ਅਕਸੀਆ ਕਲੱਬ ਨੇ ਵਾਨਤਾ ਹਾਕੀ ਕਲੱਬ ਨੂੰ 2-1 ਨਾਲ ਹਰਾਕੇ ਦੂਸਰਾ ਸਥਾਨ ਹਾਸਿਲ ਕੀਤਾ। ਵਾਰੀਅਰਜ਼ ਹਾਕੀ ਕਲੱਬ ਵਲੋਂ ਤਨਸੁੱਖ ਸਿੰਘ ਥਿੰਦ ਨੇ 8 ਗੋਲ ਕੀਤੇ ਜਦਕਿ ਗੋਲਕੀਪਰ ਜੋਬਨਵੀਰ ਸਿੰਘ ਨੇ ਟੀਮ ਲਈ ਕਈ ਸ਼ਾਨਦਾਰ ਬਚਾਵ ਕੀਤੇ। ਗੌਰਤਲਬ ਰਹੇ ਕਿ ਵਾਰੀਅਰਜ਼ ਹਾਕੀ ਕਲੱਬ ਪਿਛਲੇ ਸਾਲ ਹੀ ਸਥਾਪਿਤ ਕੀਤਾ ਗਿਆ ਹੈ ਜਿਸ ਵਿੱਚ ਸਾਰੇ ਪੰਜਾਬੀ ਬੱਚੇ ਖੇਡਦੇ ਹਨ ਜਿੰਨਾਂ ਵਿਚੋਂ ਗੋਲਕੀਪਰ: ਜੋਬਨਵੀਰ ਸਿੰਘ ਖਹਿਰਾ। ਡੀਫੈਂਡਰ:- ਪਰਮਪ੍ਰੀਤ ਸਿੰਘ ਗਿੱਲ, ਗੁਰਦਿੱਤ ਸਿੰਘ ਗਿੱਲ, ਅਦਿੱਤ ਫੁੱਲ। ਫ਼ਾਰਵਰਡ:- ਤਨਸੁੱਖ ਸਿੰਘ ਥਿੰਦ, ਮਨਰਾਜ ਸਿੰਘ ਸਹੋਤਾ, ਅਰਜੁਨਜੀਤ ਸਿੰਘ ਮੋਗਾ ਅਤੇ ਅਕਸ਼ਨੂਰ ਥਿੰਦ ਹਨ। ਟੀਮ ਦੇ ਜਿੱਤਣ ਤੇ ਕਲੱਬ ਦੇ ਮੀਤ ਪ੍ਰਧਾਨ ਸ੍ਰ. ਅਮਰਦੀਪ ਸਿੰਘ ਬਾਸੀ, ਫ਼ਿੰਨਲੈਂਡ ਹਾਕੀ ਫੈਡਰੇਸ਼ਨ ਦੇ ਮੈਂਬਰ ਸ੍ਰ. ਰਣਜੀਤ ਸਿੰਘ ਗਿੱਲ, ਪੰਜਾਬ ਕਲਚਰਲ ਸੋਸਾਇਟੀ ਦੇ ਪ੍ਰਧਾਨ ਸ੍ਰ. ਹਰਵਿੰਦਰ ਸਿੰਘ ਖਹਿਰਾ, ਨਿਰਮਲ ਸਿੰਘ ਥਿੰਦ, ਮਾਨਵ ਫ਼ੁੱਲ ਅਤੇ ਜਸਪ੍ਰੀਤ ਸਿੰਘ ਨੇ ਕਲੱਬ ਦੇ ਪ੍ਰਧਾਨ ਅਤੇ ਚੀਫ਼ ਕੋਚ ਸ੍ਰ. ਬਿਕਰਮਜੀਤ ਸਿੰਘ (ਵਿੱਕੀ ਮੋਗਾ) ਨੂੰ ਵਧਾਈਆਂ ਦਿੱਤੀਆਂ।

ਇਸ ਜਿੱਤ ਬਾਰੇ ਗੱਲਬਾਤ ਕਰਦਿਆਂ ਬਿਕਰਮਜੀਤ ਸਿੰਘ ਨੇ ਦੱਸਿਆ ਕਿ ਹਾਕੀ ਪੰਜਾਬੀਆਂ ਦੀ ਖੇਡ ਹੈ ਪੰਜਾਬੀਆਂ ਨੇ ਹਾਕੀ ਵਿੱਚ ਬਹੁਤ ਨਾਮ ਖੱਟਿਆ ਹੈ ਅਤੇ ਭਾਰਤ ਦਾ ਨਾਮ ਰੌਸ਼ਨ ਕੀਤਾ ਹੈ ਫ਼ਿੰਨਲੈਂਡ ਵਿੱਚ ਹਾਕੀ ਕਲੱਬ ਬਣਾਉਣ ਦਾ ਮਕਸਦ ਆਪਣੇ ਬੱਚਿਆਂ ਨੂੰ ਆਪਣੀ ਕੌਮੀ ਖੇਡ ਨਾਲ ਜੋੜਨਾ ਹੈ ਤਾਂ ਜੋ ਅਸੀਂ ਵਿਦੇਸ਼ਾਂ ਵਿੱਚ ਵੀ ਆਪਣੀ ਕੌਮੀ ਖੇਡ ਨੂੰ ਪ੍ਰਫੁਲਿਤ ਕਰ ਸਕੀਏ।

Bikramjit Singh (vicky moga)
vickymoga@hotmail.com
+358 503065677
Finland.

24/11/2014