ਫ਼ਿੰਨਲੈਂਡ 14 ਸਤੰਬਰ (ਵਿੱਕੀ ਮੋਗਾ) ਕਿੱਲਪਰੀ ਹਾਕੀ ਕਲੱਬ ਤੁਰਕੂ ਨੇ ਯੂਨਾਈਡ ਹਾਕੀ ਕਲੱਬ ਸੇਇਨਾਜੋਕੀ ਨੂੰ ਫ਼ਾਈਨਲ 'ਚ ਹਰਾਕੇ ਫ਼ਿੰਨਲੈਂਡ ਹਾਕੀ ਚੈਂਪੀਅਨਸ਼ਿਪ ਤੇ ਲਗਾਤਾਰ ਦੂਸਰੀ ਵਾਰ ਕਬਜ਼ਾ ਕੀਤਾ ਹੈ। ਇਸ ਵਾਰ ਫ਼ਿੰਨਲੈਂਡ ਹਾਕੀ ਚੈਂਪੀਅਨਸ਼ਿਪ ਵਿੱਚ 6 ਟੀਮਾਂ ਕਿੱਲਪਰੀ ਹਾਕੀ ਕਲੱਬ ਤੁਰਕੂ, ਯੂਨਾਈਡ ਹਾਕੀ ਕਲੱਬ ਸੇਇਨਾਜੋਕੀ, ਵਾਰੀਅਰਜ਼ ਹਾਕੀ ਕਲੱਬ ਹੇਲਸਿੰਕੀ, ਏ.ਬੀ.ਸੀ. ਹਾਕੀ ਕਲੱਬ ਹੇਲਸਿੰਕੀ, ਐਚ.ਟੀ-85 ਹੇਮੈਲੀਨਾ ਅਤੇ ਬੀ.ਐਮ.ਟੀ. ਲਾਹਤੀ ਨੇ ਹਿੱਸਾ ਲਿਆ। ਜਿਸ ਵਿਚੋਂ ਤੁਰਕੂ ਅਤੇ ਸੇਇਨਾਜੋਕੀ ਦੀਆਂ ਟੀਮਾਂ ਫ਼ਾਈਨਲ ਵਿੱਚ ਪਹੁੰਚੀਆਂ।

ਸੇਇਨਾਜੋਕੀ ਹਾਕੀ ਸਟੇਡੀਅਮ ਵਿੱਚ ਖੇਡੇ ਗਏ ਪਹਿਲੇ ਫਾਈਨਲ ਵਿੱਚ ਕਿੱਲਪਰੀ ਹਾਕੀ ਕਲੱਬ ਤੁਰਕੂ ਨੇ ਮੇਜ਼ਬਾਨ ਟੀਮ ਯੂਨਾਈਡ ਹਾਕੀ ਕਲੱਬ ਸੇਇਨਾਜੋਕੀ ਨੂੰ 1-0 ਨਾਲ ਹਰਾਕੇ 3 ਅੰਕ ਹਾਸਿਲ ਕੀਤੇ ਜਦਕਿ ਤੁਰਕੂ ਵਿੱਚ ਖੇਡਿਆ ਗਿਆ ਦੂਸਰਾ ਫ਼ਾਈਨਲ 1-1 ਨਾਲ ਬਰਾਬਰੀ ਤੇ ਰਿਹਾ ਜਿਸ ਕਰਕੇ ਕਿੱਲਪਰੀ ਹਾਕੀ ਕਲੱਬ ਤੁਰਕੂ ਲਗਾਤਰ ਦੂਸਰੀ ਵਾਰ ਕੱਪ ਤੇ ਕਬਜਾ ਕੀਤਾ ਜਦਕਿ ਏ.ਬੀ.ਸੀ. ਹਾਕੀ ਕਲੱਬ ਹੇਲਸਿੰਕੀ ਨੇ ਐਚ.ਟੀ-85 ਹੇਮੈਲੀਨਾ ਨੂੰ 2-1 ਨਾਲ ਹਰਾਕੇ ਤੀਸਰਾ ਸਥਾਨ ਹਾਸਿਲ ਕੀਤਾ। ਫ਼ਿੰਨਲੈਂਡ ਹਾਕੀ ਫੈਡੇਰੇਸ਼ਨ ਦੇ ਪ੍ਰਧਾਨ ਮੀਕਾ ਰਿਹੀਤਿਲਾ ਨੇ ਦੱਸਿਆ ਕੀ ਇਸ ਵਾਰ ਆਉਟਡੋਰ ਹਾਕੀ ਦਾ ਸੀਜ਼ਨ ਕਾਫ਼ੀ ਕਾਮਯਾਬ ਰਿਹਾ ਹੁਣ 20 ਸਤੰਬਰ ਨੂੰ ਹੇਮੈਲੀਨਾ ਵਿੱਚ ਜੂਨੀਅਰ ਹਾਕੀ ਲੀਗ ਅਤੇ 35 ਸਾਲ ਤੋਂ ਉੱਪਰ ਵਰਗ ਦੇ ਮੁਕਾਬਲੇ ਕਰਵਾਏ ਜਾਣਗੇ ਅਤੇ ਫੇਰ ਅਕਤੂਬਰ ਵਿੱਚ ਇੰਨਡੋਰ ਹਾਕੀ ਦਾ ਸੈਸ਼ਨ 2014-2015 ਦੀ ਸ਼ੁਰੂਆਤ ਹੋ ਜਾਵੇਗੀ। ਉਨ੍ਹਾਂ ਇਹ ਵੀ ਦੱਸਿਆ ਕਿ 2015 ਵਿੱਚ ਫ਼ਿੰਨਲੈਂਡ ਇਕ ਅੰਤਰਰਾਸ਼ਟਰੀ ਇੰਨਡੋਰ ਹਾਕੀ ਟੂਰਨਾਂਮੈਂਟ ਦੀ ਮੇਜ਼ਬਾਨੀ ਵੀ ਕਰਨ ਜਾ ਰਿਹਾ ਹੈ।

Bikramjit Singh (vicky moga)
vickymoga@hotmail.com
+358 503065677
Finland.

14/09/2014