 |
|
ਪਿੰਡ ਧੌਲਾ ਵਿਖੇ
ਕਾਂਗਰਸ ਪਾਰਟੀ ਦੀ ਰੈਲੀ ਦਾ ਦ੍ਰਿਸ਼
ਫੋਟੋ ਨਰੇਸ਼ ਗਰਗ ਤਪਾ |
ਤਪਾ ਮੰਡੀ, 22 ਜਨਵਰੀ - ਵਿਧਾਨ ਸਭਾ ਹਲਕਾ ਤੋਂ ਕਾਂਗਰਸ ਪਾਰਟੀ ਦੇ
ਉਮੀਦਵਾਰ ਮੁਹੰਮਦ ਸਦੀਕ ਨੇ ਅੱਜ ਪਿੰਡ ਧੌਲਾ ਵਿਖੇ ਚੋਣਾਂ ਦਾ ਦੂਸਰਾ ਚੱਕਰ
ਸ਼ੁਰੂ ਕੀਤਾ ਹੈ। ਧੌਲਾ ਦੀ ਪੱਤੀ ਸਲੇਮ, ਪੱਤੀ ਰੂੜਾ, ਤੀਆਂ ਵਾਲੇ ਖੂਹ ਉਪਰ
ਭਰਵੀਂਆਂ ਰੈਲੀਆਂ ਕੀਤੀਆਂ ਗਈਆਂ।
ਇਸ ਸਮੇਂ ਸਦੀਕ ਨੂੰ ਸੁਨਣ ਲਈ ਲੋਕਾਂ ਦਾ ਇਕੱਠ ਉਮੜ ਪਿਆ। ਆਪਣੇ ਮਹਿਬੂਬ
ਸਟਾਰ ਸਿੰਗਰ ਅਤੇ ਨੇਤਾ ਨੂੰ ਲੋਕ ਕਲਾਵੇਂ ਵਿਚ ਲੈਕੇ ਮਿਲੇ। ਲੋਕਾਂ ਦੇ ਇਸ
ਪਿਆਰ ਨੂੰ ਦੇਖਕੇ ਇੱਕ ਵਾਰ ਸਦੀਕ ਸਾਹਿਬ ਭਾਵੁਕ ਵੀ ਹੋ ਗਏ। ਸਦੀਕ ਸਾਹਿਬ
ਨੇ ਕਿਹਾ ਕਿ ਬਾਦਲ ਪਰਿਵਾਰ ਨੇ ਪੰਜਾਬ ਦੇ ਲੋਕਾਂ ਨੂੰ ਲੁੱਟਿਆ ਅਤੇ ਕੁੱਟਿਆ
ਹੈ। ਲੁੱਟ ਸਮੇਂ ਲੁੱਟ ਦੀਆਂ ਪਾਲਸੀਆਂ ਬਣਾਉਣ ਵਾਲਾ ਅਕਾਲੀ ਦਲ ਦਾ ਉਮੀਦਵਾਰ
ਉਸ ਸਮੇਂ ਮੁੱਖ ਸਕੱਤਰ ਸੀ। ਲੁੱਟ ਦੀਆਂ ਜੋ ਪਾਲਸੀਆਂ ਬਣੀਆਂ ਉਹ ਵੀ ਇਸੇ
ਤਰੀਕੇ ਨਾਲ ਬਣਾਈਆਂ। ਇਸ ਦੀ ਉਦਹਾਰਣ ਗੋਬਿੰਦ ਪੁਰਾ ਜ਼ਿਲਾ ਮਾਨਸਾ ਅੰਦਰ ਆਮ
ਕਿਸਾਨਾਂ ਤੋਂ ਜ਼ਮੀਨ ਖੋ ਕੇ ਕੰਪਨੀ ਨੂੰ ਦੇਣੇ ਵਿਚ ਇਸੇ ਹੀ ਅਫ਼ਸਰ ਦੇ ਦਸਤਖਤ
ਹੋਏ ਸੀ। ਅੱਜ ਇਹ ਕਿਵੇਂ ਲੋਕ ਹਿਤੈਸ਼ੀ ਹੋ ਸਕਦਾ ਹੈ। ਇਸ ਲਈ ਅਫ਼ਸਰਸ਼ਾਹੀ ਕਦੇ
ਵੀ ਲੋਕਾਂ ਦੀ ਮੱਦਦ ਨਹੀਂ ਕਰਦੀ ।
ਇਸ ਸਮੇਂ ਸਾਬਕਾ ਸਰਪੰਚ ਜੁਗਰਾਜ ਸਿੰਘ, ਗੁਰਮੇਲ ਕਾਟੂ, ਮੇਘਾ ਔਲਖ, ਬੰਤਾ
ਔਲਖ, ਮੱਖਣ ਮੈਂਬਰ, ਦਲਜੀਤ, ਮੰਗਲ ਪੰਡਤ, ਬਿਰਜ ਲਾਲ ਕਵੀਸ਼ਰ, ਜਗਸੀਰ,
ਚਮਕੌਰ ਸਿੰਘ, ਨਵਦੀਪ ਧੌਲਾ ਤੋਂ ਇਲਾਵਾ ਭਾਰੀ ਗਿਣਤੀ ਵਿਚ ਪਿੰਡ ਨਿਵਾਸੀ
ਹਾਜ਼ਰ ਸਨ।
|
