ਫ਼ਿੰਨਲੈਂਡ 15 ਸਤੰਬਰ (ਵਿੱਕੀ ਮੋਗਾ) ਐਫ਼.ਆਈ.ਐਚ ਨੇ ਅੱਜ ਭੁਵਨੇਸ਼ਵਰ ਦੇ ਕਲਿੰਗਾਂ ਸਟੇਡੀਅਮ ਵਿੱਚ 6 ਦਸੰਬਰ ਤੋਂ 14 ਦਸੰਬਰ 2014 ਤੱਕ ਖੇਡੀ ਜਾਣ ਵਾਲੀ ਪੁਰਸ਼ ਹੀਰੋ ਹਾਕੀ ਚੈਂਪੀਅਨਸ ਟਰਾਫੀ ਦੇ ਪੂਲਾਂ ਦਾ ਐਲਾਨ ਕਰ ਦਿੱਤਾ ਹੈ। ਮੇਜ਼ਬਾਨ ਦੇਸ਼ ਭਾਰਤ ਨੂੰ ਵਿਸ਼ਵ ਕੱਪ ਦੇ ਉੱਪ-ਵਿਜੇਤਾ ਨੀਦਰਲੈਂਡ,ਜਰਮਨੀ ਅਤੇ ਅਰਜਨਟੀਨਾ ਸਮੇਤ ਗਰੁੱਪ ਬੀ ਵਿੱਚ ਰੱਖਿਆ ਗਿਆ ਹੈ ਜਦਕਿ ਗਰੁੱਪ ਏ ਵਿੱਚ ਵਿਸ਼ਵ ਕੱਪ ਜੇਤੂ ਆਸਟ੍ਰੇਲੀਆ ਸਮੇਤ ਬੈਲਜੀਅਮ,ਇੰਗਲੈਂਡ ਅਤੇ ਪਾਕਿਸਤਾਨ ਨੂੰ ਜਗ੍ਹਾ ਮਿਲੀ ਹੈ। ਚੈਂਪੀਅਨਸ ਟਰਾਫੀ ਪੁਰਸ਼ ਹਾਕੀ ਚੈਂਪੀਅਨਸ ਟਰਾਫੀ ਦਾ ਆਗਾਜ਼ 1978 ਵਿੱਚ ਪਾਕਿਸਤਾਨ ਦੇ ਲਹੌਰ ਵਿੱਚ ਹੋਇਆ ਸੀ ਜਿੱਥੇ ਪਾਕਿਸਤਾਨ ਨੇ ਸੋਨੇ ਦਾ ਤਮਗਾ ਜਿੱਤਿਆ ਸੀ। ਪਾਕਿਸਤਾਨ ਹੀ ਏਸ਼ੀਆ ਦੀ ਇੱਕੋ-ਇੱਕ ਟੀਮ ਹੈ ਜਿਸਨੂੰ ਇਸ ਟਰਾਫੀ ਨੂੰ ਤਿੰਨ ਵਾਰ ਜਿੱਤਣ ਦਾ ਮਾਣ ਪ੍ਰਾਪਤ ਹੋਇਆ ਹੈ। ਗੌਰਤਾਬ ਰਹੇ ਕਿ ਪਾਕਿਸਤਾਨ ਇਤਿਹਾਸ ਵਿੱਚ ਪਹਿਲੀ ਵਾਰ 2014 ਦੇ ਵਿਸ਼ਵ ਹਾਕੀ ਸ਼ਮੂਲੀਅਤ ਨਹੀਂ ਕਰ ਸਕਿਆ ਸੀ। ਜਿਥੇ ਵਿਸ਼ਵ ਵਿਜੇਤਾ ਆਸਟ੍ਰੇਲੀਆ ਇਸ ਟਰਾਫੀ ਨੂੰ 13 ਵਾਰ ਜਿੱਤ ਚੁੱਕਾ ਹੈ ਅਤੇ ਲਗਾਤਰ ਪਿਛਲੇ ਪੰਜ ਖ਼ਿਤਾਬ ਵੀ ਆਸਟ੍ਰੇਲੀਆ ਦੀ ਹੀ ਝੋਲੀ ਵਿੱਚ ਡਿੱਗੇ ਹਨ। ਆਸਟ੍ਰੇਲੀਆ ਛੇਵੀਂ ਵਾਰ ਚੈਂਪੀਅਨਸ ਟਰਾਫੀ ਨੂੰ ਜਿੱਤਣ ਲਈ ਮੈਦਾਨ ਵਿੱਚ ਨਿਤਰੇਗਾ। ਭਾਰਤ ਦਾ ਚੈਂਪੀਅਨਸ ਟਰਾਫੀ ਵਿੱਚ ਕੁਝ ਖਾਸ ਪ੍ਰਦਰਸ਼ਨ ਨਹੀਂ ਰਿਹਾ ਹੈ ਭਾਰਤ ਕਦੇ ਵੀ ਚੈਂਪੀਅਨਸ ਟਰਾਫੀ ਦੇ ਫ਼ਾਈਨਲ ਵਿੱਚ ਆਪਣੀ ਜਗ੍ਹਾ ਨਹੀਂ ਬਣਾ ਸਕਿਆ ਹੈ। ਭਾਰਤ ਨੇ ਸਿਰਫ਼ ਇੱਕ ਵਾਰ 1982 ਵਿੱਚ ਨੀਦਰਲੈਂਡ 'ਚ ਕਾਰਵਾਈ ਗਈ ਚੈਂਪੀਅਨਸ ਟਰਾਫੀ ਵਿੱਚ ਕਾਂਸੀ ਦਾ ਤਮਗਾ ਜਿੱਤਿਆ ਸੀ। ਇਸ ਵਿਚਾਲੇ ਹਾਕੀ ਇੰਡੀਆ ਦੇ ਮਹਾਸਕੱਤਰ ਨਰਿੰਦਰ ਬੱਤਰਾ ਨੇ ਕਿਹਾ, ''ਭਾਰਤ ਦੁਨੀਆ ਦੀ ਧਾਕੜ ਟੀਮਾਂ ਦੀ ਮੇਜ਼ਬਾਨੀ ਕਰਨ ਲਈ ਤਿਆਰ ਹੈ ਜਿਹੜੀਆਂ ਦਸੰਬਰ ਵਿਚ ਭੁਵਨੇਸ਼ਵਰ ਵਿਚ ਖੇਡਣ ਆਉਣਗੀਆਂ। ਅਸੀਂ ਇਸ ਟੂਰਨਾਮੈਂਟ ਨੂੰ ਲੈ ਕੇ ਉਤਸ਼ਾਹਿਤ ਹਾਂ।''

ਐਫ਼.ਆਈ.ਐਚ ਦੇ ਪ੍ਰਧਾਨ ਐਲ. ਨੇਗਰੇ ਨੇ ਕਿਹਾ ਕਿ ਅਸੀਂ ਇਸ ਟੂਰਨਾਂਮੈਂਟ ਦੇ ਪ੍ਰਤੀ ਕਾਫੀ ਉਤਸ਼ਾਹਿਤ ਹਾਂ ਕਿਉਂਕੀ ਭੁਵਨੇਸ਼ਵਰ ਦੇ ਲੋਕ ਹਾਕੀ ਨੂੰ ਬਹੁਤ ਪਿਆਰ ਕਰਦੇ ਹਨ ਜਿਸਦਾ ਸਬੂਤ ਹਾਕੀ ਇੰਡੀਆਂ ਲੀਗ ਦੌਰਾਨ ਦੇਖਣ ਨੂੰ ਮਿਲਿਆ ਜਿਸ ਦੌਰਾਨ ਸਟੇਡੀਅਮ ਫੁੱਲ ਭਰਿਆ ਹੋਇਆ ਹੁੰਦਾ ਸੀ। ਮੈਨੂੰ ਉਮੀਦ ਹੈ ਕਿ ਚੈਂਪੀਅਨਸ ਟਰਾਫੀ ਦੌਰਾਨ ਵੀ ਭੁਵਨੇਸ਼ਵਰ ਦੇ ਲੋਕ ਹਾਕੀ ਨੂੰ ਇਸੇ ਤਰਾਂ ਨਾਲ ਦੇਖਣ ਆਉਣਗੇ।

Bikramjit Singh (vicky moga)
vickymoga@hotmail.com
+358 503065677
Finland.

15/09/2014