- ਬੀਤ ਰਿਹਾ ਸਾਲ 2016 ਦੌਰਾਨ ਸਿਖ ਧਰਮ ਨਾਲ ਸਬੰਧਤ ਸਰਗਰਮੀਆਂ ਪਖੋਂ ਬੜਾ ਮਹੱਤਵਪੂਰਨ ਰਿਹਾ। ਇਸ ਵਰ੍ਹੇ ਦੀ ਸਭ ਤੋ ਪ੍ਰਮੁਖ ਖਬਰ ਤਾਂ ਦੇਸ਼ ਦੀ ਸੁਪਰੀਮ ਕੋਰਟ ਵਲੋਂ 15 ਸਤੰਬਰ ਨੂੰ ਪਿਛਲੇ ਪੰਜ ਸਾਲਾਂ ਤੋਂ ਨਿੱਸਲ ਪਈ ਸ਼੍ਰੋਮਣੀ ਗੁਰਗੁਰਆਰਾ ਪ੍ਰਬੰਧਕ ਕਮੇਟੀ ਨੂੰ ਸਤੰਬਰ 2011 ਵਿਚ ਹੋਈਆਂ ਚੋਣਾ ਨੂੰ ਜਾਇਜ਼ ਕਰਰ ਦੇ ਕੇ ਜ਼ਿੰਦਗੀ ਬਖ਼ਸਣਾ ਹੈ, ਜਿਸ ਸਦਕਾ 5 ਨਵੰਬਰ ਨੂੰ ਅਹੁਦੇਦਾਰਾ ਦੀ ਚੋਣ ਹੋ ਸਕੀ। ਪ੍ਰੋ. ਕ੍ਰਿਪਾਲ ਸਿੰਘ ਬਡੂੰਗਰ, ਜੋ ਪਹਿਲਾਂ ਵੀ ਦੋ ਵਾਰੀ ਪ੍ਰਧਾਨ ਰਹਿ ਚਕੇ ਹਨ, ਜ.ਅਵਤਾਰ ਸਿੰਘ ਮੱਕੜ ਦੀ ਥਾ ਸਰਬ ਸੰਮਤੀ ਨਾਲ ਪ੍ਰਧਾਨ ਚੁਣੇ ਗਏ, ਬਾਕੀ ਸਾਰੇ ਅਹੁਦੇਦਾਰ ਵੀ ਬਦਲੇ ਗਏ, ਨਵੇਂ ਚਿਹਰਿਆਂ ਨੂੰ ਸੇਵਾ ਦਾ ਮੌਕਾ ਦਿਤਾ ਗਿਅ ਹੈ।ਲੋਕ ਸਭਾ ਤੇ ਰਾਜ ਸਭਾ ਵਲੋਂ ਪਿਛਲੇ ਬੱਜਟ ਸਮਾਗਮ ਦੌਰਾਨ ਗੁਰਦੁਆਰਾ ਐਕਟ 1925 ਵਿਚ ਸੋਧ ਕਰਕੇ ਸਹਿਜਧਾਰੀਆਂ ਨੂੰ ਵੋਟਾ ਪਾਉਣ ਦਾ ਅਧਿਕਾਰ ਖੋਹ ਲਿਆ ਗਿਆ।

- ਸਾਲ ਦੀ ਦੂਜੀ ਵਡੀ ਸਰਗਰਮੀ ਸਰਬੰਸਦਾਨੀ ਗੁਰੂ ਗੋਬਿੰਦ ਸਿੰਘ ਜੀ ਦਾ 350 ਪ੍ਰਕਾਸ਼ ਦਿਵਸ ਮਨਾਉਣ ਲਈ ਪਟਨਾ ਸਾਹਿਬ ਤੋਂ ਸਰਗਰਮੀਆਂ ਦਾ ਸ਼ੁਰੂ ਹੋਣਾ, ਇਸ ਸਬੰਧ ਵਿਚ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੇ ਪੰਜ ਪਿਆਰਿਆ ਦੀ ਅਗਵਾਈ ਵਿਚ ਜਾਗ੍ਰਤੀ ਯਾਤਰਾ 13 ਅਕਤੂਬਰ ਤੋਂ ਸ਼ੁਰੂ ਹੋ ਕੇ ਹਜ਼ੂਰ ਸਾਹਿਬ ਦੇ ਦਰਸ਼ਨ ਕਰਕੇ ਵਾਪਸੀ ਸਮੇਂ 24 ਬਵੰਬਰ ਤੋਂ ਦੋ ਦਸੰਬਰ ਤਕ ਪੰਜਾਬ ਤੇ 3-4 ਦਸੰਬਰ ਨੂੰ ਹਰਿਆਣਾ ਵਿਚ ਦਰਸ਼ਨ ਦੇ ਕੇ ਦਿੱਲੀ ਲਈ ਰਵਾਨਾ ਹੋ ਗਈ। ਇਸ ਪ੍ਰਕਾਸ਼ ਉਤਸਵ ਸਬੰਧੀ ਪੰਜਾਬ ਤੇ ਬਿਹਾਰ ਵਿਚ ਕਈ ਸੈਮੀਨਾਰ ਤੇ ਹੋਰ ਸਮਾਗਮ ਆਯੋਜਿਤ ਕੀਤੇ ਗਏ। ਬਿਹਾਰ ਸਰਕਾਰ ਵਲੋਂ ਇਸ ਬਾਰੇ ਟੀ.ਵੀ.ਚੈਨਲਾਂ ਤੇ ਕਾਫੀ ਪ੍ਰਚਾਰ ਕੀਤਾ ਜਾ ਰਿਹਾ ਹੈ।ਭਾਰਤ ਸਰਕਾਰ ਵਲੋਂ ਕੇਂਦਰੀ ਬੱਜਟ ਵਿਚ ਇਸ ਉਤਸਵ ਲਈ 100 ਕਰੋੜ ਰੁਪਏ ਰਖੇ ਗਏ ਹਨ।

- ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕੇਮੇਟੀ ਵਲੋਂ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ 300 ਸਹੀਦੀ ਦਿਵਸ ਵੱਡੇ ਪੱਧਰ ਤੇ ਮਨਾਇਆ ਗਿਆ, ਜਿਸ ਵਿਚ ਪ੍ਰਧਾਨ ਮੰਤ੍ਰੀ ਨਰਿੰਦਰ ਮੋਦੀ ਨੇ ਵੀ ਸ਼ਿਰਕਤ ਕੀਤੀ।

-ਨਾਮਧਾਰੀ ਸਮਾਜ ਦੀ ਗੁਰੂ ਮਾਤਾ ਚੰਦ ਕੌਰ ਜੀ ਦੀ ਹਤਿਆ ਕੀਤੀ ਗਈ। ਕੇਸ ਸੀ.ਬੀ.ਆਈ ਨੂੰ ਸੌਂਪਿਆ ਗਿਆ।

-ਸਾਊਥ ਸਿਟੀ ਲੁਧਿਧਆਣਾ ਲਾਗੇ ਸੰਤ ਰਣਜੀਤ ਸਿੰਘ ਢਡਰੀਆਂ ਤੇ ਹਮਲਾ, ਉਨ੍ਹਾ ਦੇ ਇਕ ਸਾਥੀ ਦੀ ਮੌਤ, ਦੋਸ਼ੀ ਗ੍ਰਿਫਤਾਰ।

- ਸਾਲ ਦੇ ਪਹਿਲੇ ਦਿਨ ਹੀ ਸ਼੍ਰੋਮਣੀ ਕਮੇਟੀ ਦੀ ਅੰਤ੍ਰਿਗ ਕਮੇਟੀ ਵਲੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਪੰਜ ਪਿਆਰੇ ਬਰਖਾਸਤਕੀਤੇ ਗਏ। ਅਗਲੇ ਦਿਨ ਪੰਜ ਪਿਆਰਿਆ ਨੇ ਸਿੱਖ ਜਗਤ ਨੂੰ ਸਿਘ ਸਾਹਿਬਾਨ ਦਾ ਸਮਾਜਕ ਬਾਈਕਾਟ ਕਟਨ ਲੲ ਕਿਹਾ। ਪ੍ਰਧਾਨ ਤੇ ਮੁਖ ਸਕੱਤਰ ਦਾ ਮਾਮਲਾ ਸੰਗਤ ਤੇ ਛਡਿਆ।

- ਲੰਦਨ ਸਥਿਤ ਸਿੱਖ ਡਾੲਰੈਕਟਰੀ ਵਲੋਂ ਵਿਸ਼ਵ ਦੀਆਂ 100 ਪ੍ਰਮੁਖ ਸਿਖ ਸ਼ਖਸ਼ੀਅਤਾਂ ਦਾ ਐਲਾਨ,। ਤਖ਼ਤ ਸ੍ਰੀ ਹਜ਼ੂਰ ਸਾਹਿਬ ਦੇ ਜੱਥੇਦਾਰ ਭਾਈ ਕੁਲਵੰਤ ਸਿੰਘ ਪਹਿਲੇ, ਸੰਤ ਬਾਬਾ ਲਾਭ ਸਿੰਘ ਨੂੰ ਦੂਜਾ, ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜੱਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੂੰ ਤੀਜਾ , ਮੁਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਚੌਥਾ ਅਤੇ ਬਾਬਾ ਇਕਬਾਲ ਸਿੰਘ ਬੜੂ ਸਾਹਿਬ ਨੂੰ ਪੰਜਵਾਂ ਸਥਾਨ ਦਿਤਾ ਗਿਆ।

- ਯੂ.ਕੇ. ਵਿਚ ਇਕ ਸਾਲ ਦੌਰਾਨ ਸਿੱਖਾਂ ਖਿਲਾਫ ਨਫਰਤ, ਗੰਮਰਾਹ ਕਰਨ (ਖਾਸ ਕਰ ਕੁੜੀਆਂ) ਤੇ ਨਸਲੀ ਵਿਤਕਰੇ ਦੇ ਇਕ ਲੱਖ ਨਸਲੀ ਅਪਰਾਧ ਹੋਏ, 92 ਫੀਸਦੀ ਸਿੱਖਾਂ ਕੋਲ ਖੁਦ ਦੇ ਆਪਣੇ ਘਰ ਹਨ, ਹਰੋਜ਼ 12 ਲੱਖ ਪੌਂਡ ਦਾਨ ਕਰਦੇ ਹਨ।ਵੈਸਟ ਮਿਡਲੈਂਡ ਦੀ ਵੁਲਵਰਹੈਂਪਟਨ ਯੂਨੀਵਰਸਿਟੀ ਵਲੋ ਸਰਵੇਖਣ ਰਿਪੋਟ ਜਾਰੀ ਕੀਤੀ ਗਈ।

- ਸੌ-ਸਾਲਾ ਬੀਬੀ ਮਾਨ ਕੌਰ ਨੇ ਅਮਰੀਕਨ ਖੇਡਾਂ ਵਿਚ ਜਿਆਂ ਸੋਨ ਤਗਮਾ ਜਿਤਿਆ।

- ਸਿਆਟਲ (ਅਮਰੀਕਾ ) ਵਿਚ ਗੁਰਦੁਆਰਾ ਸਾਹਿਬ ਉਤੇ ਇਕ ਨਸਲੀ ਹਮਲਾ,ਪਵਿਤਰ ਚੀਜ਼ਾਂ ਦੀ ਭੰਨ ਤੋੜ ਕੀਤੀ ਗਈ॥

- ਮੈਲਬੌਰਨ ਬਿਵਚ ਹਰਜੀਤ ਸਿੰਘ ਨਾਮੀ ਇਕ ਸਿਖ ਵਿਦਿਆਰਥੀ ਤੇ ਨਸਲੀ ਹਮਲਾ, ਬਸ ਵਿਚ ਘਰ ਨੂੰ ਜਾਣ ਸਮੇਂ ਦਸਤਾਰ ਉਤਾਰ ਦਿਤੀ ਗਈ।

- ਪਕਿਸਤਾਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪਧਾਨ ਸ਼ਾਮ ਸਿੰਘ ਦੀ ਮੌਤ, ਤਾਰਾ ਸਿੰਘ ਕਾਰਜਕਾਰੀ ਪ੍ਰਧਾਨ ਬਣੇ।

- ਪਾਕਿਸਤਾਨ ਗੁਰਦੁਅਰਾ ਪ੍ਰਬੰਧਕ ਕਮੇਟੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਸ਼੍ਰੋਮਣੀ ਕਮਟੀ ਤੇ ਦਿਲੀ ਗੁ. ਕਮੇਟੀ ਦੇ ਸਹਿਯੋਗ ਨਾਲ ਪ੍ਰਕਾਸ਼ਿਤ ਕਰੇਗੀ
- ਪਿਸ਼ਾਵਰ ਇਲਾਕੇ ਵਿ ਗੁਰਦੁਆਰਾ ਭਾਈ ਬੇਜਾ ਸਿੰਘ 70 ਸਾਲ ਬਾਅਦ ਖੁਲ੍ਹਿਆ,ਸੰਗਤਾ ਨੇ ਸਮਾਗਮ ਕੀਤਾ।

- ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਨੇ ਕਾਮਾਗਾਟਾਜਾਰੂ ਜਹਾਜ਼ ਦੁਖਾਤ ਲਈ ਸਿੱਖਾ ਤੋਂ ਮੁਆਫੀ ਮੰਗੀ।
- ਜਰਮਨੀ ਦੇ ਇਕ ਗੁਰਦਆਰੇ ਵਿਚ ਧਮਕਾ, ਤਿੰਨ ਸ਼ਰਧਾਲੂ ਜ਼ਖਮ, ਦੋ ਸ਼ਕੀ ਵਿਅਕਤੀ ਗ੍ਰਿਫਤਾਰ ਕੀਤੇ ਗਏ।-
- ਖੇਬਰ ਪਖਤੂਨਵਾ ਦੇ ਸਖ ਮੰਤਰੀ ਦੇ ਸਲਾਹਕਾਰ ਡਾ.ਸੂਰਨ ਸਿੰਘ ਦੀ ਅਤਿਵਾਦੀਆਂ ਵਲੋਂ ਹਤਿਆਂ।

- ਪੰਜਾਬ ਯੁਨੀਵਰਸਿਟੀ, ਲਾਹੌਰ ਤੇ ਸੈਟਰਲ ਯੂਨੀਵਰਸਿਟੀ, ਇਸਲਾਮਾਬਾਦ ਦੀ ਐੰਮ.ਏ. ਪੰਜਾਬੀ ਦੇ ਸਲੇਬਸ ਵਿਚ ਜਪੁ ਜੀ ਸਾਹਿਬ ਸ਼ਾਮਿਲ ਕੀਤਾ ਗਿਆ।

- ਫਰਾਂਸ ਦੇ ਸ਼ਹਿਰ ਸੇਂਟ ਟਰੋਪੇਜ਼ ਵਿਖੇ ਮਹਾਰਾਜਾ ਰਣਜੀਤ ਸਿੰਘ ਦਾ ਬੁੱਤ ਸਥਾਪਤ ਕੀਤਾ ਗਿਆ॥
- ਸਿੱਖ ਕਾਮਿਆਂ ਨੂੰ ਹੈਲਮਟ ਨਿਯਮਾਂ ਤੋਂ ਛੋਟ ਨਹੀਂ-ਕੈਨੇਡੀਅਨ ਅਦਾਲਤ ਦਾ ਫੈਸਲਾ।

- ਪ੍ਰਸ਼ਾਸਨ ਵਲੋਂ ਮਨਜ਼ੂਰੀ ਨਾ ਮਿਲਣ ਤੇ ਸਰਕਾਰੀ ਬੰਦਸ਼ਾਂ ਤੇ ਰੁਕਾਵਟਾਂ ਦੇ ਬਾਵਜੂਦ, ਗਰਮ ਵਿਚਾਰਾਂ ਵਾਲੀਆਂ ਸਿੱਖ ਜੱਥੇਬੰਦੀਆ ਵਲੋਂ 8 ਦਸੰਬਰ ਨੂੰ ਤਲਵੰਡੀ ਸਾਬੋ ਲਾਗੇ ਪਿਡ ਨਤ ਵਿਖੇ “ਸਰਬਤ ਖਾਲਸਾ” ਸਮਾਗਮ ਕੀਤਾ ਗਿਆ, ਜਿਸ ਵਿਚ ਬਾਦਲ ਪਰਿਵਾਰ ਨੂੰ ਪੰਥ ਚੋਂ “ਛੇਕਣ” ਦਾ ਐਲਾਨ ਕੀਤਾ ਗਿਆ।

# 194-ਸੀ, ਭਾਈ ਰਣਧੀਰ ਸਿੰਘ ਨਗਰ,ਲੁਧਿਆਣਾ, ਫੋਨ: 0161-2462294

12/12/2016