ਚੱਬੇਵਾਲ–ਮਾਹਿਲਪੁਰ ਏਰੀਆ ਐਸੋਸ਼ੀਏਸ਼ਨ ਦੀ ਮੀਟਿੰਗ ਹੋਈ
ਕਾਮਾਗਾਟਾਮਾਰੂ ਦੁਖਾਂਤ ਦੀ ਪਾਰਲੀਮੈਂਟ ‘ਚ ਮੁਆਫੀ ਲਈ ਦਿੱਤਾ ਸਮਰਥਨ
ਕੁਲਜੀਤ ਸਿੰਘ ਜੰਜੂਆ, ਟਰਾਂਟੋ

ਟਰਾਂਟੋ (ਜੰਜੂਆ) – ਬੀਤੇ ਸ਼ਨੀਵਾਰ, ਚੱਬੇਵਾਲ–ਮਾਹਿਲਪੁਰ ਏਰੀਆ ਐਸੋਸ਼ੀਏਸ਼ਨ ਦੀ ਮੀਟਿੰਗ ਰਸ਼ਪਾਲ ਸਿੰਘ ਝੂਟੀ ਦੇ ਗ੍ਰਹਿ ਵਿਖੇ ਹੋਈ। ਇਹ ਮੀਟਿੰਗ ਗਿਆਰਵੀਂ ਚੱਬੇਵਾਲ–ਮਾਹਿਲਪੁਰ ਨਾਈਟ, ਜੋ ਕਿ 12 ਮਈ ਵਾਲੇ ਦਿਨ ਹੋਈ ਸੀ, ਦੀ ਕਾਰਗੁਜ਼ਾਰੀ ਅਤੇ ਪ੍ਰਬੰਧਕੀ ਊਣਤਾਈਆਂ ਬਾਰੇ ਵਿਚਾਰ ਵਟਾਂਦਰਾ ਕਰਨ ਲਈ ਸੱਦੀ ਗਈ ਸੀ।

ਮੀਟਿੰਗ ਦੌਰਾਨ ਮੌਜੂਦ ਮੈਂਬਰਾਂ ਦੁਆਰਾ ਸਰੀ-ਨੌਰਥ ਤੋਂ ਐਨ ਡੀ ਪੀ ਮੈਂਬਰ ਪਾਰਲੀਮੈਂਟ ਜਸਬੀਰ ਸਿੰਘ ਸੰਧੂ ਦੁਆਰਾ ਕਾਮਾਗਾਟਾਮਾਰੂ ਦੁਖਾਂਤ ਲਈ ਕੈਨੇਡੀਅਨ ਪਾਰਲੀਮੈਂਟ ‘ਚ ਪ੍ਰਧਾਨ ਮੰਤਰੀ ਵਲੋਂ ਅਧਿਕਾਰਿਤ ਮੁਆਫੀ ਮੰਗਣ ਲਈ ਪਾਈ ਗਈ ਮੋਸ਼ਨ ਦਾ ਸਮਰਥਨ ਕੀਤਾ ਗਿਆ। ਯਾਦ ਰਹੇ ਇਸ ਮੋਸ਼ਨ ਤੇ ਬਹਿਸ ਤੋਂ ਬਾਅਦ 28 ਮਈ ਨੂੰ ਹਾਊਸ ਵਿੱਚ ਵੋਟ ਪਵੇਗੀ। ਕੈਨੇਡਾ ਦੀਆਂ ਦੋਵੇਂ ਪ੍ਰਮੁੱਖ ਵਿਰੋਧੀ ਧਿਰਾਂ ਕਾਮਾਗਾਟਾਮਾਰੂ ਲਈ ਮੁਆਫੀ ਮੰਗੇ ਜਾਣ ਦੇ ਲੱਗਭੱਗ ਹੱਕ ਵਿਚ ਹਨ। ਐਸੋਸ਼ੀਏਸ਼ਨ ਦੇ ਅਹੁਦੇਦਾਰਾਂ ਨੇ ਸਮੂਹ ਕਮਿਉਨਿਟੀ ਨੂੰ ਆਪਣੇ ਲੋਕਲ ਪਾਰਲੀਮੈਂਟ ਨਾਲ ਇਸ ਵਿਸ਼ੇ ਤੇ ਗੱਲਬਾਤ ਕਰਕੇ ਉਸ ਨੂੰ ਇਸ ਮੋਸ਼ਨ ਦੇ ਹੱਕ ‘ਚ ਵੋਟ ਪਾਉਣ ਲਈ ਬੇਨਤੀ ਕਰਨ ਨੂੰ ਕਿਹਾ। ਕਾਮਾਗਾਟਾਮਾਰੂ ਦੁਖਾਂਤ ਕੈਨੇਡੀਅਨ ਇਤਹਾਸ ‘ਚ ਇਕ ਕਾਲਾ ਧੱਬਾ ਹੈ ਜੋ ਕਿ ਸਰਕਾਰ ਦੁਆਰਾ ਮੁਆਫੀ ਮੰਗਣ ਤੋਂ ਬਿਨਾਂ ਧੋਇਆ ਨਹੀਂ ਜਾ ਸਕਦਾ।

ਅਖ਼ੀਰ ਵਿਚ ਪ੍ਰਬੰਧਕਾਂ ਵਲੋਂ ਚੱਬੇਵਾਲ–ਮਾਹਿਲਪੁਰ ਨਾਈਟ ਨੂੰ ਨੇਪਰੇ ਚਾੜ੍ਹਨ ਲਈ ਦਿੱਤੇ ਗਏ ਯੋਗਦਾਨ ਲਈ ਮੈਰਿਟ ਕੈਪੀਟਲ ਦੇ ਜਤਿੰਦਰ ਜਸਵਾਲ ਨੂੰ ਪਲੈਕ ਦੇ ਕੇ ਸਨਮਾਨ ਕੀਤਾ ਗਿਆ।

28/05/12