ਪ੍ਰਸਿੱਧ ਪੰਜਾਬੀ ਨਾਵਲਕਾਰ ਜੱਗੀ ਕੁੱਸਾ ਦੀ ਕਹਾਣੀ ਤੇ ਆਧਾਰਿਤ ਫਿਲਮ ਸੂਲੀ ਚੜਿਆ ਚੰਦਰਮਾ 8 ਦਸਬੰਰ ਨੂੰ ਲੋਕ ਅਰਪਣ
ਰੁਪਿੰਦਰ ਢਿੱਲੋ ਮੋਗਾ, ਨਾਰਵੇ

 ੳਸਲੋ - ਪ੍ਰਸਿੱਧ ਪੰਜਾਬੀ ਨਾਵਲਕਾਰ ਜੱਗੀ ਕੁੱਸਾ ਜੀ ਕਿਸੇ ਜਾਣਕਾਰੀ ਦਾ ਮੁਥਾਜ ਨਹੀ, ਉਹਨਾ ਦੀ ਲਿੱਖਣ ਸ਼ੈਲੀ ਚ ਪੰਜਾਬੀ ਵਿਰਸਾ ਅਤੇ ਪੰਜਾਬੀਅਤ ਆਮ ਝਲਕਦੀ ਹੈ। ਉਹਨਾ ਦੀ ਰਚਨਾਵਾ ਹਰ ਵਰਗ ਉਮਰ ਦੇ ਲੋਕਾ ਵੱਲੋ ਪੰਸਦ ਕੀਤਾ ਜਾਦਾ ਹੈ ਅਤੇ ਲਿਖਤਾ ਪੜਦੇ ਪੜਨ ਵਾਲੇ ਨੂੰ ਇਹੀ ਮਹਿਸੂਸ ਹੁੰਦਾ ਕਿ ਉਹ ਇਸ ਲਿਖਤ ਚ ਵਿਚਰ ਰਿਹਾ ਹੈ।

ਫਿਲਮ "ਸੂਲੀ ਚੜਿਆ ਚੰਦਰਮਾˆ" ਸ਼ਿਵਚਰਨ ਜੱਗੀ ਕੁੱਸਾ ਦੀ ਕਹਾਣੀ ਤੇ ਬਣਨ ਵਾਲੀ ਤੀਜੀ ਫਿਲਮਹੈ,ਜੋ ਕਰਮ ਕਾਡਾਂ ਉਪਰ ਇੱਕ ਕਰਾਰੀ ਚੋਟ ਹੈ ਤੇ ਕਰਮ ਕਾਂਡ ਪਾਖੰਡਵਾਦ ਤਿਆਗ ਕੇ ਗੁਰਬਾਣੀ ਦੇ ਲੜ ਲੱਗਣ ਦੀ ਪ੍ਰਰੇਨਾ ਦਿੰਦੀ ਹੈ! ਲਵਲੀ ਸ਼ਰਮਾˆ ਅਤੇ ਮੈਡਮ ਕੁਲਵੰਤ ਖੁਰਮੀ ਨੇ ਡਾਇਰੈਕਟ ਕੀਤਾ ਹੈ। ਐਮ. ਐਮ. ਫਿਲਮਜ਼ ਦੀ ਸਫਲ ਪੇਸ਼ਕਾਰੀ ਹੈ। ਮਿਊਜ਼ਕ ਗੁਰਸ਼ੇਰ ਚਾਨਾ ਅਤੇ ਚੇਤਨ ਤਿਵਾੜੀ ਨੇ ਦਿੱਤਾ ਹੈ। "ਸੜ ਨਾ ਰੀਸ ਕਰ ਸੱਜਣਾ.... ਸਾੜੇ ਨਾਲ਼ ਬਣਨਾ ਕੁਛ ਵੀ ਨਹੀ...." ਕਵਾਲੀ ਇਸ ਫਿਲਮ ਦੀ ਸਿਖਰ ਕਵਾਲੀ ਹੈ। ਪਰਿਵਾਰਿਕ ਫਿਲਮ ਜੋ ਸਮਾਜਿਕ ਬੁਰਾਈਆ ਜੋ ਸਾਡੇ ਸਮਾਜ ਚ ਕੋਹੜ ਵਾਂਗ ਫੈਲ ਰਹੀਆ ਹਨ ਉਹਨਾ ਚੋ ਬਾਹਰ ਨਿਕਲਣ ਲਈ ਹਰ ਇੱਕ ਨੂੰ ਪ੍ਰਰੇਰ ਦੀ ਹੈ।ਸਮਾਜ ਚ ਫੈਲ ਰਹੀਆ ਕੁਰੀਤੀਆ ਦਾ ਵਿਰੋਧ ਕਰਨਾ ਹਰ ਸਮਾਜ ਸੁਧਾਰਕ ਅਤੇ ਆਮ ਨਾਗਰਿਕ ਦਾ ਹੱਕ ਹੈ। ਦਰਸ਼ਕਾ ਦੀ ਕਚਹਿਰੀ ਚ ਇਹ ਫਿਲਮ ਖਰੀ ਉਤਰੇਗੀ। ਫਿਲਮ ਦੇ ਸਮੂਹ ਟੀਮ ਵੱਲੋ ਦਰਸ਼ਕਾ ਨੂੰ ਬਨੇਤੀ ਹੈ ਕਿ ਇਸ ਲਘੂ ਫਿਲਮ ਦਾ ਆਨੰਦ ਜਰੂਰ ਮਾਨਣ।

08/12/14