ਲੰਡਨ - 'ਪੰਜਾਬੀ ਸਾਹਿਤ ਸਭਾ ਗਲਾਸਗੋ' ਵਲੋਂ ਭਰਵੀਂ ਗਿਣਤੀ ਮੈਂਬਰਾਂ ਦੀ ਹਾਜ਼ਰੀ ਵਿੱਚ ਪੰਜਾਬੀ ਸਾਹਿਤ ਸਭਾ ਗਲਾਸਗੋ ਦੀ ਪੁਰਾਣੀ ਕਮੇਟੀ ਭੰਗ ਕਰਕੇ ਸਾਲ 2018-19 ਲਈ ਸਰਬਸੰਮਤੀ ਨਾਲ ਨਵੀਂ ਟੀਮ ਗਠਿਤ ਕੀਤੀ ਗਈ ਜਿਸ ਵਲੋਂ ਆਉਣ ਵਾਲੇ ਵਰ੍ਹੇ ਦੇ ਪ੍ਰੋਗਰਾਮ ਉਲੀਕਣ, ਪੰਜਾਬੀ ਅਤੇ ਪੰਜਾਬੀਅਤ ਨੂੰ ਸਮਰਪਿਤ ਸ਼ੋਅ, ਮੁਸ਼ਾਇਰੇ, ਨਾਟਕ, ਕਵੀ ਸੰਮੇਲਨ, ਬੱਚਿਆ ਦੇ ਪ੍ਰੋਗਰਾਮ ਤੇ ਪੰਜਾਬੀਅਤ ਨੂੰ ਪ੍ਰਫੁੱਲਿਤ ਕਰਨ ਲਈ ਹੋਰ ਸਿਰਤੋੜ ਯਤਨ ਕੀਤੇ ਜਾਣਗੇ।

ਹਾਜਰ ਮੈਂਬਰ ਸਾਹਿਬਾਨ ਵਲੋਂ ਸਰਬ-ਸੰਮਤੀ ਨਾਲ ਦਿਲਾਵਰ ਸਿੰਘ (ਐੱਮ ਬੀ ਈ) ਨੂੰ ਪ੍ਰਧਾਨ, ਕਮਲਜੀਤ ਕੌਰ ਵਾਇਸ ਪ੍ਰਧਾਨ, ਦਲਜੀਤ ਸਿੰਘ ਦਿਲਬਰ ਜਨਰਲ ਸੈਕਟਰੀ, ਪ੍ਰਭਜੋਤ ਕੌਰ ਵਾਇਸ ਜਨਰਲ ਸੈਕਟਰੀ, ਜਗਦੀਸ਼ ਸਿੰਘ ਖ਼ਜ਼ਾਨਚੀ, ਹਰਜੀਤ ਦੁਸਾਂਝ ਮੀਡੀਆ ਸਕੱਤਰ, ਸੁਖਰਾਜ ਸਿੰਘ ਸਹਾਇਕ ਮੀਡੀਆ ਸਕੱਤਰ, ਦਿਲਬਾਗ ਸਿੰਘ ਸੰਧੂ ਮਹੀਨਾਵਰ ਪੰਜਾਬੀ ਸੱਥ ਦੇ ਕੋਆਰਡੀਨੇਟਰ ਅਤੇ ਤਰਲੋਚਨ ਮੁਠੱਡਾ ਕਮੇਟੀ ਦੇ ਕੋਆਰਡੀਨੇਟਰ ਚੁਣੇ ਗਏ।

ਇਸ ਸੰਬੰਧੀ ਗੱਲਬਾਤ ਕਰਦਿਆਂ ਹਰਜੀਤ ਦੁਸਾਂਝ ਨੇ ਦੱਸਿਆ ਕਿ ਪੰਜਾਬੀ ਸਾਹਿਤ ਸਭਾ ਗਲਾਸਗੋ ਨੂੰ ਮਾਣ ਹੈ ਕਿ ਸਭਾ ਵਲੋਂ ਕੀਤੇ ਜਾਂਦੇ ਹਰ ਸਮਾਗਮ ਵਿੱਚ ਪੰਜਾਬੀ ਭਾਈਚਾਰੇ ਵਲੋਂ ਹਰ ਤਰ੍ਹਾਂ ਦਾ ਸਹਿਯੋਗ ਦਿੱਤਾ ਜਾਂਦਾ ਹੈ। ਇਹੀ ਮਾਣ ਸਭਾ ਦੇ ਅਹੁਦੇਦਾਰਾਂ ਨੂੰ ਤਨਦੇਹੀ ਨਾਲ ਕਾਰਜ ਕਰਦੇ ਰਹਿਣ ਦੀ ਪ੍ਰੇਰਨਾ ਦਿੰਦਾ ਹੈ।