ਨਾਰਵੀਜੀਅਨ ਲੋਕਾ ਦੇ ਇੱਕ ਵਫਦ ਨੇ ਗੁਰੂਦੁਆਰਾ ਸਾਹਿਬ ਦੇ ਦਰਸ਼ਨ ਅਤੇ ਸਿੱਖ ਧਰਮ ਬਾਰੇ ਜਾਣਿਆ
ਰੁਪਿੰਦਰ ਢਿੱਲੋ ਮੋਗਾ, ਨਾਰਵੇ

ਲੀਅਰ - ਦੁਨੀਆ ਭਰ ਚ ਕੀਵੀਨਸ  ਨਾਮ ਨਾਲ ਮਸ਼ਹੂਰ ਸੰਸਥਾ ਜੋ ਕਿ ਗਰੀਬ ਬੱਚੇ ਅਤੇ ਲੋੜਵੰਦਾ ਲਈ ਰੱਬ ਦਾ ਰੂਪ ਬਣੀ ਹੋਈ ਹੈ ਅਤੇ ਜਿਸ ਦੇ ਤਕਰੀਬਨ ਛੇ ਲੱਖ ਤੋ ਵੱਧ ਮੈਬਰ ਹਨ ਦੀ ਨਾਰਵੇ ਬ੍ਰਾਚ ਦੇ ਕਰੀਬ ਚਾਲੀ ਕੁ ਮੈਬਰਾਂ ਨੇ ਲੀਅਰ ਸਥਿਤ ਗੁਰੂ ਘਰ ਦੇ ਦਰਸ਼ਨ ਕੀਤੇ ਅਤੇ ਸਿੱਖ ਧਰਮ ਬਾਰੇ ਜਾਣਕਾਰੀ ਪ੍ਰਾਪਤ ਤੇ ਗੁਰੂ ਕਾ ਲੰਗਰ ਛੱਕਿਆ। ਸਿੱਖੀ ਸਰੂਪ ਵਿੱਚ ਸੱਜੇ ਭਾਈ ਸੁਖਵਿੰਦਰ ਸਿੰਘ ਅਤੇ ਹਰਵਿੰਦਰ ਸਿੰਘ ਤਰਾਨਬੀ ਜੋ ਕਿ ਨਾਰਵੀਜੀਅਨ ਭਾਸ਼ਾ ਬੋਲਣ ਚ ਮਾਹਿਰ ਹਨ ਨੇ ਆਏ ਹੋਏ ਲੋਕਾ ਨੂੰ ਸਿੱਖ ਧਰਮ ਦੇ ਇਤਿਹਾਸ ਦੀ ਜਾਣਕਾਰੀ ਦਿੱਤੀ ਅਤੇ ਆਏ ਹੋਏ ਵਫਦ ਵੱਲੋ ਪੁੱਛੇ ਗਏ ਹਰ ਸਵਾਲ ਦਾ ਜਵਾਬ ਦਿੱਤਾ।

ਵਫਦ ਦੇ ਮੁੱਖੀ ਨੇ ਗੁਰੂ ਘਰ ਦੇ ਮੁੱਖ ਸੇਵਾਦਾਰ ਭਾਈ ਅਜੈਬ ਸਿੰਘ ਹੋਣਾ ਨੂੰ ਲੀਅਰ ਦੀ ਇੱਕ ਇਤਿਹਾਸਿਕ ਤਸਵੀਰ ਭੇਟ ਕੀਤੀ। ਭਾਈ ਸੁਖਵਿੰਦਰ ਸਿੰਘ ਅਤੇ ਹਰਵਿੰਦਰ ਸਿੰਘ ਤਰਾਨਬੀ ਹੋਣਾ ਵੱਲੋ ਸਮੇ ਸਮੇ ਤੇ ਨਾਰਵੀਜੀਅਨ ਸਕੂ਼ਲੀ ਬੱਚਿਆ, ਟੀਚਰਾ, ਵੱਖ ਵੱਖ ਵਿਭਾਗਾ ਦੇ ਲੋਕਾ, ਕੱਲਬਾ, ਆਮ ਵਸਨੀਕਾ ਆਦਿ ਨੂੰ ਗੁਰੂ ਘਰ ਸੱਦ ਸਿੱਖ ਧਰਮ ਦੀ ਜਾਣਕਾਰੀ ਦਿੰਦੇ ਆ ਰਹੇ ਹਨ। ਇਹਨਾ ਨੋਜਵਾਨਾ ਦਾ ਇਹ ਉੱਦਮ ਸਲਾਘਾਯੋਗ ਹੈ। ਯਰੋਪ ਅਤੇ ਦੁਨੀਆ ਭਰ ਦੇ ਗੁਰੂ ਘਰ ਪ੍ਰੰਬੱਧਕਾ ਨੂੰ ਵੀ ਇਸ ਤਰਾ ਦੇ ਉਪਰਾਲੇ ਕਰਨੇ ਚਾਹਿਦੇ ਹਨ ਤਾਕਿ ਜਿੱਥੇ ਵੀ ਉਹ ਰਹਿ ਰਹੇ ਹਨ ਦੇ ਸਥਾਨਿਕ ਲੋਕਾ , ਸਕੂਲੀ ਬੱਚੇ, ਕੱਲਬਾ ਆਦਿ ਸੱਦ ਸਿੱਖ ਧਰਮ ਬਾਰੇ ਦੱਸਦੇ ਰਹਿਨ, ਚਾਹੇ ਅਸੀ ਸਿੱਖ ਲੱਖਾਂ ਚ ਅਜ ਵਿਦੇਸ਼ਾ ਚ ਵੱਸਦੇ ਹਨ ਪਰ ਅਜੇ ਵੀ ਜਿਹਨਾ ਦੇਸ਼ਾ ਚ ਅਸੀ ਵੱਸਦੇ ਹਨ ਬਹੁਤ ਹੀ ਲੋਕਾ ਨੂੰ ਸਿੱਖ ਧਰਮ ਬਾਰੇ ਪਤਾ ਨਹੀ, ਜੇ ਪਤਾ ਹੁੰਦਾ ਤਾ ਅਮਰੀਕਾ ਚ ਜਿੱਥੇ ਲੱਖਾ ਸਿੱਖ ਵੱਸਦੇ ਹਨ ਨੂੰ 11/9 ਦੇ ਵਾਕਿਆ ਤੋ ਬਾਅਦ 11/9 ਦੇ ਮੁੱਖ ਦੋਸ਼ੀਆ ਦੇ ਧਰਮ ਨਾਲ ਨਾ ਜੋੜਿਆ ਜਾਦਾ ਅਤੇ ਉਹਨਾ ਸਿੱਖ ਵੀਰਾ ਦੀਆ ਜਾਨਾ ਵੀ ਬੱਚ ਜਾਦੀਆ ਜੋ ਫਿਰਕੂ ਸੋਚ ਵਾਲੇ ਲੋਕਾ ਦੇ ਕਹਿਰ ਦਾ ਸਿ਼ਕਾਰ ਹੋਏ।ਜਿਹਨਾ ਨੂੰ ਸਿੱਖ ਨਾ ਸਮਝ ਕੇ 11/9 ਦੇ ਮੁੱਖ ਦੋਸ਼ੀਆ ਦੇ ਧਰਮ ਵਾਲੇ ਸਮਝ ਮਾਰਿਆ ਗਿਆ।

03/06/12