ਚੰਡੀਗੜ੍ਹ, 4 ਮਈ, 16: ਸੰਸਥਾ ਦੇ ਪ੍ਰਧਾਨ ਲਾਲ ਸਿੰਘ ਲਾਲੀ ਜੀ ਦੀ ਪ੍ਰਧਾਨਗੀ ਹੇਠ ਸੰਸਥਾ ਵਲੋਂ ਛਪਣ ਵਾਲੇ ਸੱਤਵੇ ਸਾਂਝੇ ਕਾਵਿ-ਸੰਗ੍ਰਹਿ ਬਾਰੇ ਵਿਸਥਾਰ ਵਿਚ ਵਿਚਾਰ-ਵਿਟਾਂਦਰੇ ਕੀਤੇ ਗਏ। ਉਪਰੰਤ ਸਾਂਝੇ ਬਿਆਨ ਰਾਂਹੀਂ ਪ੍ਰੈਸੱ ਨੂੰ ਜਾਣਕਾਰੀ ਦਿੰਦਿਆਂ ਪ੍ਰਧਾਨ ਲਾਲ ਸਿੰਘ ਲਾਲੀ, ਜ. ਸਕੱਤਰ ਪ੍ਰੀਤਮ ਲੁਧਿਆਣਵੀ, ਸੰਗੀਤ ਡਾਇਰੈਕਟਰ ਕ੍ਰਿਸ਼ਨ ਰਾਹੀ ਅਤੇ ਸੀਨੀ: ਮੀਤ ਪ੍ਰਧਾਨ ਪਿਆਰਾ ਸਿੰਘ ਰਾਹੀ ਨੇ ਦੱਸਿਆ ਕਿ ਸੰਸਥਾ ਦੇ ਚੌਥੇ, ਪੰਜਵੇ ਅਤੇ ਛੇਵੇਂ ਕਾਵਿ-ਸੰਗ੍ਰਹਿ ਵਿਚ ਕ੍ਰਮਵਾਰ 151, 252 ਅਤੇ 287 ਕਲਮਾਂ ਸ਼ਾਮਲ ਸਨ। ਹੁਣ ਸੰਸਥਾ ਕੋਲ ਇਕ ਹਫਤੇ ਵਿਚ ਸੱਤਰ ਦੇ ਕਰੀਬ ਲੇਖਕ ਆਪਣੀਆਂ ਰਚਨਾਵਾਂ ਦੁਆਰਾ ਪਹੁੰਚ ਕਰ ਚੁੱਕੇ ਹਨ। ਜਦ ਕਿ ਇਸ ਸੰਗ੍ਰਹਿ ਨੂੰ ਤਿੰਨ ਸੌ ਇਕ ਤੱਕ ਲਿਜਾਣ ਦਾ ਸੰਸਥਾ ਦਾ ਨਿਸ਼ਾਨਾ ਹੈ।

ਉਨ੍ਹਾਂ ਅੱਗੇ ਇਹ ਵੀ ਦੱਸਿਆ ਕਿ ਰਚਨਾਵਾਂ ਇਕੱਤਰ ਕਰਨ ਦੀ ਜਿੰਮੇਵਾਰੀ ਉਨ੍ਹਾਂ ਤੋਂ ਇਲਾਵਾ ਮੁਰਿੰਡਾ ਤੋਂ ਪ੍ਰਿੰ: ਬਲਬੀਰ ਛਿੱਬੜ, ਮੁਹਾਲੀ-ਚੰਡੀਗੜ੍ਹ ਤੋਂ ਐਮ. ਐਸ. ਕਲਸੀ, ਕਸ਼ਮੀਰ ਘੇਸਲ, ਰਾਜ ਕੁਮਾਰ ਸਾਹੋਵਾਲੀਆ ਅਤੇ ਬਲਵੰਤ ਮੁਸਾਫਿਰ, ਬਟਾਲਾ ਤੋਂ ਵਰਿੰਦਰ ਕੌਰ ਰੰਧਾਵਾ ਤੇ ਕਮਲਜੀਤ ਕੌਰ ਕੋਮਲ, ਮਲੇਰਕੋਟਲਾ ਤੋਂ ਰਣਜੀਤ ਕੌਰ ਸਵੀ, ਮੁਕਤਸਰ-ਮਲੋਟ ਤੋਂ ਜਗਜੀਤ ਮੁਕਤਸਰੀ, ਰੂਪ ਨਗਰ ਤੋਂ ਪ੍ਰਿੰ: ਮੀਨੂ ਸੁਖਮਨ ਅਤੇ ਕਰਤਾਰਪੁਰ ਤੋਂ ਲਾਲੀ ਕਰਤਾਰਪੁਰੀ ਆਦਿ ਸੰਸਥਾ ਦੇ ਸੁਹਿਰਦ ਅਹੁੱਦੇਦਾਰ ਤੇ ਮੈਂਬਰ ਜਿਸ ਰੀਝ ਅਤੇ ਮਿਹਨਤ ਨਾਲ ਆਪੋ-ਆਪਣੀਆਂ ਡਿਯੂਟੀਆਂ ਨਿਭਾ ਰਹੇ ਹਨ ਉਸ ਨੂੰ ਵੇਖਦਿਆਂ ਸੰਸਥਾ ਦਾ ਨਿਸ਼ਾਨਾ ਜਲਦੀ ਹੀ ਪੂਰਾ ਹੋਣ ਦੀਆਂ ਪੂਰਨ ਸੰਭਾਵਨਾਵਾਂ ਹਨ।

ਪ੍ਰੀਤਮ ਲੁਧਿਆਣਵੀ, ਚੰਡੀਗੜ੍ਹ (98764-28641)
 

04/05/16