ਫ਼ਿੰਨਲੈਂਡ 9 ਅਗਸਤ (ਵਿੱਕੀ ਮੋਗਾ) ਬੀਤੀ ਸ਼ਾਮ ਹੇਲਸਿੰਕੀ ਦੇ ਉਲੰਪਿਕ ਸਟੇਡੀਅਮ ਵਿੱਚ ਹੇਲਸਿੰਕੀ ਫ਼ੁੱਟਬਾਲ ਕਲੱਬ (ਐਚ.ਜੇ.ਕੇ) ਅਤੇ ਐਫ.ਸੀ.ਬਾਰਸੀਲੋਨਾ ਦਰਮਿਆਨ ਇੱਕ ਦੋਸਤਾਨਾ ਮੈਚ ਖੇਡਿਆ ਗਿਆ ਜਿਸਨੂੰ ਬਾਰਸੀਲੋਨਾ ਨੇ 6-0 ਨਾਲ ਆਸਾਨੀ ਨਾਲ ਜਿੱਤ ਲਿਆ। ਕਰੀਬ 40 ਹਜ਼ਾਰ ਤੋਂ ਵੀ ਵੱਧ ਫ਼ੁੱਟਬਾਲ ਪ੍ਰੇਮੀਆਂ ਨਾਲ ਭਰੇ ਸਟੇਡੀਅਮ ਵਿੱਚ ਮੇਸੀ ਦੀ ਕਮੀ ਸਾਫ਼ ਖਟਕਦੀ ਦਿਖਾਈ ਦੇ ਰਹੀ ਸੀ।

ਇਸ ਮੈਚ ਵਿੱਚ ਬਾਰਸੀਲੋਨਾ ਵਲੋਂ ਕਈ ਸਟਾਰ ਖਿਡਾਰੀ ਨਹੀਂ ਖੇਡਣ ਆਏ। ਮੇਸੀ,ਨਿਉਮਾਰ, ਸਾਵੀ ਜਿਹੇ ਨਾਮੀ ਖਿਡਾਰੀ ਹੇਲਸਿੰਕੀ ਵਾਲੇ ਮੈਚ ´ਚ ਨਹੀਂ ਖੇਡਣ ਆਏ ਪਰ ਇਸ ਦੇ ਬਾਵਜੂਦ ਵੀ ਫ਼ਿੰਨਲੈਂਡ ਦੇ ਫ਼ੁੱਟਬਾਲ ਪ੍ਰੇਮੀਆਂ ਨੇ ਮੈਚ ਦਾ ਭਰਪੂਰ ਅਨੰਦ ਮਾਣਿਆ ਅਤੇ ਪੂਰੇ ਜੋਸ਼ੋਖਰੋਸ਼ ਨਾਲ ਬਾਰਸੀਲੋਨਾ ਦੇ ਖਿਡਾਰੀਆਂ ਦਾ ਸਵਾਗਤ ਕੀਤਾ। ਮੈਚ ਦੇ 5ਵੇਂ ਹੀ ਮਿੰਟ ਵਿੱਚ ਹੀ ਬਾਰਸੀਲੋਨਾ ਵਲੋਂ ਮੁਨੀਰ ਹਾਡਰੀ ਨੇ ਗੋਲ ਕਰਕੇ ਟੀਮ ਲਈ ਖਾਤਾ ਖੋਲਿਆ ਇਸ ਤੋਂ ਬਾਅਦ ਬਾਰਸੀਲੋਨਾ ਵਲੋਂ 8ਵੇਂ ਮਿੰਟ ´ਚ ਸਰਜੀ ਰੋਬੇਰਟੋ, 16ਵੇਂ ਮਿੰਟ ´ਚ ਮੁਨੀਰ, 23ਵੇਂ ਮਿੰਟ ´ਚ ਗੇਰਾਡੀ, 49ਵੇਂ ਮਿੰਟ ´ਚ ਮਾਰਕ ਬਰਤਾਰਾ ਅਤੇ 81ਵੇਂ ਮਿੰਟ ´ਚ ਸਾਂਡਰੋ ਨੇ ਗੋਲ ਕਰਕੇ ਬਾਰਸੀਲੋਨਾ ਨੂੰ 6-0 ਦੀ ਆਸਾਨ ਜਿੱਤ ਦਿਵਾ ਦਿੱਤੀ। ਐਚ.ਜੇ.ਕੇ ਫ਼ੁੱਟਬਾਲ ਕਲੱਬ ਵਲੋਂ ਫ਼ਿੰਨਲੈਂਡ ਵਿੱਚ ਇਸ ਮੈਚ ਨੂੰ ਕਰਵਾਉਣ ਦਾ ਮੁੱਖ ਮਕਸਦ ਫ਼ਿੰਨਲੈਂਡ ਦੀ ਨਵੀਂ ਪਨੀਰੀ ਵਿੱਚ ਫ਼ੁੱਟਬਾਲ ਦੀ ਖੇਡ ਨੂੰ ਉਤਸ਼ਾਹਿਤ ਕਰਨਾ ਸੀ।

Bikramjit Singh (vicky moga)
vickymoga@hotmail.com
+358 503065677
Finland.

29/07/2014