ਬੀਤੇ ਦਿਨ 8 ਦਸੰਬਰ 2018 ਨੂੰ ਰਾਮਗੜ੍ਹੀਆ ਬੋਰਡ ਲੀਡਜ਼ ਦੇ ਪੰਜਾਬੀ ਸਕੂਲ ਦੇ ਛੇ ਅਧਿਆਪਕਾਂ ਨੇ ਪੰਜਾਬੀ ਮਿਆਰੀ ਯੂਨੀਕੋਡ ਇੰਨਸਕ੍ਰਿਪਟ ਕੀਬੋਰਡ (PunjabiXL) ਦੀ ਵਰਤੋਂ ਵਾਰੇ ਵਿਚਾਰ-ਵਟਾਂਦਰਾ ਕਰਕੇ ਸਿਖਲਾਈ ਕੋਰਸ ਵਿੱਚ ਹਿੱਸਾ ਲਿਆ।

ਇਹ ਕੋਰਸ ਰਾਮਗੜ੍ਹੀਆ ਬੋਰਡ ਲੀਡਜ਼ ਕਮੇਟੀ ਦੇ ਪ੍ਰਧਾਨ ਸ: ਪ੍ਰਿਤਪਾਲ ਸਿੰਘ ਮਾਣਕੂ ਅਤੇ ਯੌਰਕਸ਼ਾਇਰ ਦੇ “ਪੰਜਾਬੀ ਅਧਿਆਪਕ ਮੰਚ” ਦੇ ਮੋਢੀਆਂ ਦੇ ਸਹਿਯੋਗ ਨਾਲ਼ ਕਰਵਾਇਆ ਗਿਆ। ਡਾ. ਬਲਦੇਵ ਸਿੰਘ ਕੰਦੋਲਾ ਜੀ ਨੇ ਅਧਿਆਪਕਾਂ ਨੂੰ ਇਸ ਮਿਆਰੀ ਕੀਬੋਰਡ ਦੀ ਹੋਂਦ ਵਾਰੇ ਅਤੇ ਇਸ ਕੀਬੋਰਡ ਦੀ ਪੰਜਾਬੀ ਭਾਸ਼ਾ ਲਈ ਵਰਤੋਂ ਵਾਰੇ ਭਰਪੂਰ ਜਾਣਕਾਰੀ ਦਿੱਤੀ।

ਡਾ. ਬਲਦੇਵ ਸਿੰਘ ਕੰਦੋਲਾ ਜੀ ਨੇ ਅਧਿਆਪਕਾਂ ਦੇ ਬੜ੍ਹੇ ਉਤਸ਼ਾਹ ਨਾਲ਼ ਪੁੱਛੇ ਸਵਾਲਾਂ ਦੇ ਜਵਾਬ ਦਿੱਤੇ। ਡਾ. ਬਲਦੇਵ ਸਿੰਘ ਕੰਦੋਲਾ ਜੀ, ਯੌਰਕਸ਼ਾਇਰ ਦੇ “ਪੰਜਾਬੀ ਅਧਿਆਪਕ ਮੰਚ” ਦੇ ਮੋਢੀਆਂ ਅਤੇ ਯੌਰਕਸ਼ਾਇਰ ਦੀ “ਪੰਜਾਬੀ ਮਿਆਰੀ ਯੂਨੀਕੋਡ ਇੰਨਸਕ੍ਰਿਪਟ ਕੀਬੋਰਡ (PunjabiXL) ਸਿਖਲਾਈ ਟੀਮ” ਨੇ ਰਾਮਗੜ੍ਹੀਆ ਬੋਰਡ ਲੀਡਜ਼ ਦੀ ਕਮੇਟੀ ਦੇ ਸਹਿਯੋਗ ਦੇਣ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ।
 
ਸੁਰਿੰਦਰ ਕੌਰ ਜਗਪਾਲ
ਕੇਵਲ ਸਿੰਘ ਜਗਪਾਲ