ਨਵੀਆਂ ਅਤੇ ਖੇਡ ਨੂੰ ਤੇਜ-ਤਰਾਰ ਕਰਨ ਵਾਲੀਆਂ ਅਹਿਮ ਸੋਧਾਂ ਵਾਲੇ ਸਰਕਲ ਸਟਾਈਲ ਕਬੱਡੀ ਦੇ ਚੌਥੇ ਵਿਸ਼ਵ ਕੱਪ ਦੇ ਮੈਚਾਂ ਦਾ ਅਗਾਜ਼ ਭਲਕ ਤੋਂ ਪਟਿਆਲਾ ਵਾਲੇ ਮੈਚਾਂ ਨਾਲ ਹੋਣਾ ਹੈ । ਅੱਜ 30 ਨਵੰਬਰ ਨੂੰ ਉਦਘਾਟਨੀ ਰਸਮ ਹੋਣੀ ਹੈ । ਇਸ ਵਾਰ ਇਹ ਕਬੱਡੀ ਕੱਪ 14 ਦਸੰਬਰ ਤੱਕ ਖੇਡਿਆ ਜਾਣਾਂ ਹੈ । ਜਿਸ ਵਿੱਚ 14 ਮੁਲਕਾਂ ਦੀਆਂ 20 ਟੀਮਾਂ ਹਿੱਸਾ ਲੈ ਰਹੀਆਂ ਹਨ । ਇਸ ਵਿਸ਼ਵ ਕੱਪ ਵਿੱਚ ਇਸ ਵਾਰ ਪੁਰਸ਼ ਵਰਗ ਦੀਆਂ 12 ਅਤੇ ਮਹਿਲਾ ਵਰਗ ਦੀਆਂ 8 ਟੀਮਾਂ ਸ਼ਾਮਲ ਨੇ । ਪੁਰਸ਼ ਵਰਗ ਦੇ 34 ਅਤੇ ਮਹਿਲਾ ਵਰਗ ਦੇ 16 ਮੈਚ 13 ਖੇਡ ਮੈਦਾਂਨਾਂ ਵਿੱਚ ਖੇਡੇ ਜਾਣੇ ਹਨ । ਪੁਰਸ਼ਾਂ ਦੇ ਏ ਪੂਲ ਵਿੱਚ ਭਾਰਤ, ਅਮਰੀਕਾ, ਈਰਾਨ, ਸਪੇਨ,ਅ ਰਜਨਟੀਨਾ, ਕੀਨੀਆਂ ਅਤੇ ਪੂਲ ਬੀ ਵਿੱਚ ਪਾਕਿਸਤਾਨ, ਕੈਨੇਡਾ, ਇੰਗਲੈਂਡ, ਡੈਨਮਾਰਕ, ਸਿਆਰਾ ਲਿਓਨ, ਸਕਾਟਲੈਂਡ ਸ਼ਾਮਲ ਹਨ । ਮਹਿਲਾਵਾਂ ਦੇ ਪੂਲ ਏ ਵਿੱਚ ਭਾਰਤ, ਅਮਰੀਕਾ, ਕੀਨੀਆਂ, ਨਿਊਜੀਲੈਂਡ, ਪੂਲ ਬੀ ਵਿੱਚ ਡੈਨਮਾਰਕ, ਇੰਗਲੈਂਡ, ਪਾਕਿਸਤਾਨ,ਅਤੇ ਮੈਕਸੀਕੋ ਦੀਆਂ ਟੀਮਾਂ ਸ਼ਾਮਲ ਹਨ ।

ਇਸ ਵਾਰੀ ਵੱਡੀ ਸੋਧ ਇਹ ਵੀ ਕਰ ਦਿੱਤੀ ਗਈ ਹੈ ਕਿ ਵਰਕ ਪਰਮਿਟ ਜਾਂ ਪੀ ਆਰ ਵਾਲੇ ਖਿਡਾਰੀਆਂ ਦੀ ਥਾਂ ਸਬੰਧਤ ਮੁਲਕ ਦੇ ਹੀ ਜੰਮਪਲ ਨਾਗਰਿਕ ਹੋਣੇ ਚਾਹੀਦੇ ਹਨ । ਹੁਣ ਮਾਂਗਵੇਂ ਖਿਡਾਰੀ ਵੀ ਨਹੀਂ ਹੋਣੇ । ਇਸ ਤੋਂ ਇਲਾਵਾ ਪਿਛਲੇ ਮੁਕਾਬਲਿਆਂ ਸਮੇ 6 ਖਿਡਾਰੀਆਂ ਤੱਕ ਡੋਪੀ ਹੋਣ ਤੋਂ ਬਾਅਦ ਵੀ ਟੀਮ ਮੈਚ ਖੇਡ ਲਿਆ ਕਰਦੀ ਸੀ। ਜਿੱਥੇ ਮਾਣਯੋਗ ਜੱਜ ਦੀ ਨਿਯੁਕਤੀ ਕੀਤੀ ਜਾਣੀ ਹੈ ਉੱਥੇ ਹੁਣ ਦੋ ਤੋਂ ਵੱਧ ਖਿਡਾਰੀਆਂ ਦੇ ਡੋਪੀ ਹੋਣ ‘ਤੇ ਵੀ ਟੀਮ ਨੂੰ ਮੁਕਾਬਲੇ ਤੋਂ ਬਾਹਰ ਹੋਣਾਂ ਪਵੇਗਾ । ਰੈਫਰਲ ਦੀ ਮੰਗ ਕਰਕੇ ਟੀਵੀ ਅੰਪਾਇਰ ਤੋਂ ਮਦਦ ਲੈਣ ਨਾਲ ਮੈਚ ਵਿੱਚ ਵਾਰ ਵਾਰ ਪੈਂਦੀ ਰੁਕਾਵਟ ਦੀ ਥਾਂ ਹੁਣ ਅੱਧੇ ਸਮੇਂ ਤੋਂ ਪਹਿਲਾਂ ਅਤੇ ਅੱਧੇ ਸਮੇਂ ਤੋਂ ਮਗਰੋਂ ਕਪਤਾਨ ਜਾਂ ਟੀਮ ਕੋਚ ਵੱਲੋਂ ਸਿਰਫ ਦੋ ਦੋ ਰੈਫਰਲ ਹੀ ਮੰਗੇ ਜਾ ਸਕਣਗੇ । ਰੈਫਰਲ ਦੇ ਸਹੀ ਸਾਬਤ ਹੋਣ ’ਤੇ ਟੀਮ ਨੂੰ ਅੰਕ ਮਿਲ ਜਾਵੇਗਾ ਤਾਂ ਉਹਦੇ ਦੋਨੋਂ ਰੈਫਰਲ ਬਰਕਰਾਰ ਰਹਿਣਗੇ,ਗਲਤ ਹੋਣ ਦੀ ਸੂਰਤ ਵਿੱਚ ਰੈਫਰਲ ਕਟੌਤੀ ਹੋ ਜਾਵੇਗੀ ਅਤੇ ਦੂਜੀ ਟੀਮ ਨੂੰ ਇੱਕ ਹੋਰ ਵਾਧੂ ਅੰਕ ਦਿੱਤਾ ਜਾਵੇਗਾ । ਜੇ ਕਰ ਕੋਈ ਟੀਮ ਪਹਿਲੇ ਅੱਧ ਵਿੱਚ ਕੋਈ ਰੈਫਰਲ ਨਹੀਂ ਮੰਗਦੀ ਤਾਂ ਉਹਦੇ ਇਹ ਦੋ ਰੈਫਰਲ ਖਤਮ ਮੰਨੇ ਜਾਣਗੇ । ਸਿਰਫ ਦੂਜੇ ਅੱਧ ਵਾਲੇ ਦੋ ਹੀ ਬਾਕੀ ਰਹਿਣਗੇ ।

ਪੁਰਸ਼ ਵਰਗ ਦੀਆਂ ਪਹਿਲੀਆਂ 3 ਟੀਮਾਂ ਨੂੰ 2 ਕਰੋੜ, 1 ਕਰੋੜ ਅਤੇ ਤੀਜੇ ਸਥਾਨ ਵਾਲੀ ਟੀਮ ਨੂੰ 51 ਲੱਖ ਰੁਪਏ ਮਿਲਣੇ ਹਨ। ਜਦੋਂ ਕਿ ਮਹਿਲਾ ਵਰਗ ਲਈ ਇਸ ਵਾਰੀ ਇਨਾਮੀ ਰਾਸ਼ੀ ਦੁਗੁਣੀ ਕਰਦਿਆਂ ਜੇਤੂ ਟੀਮ ਨੂੰ 1 ਕਰੋੜ ਰੁਪਏ, ਦੂਜੇ ਸਥਾਨ ’ਤੇ ਆਉਣ ਵਾਲੀ ਟੀਮ ਨੂੰ 51 ਲੱਖ ਰੁਪਏ ਅਤੇ ਤੀਜੇ ਸਥਾਨ ’ਤੇ ਆਉਣ ਵਾਲੀ ਟੀਮ ਨੂੰ 25 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ। ਦੋਵੇਂ ਵਰਗਾਂ ਵਿੱਚ ਹਿੱਸਾ ਲੈਣ ਵਾਲੀਆਂ ਟੀਮਾਂ ਨੂੰ 10-10 ਲੱਖ ਰੁਪਏ ਮਿਲਣਗੇ। ਵਧੀਆ ਜਾਫੀ ਅਤੇ ਵਧੀਆ ਧਾਵੀ ਵੀ ਵਿਸ਼ੇਸ਼ ਇਨਾਮ ਹਾਸਲ ਕਰ ਸਕਣਗੇ । ਪਹਿਲਾਂ ਚੌਥੇ ਵਿਸ਼ਵ ਕੱਪ ਦੇ ਮੈਚਾਂ ਦੀ ਸ਼ੁਰੂਆਤ ਸੰਗਰੂਰ ਤੋਂ ਹੋਣੀ ਸੀ, ਪਰ ਹੁਣ ਪਿਛਲਿਆਂ ਕੱਪਾਂ ਵਾਂਗ ਹੀ ਪਟਿਆਲਾ ਤੋਂ ਹੋਣੀ ਹੈ । ਖੇਡ ਵਿਭਾਗ ਪੰਜਾਬ ਵੱਲੋਂ ਨਵੇਂ ਸਿਰਿਓਂ ਵਿਓਂਤੇ ਪ੍ਰੋਗਰਾਮ ਦਾ ਪੂਰਾ ਵੇਰਵਾ ਇਸ ਤਰਾਂ ਹੈ ;

29/11/2013