱਚ ਹੀ ਗੋਲ ਕਰਕੇ ਵਿਰੋਧੀ ਟੀਮ ਤੇ ਦਬਦਬਾ ਬਣਾ ਲਿਆ। ਭਾਰਤ ਵਲੋਂ ਵੀ.ਆਰ. ਰਘੂਨਾਥ ਨੇ ਮੈਚ ਦੇ ਤੀਸਰੇ ਹੀ ਮਿੰਟ ´ਚ ਮਿਲੇ ਪਹਿਲੇ ਪੇਨਲਟੀ ਕਾਰਨਰ ਨੂੰ ਗੋਲ ਵਿੱਚ ਬਦਲਕੇ ਟੀਮ ਨੂੰ 1-0 ਦੀ ਬੜ੍ਹਤ ਦਿਵਾ ਦਿੱਤੀ।

ਇਸ ਤੋਂ ਬਾਅਦ ਭਾਰਤ ਵਲੋਂ ਰੁਪਿੰਦਰਪਾਲ ਸਿੰਘ, ਰਮਨਦੀਪ ਸਿੰਘ ਅਤੇ ਸੁਨੀਲ ਨੇ ਤਿੰਨ ਹੋਰ ਗੋਲ ਕਰਕੇ ਟੀਮ ਨੂੰ 4-0 ਦੀ ਬੜ੍ਹਤ ਦਿਵਾ ਦਿੱਤੀ। ਮੈਚ ਦੂਸਰੇ ਅੱਧ ਵਿੱਚ ਭਾਰਤੀ ਟੀਮ ਨੇ ਥੋੜੀ ਸੁਸਤ ਸ਼ੁਰੂਆਤ ਕੀਤੀ ਜਿਸ ਦਾ ਫਾਇਦਾ ਉਠਾਉਂਦਿਆਂ ਦੱਖਣੀ ਅਫਰੀਕਾ ਨੇ ਭਾਰਤ ਸਿਰ ਦੋ ਗੋਲ ਦਾਗ ਦਿੱਤੇ ਅਤੇ ਭਾਰਤ ਨੇ ਇੱਕ ਵਾਰ ਫੇਰ ਮੈਚ ਤੇ ਪਕੜ ਪਾਉਂਦਿਆਂ ਮਨਪ੍ਰੀਤ ਸਿੰਘ ਨੇ ਸ਼ਾਨਦਾਰ ਫ਼ੀਲਡ ਗੋਲ ਕੀਤਾ ਅਤੇ ਭਾਰਤ ਨੇ ਇਸ ਮੈਚ ਨੂੰ 5-2 ਨਾਲ ਜਿੱਤ ਲਿਆ। ਹੁਣ ਸੈਂਮੀਫ਼ਾਈਨਲ ´ਚ ਭਾਰਤ ਦਾ ਮੁਕਾਬਾਲਾ ਨਿਊਜ਼ੀਲੈਂਡ ਨਾਲ 2 ਅਗਸਤ ਨੂੰ ਹੋਵੇਗਾ। ਦੂਸਰਾ ਸੈਂਮੀਫ਼ਾਈਨਲ ਮੁਕਾਬਲਾ ਆਸਟ੍ਰੇਲੀਆ ਅਤੇ ਇੰਗਲੈਂਡ ਦਰਮਿਆਨ ਖੇਡਿਆ ਜਾਵੇਗਾ।

ਫ਼ਿੰਨਲੈਂਡ 29 ਜੁਲਾਈ (ਵਿੱਕੀ ਮੋਗਾ) ਗਲਾਸਗੋ ਕਾਮਨਵੈਲਥ ਖੇਡਾਂ ਦੇ ਪੁਰਸ਼ ਹਾਕੀ ਵਰਗ ਵਿੱਚ ਭਾਰਤ ਅੱਜ ਗਰੁੱਪ ਏ ਦੇ ਲੀਗ ਮੈਚ ਵਿੱਚ ਆਸਟ੍ਰੇਲੀਆ ਤੋਂ 2-4 ਨਾਲ ਹਾਰ ਗਿਆ ਹੈ।

ਆਪਣੇ ਪਹਿਲੇ ਦੋਨੋਂ ਮੈਚ ਜਿੱਤਣ ਤੋਂ ਬਾਅਦ ਭਾਰਤ ਨੇ ਵਿਸ਼ਵ ਚੈਂਪੀਅਨ ਆਸਟ੍ਰੇਲੀਆ ਨੂੰ ਕੜ੍ਹੀ ਟੱਕਰ ਦਿੱਤੀ। ਆਸਟ੍ਰੇਲੀਆ ਵਲੋਂ ਸੀਏਰੇਲੋ ਨੇ 5ਵੇਂ ਮਿੰਟ ਵਿੱਚ ਪੇਨਲਟੀ ਕਾਰਨਰ ਰਾਹੀਂ ਗੋਲ ਕਰਕੇ ਟੀਮ ਨੂੰ 1-0 ਨਾਲ ਅੱਗੇ ਕਰ ਦਿੱਤਾ। ਇਸ ਤੋਂ ਬਾਅਦ ਸਰਦਾਰ ਸਿੰਘ ਦੇ ਗ਼ਲਤ ਪਾਸ ਅਤੇ ਰੁਪਿੰਦਰਪਾਲ ਸਿੰਘ ਦੀ ਗ਼ਲਤੀ ਕਰਕੇ ਦੋ ਗੋਲ ਹੋਰ ਆਪਣੇ ਸਿਰ ਕਰਵਾ ਕਰਵਾ ਲਏ ਅਤੇ ਸਕੋਰ 3-0 ਹੋ ਗਿਆ। ਪਰ ਭਾਰਤ ਨੂੰ ਉਸ ਵੇਲੇ ਸਫ਼ਲਤਾ ਮਿਲੀ ਜਦੋਂ ਰੁਪਿੰਦਰਪਾਲ ਸਿੰਘ ਨੇ 35ਵੇਂ ਮਿੰਟ ਵਿੱਚ ਮਿਲੇ ਪਹਿਲੇ ਪੇਨਲਟੀ ਕਾਰਨਰ ਨੂੰ ਗੋਲ ਵਿੱਚ ਬਦਲ ਦਿੱਤਾ। ਅੱਧ ਸਮੇਂ ਤੱਕ ਭਾਰਤੀ ਟੀਮ 1-3 ਨਾਲ ਪਿਛੇ ਸੀ। ਮੈਚ ਦੇ ਦੂਸਰੇ ਅੱਧ ਵਿਚ ਭਾਰਤੀ ਟੀਮ ਨੇ ਸ਼ਾਨਦਾਰ ਵਾਪਸੀ ਕਰਦਿਆਂ 49ਵੇਂ ਮਿੰਟ ਵਿੱਚ ਰਮਨਦੀਪ ਸਿੰਘ ਦੇ ਫ਼ੀਲਡ ਗੋਲ ਦੁਆਰਾ ਸਕੋਰ ਬੋਰਡ ਨੂੰ 2-3 ਨਾਲ ਘਟਾਇਆ।

ਭਾਰਤ ਨੇ ਦੂਸਰੇ ਅੱਧ ਵਿੱਚ ਵਧੀਆ ਹਾਕੀ ਦਾ ਪ੍ਰਦਰਸ਼ਨ ਕਰਦਿਆਂ ਆਸਟ੍ਰੇਲੀਆ ਦੇ ਗੋਲਾਂ ਉੱਤੇ ਕਾਫੀ ਹਮਲੇ ਕੀਤੇ ਪਰ ਭਾਰਤੀ ਟੀਮ ਦੇ ਫ਼ਾਰਵਰਡ ਗੋਲ ਕਰਨ ਵਿੱਚ ਸਫ਼ਲ ਨਹੀ ਹੋ ਸਕੇ। ਦੂਸਰੇ ਪਾਸੇ 51ਵੇਂ ਮਿੰਟ ਵਿੱਚ ਸੇਈਰੇਲੋ ਨੇ ਪੇਨਲਟੀ ਸਟਰੋਕ ਰਾਹੀਂ ਇੱਕ ਹੋਰ ਗੋਲ ਕਰਕੇ 4-2 ਨਾਲ ਭਾਰਤ ਨੂੰ ਹਰਾ ਦਿੱਤਾ। ਹੁਣ ਭਾਰਤ ਦਾ ਅਗਲਾ ਅਤੇ ਆਖ਼ਰੀ ਲੀਗ ਮੁਕਾਬਲਾ ਦੱਖਣੀ ਅਫਰੀਕਾ ਨਾਲ ਹੋਵੇਗਾ। ਭਾਰਤ ਨੂੰ ਸੈਂਮੀਫ਼ਾਈਨਲ ´ਚ ਪਹੁੰਚਣ ਲਈ ਇਸ ਮੈਚ ਨੂੰ ਬਰਾਬਰ ਜਾਂ ਜਿੱਤਣਾ ਪਵੇਗਾ।

Bikramjit Singh (vicky moga)
vickymoga@hotmail.com
+358 503065677
Finland.

29/07/2014