ਏਸ਼ੀਆ ਦੀਆਂ ਦੋ ਪੁਰਾਣੀਆਂ ਵਿਰੋਧੀ ਟੀਮਾਂ ਵਿਚਾਲੇ ਇਹ ਹਾਈ ਵੋਲਟੇਟਜ਼ ਮੁਕਾਬਲਾ ਖੇਡ ਦੀ ਚਰਮ ਸੀਮਾ ਨੂੰ ਛੂੰਹਦਾ ਰਿਹਾ। ਫਾਈਨਲ ਵਿਚ ਜਿਸ ਤਰ੍ਹਾਂ ਦਾ ਉੱਚ ਪੱਧਰੀ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਸੋਨ ਤਮਗੇ ਦਾ ਫੈਸਲਾ ਵੀ ਪੈਨਲਟੀ ਸ਼ੂਟਆਊਟ ਵਿਚ ਜਾ ਕੇ ਹੋਇਆ ਜਿਸ ਵਿਚ ਭਾਰਤ ਦੀ ਜਿੱਤ ਦਾ ਹੀਰੋ ਗੋਲਕੀਪਰ ਪੀ. ਆਰ. ਸ਼੍ਰੀਜੇਸ਼ ਰਿਹਾ ਜਿਸ ਨੇ ਦੋ ਸ਼ਾਨਦਾਰ ਬਚਾਅ ਕੀਤੇ। ਅੱਜ ਮੜੇ ਮੈਚ ਵਿੱਚ ਪਾਕਿਸਤਾਨ ਨੂੰ ਤੀਜੇ ਹੀ ਮਿੰਟ ਵਿਚ ਰਿਜਵਾਨ ਮੁਹੰਮਦ ਸੀਨੀਅਰ ਦੇ ਸ਼ਾਨਦਾਰ ਮੈਦਾਨੀ ਗੋਲ ਨੇ ਬੜ੍ਹਤ ਦਿਵਾ ਦਿੱਤੀ। ਭਾਰਤ ਨੇ ਬਰਾਬਰੀ ਕਰਨ ਦੇ ਜ਼ਬਰਦਸਤ ਯਤਨ ਕੀਤੇ ਤੇ ਉਸ ਨੂੰ ਕਾਮਯਾਬੀ ਲਈ ਦੂਜੇ ਕੁਆਰਟਰ ਤਕ ਇੰਤਜ਼ਾਰ ਕਰਨਾ ਪਿਆ। ਆਖਿਰ ਕੋਠਾਜੀਤ ਸਿੰਘ ਨੇ 27ਵੇਂ ਮਿੰਟ ਵਿਚ ਭਾਰਤ ਲਈ ਬਰਾਬਰੀ ਦਾ ਗੋਲ ਕੀਤਾ। ਵਿਸ਼ਵ ਦੀ ਅੱਠਵੇਂ ਨੰਬਰ ਦੀ ਟੀਮ ਭਾਰਤ ਨੇ ਸਾਬਕਾ ਚੈਂਪੀਅਨ ਪਾਕਿਸਤਾਨ ਨੂੰ ਨਿਰਧਾਰਿਤ ਸਮੇਂ ਵਿਚ 1-1 ਦੀ ਬਰਾਬਰੀ 'ਤੇ ਰੋਕ ਦਿੱਤਾ। ਪੈਨਲਟੀ ਸ਼ੂਟਆਊਟ ਦੌਰਾਨ ਅਕਾਸ਼ਦੀਪ ਸਿੰਘ ਨੇ ਭਾਰਤ ਦਾ ਪਹਿਲਾ ਸ਼ਾਟ ਨਿਸ਼ਾਨੇ 'ਤੇ ਲਗਾਇਆ ਜਦਕਿ ਪਾਕਿ ਦਾ ਅਬਦੁਲ ਹਸੀਮ ਖਾਨ ਮੌਕਾ ਗੁਆ ਬੈਠਾ। ਰੁਪਿੰਦਰਪਾਲ ਸਿੰਘ ਨੇ ਭਾਰਤ ਦਾ ਦੂਜਾ ਯਤਨ ਵੀ ਨਿਸ਼ਾਨੇ 'ਤੇ ਲਗਾਇਆ। ਪਾਕਿ ਦਾ ਮੁਹੰਮਦ ਵਕਾਸ ਆਪਣੀ ਟੀਮ ਦੇ ਦੂਜੇ ਯਤਨ 'ਤੇ ਸ਼੍ਰੀਜੇਸ਼ ਨੂੰ ਝਕਾਨੀ ਦੇਣ ਵਿਚ ਨਾਕਾਮਯਾਬ ਰਿਹਾ। ਮਨਪ੍ਰੀਤ ਸਿੰਘ ਤੀਜੇ ਯਤਨ ਵਿਚ ਖੁੰਝ ਗਿਆ ਪਰ ਮੁਹੰਮਦ ਉਮਰ ਭੱਟ ਦੇ ਯਤਨ ਨੂੰ ਸ਼੍ਰੀਜੇਸ਼ ਨੇ ਬਾਹਰ ਕੱਢ ਕੇ ਪਾਕਿਸਤਾਨ ਨੂੰ ਦਬਾਅ ਵਿਚ ਲਿਆ ਦਿੱਤਾ।

ਬਰਿੰਦਰ ਲਾਰੜਾ ਨੇ ਭਾਰਤ ਵਾਲੋ ਚੌਥੇ ਯਤਨ ਨੂੰ ਗੋਲ ਵਿੱਚ ਪਹੁੰਚਾ ਦਿੱਤਾ। ਪਾਕਿਤਾਨ ਦੇ ਸ਼ਪਕਤ ਰਸੂਲ ਨੇ ਸ਼੍ਰੀਜੇਸ਼ ਨੂੰ ਚਮਕਾ ਦੇ ਕੇ ਆਪਣ ਟੀਮ ਦਾ ਦੂਜਾ ਨਿਸ਼ਾਨਾ ਲਗਾਇਆ। ਹੁਣ ਵਾਰੀ ਧਰਮਵੀਰ ਸਿੰਘ ਦੀ ਸੀ। ਧਰਮਵੀਰ ਨੇ ਆਪਣੇ ਨਾਂ ਦੇ ਅਨੁਕੂਲ ਭਾਰਤ ਦਾ ਚੌਥਾ ਯਤਨ ਜਿਵੇਂ ਹੀ ਗੋਲ ਵਿਚ ਪਹੁੰਚਾਇਆ, ਸਟੇਡੀਅਮ ਵਿਚ ਬੈਠੇ ਭਾਰਤੀ ਸਮਰਥਕ ਖੁਸ਼ੀ ਨਾਲ ਨੱਚ ਉਠੇ। ਇਸ ਤੋਂ ਬਾਅਦ ਤਾਂ ਸਟੇਡੀਅਮ ਵਿਚ ਬਾਰਤੀ ਖਿਡਾਰੀਆਂ ਨੇ ਜਸ਼ਨ ਮਨਾਉਣਾ ਸ਼ੁਰੂ ਕਰ ਦਿੱਤਾ ਤੇ ਉਨ੍ਹਾਂ ਨੇ ਕੋਚ ਟੈਰੀ ਵਾਲਸ਼ ਨਾਲ ਤਿਰੰਗਾ ਲੈ ਕੇ ਸਟੇਡੀਅਮ ਦਾ ਚੱਕਰ ਲਗਾਇਆ। ਭਾਰਤ ਨੂੰ ਇਹ ਜਿੱਤ ਲੰਬੇ ਇੰਤਜ਼ਾਰ ਤੇ ਸਖਤ ਮਿਹਨਤ ਤੋਂ ਬਾਅਦ ਮਿਲੀ। (02/10/2014)

ਇਸ ਤੋਂ ਪਹਿਲਾਂ ਭਾਰਤ ਨੂੰ 1986 ਦੀਆਂ ਸੋਲ ਏਸ਼ੀਆਡ ਵਿਚ ਕਾਂਸੀ ਤਮਗਾ ਮਿਲਿਆ ਸੀ ਜਦਕਿ ਆਪਣੀ ਮੇਜ਼ਬਾਨੀ ਵਿਚ 1982 ਵਿਚ ਹੋਈਆਂ ਏਸ਼ੀਆਈ ਖੇਡਾਂ ਵਿਚ ਭਾਰਤ ਨੇ ਸੋਨ ਤਮਗਾ ਜਿੱਤਿਆ ਸੀ। ਅੱਜ ਖੇਡੇ ਗਏ ਮੈਚ ਵਿੱਚ ਭਾਰਤੀ ਮਹਿਲਾ ਟੀਮ ਨੇ ਤੇਜ਼ ਤਰਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ। ਭਾਰਤ ਨੇ ਦੂਜੇ ਤੇ ਤੀਜੇ ਕੁਆਰਟਰ ਵਿਚ 1-1 ਗੋਲ ਕੀਤਾ ਜਦਕਿ ਜਾਪਾਨ ਦਾ ਇਕ ਗੋਲ ਤੀਜੇ ਕੁਆਰਟਰ ਵਿਚ ਹੋਇਆ। ਭਾਰਤ ਵਲੋਂ ਜਸਪ੍ਰੀਤ ਕੌਰ ਨੇ 23ਵੇਂ ਮਿੰਟ ਵਿਚ ਪੈਨਲਟੀ ਕਾਰਨਰ ਰਾਹੀਂ ਪਹਿਲਾ ਗੋਲ ਕੀਤਾ। ਜਾਪਾਨ ਨੇ ਬਰਾਬਰੀ ਦਾ ਗੋਲ ਹਾਸਿਲ ਕਰਨ ਦੀ ਕੋਸ਼ਿਸ਼ ਵਿਚ ਭਾਰਤੀ ਗੋਲ 'ਤੇ ਵਾਰ-ਵਾਰ ਹਮਲੇ ਕੀਤੇ ਜਿਸ ਦੌਰਾਨ ਅਕਾਨੇ ਸ਼ਿਬਾਤਾ ਨੇ 41ਵੇਂ ਮਿੰਟ ਵਿਚ ਮੈਦਾਨੀ ਗੋਲ ਕਰਕੇ ਜਾਪਾਨ ਨੂੰ 1-1 ਦੀ ਬਰਾਬਰੀ 'ਤੇ ਲਿਆ ਖੜ੍ਹਾ ਕੀਤਾ। ਇਸ ਦੇ ਅਗਲੇ ਹੀ ਮਿੰਟ ਵਿਚ ਵੰਦਨਾ ਕਟਾਰੀਆ ਨੇ ਮੌਕੇ ਦਾ ਫਾਇਦਾ ਚੁੱਕਦੇ ਹੋਏ ਭਾਰਤ ਵਲੋਂ ਦੂਜਾ ਗੋਲ ਕਰ ਦਿੱਤਾ ਅਤੇ ਕਾਂਸੀ ਦਾ ਤਮਗਾ ਭਾਰਤ ਦੀ ਝੋਲੀ ਵਿੱਚ ਪਾ ਦਿੱਤਾ। ਭਾਰਤੀ ਮਹਿਲਾ ਟੀਮ ਨੇ ਇਸ ਵਾਰ ਕਾਂਸੀ ਦਾ ਤਮਗਾ ਜਿੱਤਕੇ 2010 ਏਸ਼ੀਅਨ ਖੇਡਾਂ ਵਿੱਚ ਜਪਾਨ ਤੋਂ ਕਾਂਸੀ ਦੇ ਤਮਗੇ ਲਈ ਮਿਲੀ ਹਾਰ ਦਾ ਬਦਲਾ ਵੀ ਲੈ ਲਿਆ। (01/10/2014)

ਫ਼ਿੰਨਲੈਂਡ 30 ਸਤੰਬਰ (ਵਿੱਕੀ ਮੋਗਾ) ਦੱਖਣੀ ਕੋਰੀਆ ਦੇ ਇੰਚਿਓਨ ਵਿੱਚ ਚੱਲ ਰਹੀਆਂ 17ਵੀਆਂ ਏਸ਼ੀਅਨ ਖੇਡਾਂ ਦੇ ਪੁਰਸ਼ ਹਾਕੀ ਦੇ ਪਹਿਲੇ ਸੈਂਮੀਫ਼ਾਈਨਲ ਮੈਚ ਵਿੱਚ ਭਾਰਤ ਨੇ ਮੇਜ਼ਬਾਨ ਦੱਖਣੀ ਕੋਰੀਆ ਨੂੰ 1-0 ਨਾਲ ਹਰਾਕੇ 12 ਸਾਲ ਬਾਅਦ ਫ਼ਾਈਨਲ ਵਿੱਚ ਆਪਣਾ ਸਥਾਨ ਪੱਕਾ ਕਰ ਲਿਆ ਹੈ।

ਹੁਣ ਭਾਰਤ ਦਾ ਮੁਕਾਬਲਾ ਫ਼ਾਈਨਲ ਵਿੱਚ ਰਵਾਇਤੀ ਵਿਰੋਧੀ ਪਾਕਿਸਤਾਨ ਨਾਲ ਹੋਵੇਗਾ ਹਲਾਂਕੇ ਲੀਗ ਮੈਚਾਂ ਦੌਰਾਨ ਭਾਰਤ ਨੂੰ ਪਾਕਿਸਤਾਨ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਅੱਜ ਖੇਡੇ ਗਏ ਦੂਸਰੇ ਸੈਂਮੀਫ਼ਾਈਨਲ ਮੈਚ ਵਿੱਚ ਪਾਕਿਸਤਾਨ ਨੇ ਮਲੇਸ਼ੀਆ ਨੂੰ ਪੇਨਲਟੀ ਸ਼ੂਟ ਆਉਟ ਰਾਹੀਂ ਹਰਾਕੇ ਫ਼ਾਈਨਲ ਵਿੱਚ ਆਪਣਾ ਸ੍ਤਾਹਾਂ ਪੱਕਾ ਕੀਤਾ ਹੈ। ਅੱਜ ਖੇਡੇ ਗਏ ਪਹਿਲੇ ਸੈਂਮੀਫ਼ਾਈਨਲ ਮੈਚ ਵਿੱਚ ਭਾਰਤ ਨੇ ਫਾਰਵਰਡ ਅਕਾਸ਼ਦੀਪ ਸਿੰਘ ਦੇ ਇਕੋ-ਇਕ ਗੋਲ ਕਰਕੇ ਭਾਰਤ ਨੂੰ ਫ਼ਾਈਨਲ ਵਿੱਚ ਪਹੁੰਚਿਆ। ਭਾਰਤ ਲਈ ਇਸ ਬੇਹੱਦ ਸੰਘਰਸ਼ਪੂਰਨ ਮੁਕਾਬਲੇ ਵਿਚ ਮੈਚ ਦਾ ਇਕੋ ਇਕ ਜੇਤੂ ਗੋਲ ਅਕਾਸ਼ਦੀਪ ਨੇ ਤੀਜੇ ਕੁਆਰਟਰ ਵਿਚ 44ਵੇਂ ਮਿੰਟ ਵਿਚ ਕੀਤਾ।

ਭਾਰਤ ਆਖਰੀ ਵਾਰ 2002 ਦੇ ਬੁਸਾਨ ਏਸ਼ੀਆਈ ਖੇਡਾਂ ਦੇ ਫਾਈਨਲ ਵਿਚ ਪਹੁੰਚਿਆ ਸੀ। ਭਾਰਤ ਨੂੰ ਪਿਛਲੀ ਵਾਰ ਮਲੇਸ਼ੀਆ ਤੋਂ ਹਾਰ ਝੱਲਣੀ ਪਈ ਸੀ ਜਦਕਿ 2006 ਵਿਚ ਉਹ ਸੈਮੀਫਾਈਨਲ ਲਈ ਕੁਆਲੀਫਾਈ ਵੀ ਨਹੀਂ ਕਰ ਸਕਿਆ ਸੀ। ਭਾਰਤ ਨੇ ਆਖਿਰੀ ਵਾਰ ਏਸ਼ੀਆਈ ਖੇਡਾਂ ਦਾ ਸੋਨ ਤਮਗਾ 1998 ਦੀਆਂ ਬੈਕਾਂਕ ਏਸ਼ੀਆਡ ਵਿਚ ਦੱਖਣੀ ਕੋਰੀਆ ਨੂੰ ਪੈਨਲਟੀ ਸ਼ੂਟਆਊਟ ਵਿਚ ਹਰਾ ਕੇ ਜਿੱਤਿਆ ਸੀ ਜਦਕਿ 2002 ਵਿਚ ਏਸ਼ੀਆਡ ਦੇ ਫਾਈਨਲ ਵਿਚ ਭਾਰਤ ਨੂੰ ਕੋਰੀਆ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਭਾਰਤ ਨੇ 12 ਸਾਲਾਂ ਦੇ ਲੰਬੇ ਸਮੇਂ ਤੋਂ ਬਾਅਦ ਕੋਰੀਆ ਤੋਂ ਉਸੇ ਹਾਰ ਦਾ ਬਦਲਾ ਲੈ ਲਿਆ ਤੇ ਫਾਈਨਲ ਵਿਚ ਸਥਾਨ ਬਣਾਇਆ। ਭਾਰਤ ਅਤੇ ਪਾਕਿਸਤਾਨ ਦਰਮਿਆਨ ਫ਼ਾਈਨਲ ਮੈਚ ਹੁਣ 2 ਅਕਤੂਬਰ ਨੂੰ ਖੇਡਿਆ ਜਾਵੇਗਾ।

Bikramjit Singh (vicky moga)
vickymoga@hotmail.com
+358 503065677
Finland.

30/09/2014